വിദ്യാഭ്യാസ സ്ഥാപനങ്ങളും ഓഡിറ്റോറിയവും ഏറ്റെടുത്തു

തിരൂരങ്ങാടി ബ്ലോക്ക് പഞ്ചായത്ത് ഓഫീസില്‍ 
ഓഫ് ഗ്രിഡ്-ഓണ്‍ ഗ്രിഡ് സോളാര്‍ പദ്ധതി വരുന്നു.
നടപ്പാക്കുന്നത് 17 ലക്ഷത്തിലധികം രൂപ ചെലവില്‍

    തീരദേശ വാസികളായ കായിക പ്രേമികളുടെ ചിരകാല അഭിലാഷമായ താനൂര്‍ ഉണ്യാല്‍ സ്റ്റേഡിയത്തിന്റെ നിര്‍മാണോദ്ഘാടനം ഇന്ന് (ജൂലൈ 22 ന് ) ഉച്ചക്ക് 12ന് ഫിഷറീസ് - ഹാര്‍ബര്‍ എഞ്ചിനീയറിങ് - കശുവണ്ടി വികസന വകുപ്പ് മന്ത്രി ജെ.മേഴ്‌സിക്കുട്ടി അമ്മ വീഡിയോ കോണ്‍ഫറന്‍സിങിലൂടെ നിര്‍വഹിക്കും. വി അബ്ദുറഹ്മാന്‍ എം.എല്‍.എ അധ്യക്ഷനാകും. താനാളൂര്‍ ഗ്രാമപഞ്ചായത്ത് അധികൃതര്‍, ഫിഷറീസ് -ഹാര്‍ബര്‍ എഞ്ചിനീയറിങ് വകുപ്പ് ഉദ്യോഗസ്ഥര്‍ എന്നിവര്‍ പങ്കെടുക്കും.

തീരദേശ മേഖലകളില്‍ കോവിഡ് പ്രതിരോധ പ്രവര്‍ത്തനങ്ങള്‍ ശക്തമാക്കണമെന്ന് ഗതാഗത മന്ത്രി എ.കെ.ശശീന്ദ്രന്‍ നിര്‍ദ്ദേശിച്ചു.  കോവിഡ് വ്യാപനം രൂക്ഷമായി തുടരുന്ന സാഹചര്യത്തില്‍ മന്ത്രിയുടെ നേതൃത്വത്തില്‍ കോര്‍പറേഷന്‍ ഓഫീസില്‍ ചേര്‍ന്ന കോവിഡ് അവലോകന യോഗത്തിലാണ് ഇക്കാര്യം അറിയിച്ചത്.  ആര്‍ആര്‍ടി പ്രവര്‍ത്തനം ശക്തമാക്കാനും മന്ത്രി നിര്‍ദേശം നല്‍കി.  

കൊവിഡ് 19 ന്റെ വ്യാപനത്തിന്റെ ഭാഗമായി കൊടുവള്ളി നഗരസഭയില്‍ കെഎംഒ ആര്‍ട്‌സ് ആന്റ് സയന്‍സ് കോളജില്‍ സജ്ജീകരിക്കുന്ന  ഫസ്റ്റ്‌ലൈന്‍ ട്രീറ്റ്‌മെന്റ് സെന്ററിലേക്ക് അടിസ്ഥാന സൗകര്യങ്ങള്‍ ഒരുക്കുന്നതിനായി സംഭാവനകളും സ്‌പോണ്‍സര്‍ഷിപ്പും ക്ഷണിക്കുന്നതായി നഗരസഭ സെക്രട്ടറി അറിയിച്ചു. താല്‍പ്പര്യമുള്ളവര്‍ നഗരസഭ ഓഫീസുമായി ബന്ധപ്പെടുകയോ ഫസ്റ്റ്‌ലൈന്‍ ട്രീറ്റ്‌മെന്റ് സെന്റര്‍ മാനേജ്‌മെന്റ് കമ്മിറ്റിയുടെ പേരില്‍ കൊടുവള്ളി സിന്‍ഡിക്കേറ്റ് ബാങ്കില്‍ ആരംഭിച്ച 44142010007251 (IFSC SYN0004414) എന്ന ബാങ്ക് അക്കൗണ്ടിലേക്ക് സംഭാവന നേരിട്ട് കൈമാറുകയോ ചെയ്യാവുന്നതാണ്. 
 

കൊവിഡ് 19 വ്യാപനം രൂക്ഷമായ സാഹചര്യത്തില്‍ കൊടുവള്ളി നഗരസഭ ഓഫീസില്‍ പൊതുജനങ്ങള്‍ക്കുള്ള പ്രവേശനത്തിന് നിയന്ത്രണം ഏര്‍പ്പെടുത്തിയതായി നഗരസഭ സെക്രട്ടറി അറിയിച്ചു. ഓഫീസുമായി 0495 2210238, 8921362175 എന്നീ ഫോണ്‍ നമ്പറുകളില്‍ ബന്ധപ്പെടാവുന്നതാണ്. അടിയന്തിര പ്രാധാന്യമുള്ള പരാതികളും അപേക്ഷകളും koduvallymuncipality@gmail.com എന്ന ഈ-മെയില്‍ മുഖേന നഗരസഭയില്‍ അറിയിക്കാവുന്നതാണ്. 60 വയസിന് മുകളിലുള്ളവരും 10 വയസിന് താഴെയുള്ളവരും യാതൊരു കാരണവശാലും ഓഫീസില്‍ പ്രവേശിക്കാന്‍ പാടുള്ളതല്ലെന്നും അറിയിച്ചു.