താനൂരില്‍ 50 വര്‍ഷത്തിനിടെ വലിയ വികസനമെന്ന് മന്ത്രി

ജില്ലയില്‍ 57 പേര്‍ക്ക് ഇന്നലെ (ജൂലൈ 21) കൊവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. ഇവരില്‍ അഞ്ചു പേര്‍ വിദേശത്തു നിന്നും 13 പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. കണ്ണൂര്‍ ഡിഎസ്‌സി സെന്ററിലുള്ളവരാണ് 30 പേര്‍. അഞ്ചു പേര്‍ക്ക് സമ്പര്‍ക്കം മൂലമാണ് രോഗബാധ. ബാക്കി നാലു പേര്‍ ആരോഗ്യ പ്രവര്‍ത്തകരാണ്. കൊവിഡ് ബാധിച്ച് വിവിധ ആശുപത്രികളില്‍ ചികിത്സയിലായിരുന്ന 10 പേര്‍ ഇന്നലെ രോഗമുക്തരായി.

ജില്ലയില്‍ 43 പേര്‍ക്ക് ഇന്നലെ (ജൂലൈ 22) കൊവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. ഇവരില്‍ നാലു പേര്‍ വിദേശത്തു നിന്നും 18 പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. കണ്ണൂര്‍ ഡിഎസ്സി സെന്ററിലുള്ളവരാണ് അഞ്ചു പേര്‍. 13 പേര്‍ക്ക് സമ്പര്‍ക്കം മൂലമാണ് രോഗബാധ. ബാക്കി മൂന്നു പേര്‍ ആരോഗ്യ പ്രവര്‍ത്തകരാണ്.

അത്യപൂര്‍വങ്ങളായ മാവിനങ്ങളുടെ സമ്പത്തുമായി കണ്ണപുരം ഇനി നാട്ടുമാവ് പൈതൃക പ്രദേശമായി അറിയപ്പെടും. ലോകത്തു തന്നെ നൂറിലധികം നാട്ടുമാവുകള്‍ സ്വാഭാവികമായി കാണപ്പെടുന്ന ഏക ഹെറിറ്റേജ് സെന്റര്‍ ആയി  കണ്ണപുരം ചുണ്ടയിലെ കുറുവക്കാവും പരിസരവും മാറി. കുറുവക്കാവ് പരിസരത്തു നടന്ന ചടങ്ങില്‍ ടി വി രാജേഷ് എംഎല്‍എ  നാട്ടുമാവ് പൈതൃക പ്രദേശ പ്രഖ്യാപനം നടത്തി. നാടന്‍ മാവുകളെ സംരക്ഷിക്കുന്നതോടൊപ്പം രുചി വൈവിധ്യം നിറഞ്ഞ മാങ്ങകള്‍ കൊണ്ട് മൂല്യവര്‍ധിത ഉല്‍പന്നങ്ങളുടെ നിര്‍മ്മാണവും വിപണനവും പ്രോത്സാഹിപ്പിക്കുന്ന തൊഴില്‍ സംരംഭങ്ങള്‍ കൂടി ആവിഷ്‌കരിക്കുമെന്ന് എം എല്‍ എ പറഞ്ഞു

മുഖ്യമന്ത്രിയുടെ ദുരിതാശ്വാസനിധിയിലേക്ക് എല്‍ഐസി പെന്‍ഷനേഴ്‌സ് അസോസിയേഷന്‍ കോഴിക്കോട് ഡിവിഷന്‍ രണ്ടാം ഗഡുവായി നാലു ലക്ഷം രൂപ സംഭാവന നല്‍കി.  ആദ്യ ഗഡുവായി രണ്ടു ലക്ഷം രൂപ കഴിഞ്ഞ ഏപ്രിലില്‍ നല്‍കിയിരുന്നു.  ഇതു കൂടാതെ സംഘടനയുടെ എട്ട് അംഗങ്ങള്‍ 98,958 രൂപ നേരിട്ട് മുഖ്യമന്ത്രിയുടെ ദുരിതാശ്വാസനിധിയിലേക്ക് നല്‍കി രസീത് കൈപ്പറ്റിയിട്ടുമുണ്ട്.  സംസ്ഥാന സര്‍ക്കാരിന്റെ കോവിഡ് പ്രതിരോധ യജ്ഞത്തിന് പിന്തുണ വാഗ്ദാനം ചെയ്യുന്നതായി സെക്രട്ടറി കെ.കെ.സി. പിള്ള അറിയിച്ചു.

കോവിഡ് ദുരിതാശ്വാസത്തിന്റെ ഭാഗമായി സൂപ്പര്‍ മാര്‍ക്കറ്റ് വെല്‍ഫെയര്‍ അസോസിയേഷന്‍ (സ്വാക്) കോഴിക്കോട് ജില്ലാ കമ്മറ്റി ഫസ്റ്റ്‌ലൈന്‍ ട്രീറ്റ്‌മെന്റ് സെന്ററുകളിലേക്ക് 1,000 രോഗികള്‍ക്കാവശ്യമായ വസ്തുക്കള്‍ സംഭാവന ചെയ്തു.  സ്വാക് ചാരിറ്റി കണ്‍വീനര്‍ കെ.അബ്ദുള്‍ നാസറില്‍നിന്നും ഡെപ്യൂട്ടി കലക്ടര്‍ അനിതകുമാരി സഹായം ഏറ്റുവാങ്ങി.  ജില്ലാ പ്രസിഡണ്ട് വി.മുസ്തഫ, ജനറല്‍ സെക്രട്ടറി,കെ.എം. ഹനീഫ, ഭാരവാഹികളായ കെ.സജിത്ത്. ടി.ഷിനോജ്. എന്നിവര്‍ പങ്കെടുത്തു. 

കോവിഡ് 19 വ്യാപനം രൂക്ഷമായിക്കൊണ്ടിരിക്കുന്ന ഘട്ടത്തിൽ അടിയന്തിര സാഹചര്യം നേരിടുന്നതിനായി കൊയിലാണ്ടി നഗരസഭയിൽ ഫസ്റ്റ് ലൈൻ ട്രീറ്റ് മെൻ്റ് സെൻ്ററിൻ്റെ പ്രവൃത്തി പുരോഗമിക്കുന്നു.

ആദ്യ ഘട്ടത്തിൽ എല്ലാ സൗകര്യങ്ങളോടുകൂടിയ 100 ബെഡ്ഡുകളുള്ള ഫസ്റ്റ് ലൈൻ ട്രീറ്റ്മെൻ്റ്  സെൻ്റർ അമൃത വിദ്യാലയത്തിലാണ് ആരംഭിക്കുന്നത്. 

പട്ടികജാതിയില്‍പ്പെട്ട വേടന്‍, കളളാടി, നായാടി, അരുന്ധതിയാര്‍, ചക്ലിയ സമുദായങ്ങളില്‍ ഉള്‍പ്പെട്ടിട്ടുളളവര്‍ക്കായി നടപ്പിലാക്കുന്ന ടോയ്‌ലറ്റ് നിര്‍മ്മാണ പദ്ധതിയില്‍ അപേക്ഷ ക്ഷണിച്ചു. അപേക്ഷകര്‍ കോഴിക്കോട് കോര്‍പ്പറേഷന്‍ പരിധിയില്‍ താമസിക്കുന്നവരും സ്വന്തമായി വീടുളളവരും  ടോയ്‌ലറ്റ് സൗകര്യം ഇല്ലാത്തവരുമായിരിക്കണം.   ജാതി, വരുമാനം, ഉടമാസ്ഥാവകാശം എന്നിവ തെളിയിക്കുന്ന സര്‍ട്ടിഫിക്കറ്റുകള്‍, ബാങ്ക് പാസ്സ് ബുക്ക്, പാസ്പോര്‍ട്ട് സൈസ് ഫോട്ടോ എന്നിവ സഹിതം ജൂലൈ 30ന് വൈകീട്ട് അഞ്ചിനകം കോര്‍പ്പറേഷന്‍ പട്ടികജാതി വികസന ഓഫീസില്‍ അപേക്ഷ നല്‍കണം.  ഫോണ്‍ : 7356537604.

  കോവിഡ്  ജാഗ്രത കണക്കിലെടുത്ത് റേഷന്‍ കടയിലെ ജീവനക്കാര്‍ നിരീക്ഷണത്തില്‍ പോവണമെന്നു മുന്‍സിപ്പല്‍ ആരോഗ്യവിഭാഗം നിര്‍ദ്ദേശിച്ചതിനാല്‍ പുറങ്കരയിലെ 54ാം  നമ്പര്‍ റേഷന്‍കട താല്‍ക്കാലികമായി പ്രവര്‍ത്തനം നിര്‍ത്തിവെച്ച സാഹചര്യത്തില്‍ ഇവിടെയുള്ള കാര്‍ഡുടമകള്‍ക്ക്  കൊയിലാണ്ടി വളപ്പിലെ 61ാം നമ്പര്‍ കടയില്‍ നിന്നും റേഷന്‍ സാധനങ്ങള്‍ വാങ്ങാമെന്ന്  വടകര താലൂക്ക് സപ്ലൈ ഓഫീസര്‍ അറിയിച്ചു.