ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങ് ഒന്നാം വർഷ കോഴ്സിലേക്കുള്ള തത്സമയ പ്രവേശനം സെപ്റ്റംബർ 12ന് തോട്ടട ഗവ. ടെക്‌നിക്കൽ ഹൈസ്‌കൂളിൽ  നടത്തും. അപേക്ഷകർ ആവശ്യമായ രേഖകൾ സഹിതം രാവിലെ 9.30 മുതൽ രജിസ്റ്റർ ചെയ്യണം. വെബ്‌സൈറ്റ്: www.polyadmission.org/gifd

താഴെ ചൊവ്വ-ആയിക്കര സ്പിന്നിങ് മിൽ റോഡിലെ എടക്കാട്, കണ്ണൂർ സൗത്ത് സ്റ്റേഷനുകൾക്കിടയിലുള്ള 240ാം നമ്പർ ലെവൽക്രോസ് സെപ്റ്റംബർ 11ന് രാവിലെ ഒമ്പത് മുതൽ വൈകീട്ട് അഞ്ച് മണി വരെ അറ്റകുറ്റപ്പണികൾക്കായി അടച്ചിടുമെന്ന് ദക്ഷിണ റെയിൽവെ അസി. ഡിവിഷണൽ എഞ്ചിനീയർ അറിയിച്ചു.
 

കെൽട്രോൺ നടത്തുന്ന ഒരു വർഷത്തെ പ്രൊഫഷണൽ ഡിപ്ലോമ ഇൻ പ്രീസ്‌കൂൾ ടീച്ചർ ട്രെയിനിങ്,  ഡിപ്ലോമ ഇൻ മോണ്ടിസ്സോറി ടീച്ചർ ട്രെയിനിങ് കോഴ്‌സുകളിലേക്ക് അപേക്ഷ ക്ഷണിച്ചു. പ്രീസ്‌കൂൾ ടീച്ചർ ട്രെയിനിങ് കോഴ്‌സിന് എസ് എസ് എൽ സിയും മോണ്ടിസ്സോറി ടീച്ചർ ട്രെയിനിങ് കോഴ്‌സിന് പ്ലസ്ടുവുമാണ് യോഗ്യത. താൽപര്യമുള്ളവർ അസ്സൽ സർട്ടിഫിക്കറ്റുകൾ സഹിതം അടുത്തുള്ള കെൽട്രോൺ നോളജ് സെന്ററിൽ ബന്ധപ്പെടുക. ഫോൺ: 9072592458.

കെൽട്രോൺ നടത്തുന്ന ഇന്ത്യൻ ആന്റ് ഫോറിൻ അക്കൗണ്ടിങ് / ടാലി കോഴ്‌സുകളിലേക്ക് അപേക്ഷ ക്ഷണിച്ചു. താൽപര്യമുള്ളവർ അസ്സൽ സർട്ടിഫിക്കറ്റുകൾ സഹിതം അടുത്തുള്ള കെൽട്രോൺ നോളജ് സെന്ററിൽ ബന്ധപ്പെടുക. ഫോൺ: 9072592412, 9072592416.

പയ്യന്നൂർ കുഞ്ഞിമംഗലം അണീക്കര ശ്രീപൂമാല ഭഗവതി ക്ഷേത്രത്തിൽ പാരമ്പര്യേതര ട്രസ്റ്റിമാരെ നിയമിക്കുന്നതിന് അപേക്ഷ ക്ഷണിച്ചു. അപേക്ഷാ ഫോറം തലശ്ശേരി അസി. കമ്മീഷണറുടെ ഓഫീസിലും മലബാർ ദേവസ്വം ബോർഡിന്റെ https://www.malabardevaswom.kerala.gov.in/ ൽ നിന്നും ലഭിക്കും. പൂരിപ്പിച്ച അപേക്ഷ സെപ്റ്റംബർ 20ന് വൈകീട്ട് അഞ്ച് മണിക്കകം തലശ്ശേരി അസിസ്റ്റന്റ് കമ്മിഷണറുടെ ഓഫീസിൽ ലഭിക്കണം.
 

വനിതാ ശിശുവികസന വകുപ്പിന് കീഴിൽ തലശ്ശേരി ഐ സി ഡി എസ് പ്രൊജക്ട് പരിധിയിൽ വരുന്ന ധർമ്മടം ഗ്രാമപഞ്ചായത്തിലെ അങ്കണവാടി വർക്കർ തസ്തികയിലേക്ക് അപേക്ഷ സമർപ്പിച്ചവർക്കുള്ള അഭിമുഖം സെപ്റ്റംബർ 11, 12 തീയതികളിൽ രാവിലെ 9.30ന് ധർമ്മടം ഗ്രാമപഞ്ചായത്ത് ഹാളിൽ നടത്തും. അപേക്ഷ സമർപ്പിച്ചവർ അഭിമുഖ കത്തും യോഗ്യതാ സർട്ടിഫിക്കറ്റുകളുടെ അസ്സലും മറ്റ് അനുബന്ധ രേഖകളും അതിന്റെ സാക്ഷ്യപ്പെടുത്തിയ പകർപ്പുകളും സഹിതം ഹാജരാകണം. ഫോൺ: 0490 2344488.

കോട്ടയം: കൊല്ലം ഇൻഡസ്ട്രിയൽ ട്രിബ്യൂണൽ സുനിത വിമൽ 2023 സെപ്റ്റംബർ 16ന് പീരുമേടും 12, 26 തിയതികളിൽ  പുനലൂരിലും മറ്റു പ്രവർത്തിദിവസങ്ങളിൽ ആസ്ഥാനത്തും തൊഴിൽ തർക്ക കേസുകളും എംപ്‌ളോയീസ് ഇൻഷുറൻസ് കേസുകളും എംപ്‌ളോയീസ് കോമ്പൻസേഷൻ കേസുകളും വിചാരണ നടത്തുന്നതാണ്.

കോട്ടയം: കേന്ദ്ര  സർക്കാർ   സംരംഭമായ   ബിസിൽ  ട്രെയിനിങ് ഡിവിഷൻ  സെപ്റ്റംബറിൽ ആരംഭിക്കുന്ന രണ്ടു വർഷം , ഒരു വർഷം , ആറു മാസം ദൈർഘ്യമുള്ള മോണ്ടിസ്സോറി , പ്രീ - പ്രൈമറി, നഴ്‌സറി  ടീച്ചർ ട്രെയിനിങ്് കോഴ്സുകൾക്ക് ഡിഗ്രി, പ്ലസ് ടു, എസ്.എസ്.എൽ.സി യോഗ്യതയുള്ള വനിതകളിൽനിന്ന് അപേക്ഷ ക്ഷണിച്ചു. വിശദവിവരങ്ങൾക്ക് ബിസിൽ ട്രെയിനിങ് ഡിവിഷൻ ഫോൺ: 7994449314

കോട്ടയം: ഓക്‌സിലിയറി നേഴ്‌സിംഗ് ആൻഡ്  മിഡ് വൈഫ് കോഴ്‌സിന്റെ 2023 - 25 വർഷത്തേക്കുള്ള തിരുവനന്തപുരം, കൊല്ലം, പത്തനംതിട്ട, കോട്ടയം എന്നീ നാലു ജില്ലകളിൽ നിന്നുള്ള അപേക്ഷാർത്ഥികളിൽനിന്നു തെരെഞ്ഞെടുക്കപ്പെട്ടവരുടെ താൽക്കാലിക സാധ്യതാപട്ടിക കോട്ടയം തലയോലപറമ്പ് ജെ.പി.എച്ച്.എൻ ട്രെയിനിംഗ് സെന്ററിൽ പ്രസിദ്ധീകരിച്ചിട്ടുണ്ട്. പട്ടിക സംബന്ധിച്ച് അക്ഷേപം ഉണ്ടെങ്കിൽ സെപ്റ്റംബർ 15ന് വൈകിട്ട് അഞ്ചു മണിക്ക് മുൻപായി പ്രിൻസിപ്പലിനെ രേഖാമൂലം അറിയിക്കണം.

കോട്ടയം : കേരള സർക്കാർ സ്ഥാപനമായ കെൽട്രോൺ ഇന്ത്യൻ ആൻഡ് ഫോറിൻ അക്കൗണ്ടിങ്  ടാലി കോഴ്‌സുകളിലേക്ക് അപേക്ഷ ക്ഷണിച്ചു . താൽപര്യമുള്ളവർ സർട്ടിഫിക്കറ്റുകൾ സഹിതം അടുത്തുള്ള കെൽട്രോൺ നോളജ് സെന്ററിൽ എത്തിച്ചേരുക. കൂടുതൽ വിവരങ്ങൾക്ക്: 9072592412, 9072592416