ജില്ലയിലെ പകര്‍ച്ചവ്യാധി പ്രതിരോധ പ്രവര്‍ത്തനത്തിന്റെ  ഭാഗമായി നടത്തുന്ന ബോധല്‍ക്കരണ പ്രവര്‍ത്തങ്ങളോടനുബന്ധിച്ച് പൊതുജനങ്ങള്‍ ,സ്‌കൂള്‍ , കോളേജ് വിദ്യാര്‍ത്ഥികള്‍ എന്നിവര്‍ക്കായി   ആരോഗ്യ വകുപ്പ് ഷോര്‍ട്ട് ഫിലിം,ഡിജിറ്റല്‍ പോസ്റ്റര്‍ ഡിസൈന്‍ മത്സരം  എന്നിവ സംഘടിപ്പിക്കും.ഷോര്‍ട്ട് ഫിലിം  മത്സരത്തില്‍ ജില്ലയിലെ ആര്‍ക്കും പങ്കെടുക്കാം. ഡെങ്കിപ്പനി, എലിപ്പനി എന്നിവയിലേതെങ്കിലും ഒന്നിനെക്കുറിച്ചുള്ള ബോധവല്‍ക്കരണമാണ് വിഷയം.മലയാളത്തില്‍ ആയിരിക്കണം.

കാസര്‍കോട്  വികസനപാക്കേജില്‍ ഉള്‍പ്പെടുത്തി ജില്ലയിലെ വിവിധ ആരോഗ്യകേന്ദ്രങ്ങള്‍ ആര്‍ദ്രം നിലവാരത്തിലേക്ക് ഉയര്‍ത്തുന്നതിന്റെ ഭാഗമായി ബന്തടുക്ക  പ്രാഥമിക ആരോഗ്യ  കേന്ദ്രം പുതിയ ബ്ലോക്ക് നിര്‍മ്മാണത്തിന് ഭരണാനുമതിയായി. 1.83 കോടി രൂപയാണ് പദ്ധതിയ്ക്കായി വകയിരുത്തിയിട്ടുള്ളത്.കെ കുഞ്ഞിരാമന്‍  എംഎല്‍എയുടെ ആസ്തി വികസന ഫണ്ടില്‍ നിന്ന് പത്ത് ലക്ഷം രൂപ ബന്തടുക്ക പി.എച്ച്.സി സ്‌പെഷ്യല്‍ ബ്ലോക്ക് നിര്‍മ്മാണത്തിന് അനുവദിച്ചിട്ടുണ്ട്. കുറ്റിക്കോല്‍ ഗ്രാമപഞ്ചായത്ത് വിഹിതമായി  അഞ്ച്  ലക്ഷം രൂപയും നിര്‍മ്മാണത്തിനായി അനുവദിച്ചിട്ടുണ്ട്. ബാക്കി 168 ലക്ഷം രൂപ കാസര്‍കോട് വികസന പാക്കേജില്‍ നിന്നും ലഭ്യമാകും.

 കോവിഡ് 19 പ്രതിരോധത്തിന്റെ ഭാഗമായി സമ്പര്‍ക്കത്തിലൂടെയുള്ള രോഗവ്യാപനം തടയാന്‍   ശക്തമായ നടപടി സ്വീകരിക്കാന്‍ ജനപ്രതിനിധികളുടെ  യോഗം തീരുമാനിച്ചതായി റവന്യൂ വകുപ്പ് മന്ത്രി ഇ ചന്ദ്രശേഖരന്‍ പറഞ്ഞു. ജോലി ആവശ്യാര്‍ത്ഥം ജില്ലയില്‍ നിന്ന് മംഗലാപുരത്തേക്ക് ദിവസേന പോയിവരാന്‍ അനുവദിക്കില്ല.  കര്‍ണ്ണാടകയില്‍ ജോലി ചെയ്യുകയാണെങ്കില്‍, അവിടെ ചുരുങ്ങിയത് 28  ദിവസം താമസിച്ച് ജോലി ചെയ്യണം.

വനം വകുപ്പ് സംഘടിപ്പിച്ച വനമഹോത്സവം ഇന്ന്(ജൂലൈ 07) സമാപിക്കും. വൈകിട്ട് നാലിന് ചെന്തുരിണി വന്യജീവി സങ്കേതം ഹാളില്‍ മന്ത്രി കെ രാജു വനമഹോത്സവത്തിന്റെ ഔദ്യോഗിക സമാപനം ഫേസ്ബുക്ക് ലൈവിലൂടെ പ്രഖ്യാപിക്കും.
 (പി.ആര്‍.കെ നമ്പര്‍ 1812/2020)

ജില്ലയിലെ മത്സ്യബന്ധന ഹാര്‍ബറുകള്‍ അടച്ച് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി. ഇനിയൊരറിയിപ്പ് ഉണ്ടാകുന്നതുവരെ ഹാര്‍ബറുകളുടെയും മത്സ്യലേല ഹാളുകളുടെയും പ്രവര്‍ത്തനം നിര്‍ത്തിവച്ചതായും ജില്ലാ കലക്ടര്‍ അറിയിച്ചു. ഹാര്‍ബറുകളില്‍ തിരക്ക് നിയന്ത്രിക്കാന്‍ ഏര്‍പ്പെടുത്തിയ നടപടികള്‍ ഫലവത്താകാത്തത് സംബന്ധിച്ച് ഫിഷറീസ് ഡെപ്യൂട്ടി ഡയറക്ടര്‍ സമര്‍പ്പിച്ച റിപ്പോര്‍ട്ടിനെ തുടര്‍ന്നാണ് നടപടി.
(പി.ആര്‍.കെ നമ്പര്‍ 1811/2020)

ലോക്ക് ഡൗണ്‍ വേളയില്‍ വ്യാപകമായി എത്തി വ്യാപാര സ്ഥാപനങ്ങളില്‍ സൂക്ഷിച്ചിരുന്ന നിരോധിച്ച പ്ലാസ്റ്റിക്ക് ഉത്പന്നങ്ങള്‍ പിടിച്ചെടുത്തു. മലിനീകരണ നിയന്ത്രണ ബോര്‍ഡ് ഉദ്യോഗസ്ഥര്‍ കൊല്ലം ടൗണ്‍, അഞ്ചാലുംമൂട്, കൊട്ടാരക്കര, തേവലക്കര, പാരിപ്പള്ളി എന്നിവിടങ്ങളിലെ വിവിധ സ്ഥാപനങ്ങളില്‍ നടത്തിയ പരിശോധനയിലാണ് 100 കിലോയോളം വരുന്ന പ്ലാസ്റ്റിക്കുകള്‍ പിടിച്ചെടുത്തത്. ജില്ലാ കലക്ടറുടെ നിര്‍ദേശ പ്രകാരമായിരുന്നു നടപടി.

രണ്ടു മത്സ്യ വില്‍പ്പനക്കാര്‍ ഉള്‍പ്പടെ ജില്ലയില്‍ ഇന്നലെ(ജൂലൈ 06) 11 പേര്‍ക്ക് കോവിഡ് സ്ഥിരീകരിച്ചു. ഏഴു പേര്‍ വിദേശത്ത് നിന്നും  രണ്ടുപേര്‍ ഇതര സംസ്ഥാനങ്ങളില്‍ നിന്നും രണ്ടുപേര്‍ നാട്ടുകാരുമാണ്.
ശാസ്താംകോട്ട പല്ലിശേരിക്കല്‍ സ്വദേശി(52), പ•ന പുത്തന്‍ചന്ത സ്വദേശി(36) എന്നിവരാണ് മത്സ്യ വില്പനക്കാര്‍. ഇവര്‍ രണ്ടുപേരും വിവിധ സ്ഥലങ്ങളില്‍ നിന്നും മത്സ്യമെടുത്ത് വില്പന നടത്തിവരുകയായിരുന്നു. രോഗലക്ഷണങ്ങളെ തുടര്‍ന്ന് സ്രവ പരിശോധനയിലാണ് കോവിഡ് സ്ഥിരീകരിച്ചത്.

കൊട്ടാരക്കര താലൂക്ക് ആശുപത്രിയിലെ കെട്ടിട നിര്‍മാണവുമായി ബന്ധപ്പെട്ട് പഴയ 16 കെട്ടിടങ്ങള്‍ പൊളിച്ചുമാറ്റുന്നതിന് ഇ-ടെണ്ടര്‍ ക്ഷണിച്ചു.  ജൂലൈ 17 വരെ സമര്‍പ്പിക്കാം. വിശദ വിവരങ്ങള്‍ ആശുപത്രി ഓഫീസിലും 0474-2452610 നമ്പരിലും ലഭിക്കും.
(പി.ആര്‍.കെ നമ്പര്‍ 1808/2020)

ജില്ലാ ഭാഗ്യക്കുറി ക്ഷേമനിധിയില്‍ അംഗത്വമെടുക്കുന്നതിന് ജൂണ്‍ 24 വരെ അപേക്ഷ സമര്‍പ്പിച്ചവര്‍ക്ക് ജില്ലാ ക്ഷേമനിധി ഓഫീസില്‍ നിന്നും ജൂലൈ 20 വരെ ഭാഗ്യക്കൂപ്പണ്‍, സാനിറ്റൈസര്‍, മാസ്‌ക് എന്നിവ കൈപ്പറ്റാമെന്ന് ജില്ലാ ഭാഗ്യക്കുറി ക്ഷേമനിധി ഓഫീസര്‍ അറിയിച്ചു.
(പി.ആര്‍.കെ നമ്പര്‍ 1807/2020)