ലോകത്താകെ വ്യാപിച്ചുകിടക്കുന്ന പ്രവാസി മലയാളികളുടെ സുരക്ഷ ഉറപ്പാക്കുന്നതിന് കേന്ദ്ര സർക്കാർ ഇടപെടണമെന്ന് പ്രധാനമന്ത്രിയുമായി നടത്തിയ വീഡിയോ കോൺഫറൻസിൽ അഭ്യർത്ഥിച്ചതായി മുഖ്യമന്ത്രി പറഞ്ഞു. സംസ്ഥാനത്തെ പ്രതിരോധ പ്രവർത്തനങ്ങളുടെ വിശദാംശം അറിയിച്ചു.
രോഗസാധ്യത സംശയിക്കുന്നവർക്ക് ക്വാറന്റൈൻ കേന്ദ്രങ്ങൾ അതത് രാജ്യങ്ങളിൽ ഇന്ത്യൻ എംബസികളുടെ സഹായത്തോടെ ഒരുക്കണം. ഇവിടെനിന്നു പോയി ജോലി ചെയ്യുന്ന നഴ്സുമാർക്ക് വ്യക്തിഗത പ്രതിരോധ സാമഗ്രികളും സംവിധാനവും എല്ലാ രാജ്യങ്ങളിലും ഉറപ്പാക്കണം.

* 1,65,934 പേർ നിരീക്ഷണത്തിൽ

കോവിഡ് 19 ന്റെ പശ്ചാത്തലത്തിൽ ഏർപ്പെടുത്തിയ അന്താരാഷ്ട്ര വിമാനയാത്രാ വിലക്ക് വിദേശ മലയാളികൾക്ക് പ്രത്യേകിച്ച് ഗൾഫ് നാടുകളിലെ മലയാളി സമൂഹത്തിന് ഏറെ ആശങ്കയുണ്ടാക്കുന്നുവെന്നും മൃതദേഹം നാട്ടിലെത്തിക്കാൻ പോലും സാധിക്കാത്ത സാഹചര്യമാണ് നിലവിലുള്ളതെന്നും മുഖ്യമന്ത്രി പിണറായി വിജയൻ പറഞ്ഞു. ഇക്കാര്യത്തിൽ കേന്ദ്ര സർക്കാർ അടിയന്തരമായി ഇടപെടണമെന്ന് കേന്ദ്ര വിദേശകാര്യ മന്ത്രി ജയ് ശങ്കറിന് അയച്ച കത്തിൽ മുഖ്യമന്ത്രി ആവശ്യപ്പെട്ടു.

      കരീബിയൻ രാജ്യമായ ഹെയ്തി ദ്വീപിൽ കുടുങ്ങിയ മലയാളികൾ ഉൾപ്പെടെയുള്ള ഇന്ത്യക്കാരെ രക്ഷിക്കുന്നതിന് കേന്ദ്ര വിദേശകാര്യ മന്ത്രാലയം വഴി നോർക്ക നടപടി സ്വീകരിച്ചു. എയർ ലിഫ്റ്റ് വഴി സംഘത്തെ സുരക്ഷിത കേന്ദ്രത്തിലേക്ക് മാറ്റുകയാണ് ആദ്യ ലക്ഷ്യം.
ലോക് ഡൗണിനെ തുടർന്ന് ചികിത്സാ സൗകര്യം പോലും പൂർണമായും ലഭ്യമല്ലാത്ത സാഹചര്യമാണ് നിലവിലുള്ളത്. ഹെയ്തിലെ മലയാളി ഫെഡറേഷനാണ് ഇക്കാര്യം സംസ്ഥാന ഗവൺമെന്റിന്റെ ശ്രദ്ധയിൽ പെടുത്തിയത്. ഹെയ്തിയിലെ കൗൺസിൽ ജനറലിന് കത്ത് നല്കിയതായും അവിടെയുള്ള മലയാളികൾക്ക് അടിയന്തര സഹായം നല്കാൻ ശ്രമം നടക്കുന്നതായും നോർക്ക സി.ഇ.ഒ. അറിയിച്ചു.
പി.എൻ.എക്സ്.1317/2020
 

സീതത്തോട് ഗ്രാമപഞ്ചായത്തിലെ മൂഴിയാര്‍, ഗുരുനാഥന്‍ മണ്ണ്, ചിപ്പന്‍കുഴി പട്ടികവര്‍ഗ കോളനിയിലെ 35 പട്ടികവര്‍ഗ കുടുംബങ്ങള്‍ക്ക് ഭക്ഷ്യധാന്യ കിറ്റ് വിതരണം ചെയ്തു. പട്ടികവര്‍ഗ വികസനവകുപ്പ് നല്‍കുന്ന 15 കിലോ അരി, 1 കിലോ വെളിച്ചെണ്ണ, 1 കിലോ കടല, 1 കിലോ ഉപ്പ്, 100 ഗ്രാം വീതം മുളകുപൊടി, മല്ലിപ്പൊടി, സോപ്പ് തുടങ്ങിയവയാണു വിതരണം ചെയ്തത്. മൂഴിയാര്‍ രണ്ടാം വാര്‍ഡ് മെമ്പര്‍  ബീനാ മോഹന്‍, എസ്.ടി പ്രമോട്ടര്‍ കൊച്ചുമോന്‍ എന്നിവരുടെ നേതൃത്വത്തിലാണു കിറ്റുകള്‍ വിതരണം ചെയ്തത്. 

കഴിഞ്ഞ ഇരുപതു വര്‍ഷമായി ക്യാന്‍സര്‍ രോഗബാധിതയായ കരീമാന്‍തോട് കണ്ണാടിയില്‍വീട്ടില്‍ പുഷ്പവല്ലിക്ക് ജീവന്‍ നിലനിര്‍ത്താന്‍ മണിക്കൂറുകള്‍ക്കകം മരുന്ന് എത്തിച്ച് പത്തനംതിട്ട പോസ്റ്റല്‍ സൂപ്രണ്ട് ബാലകൃഷ്ണന്‍ നായര്‍ മാതൃകയായി. കൊറിയര്‍ കമ്പനികളിലൂടെ അയച്ചുകൊണ്ടിരുന്ന മരുന്ന് ലോക് ഡൗണ്‍ മൂലം ഇത്തവണ തപാല്‍ മാര്‍ഗമായാണ് അയച്ചത്. എന്നാല്‍ തപാല്‍നീക്കവും തടസപ്പെട്ടതിനാല്‍ മരുന്ന് യഥാസമയം ലഭിക്കാന്‍ തടസംവന്ന വിവരം അറിഞ്ഞ തണ്ണിത്തോട് പഞ്ചായത്ത് പ്രസിഡന്റ് എം.വി അമ്പിളി ആന്റോ ആന്റണി എം.പിയെ അറിയിച്ചു.

കോവിഡ് 19 ബാധിതരും നിരീക്ഷണത്തിലുള്ളവരുമായ ക്ഷേമനിധി അംഗങ്ങളായ കര്‍ഷക തൊഴിലാളികള്‍ക്ക് ക്ഷേമനിധി ബോര്‍ഡ് ധനസഹായം നല്‍കും. അറുപത് വയസ് പൂര്‍ത്തിയാകാത്തവരും 12 മാസത്തില്‍ കൂടുതല്‍ അംശദായ കുടിശിക വരുത്താത്തവരുമായ സജീവ അംഗങ്ങള്‍ക്കാണ് സഹായം നല്‍കുന്നത്.

രാജു എബ്രഹാം എംഎല്‍എയുടെ ഒരുമാസത്തെ ശമ്പളവും അലവന്‍സും മുഖ്യമന്ത്രിയുടെ ദുരിതാശ്വാസനിധിയിലേക്കു നല്‍കി. കോവിഡ്  19 പ്രതിരോധ പ്രവര്‍ത്തനങ്ങള്‍ക്ക് ഉപയോഗിക്കുന്നതിനാണ് എംഎല്‍എയുടെ ശമ്പളവും അലവന്‍സും ദുരിതാശ്വാസ നിധിയിലേക്കു നല്‍കിയത്.

കോവിഡ് 19 പ്രതിരോധ നടപടിയുടെ ഭാഗമായി ലോക്ക്ഡൗണ്‍ പ്രഖ്യാപിച്ചിരിക്കുന്നതു മൂലം വീടുകളില്‍ കഴിയുന്ന റാന്നിയിലെ ജനങ്ങള്‍ക്ക് സഹായങ്ങള്‍ ഏകോപിപ്പിച്ച് രാജു ഏബ്രഹാം എംഎല്‍എ.  മാര്‍ ക്രിസോസ്റ്റം, പാലിയേറ്റീവ് കെയര്‍, ഡിവൈഎഫ്‌ഐ  തുടങ്ങിയവരുടെ സഹകരണത്തോടെ എം എല്‍ എ ഓഫീസുമായി യോജിപ്പിച്ച് അതത് ഗ്രാമപഞ്ചായത്തുകളുമായി ചേര്‍ന്നാണ് വിവിധ സേവനങ്ങള്‍ ജനങ്ങള്‍ക്ക് ലഭ്യമാക്കുന്നത്. 

ഉക്രൈയ്നില്‍ കുടുങ്ങിയ മലയാളികളായ മെഡിക്കല്‍ വിദ്യാര്‍ഥികളെ  നാട്ടിലെത്തിക്കാന്‍ നടപടി സ്വീകരിക്കണമെന്ന് രാജു ഏബ്രഹാം എംഎല്‍എ മുഖ്യമന്ത്രി പിണറായി വിജയനോട് അഭ്യര്‍ഥിച്ചു.  ഉക്രൈനിലെ ഒ ഒ ബോഗോ മോളെറ്റ്സ് സര്‍വകലാശാലയില്‍ പഠിക്കുന്ന 140 മലയാളികളാണ്  ഹോസ്റ്റലുകളില്‍ കുടുങ്ങിക്കിടക്കുന്നത്. രോഗബാധ ഭീഷണിയെത്തുടര്‍ന്ന്  കോളജുകള്‍ അടച്ചിട്ടിരിക്കുകയാണ്.  ഇവരില്‍ ഒരാളുടെ പിതാവായ അഡ്വ. കെ പി സുഭാഷ് കുമാറാണ് പ്രശ്നം രാജു ഏബ്രഹാം എംഎല്‍എയുടെ ശ്രദ്ധയില്‍പ്പെടുത്തിയത്. ഇതുസംബന്ധിച്ച് മുഖ്യമന്ത്രിക്ക് എംഎല്‍എ കത്തു നല്‍കി.