· ആദ്യ ദിനം ജില്ലയില്‍ സൗജന്യ റേഷന്‍ ലഭിച്ചത് 47,715 കുടുംബങ്ങള്‍ക്ക്
· 954 മെട്രിക് ടണ്‍ അരിയും 129 മെട്രിക് ടണ്‍ ഗോതമ്പും വിതരണം ചെയ്തു

    മുഖ്യമന്ത്രിയുടെ ദുരിതാശ്വാസ നിധിയിലേക്ക് വൈത്തിരി പ്രാഥമിക സഹകരണ കാര്‍ഷിക ഗ്രാമ വികസന ബാങ്ക് കല്‍പ്പറ്റ ബ്രാഞ്ച് രണ്ട് ലക്ഷം രൂപ നല്‍കി. ബാങ്ക് പ്രസിഡന്റ് കെ.സുഗതന്‍ ജില്ലാ കളക്ടര്‍ ഡോ.അദീല അബ്ദുളളയ്ക്ക് ചെക്ക് കൈമാറി. ജീവനക്കാരുടെ ഒരു ദിവസത്തെ ശബള തുക ബാങ്ക് സെക്രട്ടറി കെ.സച്ചിദാനന്ദനും നല്‍കി.

    കോവിഡ് 19 പശ്ചാത്തലത്തില്‍ തിരുനെല്ലി പഞ്ചായത്ത് അതിഥി തൊഴിലാളികള്‍ക്ക്  ഭക്ഷ്യ കിറ്റുകള്‍ വിതരണം ചെയ്തു. പഞ്ചായത്ത് പരിധിയിലെ 22 അതിഥി തൊഴിലാളികള്‍ക്കാണ് കിറ്റുകള്‍ നല്‍കിയത്. ഭക്ഷണത്തിന് ബുദ്ധിമുട്ട് നേരിടുന്നവര്‍ പഞ്ചായത്ത് അധികൃതരുമായി ബന്ധപ്പെടണമെന്ന് പ്രസിഡന്റ് മായാദേവി പറഞ്ഞു.

ജില്ലയിൽ ഒരാൾക്ക് കൂടി കോവിഡ് സ്ഥിരീകരിച്ചു. നിസാമുദ്ദീനിൽ നിന്ന് മടങ്ങിയെത്തിയ 36 കാരനാണ് കോവിഡ് സ്ഥിരീകരിച്ചിരിക്കുന്നത്. ഇയാളെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

കാട്ടകാമ്പാൽ ഗ്രാമ പഞ്ചായത്തിലെ വിവിധ മേഖലകളിൽ രാത്രി കാലങ്ങളിൽ കള്ളൻ വിലസുന്നുവെന്ന പരാതിയുടെ അടിസ്ഥാനത്തിൽ പ്രദേശങ്ങൾ തദ്ദേശ മന്ത്രി എ സി മൊയ്തീൻ സന്ദർശിച്ചു. കോവിഡ് ഭീതിയുടെ പശ്ചാത്തലത്തിൽ പ്രദേശവാസികൾ വീടുകളിൽ നിന്ന് പുറത്തിറങ്ങാത്ത സാഹചര്യത്തിലാണ് ഒരാഴ്ചയിലേറെയായി നാട്ടുകാരുടെ ഉറക്കം കെടുത്തി കള്ളൻ വിലസുന്നതായി പരാതി ഉയർന്നത്. പ്രദേശത്തെ വീടുകളിലും കടകളിലും മന്ത്രി നേരിട്ടിറങ്ങി വിവരം ആരാഞ്ഞു.

മേഖലയിലെ ആംബുലൻസ് ഡ്രൈവർമാർക്ക് കുന്നംകുളം താലൂക്ക് ആശുപത്രിയിൽ കൊറോണ ബോധവൽക്കരണ ക്ലാസ് സംഘടിപ്പിച്ചു. താലൂക്ക് ആശുപത്രി സൂപ്രണ്ട് എ വി മണികണ്ഠൻ ക്ലാസ്സെടുത്തു. കരുതൽ, സുരക്ഷിതമായ യാത്ര, മാസ്‌ക് ധരിക്കൽ, കൈ കഴുകൽ, അകലം പാലിക്കൽ എന്നിവയെക്കുറിച്ച് വിശദമായ ക്ലാസ്സാണ് നടന്നത്. ആംബുലൻസ് ഡ്രൈവർമാരായ സലിം, ജിബിറ്റ്, റാഷിദ്, ഷെബീർ, സുരേഷ്, ആൽവിൻ, പ്രശോബ്, ധീരജ്, ഫൈസൽ, ഷാജിഅൽമന, ഫാസിൽ, ജാഫർ, ശരീഫ്, റെജി എന്നിവർ പങ്കെടുത്തു.

മറ്റ് രോഗങ്ങള്‍ക്ക് ബീച്ച് ആശുപത്രിയില്‍ 

ചികിത്സ തേടാം

കോഴിക്കോട് ബീച്ച് ആശുപത്രിയില്‍ ലഭ്യമായിരുന്ന കോവിഡ് 19 ചികിത്സ പൂര്‍ണമായി കോഴിക്കോട് മെഡിക്കല്‍ കോളേജിലേക്ക് മാറ്റിയതിനാല്‍ നേരത്തെ ബീച്ച് ആശുപത്രിയില്‍ ലഭിച്ചു കൊണ്ടിരുന്ന മറ്റെല്ലാ ചികിത്സകളും തുടര്‍ന്ന് ഇവിടെ ലഭിക്കുന്നതാണെന്നും പൊതുജനങ്ങള്‍ ഇത് ഉപയോഗപ്പെടുത്തണമെന്നും ജില്ലാ മെഡിക്കല്‍ ഓഫീസര്‍ ഡോ.ജയശ്രീ വി. അറിയിച്ചു.