മുഖ്യമന്ത്രിയുടെ ദുരിതാശ്വാസ നിധിയിലേക്ക് ഓച്ചിറ ബ്ലോക്ക് പഞ്ചായത്ത് 20 ലക്ഷം രൂപ നല്‍കി. ഇന്ന് (ഏപ്രില്‍ 2) ജില്ലാ കലക്ടര്‍ ബി അബ്ദുല്‍ നാസറിന് ഓച്ചിറ ബ്ലോക്ക് പഞ്ചായത്ത് പ്രസിഡന്റ് എ മജീദ് ചെക്ക് കൈമാറി. വൈസ് പ്രസിഡന്റ് ശ്രീദേവി മോഹനനും ചടങ്ങില്‍ പങ്കെടുത്തു.

ജില്ലയില്‍ കോവിഡ്  19 പ്രതിരോധ  പ്രതികരണ നടപടികളുടെ  ഭാഗമായി  എല്ലാ സര്‍ക്കാര്‍,  പൊതുമേഖലാ സ്ഥാപനങ്ങളുടേയും വാഹന വിവരങ്ങളും ബന്ധപ്പെടേണ്ട  നമ്പര്‍ ഉള്‍പ്പടെ വിവരങ്ങള്‍ ഇന്ന് (മാര്‍ച്ച് 03) ഉച്ചക്ക് 12 നകം  ജില്ലാ അടിയന്തരഘട്ട കാര്യനിര്‍വഹണ കേന്ദ്രത്തിലെ 9447677800 എന്ന മൊബൈല്‍ നമ്പരില്‍  വാട്ട്‌സ് ആപ്പ് ചെയ്യുകയോ ര19സീഹഹമാ@ഴാമശഹ.രീാ എന്ന ഇ-മെയില്‍ വിലാസത്തിലോ അയക്കണം. അല്ലാത്തപക്ഷം വാഹനത്തിന്റെ കസ്റ്റോഡിയന്‍ ഓഫീസര്‍ക്കെതിരെ ഇനിയൊരറിയിപ്പ്  കൂടാതെ കര്‍ശന നടപടികള്‍  സ്വീകരിക്കുമെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.

ജില്ലയിലെ സമൂഹ അടുക്കളയില്‍ നിന്ന് ഇന്നലെ (ഏപ്രില്‍ 2) ഉച്ചയൂണ് ലഭിച്ചവരുടെ എണ്ണം 21,624. ഇതില്‍ 17,189 ഭക്ഷണപൊതികളും സൗജന്യമായാണ് നല്‍കിയത്. 1,794 പേര്‍ക്ക് പ്രഭാത ഭക്ഷണവും എത്തിച്ചു. ജില്ലയിലെ സമൂഹ അടുക്കളകളുടെ എണ്ണം 99 ആയി ഉയര്‍ന്നിട്ടുണ്ട്. കുടുംബശ്രീയും തദ്ദേശ സ്ഥാപനങ്ങളും ചേര്‍ന്നാണ് സമൂഹ അടുക്കളകള്‍ പ്രവര്‍ത്തിപ്പിക്കുന്നത്.

കോവിഡ് 19 ന്റെ പശ്ചാത്തലത്തില്‍ കേരള കെട്ടിട നിര്‍മാണ തൊഴിലാളി ക്ഷേമ ബോര്‍ഡില്‍ രജിസ്റ്റര്‍ ചെയ്തിട്ടുള്ള അംഗതൊഴിലാളികള്‍ക്ക് 1000 രൂപ പ്രത്യേക ധനസഹായം അനുവദിക്കും. 2018 ലെ വാര്‍ഷിക പുതുക്കല്‍ നടത്തിയിട്ടുള്ളതും രണ്ട് വര്‍ഷം സര്‍വീസ് പൂര്‍ത്തിയാക്കിയര്‍ക്കുമാണ് അനുകൂല്യം ലഭിക്കുക. കുടുംബത്തിലെ ഒരാള്‍ക്ക് മാത്രമായിരിക്കും ആനുകൂല്യം. പെന്‍ഷനാകുമ്പോഴോ അംഗത്വം റദ്ദു ചെയ്യുമ്പോഴോ ഉള്ള റീഫണ്ട് തുകയില്‍ നിന്നും 1000 രൂപ കുറവ് വരുത്തും. ബാങ്ക് പാസ് ബുക്ക് പകര്‍പ്പ് സഹിതം അപേക്ഷ നല്‍കണം. 2020 ജൂണ്‍ മാസമോ അതിന് മുമ്പോ വിരമിക്കുന്നവര്‍ക്ക് ആനുകൂല്യത്തിന് അര്‍ഹത ലഭിക്കില്ല.

കൊറോണ മുന്‍കരുതലിന്റെ ഭാഗമായി ലോക്ഡൗണ്‍ തുടരുന്ന സാഹചര്യത്തില്‍ അതിഥി സംസ്ഥാന തൊഴിലാളികള്‍ നേരിടുന്ന ഭക്ഷണം ഉള്‍പ്പെടെയുള്ള വിഷയങ്ങളില്‍ സംസ്ഥാന സര്‍ക്കാര്‍ പൂര്‍ണസുരക്ഷിതത്വം ഉറപ്പാക്കുന്നതായി വീണാ ജോര്‍ജ് എം.എല്‍.എ പറഞ്ഞു. പത്തനംതിട്ട കണ്ണങ്കരയിലെ അതിഥി തൊഴിലാളികള്‍ താമസിക്കുന്ന ക്യാമ്പ് ഉദ്യോഗസ്ഥര്‍ക്കൊപ്പം സന്ദര്‍ശിച്ച് അവരോടു സംസാരിക്കുകയായിരുന്നു വീണാ ജോര്‍ജ് എം.എല്‍.എ. 

കൊറോണ രോഗപ്രതിരോധത്തിന്റെ ഫലപ്രദമായ നടത്തിപ്പിന് പരാതികളും വിവരങ്ങളും ഉണ്ടെങ്കില്‍ അറിയിക്കുന്നതിന് താഴെപ്പറയുന്ന നമ്പരുകളില്‍ ബന്ധപ്പെടാമെന്ന് ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.

മുഖ്യമന്ത്രിയുടെ ദുരിതാശ്വാസ നിധിയിലേക്ക് വ്യാഴാഴ്ച ലഭിച്ചത് ലഭിച്ചത് 32,01,71,627 രൂപയാണെന്ന് മുഖ്യമന്ത്രി പിണറായി വിജയൻ അറിയിച്ചു. വൈദ്യുതി ബോർഡിലെ ജീവനക്കാരുടെയും ഓഫീസർമാരുടെയും ഒരുമാസത്തെ ശമ്പളം നൽകാമെന്ന് അറിയിച്ചു. ഇതിന്റെ ആദ്യ ഗഡുവായി 20 കോടി രൂപയുടെ ചെക്ക് വൈദ്യുതി മന്ത്രി എം എം മണി ഏൽപിച്ചിട്ടുണ്ട്. അഞ്ചു ജില്ലകളിലെ ആശുപത്രികളിൽ വെന്റിലേറ്റർ സംവിധാനം ഒരുക്കുന്നതിന് 50 കോടി രൂപ കെഎസ്ഇബി നേരത്തേ നൽകിയിരുന്നു. കേരള പവർ ആന്റ് ഇൻഫ്രാസ്ട്രക്ചർ ഫിനാൻസ് കോർപ്പറേഷൻ ഒരുകോടി രൂപ സംഭാവന നൽകി.

വയോജനങ്ങൾ, ഭിന്നശേഷിക്കാർ, മാനസിക വെല്ലുവിളി നേരിടുന്നവർ, സ്ത്രീകൾ, കുട്ടികൾ എന്നിവർക്കുള്ള സ്ഥാപനങ്ങളിൽ അവശ്യവസ്തുക്കൾ മുടങ്ങാതിരിക്കാൻ ശ്രദ്ധിക്കുമെന്ന് മുഖ്യമന്ത്രി പിണറായി വിജയൻ പറഞ്ഞു.
സംസ്ഥാന സാമൂഹ്യനീതി, വനിതാ ശിശുവികസന വകുപ്പുകളുടെ കീഴിൽ വയോജനങ്ങൾ, ഭിന്നശേഷിക്കാർ, മാനസിക വെല്ലുവിളി നേരിടുന്നവർ, സ്ത്രീകൾ- കുട്ടികൾ എന്നിവർക്കായി സർക്കാർ നേരിട്ടും സർക്കാർ അംഗീകാരത്തോടെയും പ്രവർത്തിക്കുന്ന സ്ഥാപനങ്ങളിൽ 33,000 അന്തേവാസികളുണ്ട്.

* കോവിഡ് ആശുപത്രികളുടെ ലിസ്റ്റ് പരസ്യപ്പെടുത്തും
രോഗവ്യാപനം ലോകത്താകെ രൂക്ഷമാകുന്ന സാഹചര്യത്തിൽ നമ്മുടെ നാട്ടിലെ ജാഗ്രത ഇനിയും വർധിപ്പിക്കണമെന്ന് മുഖ്യമന്ത്രി പിണറായി വിജയൻ പറഞ്ഞു. മാർച്ച് അഞ്ചു മുതൽ 24 വരെ വിദേശ രാജ്യങ്ങളിൽനിന്നോ മറ്റു സംസ്ഥാനങ്ങളിൽ നിന്നോ വന്നവരും അവരുമായി നേരിട്ട് സമ്പർക്കം പുലർത്തിയവരും 28 ദിവസത്തെ ഐസൊലേഷൻ നിർബന്ധമായും പൂർത്തിയാക്കണം. അത്തരക്കാർ ദിശ നമ്പരിലേക്ക് വിളിച്ച് എന്തൊക്കെ ചെയ്യണമെന്ന് മനസ്സിലാക്കണം. സമൂഹവ്യാപനം തടയാൻ 60 വയസ്സിന് മുകളിലുള്ളവർ, കുട്ടികൾ, ഗർഭിണികൾ, ഗുരുതര രോഗമുള്ളവർ എന്നിവരുമായി അവർ ഇടപഴകരുത്.