വാത്സല്യം/ശലഭം പദ്ധതിയുടെ ജില്ലാതല ഉദ്ഘാടനവും ഫേസ്ബുക്ക് പേജ്, വാട്‌സ് ആപ്പ് ഗ്രൂപ്പ് ഓപ്പണിങ്ങും ഡിസ്ട്രിക്ട് ഏര്‍ളി ഇന്റര്‍വെന്‍ഷന്‍ സെന്ററില്‍ ജില്ലാ മെഡിക്കല്‍ ഓഫീസര്‍ ഡോ.കെ.സുഹിത നിര്‍വഹിച്ചു. നവജാത ശിശു സ്‌ക്രീനിങ്ങ് പരിപാടി പ്രസവം നടക്കുന്ന എല്ലാ സര്‍ക്കാര്‍ ആശുപത്രികളിലും പദ്ധതി വ്യാപിപ്പിക്കും.

തൃശൂര്‍ നെഹ്‌റു യുവകേന്ദ്രയുടെ ആഭിമുഖ്യത്തില്‍ നെഹ്‌റു ജയന്തി-നെഹ്‌റു യുവകേന്ദ്ര സ്ഥാപകദിനാഘോഷം നടത്തി. അയ്യന്തോള്‍ നെഹ്‌റു യുവകേന്ദ്ര അങ്കണത്തില്‍ നടന്ന പരിപാടി ജില്ലാ വ്യവസായ കേന്ദ്രം ജനറല്‍ മാനേജര്‍ ഡോ.കെ.എസ്.കൃപകുമാര്‍ ഉദ്ഘാടനം ചെയ്തു. കോര്‍പ്പറേഷന്‍ കൗണ്‍സിലര്‍ എ പ്രസാദ് അദ്ധ്യക്ഷത വഹിച്ചു.

ജില്ലാ യൂത്ത് പ്രോഗ്രാം ഓഫീസര്‍ ബി ഷീജ, ഒ നന്ദകുമാര്‍ തുടങ്ങിയവര്‍ പങ്കെടുത്തു. ജില്ലാതല പ്രശ്‌നോത്തരി മത്സരത്തില്‍ വിമല്‍ മെഞ്ചമിന്‍, ഷംനാഥ് എം കെ, ഷിന്റ്റോ ജോണ്‍സണ്‍ എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി.
 

തളിക്കുളം ഐ.സി.ഡി.എസിന്റെ കീഴിലുളള 133 അങ്കണവാടികളിലേക്ക് കണ്ടിജന്‍സി സാധനങ്ങള്‍ വിതരണം ചെയ്യുന്നതിന് ടെണ്ടര്‍ ക്ഷണിച്ചു.

കൂടുതല്‍ വിവരങ്ങള്‍ക്ക് ഫോണ്‍ : 0487-2394522.
 

ജില്ലാ പട്ടികജാതി വികസന ഓഫീസിന്റെ  ഔദ്യോഗിക ആവശ്യങ്ങള്‍ക്കായി മൂന്ന് എ.സി.കാര്‍ ഡ്രൈവര്‍മാര്‍ സഹിതം വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു.

ക്വട്ടേഷന്‍ സ്വീകരിക്കുന്ന അവസാന നവംബര്‍ 25 ഉച്ചയ്ക്ക് 3 മണി. കൂടുതല്‍ വിവരങ്ങള്‍ക്ക് ഫോണ്‍ : 0487-2360381.
 

തൃശൂര്‍ മഹാരാജാസ് ടെക്‌നോളജിക്കല്‍ ഇന്‍സ്റ്റിറ്റ്യൂട്ടിലെ ലൈബ്രറിയിലെ കേടു വന്ന  പുസ്തകങ്ങളും മെക്കാനിക്കല്‍ വര്‍ക്ക് ഷോപ്പിലെ ഉപയോഗശൂന്യമായ മരത്തിന്റെ ഒരു റാക്കും ഡിസംബര്‍ 4 രാവിലെ 11 ബോയ്‌സ് ഹോസ്റ്റല്‍ പരിസരത്തു ലേലം ചെയ്യും. കൂടുതല്‍ വിവരങ്ങള്‍ക്ക് ഫോണ്‍ :  0487-2333290.
 

ഗ്രാമപഞ്ചായത്തുകളുടെ പ്രാദേശിക വികസന രൂപ രേഖ തയ്യാറാക്കുന്നതിന്റെ ഭാഗമായി ഭൂവിനിയോഗ സര്‍വെ, സാമൂഹ്യ-സാമ്പത്തിക സര്‍വെ എന്നിവ  ചെയ്യുന്നതിനായി ദിവസവേതനാടിസ്ഥാനത്തില്‍ താല്‍ക്കാലിക നിയമനം നടത്തുന്നു. ഭൂവിനിയോഗ സര്‍വെ ചെയ്യുന്നതിന്  ചെയിന്‍ സര്‍വെ ഐ.ടി.ഐ / ഐ.ടി.സി അല്ലെങ്കില്‍ ഡിപ്ലോമ (സിവില്‍, സര്‍വെ) യാണ് യോഗ്യത. സാമൂഹ്യ-സാമ്പത്തിക സര്‍വെ ചെയ്യുന്നതിന് പത്താം ക്ലാസ്സാണ് യോഗ്യത.

നവംബര്‍ 17 ന് നടത്താനിരുന്ന ജില്ലാ ആസൂത്രണ സമിതി യോഗം നവംബര്‍ 16 വൈകീട്ട് 4 മണിക്ക്  മാറ്റിയതായി ജില്ലാ പ്ലാനിംഗ് ഓഫീസര്‍ അറിയിച്ചു.
 

കൊടുങ്ങല്ലൂര്‍ ശ്രീ കുരുംബ ഭഗവതി ക്ഷേത്രം താലപ്പൊലി മഹോല്‍സവത്തോടനുബന്ധിച്ച് കാവ് പുറമ്പോക്ക് ലേലം നവംബര്‍ 25 രാവിലെ 11 ന് കൊടുങ്ങല്ലൂര്‍ മിനി സിവില്‍ സ്റ്റേഷന്‍ കോണ്‍ഫറന്‍സ് ഹാളില്‍ നടക്കും.

2018 ജനുവരി 11 മുതല്‍ 21 വരെയാണ് ഉത്സവം. ലേലത്തില്‍ പങ്കെടുക്കുന്നവര്‍ തിരിച്ചറിയല്‍ കാര്‍ഡ് നല്‍കണം.  ലേലത്തിനു അരമണിക്കൂര്‍ മുമ്പ് വരെ ക്വട്ടേഷന്‍ സ്വീകരിക്കും.  ഇ-മെയില്‍ thlrkdr.ker@nic.in .ഫോണ്‍ 0480-2802336.

തൃശൂര്‍ കേരള പോലീസ് അക്കാദമി ഡയറക്ടറുടെ കീഴിലെ അക്കാദമി മോട്ടോര്‍ ട്രാന്‍സ്‌പോര്‍ട്ട് ഇന്‍സ്‌പെക്ടറുടെ കാര്യാലയത്തില്‍ സൂക്ഷിച്ചിട്ടുളള അഞ്ച് വാഹനങ്ങള്‍ ഡിസംബര്‍ 13 രാവിലെ 11 ന് ലേലം ചെയ്യും.

ക്വട്ടേഷന്‍ സ്വീകരിക്കുന്ന അവസാന തീയതി ഡിസംബര്‍ 12. കൂടുതല്‍ വിവരങ്ങള്‍ക്ക് ഫോണ്‍ : 0487-2328770. 
 

ജില്ലയില്‍ തീര്‍പ്പാക്കാത്ത ഫയലുകളില്‍ തീര്‍പ്പ് കല്‍പ്പിക്കുന്നതിനുളള ഫയല്‍ അദാലത്ത് ഡിസംബര്‍ 6 ന് രാവിലെ 11 മുതല്‍ 4 വരെ അയ്യന്തോള്‍ ജില്ലാ നഗര-ഗ്രാമാസൂത്രണ കാര്യാലയത്തില്‍ നടക്കും. ചീഫ് ടൗണ്‍ പ്ലാനറുടെ നേതൃത്വത്തിലാണ് അദാലത്ത്. ജില്ലാ നഗരാസൂത്രണ കാര്യാലയത്തില്‍ 2017 ഒക്‌ടോബര്‍ 31 ന് മുമ്പ് തീര്‍പ്പാക്കാത്ത ഫയലുകളില്‍ ആക്ഷേപമുണ്ടെങ്കില്‍ അദാലത്തില്‍ പരിഹാരം തേടാം.