വൈപ്പിനിലെ ശുചീകരണപ്രവര്‍ത്തനങ്ങള്‍ പൂര്‍ത്തിയായി

കാക്കനാട്: ഓഖി ചുഴലിക്കാറ്റിനെ തുടര്‍ന്ന് കടലില്‍ അകപ്പെട്ട 200 മത്സ്യത്തൊഴിലാളികള്‍ ഇന്നലെ (ഡിസംബര്‍ 15) തിരിച്ചെത്തി. 20 ബോട്ടുകളാണ് ഇന്നലെ തിരിച്ചെത്തിയത്. ഇനി കൊച്ചിയില്‍ നിന്നു പോയ 14 ബോട്ടുകളാണ് തിരിച്ചെത്താനുള്ളത്. 

ഇതുവരെ ജില്ലയില്‍ കണ്ടെത്തിയ ഒന്‍പത് മൃതദേഹങ്ങളില്‍ ആകെ മൂന്നെണ്ണം തിരിച്ചറിഞ്ഞിട്ടുണ്ട്. ബാക്കിയുള്ള ആറ് മൃതദേഹങ്ങള്‍  എറണാകുളം ജനറല്‍ ആശുപത്രിയിലും തൃപ്പൂണിത്തുറ ഗവ. ആശുപത്രിയിലും ആലുവ ഗവ. ആശുപത്രിയിലും സൂക്ഷിച്ചിരിക്കുകയാണ്.   

വരള്‍ച്ചാ പ്രതിരോധ പ്രവര്‍ത്തനം:  കനാലുകളുടെ ശുചീകരണം  പൂര്‍ത്തീകരിക്കും
ജലവിതരണം ജനുവരി 11 മുതല്‍  ആരംഭിക്കും
 
വരള്‍ച്ചാ പ്രതിരോധ പ്രവര്‍ത്തന മുന്നൊരുക്കങ്ങളുടെ ഭാഗമായി ജില്ലയിലെ കനാലുകളുടെ ശുചീകരണ പ്രവൃത്തികള്‍ പൂര്‍ത്തീകരിച്ച് ജലവിതരണം ആരംഭിക്കും. ജില്ലാ കളക്ടര്‍ കെ മുഹമ്മദ് വൈ സഫീറുള്ളയുടെ അദ്ധ്യക്ഷതയില്‍ എംഎല്‍എമാരായ വി പി സജീന്ദ്രന്‍, ആന്റണി ജോണ്‍, എല്‍ദോ എബ്രഹാം, റോജി എം ജോണ്‍, അന്‍വര്‍ സാദത്ത് എന്നിവരും ബന്ധപ്പെട്ട ഉദ്യോഗസ്ഥരും പങ്കെടുത്ത യോഗത്തിലാണ് തീരുമാനം.

ജനുവരി 12, 13 തിയതികളില്‍ തിരുവനന്തപുരത്തു നടക്കുന്ന ലോക കേരള സഭ വിജയിപ്പിക്കുന്നതിന് കേരളത്തിലെ പ്രവാസികളുടെ ക്ഷേമത്തിനും ഉന്നമനത്തിനുമായി പ്രവര്‍ത്തിക്കുന്ന സംഘടനകളുടെ സംസ്ഥാന ഭാരവാഹികളുടെ യോഗം ഡിസംബര്‍ 19 വൈകിട്ട് മൂന്നിന് തമ്പാനൂര്‍ ചൈത്രം ഹോട്ടല്‍ കോണ്‍ഫറന്‍സ് ഹാളില്‍ ചേരും.  പ്രവാസി മേഖലയില്‍ പ്രവര്‍ത്തിക്കുന്ന സംഘടനകളുടെ ഭാരവാഹികള്‍ യോഗത്തില്‍ പങ്കെടുത്ത് നിര്‍ദേശങ്ങള്‍ അറിയിക്കണമെന്ന് കേരള പ്രവാസിക്ഷേമ ബോര്‍ഡ് ചെയര്‍മാന്‍ അറിയിച്ചു.

പി.എന്‍.എക്‌സ്.5355/17

കേരളത്തില്‍ പ്രവര്‍ത്തിക്കുന്ന സി.ബി.എസ്.ഇ., ഐ.സി.എസ്.സി, നവോദയ, കേന്ദ്രീയ വിദ്യാലയങ്ങള്‍ തുടങ്ങിയ സ്ഥാപനങ്ങളില്‍ നിന്നുള്ള കായിക താരങ്ങളെ പങ്കെടുപ്പിച്ച്  കേരള സ്റ്റേറ്റ് സ്‌പോര്‍ട്‌സ് കൗണ്‍സില്‍ സ്‌പോര്‍ട്‌സ് മീറ്റ് നടത്തും.  കേന്ദ്രീയ സിലബസില്‍ പ്രവര്‍ത്തിക്കുന്ന എല്ലാ സ്‌കൂളുകളിലും പ്രാധാന്യമുള്ള കായിക ഇനങ്ങളില്‍ മാത്രം മത്സരം നടത്താനാണ് തീരുമാനം.  ആദ്യ സംരംഭം എന്ന നിലയില്‍ ഇപ്പോള്‍ അത്‌ലറ്റിക്‌സില്‍ മാത്രം മത്സരങ്ങള്‍ സംഘടിപ്പിക്കും. അടുത്ത തവണ വിപുലമായി കായിക ഇനങ്ങളുടെ എണ്ണം വര്‍ദ്ധിപ്പിച്ച് മത്സരങ്ങള്‍ നടത്തും.

സംസ്ഥാന തണ്ണീര്‍ത്തട അതോറിറ്റിയിലേക്ക് കരാറടിസ്ഥാനത്തില്‍ ഒരു വര്‍ഷത്തേക്ക് പ്രോജക്ട് സയന്റിസ്റ്റിനെയും ഒരു ഡാറ്റാ എന്‍ട്രി ഓപ്പറേറ്ററെയും നിയമിക്കുന്നു.  യോഗ്യരായ ഉദ്യോഗാര്‍ത്ഥികള്‍ യോഗ്യത തെളിയിക്കുന്ന രേഖകള്‍ സഹിതം സംസ്ഥാന തണ്ണീര്‍ത്തട അതോറിറ്റി ചീഫ് എക്‌സിക്യൂട്ടീവ് ഓഫീസറുടെ കാര്യാലയത്തില്‍  (പരിസ്ഥിതി, കാലാവസ്ഥാ വ്യതിയാന ഡയറക്ടറേറ്റ്, പള്ളിമുക്ക്, പേട്ട, തിരുവനന്തപുരം) ഡിസംബര്‍ 27 രാവിലെ 11 ന്  നടക്കുന്ന അഭിമുഖത്തില്‍ പങ്കെടുക്കണം. കൂടുതല്‍ വിവരങ്ങള്‍ക്ക് www.envt.kerala.gov.in 

പി.എന്‍.എക്‌സ്.5353/17

സര്‍വ്വേ ആന്റ് ലാന്റ് റെക്കോര്‍ഡ്‌സ് വകുപ്പില്‍ സര്‍വ്വേയര്‍ ഗ്രേഡ് രണ്ട് (കാറ്റഗറി നമ്പര്‍ 415/15) തസ്തികയുടെ നവംബര്‍ ഏഴിന് പ്രസിദ്ധീകരിച്ച സാധ്യതാ പട്ടികയിലുള്‍പ്പെട്ട മലപ്പുറം, കോഴിക്കോട്, വയനാട്, കണ്ണൂര്‍, കാസര്‍ഗോഡ് ജില്ലകളിലെ ഉദ്യോഗാര്‍ത്ഥികളുടെ ഒറ്റത്തവണ വെരിഫിക്കേഷന്‍ കേരള പബ്ലിക് സര്‍വ്വീസ് കമ്മീഷന്‍ കോഴിക്കോട് മേഖലാ ഓഫീസില്‍ ഡിസംബര്‍ 15 മുതല്‍ 2018 ജനുവരി മൂന്ന് വരെ രാവിലെ 10 മുതല്‍ നടത്തും.

സംസ്ഥാന കേരളോത്സവത്തിന്റെ കായികമേളയില്‍ തിരുവനന്തപുരം ജില്ല  ഓവറോള്‍ ചാമ്പ്യന്‍ഷിപ്പ് നേടി. 55 ഇനങ്ങളിലായി നാലായിരത്തോളം പ്രതിഭകള്‍ മാറ്റുരച്ച കായികമേളയില്‍ 193 പോയിന്റോടെയാണ് ആതിഥേയര്‍ ഓവറോള്‍ ചാമ്പ്യന്‍മാരായത്. 151 പോയിന്റോടെ കണ്ണൂര്‍ ജില്ല രണ്ടാം സ്ഥാനവും 145 പോയിന്റോടെ പാലക്കാട് ജില്ല മൂന്നാം സ്ഥാനവും കരസ്ഥമാക്കി. മൂന്നു ദിവസങ്ങളിലായി യൂണിവേഴ്‌സിറ്റി സ്റ്റേഡിയം, ചന്ദ്രശേഖരന്‍ നായര്‍ സ്റ്റേഡിയം, ജിമ്മിജോര്‍ജ് ഇന്‍ഡോര്‍ സ്റ്റേഡിയം, നീന്തല്‍ക്കുളം, സെന്‍ട്രല്‍ സ്റ്റേഡിയം, വൈ.എം.സി.എ എന്നിവിടങ്ങളിലാണ് മത്സരങ്ങള്‍ നടന്നത്.

വിവിധ ദേവസ്വങ്ങളില്‍ ശാന്തി തസ്തികയിലെ നിയമനത്തിന് ശാന്തി ജോലിയിലുള്ള പ്രവൃത്തിപരിചയം തെളിയിക്കുന്ന സര്‍ട്ടിഫിക്കറ്റുകള്‍ നല്‍കാന്‍ യോഗ്യതയുള്ള ക്ഷേത്രപൂജകളും താന്ത്രികവിദ്യയും അഭ്യസിപ്പിക്കുന്ന സ്ഥാപനങ്ങളുടെ പട്ടിക കേരള ദേവസ്വം റിക്രൂട്ട്‌മെന്റ് ബോര്‍ഡ് സംസ്ഥാനാടിസ്ഥാനത്തില്‍ വിപുലീകരിക്കുന്നു.  ഇതില്‍ ഉള്‍പ്പെടാന്‍ ആഗ്രഹിക്കുന്ന സ്ഥാപനങ്ങള്‍ തങ്ങളുടെ രജിസ്‌ട്രേഷന്‍ നമ്പര്‍, കോഴ്‌സുകള്‍, പാഠ്യപദ്ധതി, പഠനരീതി തുടങ്ങിയ വിശദവിവരങ്ങളും തെളിയിക്കുന്നതിനുള്ള രേഖകളുണ്ടെങ്കില്‍ അതിന്റെ ശരിപകര്‍പ്പും സഹിതം സെക്രട്ടറി, കേരള ദേവസ്വം റിക്രൂട്ട്‌മെന്റ് ബോര്‍ഡ്, ആയുര്‍വേദ കേളേജ് ജംഗ്ഷന്‍, എം.ജി.

കോഴിക്കോട് ഗവണ്‍മെന്റ് ചില്‍ഡ്രന്‍സ് ഹോം ഫോര്‍ ഗേള്‍സിലെ മുന്‍കാല താമസക്കാരെ പങ്കെടുപ്പിച്ച് കുട്ടികളുടെ ഒത്തുചേരലിനും അനുഭവം പങ്കുവെക്കലിനുമായി പൂര്‍വവിദ്യാര്‍ത്ഥി സംഗമം നടത്തുന്നു. സംഗമത്തില്‍ പങ്കെടുക്കുന്നതിന് എല്ലാ മുന്‍കാല താമസക്കാരും ഡിസംബര്‍ 28 ന് രാവിലെ 9.30 ന് കോഴിക്കോട് ഗവണ്‍മെന്റ് ചില്‍ഡ്രന്‍സ് ഹോം ഫോര്‍ ഗേള്‍സില്‍ എത്തിച്ചേരണം.

പി.എന്‍.എക്‌സ്.5349/17

ഇതര സംസ്ഥാന തൊഴിലാളികള്‍ക്കുവേണ്ടി സംസ്ഥാന സാക്ഷരതാ മിഷന്‍ നടപ്പാക്കുന്ന സാക്ഷരതാ പരിപാടി (ചങ്ങാതി) രാജ്യത്തിനുതന്നെ മാതൃകയാണെന്ന് തൊഴില്‍ വകുപ്പ് മന്ത്രി ടി.പി. രാമകൃഷ്ണന്‍ പറഞ്ഞു. ഇതു സംബന്ധിച്ച തദ്ദേശ സ്വയം ഭരണ സ്ഥാപനങ്ങളുടെ പ്രതിനിധികളുടെ യോഗം ഉദ്ഘാടനം ചെയ്യുകയായിരുന്നു അദ്ദേഹം. 

    സാക്ഷരതയില്‍ കേരളം ഒന്നാമതാണ്. പ്രാദേശിക സര്‍ക്കാരുകളുടെ നേതൃത്വത്തില്‍ എല്ലാ വിഭാഗം ജനങ്ങളെയും സഹകരിപ്പിച്ചാണ് സംസ്ഥാനം ഈ നേട്ടം കൈവരിച്ചത്. സാക്ഷരതാ പ്രസ്ഥാനം കൈവരിച്ച വിജയത്തിന്റെ അനുഭവത്തിലാണ് ഇപ്പോള്‍ ഇതര സംസ്ഥാന തൊഴിലാളികളെ മലയാളം പഠിപ്പിക്കാന്‍ സാക്ഷരതാമിഷന്‍ ഒരുങ്ങുന്നത്.