കെല്‍ട്രോണ്‍ നടത്തുന്ന ടെലിവിഷന്‍ ജേണലിസം കോഴ്‌സിലേക്ക് അപേക്ഷ ക്ഷണിച്ചു. യോഗ്യത ബിരുദം. പ്രായപരിധി  30 വയസ്. അപേക്ഷാഫോമും വിശദ വിവരങ്ങളും  ksg.keltron.in  വെബ്‌സൈറ്റില്‍ ലഭിക്കും. ഫോണ്‍:  8137969292.
(പി.ആര്‍.കെ നമ്പര്‍ 1805/2020)
 

കോവിഡ് രോഗപ്രതിരോധത്തിന്റെ ഭാഗമായി ജില്ലാ ലേബര്‍ ഓഫീസില്‍ നടത്തുവാന്‍ നിശ്ചയിച്ചിരുന്ന എല്ലാ ഹിയറിംഗുകളും ചര്‍ച്ചകളും ഇനിയൊരറിയിപ്പ് ഉണ്ടാകുന്നതുവരെ മാറ്റിവച്ചതായി ജില്ലാ ലേബര്‍ ഓഫീസര്‍ അറിയിച്ചു. പരാതികളും മറ്റും  dioklmg@gmail.com, dioklme@gmail.com എന്നീ ഇ-മെയില്‍ വിലാസങ്ങളില്‍ അയയ്ക്കാം. ഫോണ്‍: 04742794820.
(പി.ആര്‍.കെ നമ്പര്‍ 1804/2020)
 

ജില്ലയില്‍ കോവിഡ് 19 ന്റെ സാമൂഹ്യ വ്യാപന സാദ്ധ്യത കണക്കിലെടുത്ത് വിവിധ ദുരന്തപ്രതിരോധ പ്രതികരണ നടപടികള്‍ സ്വീകരിച്ച് ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കലക്ടര്‍ ബി അബ്ദുല്‍ നാസര്‍ ഉത്തരവായി.
ജില്ലയുടെ വിവിധ പ്രദേശങ്ങളില്‍ കോവിഡ് വ്യാപന സാധ്യത തടയുന്നതിനായി കണ്ടയിന്റ്‌മെന്റ് സോണ്‍ നിയന്ത്രണങ്ങള്‍ ഏര്‍പ്പെടുത്തിയിട്ടുണ്ട്. എന്നാല്‍ സാമൂഹ്യ വ്യാപനത്തിന്റെ സാധ്യതയുള്ളതിനാല്‍ കണ്ടയിന്റ്‌മെന്റ് സോണിന് പുറത്തുളള പ്രദേശങ്ങളിലും അതീവ ജാഗ്രത സ്വീകരിക്കണം.

കോവിഡ് രോഗബാധയുള്ളവര്‍ക്കും രോഗത്തെക്കുറിച്ച് ആശങ്കയുള്ളവര്‍ക്കും കൂടുതല്‍ അറിയാന്‍ ആഗ്രഹിക്കുന്നവര്‍ക്കും അറിവ് നല്‍കാന്‍ കോവിഡ്          എക്‌സ്പീരിയന്‍സ്ഡ് കൗണ്‍സിലിംഗ് പദ്ധതിക്ക് തുടക്കമായി.
ജില്ലാ മാനസികാരോഗ്യ വിഭാഗത്തിന്റെ നേതൃത്വത്തില്‍ സൈക്കോളജിസ്റ്റുകളും കൗണ്‍സിലര്‍മാരും ഉള്‍പ്പെടുന്ന വിദഗ്ധരാണ് കോവിഡ് സംശയ നിവാരണങ്ങള്‍ നടത്തുന്നത്. ഇവരോടൊപ്പം ജില്ലയില്‍ കോവിഡ് ബാധിച്ച് രോഗം പൂര്‍ണ്ണമായി ഭേദമായവരില്‍നിന്നും അഞ്ചു പേരെ കണ്ടെത്തി പരിശീലനം നല്‍കി എം പാനല്‍ ചെയ്തിട്ടുണ്ട്.
രോഗത്തെ എങ്ങനെ വിജയകരമായി നേരിട്ടു എന്ന അനുഭവത്തില്‍ മറ്റുള്ളവര്‍ക്ക്  കൗണ്‍സലിംഗ് നല്‍കുക.

  മലയോര ഗ്രാമങ്ങളിലെ  തനത് വിഭവങ്ങളും രുചിഭേദങ്ങളും കുടുംബശ്രീയുടെ 'സേവിക' മൊബൈല്‍ മാര്‍ക്കറ്റിങ് യൂണിറ്റിലൂടെ നഗരവാസികളിലെത്തുന്നു.
ജില്ലാതല ഉത്ഘാടനം ജൂലൈ എട്ടിന് വൈകിട്ട് നാലിന് പത്തനാപുരം ടൗണില്‍  മുന്നാക്ക വികസന കോര്‍പ്പറേഷന്‍ ചെയര്‍മാന്‍ ആര്‍ ബാലകൃഷ്ണപിള്ള നിര്‍വ്വഹിക്കും.

കോവിഡ് പ്രതിരോധ  പ്രവര്‍ത്തനങ്ങള്‍ ശക്തമാക്കുന്നതിന്റെ ഭാഗമായി ജില്ലയില്‍ ഒന്‍പത് പ്രാഥമിക ചികിത്സാ കേന്ദ്രങ്ങള്‍ കൂടി തുടങ്ങുമെന്ന് ജില്ലാ കലക്ടര്‍ ബി അബ്ദുള്‍ നാസര്‍. പ്രതിരോധ ചികിത്സ സംവിധാനങ്ങള്‍ കാര്യക്ഷമമായി നടപ്പിലാക്കുന്നതിന്റെ ഭാഗമായിട്ടാണ് ജില്ലയിലെ  തദ്ദേശ സ്വയംഭരണ സ്ഥാപനങ്ങളും ആരോഗ്യ വകുപ്പും സംയുക്തമായി ചേര്‍ന്ന് ഒന്‍പത് കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകള്‍ കൂടി തുടങ്ങുന്നത്.

സാമ്പത്തികവും സാമൂഹികവുമായി പിന്നാക്കം നില്‍ക്കുന്ന ആദിവാസി ഊരുകളിലെ ജനങ്ങളെയും സുഭിക്ഷ കേരളം പദ്ധതിയുടെ  പങ്കാളികളാക്കണമെന്ന് ജില്ലാ കലക്ടര്‍ ബി അബ്ദുല്‍ നാസര്‍. കലക്ടറുടെ ചേംബറില്‍ ചേര്‍ന്ന  സുഭിക്ഷ കേരളം പദ്ധതിയുടെ അവലോകന യോഗത്തിലാണ് നിര്‍ദേശം.
ചെറിയ സ്ഥലപരിമിതിയിലും കൃഷി ചെയ്യാന്‍ പ്രോത്സാഹിപ്പിക്കണം. നാലുമാസത്തിനുള്ളില്‍ പദ്ധതിയില്‍ മികച്ച നേട്ടം കൈവരിക്കാന്‍ എല്ലാ വകുപ്പുകളും ഒന്നിച്ചു നില്‍ക്കണമെന്നും അദ്ദേഹം പറഞ്ഞു.

ജില്ലയില്‍ ഇന്നലെ(ജൂലൈ 06) 10 പേര്‍ രോഗമുക്തി നേടി.