അരീക്കോട്  ഗവ.   ഐ.ടി.ഐ.യിലേയ്ക്ക്  എ.സി.ഡി  വിഷയത്തില്‍   ഗസ്റ്റ്  ഇന്‍സ്ട്രക്ടറുടെ ഒഴിവിലേക്ക് അപേക്ഷ ക്ഷണിച്ചു. ഏതെങ്കിലും എഞ്ചിനീയറിംഗ് വിഭാഗത്തില്‍ ഡിപ്ലോമ/ബി.ടെക് ബിരുദം / ഫിറ്റര്‍,  മെഷിനിസ്റ്റ്  എന്നീ ട്രേഡുകളിലെ എന്‍ ടി സി യും മൂന്ന് വര്‍ഷത്തെ പ്രവൃത്തി പരിചയവുമാണ് യോഗ്യത.  താത്പര്യമുള്ളവര്‍ അസ്സല്‍ സര്‍ട്ടിഫിക്കറ്റുകളുമായി  ഡിസംബര്‍ നാലിന് രാവിലെ 10.30-ന് പ്രിന്‍സിപ്പാള്‍ മുമ്പാകെ കൂടിക്കാഴ്ചയ്ക്ക് എത്തണം.     ഫോണ്‍ 0483 2850238

    ജില്ലയിലെ തദ്ദേശ സ്വയംഭരണ സ്ഥാപനങ്ങളുടെ പദ്ധതി പ്രവര്‍ത്തനങ്ങളുടെ പുരോഗതി വിലയിരുത്തുന്നതിന് ബ്ലോക്ക് / നഗരസഭ / ജില്ലാ പഞ്ചായത്ത് തലത്തില്‍ പുരോഗതി അവലോകന യോഗങ്ങള്‍ ഡിസംബര്‍ അഞ്ചു മുതല്‍ നടക്കുന്നു.  യോഗങ്ങളില്‍ തദ്ദേശ സ്വയംഭരണ അധ്യക്ഷ•ാര്‍, സെക്രട്ടറിമാര്‍, നിര്‍വ്വഹണ ഉദ്യോഗസ്ഥര്‍ എന്നിവര്‍ താഴെ കൊടുക്കുന്ന തിയ്യതികളിലും സ്ഥലത്തും പങ്കെടുക്കണം.
    ഡിസംബര്‍ അഞ്ചിന് രാവിലെ 10 ന് നടക്കുന്ന യോഗങ്ങളില്‍ താനൂര്‍, മങ്കട, വണ്ടൂര്‍, തിരൂരങ്ങാടി ബ്ലോക്ക് പഞ്ചായത്തുകളും  അതിലുള്‍പ്പെടുന്ന ഗ്രാമ പഞ്ചായത്തുകളും അതത് ബ്ലോക്ക് പഞ്ചായത്ത് ഹാളില്‍ നടക്കുന്ന യോഗങ്ങളില്‍ പങ്കെടുക്കണം.

ഇര്‍ഫാന്‍ മുഹമ്മദ് ഇനി പൂര്‍ണമായും ഇന്ത്യന്‍ പൗരനാണ്. ജനിച്ചത് അമേരിക്കയിലെ വെര്‍ജീനിയയിലാണെങ്കിലും നാട് അവന് ഒരിക്കലും അന്യമായിരുന്നില്ല. പഠിച്ചതും വളര്‍ന്നതുമൊക്കെ നാട്ടില്‍ തന്നെ. പക്ഷേ രേഖകളില്‍ അവന്‍ അമേരിക്കന്‍ പൗരനായിരുന്നു. രണ്ടുവര്‍ഷത്തെ കാത്തിരിപ്പിനൊടുവില്‍ ഇന്നലെയാണ് ഇര്‍ഫാന് പൗരത്വരേഖകള്‍ കൈമാറിയത്. മലപ്പുറം കളക്ടറേറ്റില്‍ നടന്ന ചടങ്ങില്‍ ജില്ലാ കളക്ടര്‍ അമിത് മീണ ഇര്‍ഫാന് സര്‍ട്ടിഫിക്കറ്റ് നല്‍കി.