ജില്ലാ സൈനിക ക്ഷേമ ഓഫീസില്‍ നിന്നും പ്രതിമാസം ധനസഹായം കൈപ്പറ്റുന്ന രണ്ടാം ലോകമഹായുദ്ധ സേനാനികള്‍/ അവരുടെ വിധവകള്‍ ധനസഹായം തുടര്‍ന്നും ലഭിക്കുന്നതിന് ലൈഫ് സര്‍ട്ടിഫിക്കറ്റ് ജില്ലാ സൈനിക ക്ഷേമ  ഓഫീസില്‍ ഹാജരാക്കണം.  ഫോണ്‍ 0483 2734932.

                സാമൂഹ്യനീതി വകുപ്പിനു കീഴിലെ കണിയാമ്പറ്റ ഗവ.ഒബ്‌സര്‍വേഷന്‍ ഹോം ആന്‍ഡ് സ്‌പെഷ്യല്‍ ചില്‍ഡ്രന്‍സ് ഹോമില്‍ മള്‍ട്ടി ടാസ്‌ക് കെയര്‍ പ്രൊവൈഡര്‍ നിയമനത്തിനായുള്ള കൂടിക്കാഴ്ച ഡിസംബര്‍ 5ന് രാവിലെ 11ന് നടക്കും. എട്ടാംതരം പാസയ പ്രവൃത്തി പരിചയമുള്ളവര്‍ക്ക് കൂടിക്കാഴ്ചയില്‍ പങ്കെടുക്കാം.  ഫോണ്‍ 04936 286900, 9496218778.

ഡിസംബര്‍ രണ്ടിന് നടത്താന്‍ തീരുമാനിച്ചിരുന്ന പെരിന്തല്‍മണ്ണ താലൂക്ക് വികസന സമിതിയോഗം പൊതു അവധിയായതിനാല്‍ മാറ്റിവെച്ചു.

ഇരകള്‍ക്ക് നീതി ലഭ്യമാക്കാന്‍ വ്യക്തിനിയമങ്ങളുടെ പരിമിതികള്‍ തടസ്സമാകുന്നുവെന്ന് സംസ്ഥാന വനിതാ കമ്മീഷന്‍ അംഗം അഡ്വ. എം.എസ് താര. ബഹുഭാര്യാത്വവും വിവാഹമോചനവും മൂലം ജില്ലയില്‍ സ്ത്രീകള്‍ കൂടുതല്‍ ദുരിതമനുഭവിക്കുന്നുണ്ട്. നിരാലംബരായ ഇത്തരം സ്ത്രീകളുടെ പരാതികളാണ് മറ്റ് ജില്ലകളില്‍ നിന്ന് വ്യത്യസ്തമായി ഇവിടെ നിന്ന് ലഭിച്ചതെന്നും വനിതാ കമ്മീഷന്‍ കളക്ടറേറ്റില്‍ നടത്തിയ അദാലത്തിന് ശേഷം  അഡ്വ. താര പറഞ്ഞു.