കാറഡുക്ക ബ്ലോക്ക് പഞ്ചായത്തിലെ ബേഡകം പട്ടികവര്‍ഗ സംവരണവാര്‍ഡിലേക്കുള്ള ഉപതിരഞ്ഞെടുപ്പ് 2018 ജനുവരി 11ന് വ്യാഴാഴ്ച നടത്തും.  ഇത് സംബന്ധിച്ച് സംസ്ഥാന തെരഞ്ഞെടുപ്പ് കമ്മീഷന്‍ ശനിയാഴ്ച (16) വിജ്ഞാപനം പുറപ്പെടുവിച്ചു. നാമനിര്‍ദ്ദേശപത്രിക സമര്‍പ്പിക്കുന്നതിനുള്ള അവസാനതീയതി ഈ മാസം 23 ആണ്. പത്രികകളുടെ സൂക്ഷ്മ പരിശോധന 26ന് നടത്തും. 28വരെ  സ്ഥാനാര്‍ത്ഥിത്വം പിന്‍വലിക്കാം. ആവശ്യമെങ്കില്‍ 2018  ജനുവരി 11ന് രാവിലെ ഏഴ് മുതല്‍ വൈകുന്നേരം അഞ്ച് വരെ വോട്ടെടുപ്പ് നടക്കും. ജനുവരി 12ന്  രാവിലെ 10 മുതല്‍ വോട്ടെണ്ണും. തെരഞ്ഞെടുപ്പിനുള്ള. മാതൃകാ പെരുമാറ്റച്ചട്ടം നിലവില്‍ വന്നു. 

   ഹൊസ്ദുര്‍ഗ്-മടിക്കൈ-നീലേശ്വരം റോഡിന്റെ പ്രവൃത്തി നടക്കുന്നതിനാല്‍  നാളെ (18)മുതല്‍ ഈ മാസം 31വരെ ഈ റോഡില്‍ കണിച്ചിറപാലം മുതല്‍-കാലിച്ചാംപൊതി ജംഗ്ഷന്‍ വരെ ഗതാഗതം നിരോധിച്ചു. വാഹനങ്ങള്‍ മടിക്കൈ- അമ്പലത്തിങ്കര-പൂത്തക്കാല്‍ വഴി തിരിഞ്ഞു പോകണമെന്ന് പൊതുമരാമത്ത് നിരത്ത് വിഭാഗം അസി എക്‌സിഎഞ്ചിനീയര്‍ അറിയിച്ചു.

    എസ്.ആര്‍.സി കമ്മ്യൂണിറ്റി കോളേജില്‍ ജനുവരിയില്‍ നടത്തുന്ന വിവിധ സര്‍ട്ടിഫിക്കറ്റ്-ഡിപ്ലോമ കോഴ്സുകള്‍ക്ക് അപേക്ഷിക്കാം. കംപ്യൂട്ടര്‍ ആപ്ലിക്കേഷന്‍, ബ്യൂട്ടികെയര്‍, ലേണിംഗ് ഡിസെബിലിറ്റി, സെര്‍ച്ച് എന്‍ജിന്‍ ഒപ്റ്റിമൈസേഷന്‍, കൗണ്‍സിലിംഗ് സൈക്കോളജി, ലൈഫ്സ്കില്‍ എഡ്യുക്കേഷന്‍, അക്യുപ്രഷര്‍ ആന്‍ഡ് ഹോളിസ്റ്റിക് ഹെല്‍ത്ത് കെയര്‍, ക്ലാസിക്കല്‍ ആന്‍ഡ് കമേഴ്സ്യല്‍ ആര്‍ട്സ്, ഫൈനാന്‍ഷ്യല്‍ അക്കൗണ്ടിംഗ്, ഡിറ്റിപി, വേഡ് പ്രോസസിംഗ് തുടങ്ങിയ മേഖലകളിലാണ് കോഴ്സുകള്‍ നടത്തുന്നത്. ഡിപ്ലോമ കോഴ്സിന് ഒരു വര്‍ഷവും സര്‍ട്ടിഫിക്കറ്റ് കോഴ്സിന് ആറ് മാസവുമാണ് പഠന കാലയളവ്.

   ജില്ലാ കളക്ടര്‍ നടത്തിയ കാസര്‍കോട് താലൂക്ക് തല അദാലത്തില്‍ മൊത്തം 121 പരാതികള്‍ സ്വീകരിച്ചു. കാസര്‍കോട് മുന്‍സിപ്പല്‍ കോണ്‍ഫറന്‍സ് ഹാളില്‍ ജില്ലാ കളക്ടര്‍ ജീവന്‍ ബാബു.കെ നടത്തിയ പരാതി പരിഹാരഅദാലത്തിലാണ് വിവിധ വകുപ്പുകളിലായി ഇത്രയും പരാതികള്‍ പരിഗണിച്ചത്. ജില്ലയില്‍ ഈ വര്‍ഷം നടത്തിയ മൂന്നാമത്തെ താലൂക്ക്തല അദാലത്തായിരുന്നു കാസര്‍കോട് നടന്നത്. 

   അന്ധയായ മകളുമായി മുളിയാറില്‍ നിന്നെത്തിയ ചോമാറുവിന്  കളക്ടര്‍ക്ക് മുമ്പില്‍ ബോധിപ്പിക്കാനുണ്ടായിരുന്നത് പതിറ്റാണ്ടുകളായി താമസിക്കുന്ന ഭൂമി പതിച്ചു നല്‍കണമെന്നതായിരുന്നു. എഴുപത് കഴിഞ്ഞ ചോമാറുവിന്റെ അപേക്ഷയ്ക്ക് പരിഹാരമുണ്ടാക്കുന്നതിനൊപ്പം 34 വയസായ മകള്‍ സുജാതയ്ക്ക് കണ്ണിന് ചികിത്സയ്ക്ക് ആവശ്യമായ സഹായം ലഭ്യമാക്കുന്നതിന് നടപടി സ്വീകരിക്കാമെന്നും ഉറപ്പുനല്‍കിയാണ് കളക്ടര്‍ ഈ അമ്മയെയും മകളെയും യാത്രയാക്കിയത്. ജനിച്ചപ്പോള്‍ തന്നെ കാഴ്ചയ്ക്ക് പ്രശ്‌നമുണ്ടായിരുന്നു സുജാതയ്ക്ക്. ഒരു കണ്ണിന് നേരിയ കാഴ്ച മാത്രമുണ്ടായിരുന്ന സുജാത എസ്എസ്എല്‍സിവരെ പഠിച്ചിട്ടുണ്ട്.

   നിയമസഭ വജ്രജൂബിലി ജില്ലാതല ആഘോഷം 2018 ജനുവരി നാല് , അഞ്ച് തീയതികളില്‍ നടക്കും. ജില്ലാതല ഉദ്ഘാടനം ജനുവരി നാലിന് നീലേശ്വരത്ത് നടക്കും. നിയമസഭാസ്പീക്കര്‍ പി ശ്രീരാമകൃഷ്ണന്‍ പങ്കെടുക്കും അഞ്ചിന് കാസര്‍കോട് മുന്‍സിപ്പല്‍ കോണ്‍ഫറന്‍സ് ഹാളില്‍ സെമിനാര്‍ നടക്കും. അഞ്ചിന് സമാപനചടങ്ങില്‍  ഡപ്യൂട്ടി സ്പീക്കര്‍ വി ശശി സംബന്ധിക്കും. കാഞ്ഞങ്ങാട് മാതൃക നിയമസഭയും സംഘടിപ്പിക്കും.
    
        

    സ്ത്രീകള്‍ക്കും കുട്ടികള്‍ക്കും നേരെയുണ്ടാകുന്ന അതിക്രമങ്ങള്‍ പ്രതിരോധിക്കുന്നതിനും ബോധവത്ക്കരണത്തിനുമായി കുടുംബശ്രീയുടെ ആഭിമുഖ്യത്തില്‍ പന്തളം കേന്ദ്രമായി ആരംഭിക്കുന്ന സ്നേഹിത ജെന്‍ഡര്‍ ഹെല്‍പ്പ് ഡസ്ക് 19ന് ഉച്ചയ്ക്ക് ശേഷം മൂന്നിന് വൈദ്യുതി മന്ത്രി എം.എം.മണി ഉദ്ഘാടനം ചെയ്യും. ചിറ്റയം ഗോപകുമാര്‍ എംഎല്‍എ  അധ്യക്ഷത വഹിക്കുന്ന ചടങ്ങില്‍ ജില്ലാ പഞ്ചായത്ത് പ്രസിഡന്‍റ് അന്നപൂര്‍ണാദേവി സ്നേഹിത ടോള്‍ ഫ്രീ നമ്പര്‍ പ്രകാശനം ചെയ്യും. ജില്ലാ കളക്ടര്‍ ആര്‍.ഗിരിജ മുഖ്യപ്രഭാഷണം നടത്തും. സ്നേഹിത വെബ്സൈറ്റ് ഉദ്ഘാടനവും കളക്ടര്‍ നിര്‍വഹിക്കും.

    ടൂറിസം വകുപ്പിന്റെ അധീനതയിലുള്ള ഇടുക്കി സര്‍ക്കാര്‍ അതിഥി മന്ദിരത്തില്‍ ഒരു വര്‍ഷത്തേക്ക് പൂന്തോ'ം പരിപാലനം നടത്തുതിന് പരിചയസമ്പരായ ഏജന്‍സികള്‍/ വ്യക്തികളില്‍ നിും മുദ്രവച്ച ക്വ'േഷന്‍ ക്ഷണിച്ചു.  പൂന്തോ'ം ഒരു വര്‍ഷത്തേക്ക് പരിപാലിക്കുതിനുള്ള തുക ക്വ'േഷനില്‍ രേഖപ്പടുത്തണം.  ക്വ'േഷന്‍ ജനുവരി 15ന് ഉച്ചക്ക് രണ്ട് മണിവരെ ഇടുക്കി അതിഥി മന്ദിരത്തില്‍ നേരി'ോ തപാല്‍ മുഖേനയോ സ്വീകരിക്കും.