സഹകരണ ബാങ്കുകളുടെ സഹകരണത്തോടെ കര്‍ഷകരില്‍ നിന്നും പച്ചക്കറി സംഭരിക്കുന്നതിനുളള നടപടികള്‍ പൂര്‍ത്തിയായതായി ജില്ലാ കൃഷി ഓഫീസര്‍ അറിയിച്ചു. പച്ചക്കറികളുടെ സംഭരണത്തിനായി കല്‍പ്പറ്റ, അമ്മായിപ്പാലം, മാനന്തവാടി, പേര്യ എന്നിവിടങ്ങളിലായി  നാല് കേന്ദ്രങ്ങള്‍ കൃഷി വകുപ്പിന്റെ നേതൃത്വത്തില്‍ ഒരുക്കി. ഓരോ കേന്ദ്രങ്ങളിലും വ്യത്യസ്ത ദിവസങ്ങളിലാണ് സംഭരണം നടക്കുക.  ബത്തേരിയില്‍ തിങ്കളാഴ്ച്ചയും കല്‍പ്പറ്റയില്‍ വ്യാഴാഴ്ച്ചയും മാനന്തവാടി,പേര്യ എന്നിവടങ്ങളില്‍ ഞായറാഴ്ച്ചയുമാണ് പച്ചക്കറി സംഭരണം. ഇവ പിന്നീട് ഹോര്‍ട്ടികോര്‍പ്പിന് കൈമാറും. ഓരോ സംഭരണകേന്ദ്രത്തിനും കീഴില്‍ വരുന്ന പഞ്ചായത്തുകള്‍ ഇങ്ങനെയാണ്,

  കോവിഡ് 19 പശ്ചാത്തലത്തില്‍ സര്‍ക്കാര്‍ പ്രഖ്യാപിച്ച സൗജന്യ റേഷന്‍ വിതരണത്തില്‍ ക്രമക്കേട് കാണിക്കുന്ന കടയുടമകള്‍ക്കെതിരെ കര്‍ശന നടപടി സ്വീകരിക്കുമെന്ന്  ഉത്തരമേഖല റേഷനിംഗ് ഡെപ്യൂട്ടി കണ്‍ട്രോളര്‍ അറിയിച്ചു. കാര്‍ഡുടമകള്‍ ബില്ലുകള്‍ കൃത്യമായി വാങ്ങി സൂക്ഷിക്കണം.  ബില്‍ പ്രകാരമുളള അളവില്‍ ഭക്ഷ്യ സാധനങ്ങള്‍ ലഭിക്കുന്നുണ്ടെന്ന് ഉറപ്പാക്കണം. വിതരണം സംബന്ധിച്ച് കടകളില്‍ വിശദമായ പരിശോധന നടത്തുമെന്നും അദ്ദേഹം പറഞ്ഞു. സൗജന്യ റേഷന്‍ വിതരണത്തില്‍ തൂക്കത്തില്‍ ക്രത്രിമം കാണിക്കുന്നതായി പരാതികള്‍ ലഭിക്കുന്ന സാഹചര്യത്തിലാണ് മുന്നറിപ്പ്.

ഹോട്ടലുകൾ, ടേക്ക് എവേ കൗണ്ടറുകൾ എന്നിവയ്ക്ക് ഓൺലൈൻ ഭക്ഷണ ഓർഡറുകൾ വിതരണം ചെയ്യുന്നതിന് രാത്രി എട്ടു മണി വരെ സർക്കാർ അനുമതി നൽകി. നേരത്തെ രാവിലെ ഏഴു മുതൽ വൈകിട്ട് അഞ്ച് മണി വരെയായിരുന്നു പ്രവർത്തനാനുമതി. ഓൺലൈനിലല്ലാതെയുള്ള വിൽപന വൈകിട്ട് അഞ്ച് മണിക്ക് തന്നെ അവസാനിപ്പിക്കണം. രാത്രി ഒൻപത് മണിക്കകം ഓൺലൈൻ ഭക്ഷണം വീടുകളിലെത്തിക്കുന്നവർ പ്രവർത്തനം അവസാനിപ്പിച്ചിരിക്കണമെന്നും ഉത്തരവിൽ വ്യക്തമാക്കുന്നു.
പി.എൻ.എക്സ്.1331/2020

സംസ്ഥാന ബാലാവകാശ സംരക്ഷണ കമ്മിഷനിലെ ചെയർപേഴ്‌സൻ നിയമനത്തിന് അപേക്ഷ സ്വീകരിക്കുന്നതിനുള്ള അവസാന തിയതി ഏപ്രിൽ 21 വരെ നീട്ടി.  കൂടുതൽ വിവരങ്ങൾക്ക്: www.kerala.gov.in, www.kescpcr.kerala.gov.in.    
പി.എൻ.എക്സ്.1330/2020

കോവിഡ് -19 ന്റെ പശ്ചാത്തലത്തിൽ ലോക്ക്ഡൗൺ പ്രഖ്യാപിച്ച സാഹചര്യത്തിൽ  വിദ്യാർഥികളുടെ അവധിക്കാലം വീടുകളിൽ സൃഷ്ടിപരവും സർഗാത്മകവുമാക്കുന്നതിന് കൈറ്റ് എസ്.സി.ഇ.ആർ.ടി.യുമായി ചേർന്ന് 'അവധിക്കാല സന്തോഷങ്ങൾ' എന്ന പേരിൽ പ്രത്യേക സംവിധാനം ഒരുക്കി. 45 ലക്ഷം കുട്ടികൾ വീട്ടിലിരിക്കുന്ന സാഹചര്യത്തിൽ ഓൺലൈൻ സംവിധാനം വ്യാപകമായി  പ്രയോജനപ്പെടുത്തണമെന്ന മുഖ്യമന്ത്രി പിണറായി വിജയന്റെ നിർദ്ദേശ പ്രകാരമാണ് നടപടി.

കോവിഡ് 19 ന്റെ പശ്ചാത്തലത്തിൽ മുഖ്യമന്ത്രി മുന്നോട്ടുവച്ച സാലറി ചാലഞ്ചിൽ പങ്കുചേർന്ന് സംസ്ഥാന സഹകരണ യൂണിയൻ അരക്കോടി രൂപ നൽകും. ജീവനക്കാരുടെ ഒരു മാസത്തെ ശമ്പളവും മാനേജ്‌മെന്റ് വിഹിതവും ചേർത്ത് അരക്കോടി രൂപ തിങ്കളാഴ്ച കൈമാറുമെന്ന് അഡ്മിനിസ്‌ട്രേറ്റീവ് കമ്മറ്റി കൺവീനർ കോലിയക്കോട് എൻ.കൃഷ്ണൻ നായർ അറിയിച്ചു. ജീവനക്കാരുടെ ശമ്പളം മുൻകൂറായാണ് ദുരിതാശ്വാസ നിധിയിലേക്ക് കൈമാറുന്നത്. ജീവനക്കാരുടെ സമ്മതപത്രത്തിന്റെ അടിസ്ഥാനത്തിൽ തിരിച്ചടവിനായി പത്ത് തുല്യ ഗഡുക്കൾ അനുവദിക്കാനും തീരുമാനിച്ചതായി അദ്ദേഹം അറിയിച്ചു.
പി.എൻ.എക്സ്.1327/2020

  സംസ്ഥാന വികലാംഗക്ഷേമ കോർപറേഷന് സ്വയംതൊഴിൽ വായ്പ നൽകുന്നതിന് ബാങ്ക് ഗ്യാരന്റിയായി 20 കോടി രൂപ അനുവദിച്ച് ഉത്തരവായതായി ആരോഗ്യ മന്ത്രി കെ.കെ. ശൈലജ ടീച്ചർ അറിയിച്ചു. നിലവിലുണ്ടായിരുന്ന ആറ് കോടിയുടെ ഗ്യാരന്റി പുതുക്കുന്നതിനും എട്ട് കോടിയുടെ പുതിയ കരാർ നടപ്പിലാക്കുന്നതിനും പുതുതായി ആറ് കോടി രൂപ അനുവദിക്കുന്നതിനുമാണ് ഉത്തരവായത്. ഇതുവഴി നിരവധി പുതിയ ഭിന്നശേഷിക്കാർക്ക് സ്വയംതൊഴിൽ വായ്പ നൽകുന്നതിനും അവരുടെ പുനരധിവാസവും ശാക്തീകരണവും ഉറപ്പുവരുത്തുന്നതിനും സാധിക്കുമെന്ന് മന്ത്രി വ്യക്തമാക്കി.  
പി.എൻ.എക്സ്.1326/2020