നടുവണ്ണൂര്‍ പഞ്ചായത്തിലെ കരുവണ്ണൂരില്‍ അനധികൃതമായി തുറന്ന് പ്രവര്‍ത്തിക്കുന്നതും വ്യവസ്ഥകള്‍ പാലിക്കാത്തതുമായ കടകള്‍ ഗ്രാമപഞ്ചായത്ത് സെക്രട്ടറിയുടേയും വില്ലേജ് സ്‌ക്വാഡിന്റേയും നേതൃത്വത്തില്‍ പരിശോധ നടത്തി, എട്ട് കടകള്‍ അടച്ചു പൂട്ടുന്നതിന് നിര്‍ദ്ദേശം നല്‍കി. പരിശോധനക്ക് പഞ്ചായത്ത് സെക്രട്ടറി ഷിജു.എല്‍.എന്‍, വില്ലേജ് ഓഫിസര്‍ ഗിരീഷ്‌കുമാര്‍ പി.സി, സിവില്‍ പോലീസ് ഓഫിസര്‍ എന്നിവര്‍ നേതൃത്വം നല്‍കി.

പകല്‍ പുറത്തിറങ്ങുന്നത് കഴിവതും ഒഴിവാക്കുക

കോഴിക്കോട് ജില്ലയില്‍  നാളെയും മറ്റന്നാളും (ഏപ്രില്‍ 3,4) ഉഷ്ണതരംഗ മുന്നറിയിപ്പ്. ഉയര്‍ന്ന ദിനാന്തരീക്ഷ താപനില (Daily Maximum Temperature) സാധാരണ താപനിലയെക്കാള്‍ 34  ഡിഗ്രി സെല്‍ഷ്യസും അതിലധികവും ഉയരാന്‍ സാധ്യത ഉള്ളതായി കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. 

പകല്‍ പുറത്തിറങ്ങുന്നത് കഴിവതും ഒഴിവാക്കുക

കോഴിക്കോട് ജില്ലയില്‍  നാളെയും മറ്റന്നാളും (ഏപ്രില്‍ 3,4) ഉഷ്ണതരംഗ മുന്നറിയിപ്പ്. ഉയര്‍ന്ന ദിനാന്തരീക്ഷ താപനില (Daily Maximum Temperature) സാധാരണ താപനിലയെക്കാള്‍ 34  ഡിഗ്രി സെല്‍ഷ്യസും അതിലധികവും ഉയരാന്‍ സാധ്യത ഉള്ളതായി കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്. 

പത്തനംതിട്ട പോളിക്ലിനിക്കിലെ ഡോക്ടര്‍മാരുമായി വിമുക്തഭടന്മാര്‍ക്കും അവരുടെ ആശ്രിതര്‍ക്കും രാവിലെ എട്ട് മുതല്‍ വൈകിട്ട് നാല് വരെ ഫോണില്‍ ബന്ധപ്പെട്ട് ചികിത്സ തേടാം.  ബന്ധപ്പെടേണ്ട നമ്പര്‍ ചുവടെ. 

ഡോ.മേരി തോമസ് (ഗൈനക്കോളജിസ്റ്റ്) 9447011304, മെഡിക്കല്‍  ഓഫീസര്‍ ഡോ.അശ്വിന്‍ ജോയ്‌സി  9447725257, ഡോ.ഷെലീന ആന്‍ ബാബു 9605519797, ഡോ.ജോ ആന്‍ ഫിലിപ്പ് 7012795576, ഡെന്റല്‍ ഓഫീസര്‍ ഡോ.വി.ഇന്ദു 9895768642. 

നിരാമയ ഇന്‍ഷുറന്‍സ് പദ്ധതിയില്‍ അംഗങ്ങളായിട്ടുള്ള ഭിന്നശേഷിക്കാര്‍ ചികിത്സാ ചെലവുകള്‍ റീ-ഇംബേഴ്സുമെന്റായി ലഭിക്കുന്നതിന് രക്ഷ റ്റിപിഎ എറണാകുളം എന്ന സ്ഥാപനത്തിലേക്ക് cochin@rakshatpa.com എന്ന ഇ-മെയില്‍ വിലാസത്തില്‍ ക്ലെയിം ഫോം സംബന്ധിച്ച മുഴുവന്‍ രേഖകളും അയച്ചു നല്‍കണം. ഒരു കോപ്പി കൊല്ലം എസ്എന്‍എസി (സ്റ്റേറ്റ് നോഡല്‍ ഏജന്‍സി സെന്റര്‍) യിലേക്കും niramayakollam@gmail.com എന്ന ഇ-മെയില്‍ വിലാസത്തില്‍ നല്‍കണം.

കൊറോണക്കാലത്ത് സൗജന്യ റേഷന്‍ വാങ്ങാന്‍ ആളുകള്‍ എത്തിത്തുടങ്ങിയതോടെ മലയോരത്തെ പൊതു വിതരണകേന്ദ്രങ്ങള്‍ സജീവമായി. വെള്ളരിക്കുണ്ട് താലൂക്ക് സിവില്‍ സപ്ലൈസ് ഓഫീസിന് കീഴില്‍  25 ശതമാനത്തോളം കുടുബങ്ങളാണ് ആദ്യ ദിനങ്ങളില്‍ പൊതുവിതരണ കേന്ദ്രങ്ങളിലെത്തിയത്. വെള്ളരിക്കുണ്ട് താലൂക്കില്‍ ഏഴ്  പഞ്ചായത്തുകളിലായി 256 കാര്‍ഡുകള്‍ മുതല്‍ 1359 കാര്‍ഡുകള്‍ വരെയുള്ള 71 റേഷന്‍ കടകളാണുള്ളത്. സര്‍ക്കാര്‍ നിര്‍ദേശങ്ങള്‍ പാലിച്ചാണ് സൗജന്യ റേഷന്‍ വിതരണം നടക്കുന്നത്.

ലോക്ക് ഡൗണ്‍ നിര്‍ദ്ദേശം ലംഘിച്ചതിന് ജില്ലയില്‍ ഏപ്രില്‍ ഒന്നിന്  25  കേസുകള്‍ രജിസ്റ്റര്‍ ചെയ്തു. മേല്‍പ്പറമ്പ-5, ചിറ്റാരിക്കാല്‍-2, ആദൂര്‍-3, കുമ്പള-2, വിദ്യാനഗര്‍-2, അമ്പലത്തറ-1, ഹോസ്ദുര്‍ഗ്-1, നീലേശ്വരം-1, ചന്തേര-2, വെള്ളരിക്കുണ്ട്-5,രാജപുരം-1 എന്നീ സ്റ്റേഷനുകളിലാണ് കേസുകള്‍ രജിസ്റ്റര്‍ ചെയ്തത്. വിവിധ കേസുകളിലായി 45 പേരെ അറസ്റ്റ് ചെയ്തു. 18  വാഹനങ്ങള്‍ കസ്റ്റഡിയില്‍ എടുത്തു. 

ഇതുവരെ ജില്ലയില്‍ വിവിധ സ്റ്റേഷനുകളിലായി 269  കേസുകള്‍ രജിസ്റ്റര്‍ ചെയ്തു. വിവിധ കേസുകളിലായി 390 പേരെ അറസ്റ്റ് ചെയ്തു. 176 വാഹനങ്ങള്‍ കസ്റ്റഡിയില്‍ എടുത്തു.

ജില്ലയില്‍ ലോക്ഡൗണിനെ  തുടര്‍ന്ന് പ്രതിസന്ധിയിലായ അതിഥി തൊഴിലാളികള്‍ക്ക് ഭക്ഷണവും സേവനവും കരാറുകാര്‍ ഉറപ്പു വരുത്തണം. സര്‍ക്കാര്‍ നിര്‍ദേശം അനുസരിക്കാത്ത കരാറുകാര്‍ക്കെതിരെ കേസെടുത്ത് നടപടി സ്വീകരിക്കാന്‍ കളക്ടറേറ്റില്‍ ചേര്‍ന്ന കോവിഡ് 19 അവലോകന യോഗത്തില്‍ സ്‌പെഷ്യല്‍ ഓഫീസര്‍ അല്‍കേഷ് കുമാര്‍ ശര്‍മ്മ നിര്‍ദ്ദേശം നല്‍കി. ഇത്തരം പരാതികളില്‍ ജില്ലാ ലേബര്‍ ഓഫീസര്‍ കേസ്സെടുക്കാന്‍ ആവശ്യമായ നടപടി സ്വീകരിക്കണം. തുടര്‍ന്ന് ഇത് സംബന്ധിച്ച് ജില്ലാ ലേബര്‍ ഓഫീസര്‍ റിപ്പോര്‍ട്ട് സമര്‍പ്പിക്കണം.

മലപ്പുറം ജില്ലയിലെ കോവിഡ് പ്രതിരോധ പ്രവര്‍ത്തനങ്ങള്‍ക്കായി ദുബായി ആസ്ഥാനമായി പ്രവര്‍ത്തിക്കുന്ന അബ്രികോ ഗ്രൂപ്പ് ഓഫ് കമ്പനീസ് പ്രൈവറ്റ് ലിമിറ്റഡ് 10 ലക്ഷം രൂപ സംഭാവന നല്‍കി. കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല്‍ കോളജില്‍ ആവശ്യമായ സൗകര്യങ്ങള്‍ ഒരുക്കുന്നതിനും ഉപകരണങ്ങള്‍ വാങ്ങാനുമാണ് തുക നല്‍കിയത്. അബ്രികോ എം.ഡി മുഹമ്മദ് ഷാജി മഠത്തിലില്‍ നിന്ന് ജില്ലാ കലക്ടര്‍ ജാഫര്‍ മലിക് ചെക്ക് ഏറ്റു വാങ്ങി. ഡെപ്യൂട്ടി കലക്ടര്‍ പി. മുരളീധരനും സംബന്ധിച്ചു.