ജില്ലയില്‍ സാങ്കേതിക വിദ്യാഭ്യാസ വകുപ്പില്‍ ട്രേഡ്‌സ്മാന്‍(പോളിമര്‍ ടെക്‌നോളജി-കാറ്റഗറി നമ്പര്‍ 522/15) തസ്തികയുടെ സാധ്യതാ പട്ടികയില്‍ ഉള്‍പ്പെട്ടിട്ടുള്ള ഉദ്യോഗാര്‍ഥികളുടെ ഒറ്റത്തവണ പ്രമാണ പരിശോധന ഈമാസം 14നും 15നും ജില്ലാ പിഎസ് സി ഓഫീസില്‍ നടക്കും.

ഉദ്യോഗാര്‍ഥികള്‍ പേര്, ജനന തീയതി, യോഗ്യതകള്‍, സംവരണാനുകൂല്യം എന്നിവ തെളിയിക്കുന്ന രേഖകള്‍ സ്‌കാന്‍ ചെയ്ത് പ്രൊഫൈലില്‍ അപ് ലോഡ് ചെയ്ത ശേഷം പ്രൊഫൈലില്‍ അനുവദിച്ചു ലഭിക്കുന്ന തീയതിയിലും  സമയത്തും പ്രമാണ പരിശോധനയ്ക്ക് ഹാജരാകണമെന്ന് ജില്ലാ പിഎസ് സി ഓഫീസര്‍ അറിയിച്ചു. ഫോണ്‍: 0468-2222665. 

 നവകേരള സൃഷ് ടിക്കായുള്ള സംസ്ഥാന സര്‍ക്കാരിന്റെ വികസന മിഷനുകളുടെ പ്രവര്‍ത്തനങ്ങളില്‍ ജില്ല  മുന്നേറുന്നു. ലൈഫ്, ഹരിതകേരളം, പൊതുവിദ്യാഭ്യാസ സംരക്ഷണ യജ്ഞം,  ആര്‍ദ്രം തുടങ്ങിയ മിഷനുകളിലൂടെ ശ്രദ്ധേയമായ പ്രവര്‍ത്തനങ്ങളാണ് ജില്ലയില്‍ നടത്തുന്നതെന്ന് ജില്ലാ മിഷന്‍ ചെയര്‍മാനും ജില്ലാ പഞ്ചായത്ത് പ്രസിഡന്റുമായ അന്നപൂര്‍ണാദേവി പറഞ്ഞു.  നവകേരള സൃഷ്ടിക്കായുള്ള  മിഷന്‍ പ്രവര്‍ത്തനങ്ങള്‍ വിലയിരുത്താന്‍ കളക് ട്രേറ്റില്‍ ചേര്‍ന്ന അവലോകന യോഗത്തില്‍ അധ്യക്ഷത വഹിക്കുകയായിരുന്നു പ്രസിഡന്റ്. 

ജില്ലയിലെ തദ്ദേശഭരണ സ്ഥാപനങ്ങള്‍ പദ്ധതി തുക വിനിയോഗം വര്‍ധിപ്പിക്കുന്നതിന് അടിയന്തര നടപടികള്‍ സ്വകരിക്കണമെന്ന് ജില്ലാ പഞ്ചായത്ത് പ്രസിഡന്റ് അന്നപൂര്‍ണാദേവി പറഞ്ഞു. തദ്ദേശ സ്ഥാപനങ്ങളുടെ വാര്‍ഷിക പദ്ധതി ഭേദഗതികള്‍ അംഗീകരിക്കുന്നതിനായി കളക്ടറേറ്റില്‍ ചേര്‍ന്ന ജില്ലാ ആസൂത്രണ സമിതി യോഗത്തില്‍ സംസാരിക്കുകയായിരുന്നു പ്രസിഡന്റ്. 

സാമൂഹ്യനീതി വകുപ്പിന് കീഴിലുള്ള കോഴഞ്ചേരി ഗവണ്‍മെന്റ് മഹിളാ മന്ദിരത്തില്‍ മള്‍ട്ടി ടാസ്‌ക് കെയര്‍ പ്രൊവൈഡറെ താത്ക്കാലിക അടിസ്ഥാനത്തില്‍ നിയമിക്കുന്നു.

25നും 50നും മധ്യേ പ്രായമുള്ള എട്ടാം ക്ലാസ് പാസായ വനിതകള്‍ക്ക് അപേക്ഷിക്കാം. താത്പര്യമുള്ളവര്‍ ഈ മാസം 13ന്  രാവിലെ 11ന് കോഴഞ്ചേരി ഗവണ്‍മെന്റ് മഹിളാമന്ദിരത്തില്‍ നടക്കുന്ന കൂടിക്കാഴ്ചയില്‍ പങ്കെടുക്കണം. 

ക്ഷീരവികസന വകുപ്പിന്റെ ആഭിമുഖ്യത്തില്‍ പാല്‍ ഉപഭോക്തൃ മുഖാമുഖം പരിപാടി നടത്തുന്നു.പാലക്കാട് സര്‍വീസ് സഹകരണ ബാങ്ക് ഹാളില്‍ നവംബര്‍ 15-ന് വൈകീട്ട് മൂന്നിന് പാലക്കാട് നഗരസഭ ചെയര്‍പേഴ്സണ്‍ പ്രമീള ശശിധരന്‍ പരിപാടി ഉദ്ഘാടനം ചെയ്യും. കഞ്ചിക്കോട്  ഓയസ്‌ക ചാപ്റ്റര്‍ പ്രസിഡന്റ് പ്രൊഫ.ലതാ നായര്‍ അധ്യക്ഷയാകും. ക്ഷീരവികസന വകുപ്പ് ഡെപ്യൂട്ടി ഡയറക്ടര്‍ പി.എ ബീന മുഖ്യപ്രഭാഷണം നടത്തും.

കേരള സംസ്ഥാന ബാലാവകാശ സംരക്ഷണ കമ്മീഷന്‍ നവംബര്‍ 14 മുതല്‍ 20 വരെ ബാലാവകാശവാരമായി ആഘോഷിക്കുന്നതിന്റെ ഭാഗമായി  ജില്ലാ ശിശു സംരക്ഷണ യൂനിറ്റ് 'ബാല്യം' വിഷയത്തെ ആസ്പദമാക്കി  ഫൊട്ടോഗ്രഫി മത്സരം നടത്തുന്നു.

മികച്ച റെസലൂഷനുള്ള  എഡിറ്റിങും കോപ്പി റൈറ്റും ചെയ്യപ്പെടാത്ത ചിത്രങ്ങള്‍ ഉചിതമായ അടികുറിപ്പ് സഹിതം dcpupkdnov14@gmail.com -ലേക്ക് നവംബര്‍ 17നകം അയയ്ക്കണം. മികച്ച കലാസൃഷ്ടികള്‍ക്ക് സമ്മാനങ്ങള്‍ ലഭിക്കും.  

ഗാര്‍ഹിക കീടനാശിനികളുടെ വില്‍പ്പന സംബന്ധിച്ച് പൊതുജനങ്ങള്‍ക്കിടയിലും  വില്പന - വിതരണക്കാര്‍ക്കിടയിലും ബോധവത്കരണം നടത്തുന്നതിന് കാര്‍ഷിക വികസന കര്‍ഷകക്ഷേമ വകുപ്പ് ജില്ലയില്‍ നവംബര്‍13 മുതല്‍ 18 വരെ  കാംപെയ്ന്‍ നടത്തുന്നു.  

കീടനാശിനി വിഭാഗത്തില്‍പ്പെടുന്ന ഇത്തരം ഉലപന്നങ്ങളുടെ വിതരണത്തിലും വില്പനയിലും പാലിക്കേണ്ട നിയമാനുസൃത വ്യവസ്ഥങ്ങള്‍ , സുരക്ഷിത ഉപയോഗത്തിന്റെ പ്രാധാന്യം,  കൈകാര്യം ചെയ്യുമ്പോള്‍ ശ്രദ്ധിക്കേണ്ട കാര്യങ്ങള്‍ തുടങ്ങിയവ സംബന്ധിച്ചാണ് ബേ#ാധവത്കരണം .

സമഗ്ര ആരോഗ്യ ഇന്‍ഷൂറന്‍സ്  (ആര്‍.എസ്.ബി.വൈ) പദ്ധതിയില്‍ അംഗമാകാത്ത മത്സ്യ തൊഴിലാളികളുടെ 2018-19 വര്‍ഷത്തെ  രജിസ്‌ട്രേഷന്‍ തുടങ്ങിയതായി ഫിഷറീസ് ഡെപ്യൂട്ടി ഡയറക്ടര്‍ അറിയിച്ചു.

താത്പര്യമുള്ളവര്‍ റേഷന്‍ കാര്‍ഡ് , ആധാര്‍ കാര്‍ഡ് , ഫിഷറീസ് തിരിച്ചറിയല്‍ കാര്‍ഡ്, മത്സ്യതൊഴിലാളിക്ഷേമനിധി ബോര്‍ഡ് അംഗത്വ രേഖ എന്നിവയും പകര്‍പ്പുമായി അക്ഷയകേന്ദ്രത്തിലോ മലമ്പുഴ ഫിഷറീസ് ഡെപ്യുട്ടി ഡയറക്ടറുടെ കാര്യാലയത്തിലോ നവംബര്‍ 15നകം എത്തണം .
 

ഫിഷറീസ് വകുപ്പിന്റെ ആഭിമുഖ്യത്തില്‍ മത്സ്യത്തൊഴിലാളികള്‍ക്ക് ആറു ദിവസത്തെ പരിശീലന പരിപാടി നടത്തുന്നു. ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത  10-ാം ക്ലാസ്  പാസായ 20നും 45നും ഇടയില്‍ പ്രായമുള്ളവരാവണം അപേക്ഷകര്‍. വിവിധ മത്സ്യബന്ധനരീതികള്‍. മത്സ്യബന്ധന ഉപകരണങ്ങള്‍, സുരക്ഷാ ഉപകരണങ്ങള്‍, നാവിഗേഷന്‍ ആന്‍ഡ് സീമെന്‍ഷിപ്പ്  വിഷയങ്ങളിലായിരിക്കും പരിശീലനം.

ഫിഷറീസ് വകുപ്പിന്റെ കീഴിലുള്ള പരിശീലന കേന്ദ്രങ്ങളിലും കേന്ദ്ര സര്‍ക്കാര്‍ സ്ഥാപനങ്ങളിലുമാണ് പരിശീലനം .  പരിശീലന ദിവസങ്ങളില്‍ 500 രൂപ സ്റ്റൈപെന്‍ഡ് , യാത്രാബത്ത, ഭക്ഷണം, താമസസൗകര്യം  നല്‍കും.

സ്‌കോള്‍ കേരള മുഖേന 2017-2019 ബാച്ചില്‍ ഹയര്‍സെക്കന്‍ഡറി കോഴ്‌സിന് പ്രൈവറ്റായി രജിസ്റ്റര്‍ ചെയ്ത വിദ്യാര്‍ഥികള്‍ക്കുള്ള ഒന്നാം വര്‍ഷ ഓറിയന്റേഷന്‍ ക്ലാസുകള്‍ 12, 19 തീയതികളില്‍  നടത്തുമെന്ന് എക്‌സിക്യൂട്ടീവ് ഡയറക്ടര്‍ അറിയിച്ചു.  വിശദാംശങ്ങള്‍ക്ക് അതത് പരീക്ഷാ കേന്ദ്രങ്ങളുമായി ബന്ധപ്പെടണം.

പി.എന്‍.എക്‌സ്.4707/17