മുന്‍ പരിചയമുളള എഞ്ചിനീയറിംഗ് ബിരുദധാരികളെ സാങ്കേതിക  വിദ്യാഭ്യാസം ശാക്തീകരിക്കുന്നതിന്റെ ഭാഗമായി കരാറടിസ്ഥാനത്തില്‍ പെരിന്തല്‍മണ്ണ ഗവ. പോളിടെക്‌നിക്ക് കോളേജില്‍ നിയമിക്കുന്നു. ഉന്നത സാങ്കേതിക കലാലയങ്ങളിലോ, ഗവേഷണ കേന്ദ്രങ്ങളിലോ, കേന്ദ്ര സംസ്ഥാന പൊതുമേഖലാ സ്ഥാപനങ്ങളിലോ, പ്രധാനപ്പെട്ട  വ്യവസായ സ്ഥാപനങ്ങളിലോ, സിവില്‍ സര്‍വീസിലോ, സാങ്കേതിക കൗണ്‍സിലുകളിലോ,   സ്വദേശത്തോ, വിദേശത്തോ ജോലി ചെയ്തവര്‍ക്ക് അപേക്ഷിക്കാം. മണിക്കൂറിന് 1000 രൂപ നിരക്കില്‍ പ്രതിമാസം 25000 രൂപ വരെ ലഭിക്കും.

ഉജ്ജ്വല പദ്ധതിയുടെ പുരോഗതി വിലയിരുത്തുന്നതിനായി തിരൂര്‍ / പെരിന്തല്‍മണ്ണ കമ്മ്യൂണിറ്റി വിജിലന്‍സ് ഗ്രൂപ്പുകളുടെ യോഗം ഡിസംബര്‍ 27ന് വൈകീട്ട് 3.30ന് എ.ഡി.എമ്മിന്റെ ചേമ്പറില്‍ ചേരും.

       പൂക്കയില്‍ - ഉണ്ണ്യാല്‍ റോഡില്‍ നവീകരണ പ്രവര്‍ത്തി നടക്കുന്നതിനാല്‍ ഇതിലൂടെയുള്ള വാഹന ഗതാഗതത്തിന് ഭാഗികമായി നിയന്ത്രണം ഉണ്ടാകും.  വാഹനങ്ങള്‍ തിരൂര്‍ - എട്ടിരിക്കടവ് - പറവണ്ണ വഴി പോകണം.

    ജില്ലാപഞ്ചായത്ത് സ്ഥാപനമായ എം.ഐ.ഇ.ഡി നടത്തുന്ന  ഒരുമാസത്തെ ബ്യൂട്ടീഷ്യന്‍ പരിശീലനത്തിന് അപേക്ഷ ക്ഷണിച്ചു.  താല്‍പര്യമുള്ളവര്‍ ഡിസംബര്‍ 20നകം മാനേജിങ് ഡയറക്ടര്‍, എം.ഐ.ഇ.ഡി  സിവില്‍ സ്റ്റേഷന്‍, ജില്ലാ പഞ്ചായത്ത് ഭവന്‍ മലപ്പുറം വിലാസത്തില്‍ പേര് രജിസ്‌ററര്‍ ചെയ്യണം.  ഫോണ്‍: 0483 2730464.

സാധാണക്കാരുടെ പ്രശ്‌നങ്ങള്‍ക്ക് പരിഹാരം കാണുന്നതിന് ജില്ലകലക്ടര്‍ നടത്തുന്ന ജനസമ്പര്‍ക്ക പരിപാടി ഇന്ന് (ഡിസംബര്‍ 16) നിലമ്പൂരില്‍ നടക്കും. രാവിലെ ഒമ്പത് മുതല്‍ വ്യാപാര ഭവന്‍ ഓഡിറ്റോറിയത്തില്‍ നടക്കുന്ന പരിപാടിയില്‍ ജില്ലാ കലക്ടര്‍ അമിത് മീണ ഒരോ പരാതിക്കാരന്റെയും പ്രശ്‌നങ്ങള്‍ നേരിട്ട് കേള്‍ക്കും. പരാതികളില്‍ ഉടന്‍ നടപടി സ്വീകരിക്കുന്നതിന് ജില്ലാ ഉദ്യോഗസ്ഥരും ജനസമ്പര്‍ക്ക വേദിയിലുണ്ടാവും. നേരത്തെ അക്ഷയ കേന്ദ്രങ്ങള്‍ വഴി പരാതി നല്‍കിയവരെയാണ് ആദ്യം പരിഗിണക്കുക. പുതിയ പരാതികളും സ്വീകരിക്കും.

വോട്ടര്‍ പട്ടിക പുതുക്കലുമായി ബന്ധപ്പെട്ട് തെരഞ്ഞെടുപ്പ് കമ്മീഷന്‍ നിയോഗിച്ച നിരീക്ഷകന്‍ ഡോ.ബി. അശോക് ഇന്ന് (ഡിസംബര്‍ 16) ജില്ലയിലെത്തും. രാവിലെ 11 ന് അദ്ദേഹം കലക്ട്രറ്റില്‍  ഉദ്യോഗസ്ഥരുമായി ചര്‍ച്ച നടത്തും. തുടര്‍ന്ന് ഉച്ചക്ക് 12 ന് കലക്ട്രറ്റില്‍ നടക്കുന്ന രാഷ്ട്രീയ കക്ഷി നേതാക്കളുടെ യോഗത്തിലും പങ്കെടുക്കും.

കുട്ടികളുടെ അവകാശങ്ങള്‍ സംരക്ഷിക്കുന്നതിനുള്ള  സന്ദേശങ്ങള്‍   ഉള്‍കൊള്ളുന്ന ഹ്ര്വസ്വ ചിത്രങ്ങള്‍ പ്രദര്‍ശിപ്പിച്ചു കൊണ്ടുള്ള മലപ്പുറം ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെ 'കുട്ടി സിനിമാവണ്ടി' ജില്ലയിലെ രണ്ടു ദിവസത്തെ പര്യടനം പൂര്‍ത്തിയാക്കി.
കുട്ടികളുടെ അവകാശത്തെ സംബന്ധിക്കുന്നതും അവരുടെ സുരക്ഷിതത്വവും ഉറപ്പു വരുത്തുന്നതിനായി  കൈകൊള്ളേണ്ട നടപടികളെ കുറിച്ചുള്ള ഹ്ര്വസ  ചിത്രങ്ങളാണ് സിനിമാവണ്ടിയില്‍ പ്രദര്‍ശിപ്പിച്ചത്. വനിതാ ശിശു വികസന വകുപ്പ് മലപ്പുറം ജില്ലാ ചൈല്‍ഡ് പ്രൊട്ടക്ഷന്‍ യൂണിറ്റിന്റെ നേതൃത്വത്തിലാണ് മൊബൈല്‍ സിനിമാ പ്രദര്‍ശനം സംഘടിപ്പിച്ചത്.

വോട്ടര്‍ പട്ടിക പുതുക്കലുമായി ബന്ധപ്പെട്ട് തെരഞ്ഞെടുപ്പ് കമ്മീഷന്‍ നിയോഗിച്ച നിരീക്ഷകന്‍ ഡോ.ബി. അശോക് ഇന്ന് (ഡിസംബര്‍ 16) ജില്ലയിലെത്തും. രാവിലെ 11 ന് അദ്ദേഹം കലക്ട്രറ്റില്‍  ഉദ്യോഗസ്ഥരുമായി ചര്‍ച്ച നടത്തും. തുടര്‍ന്ന് ഉച്ചക്ക് 12 ന് കലക്ട്രറ്റില്‍ നടക്കുന്ന രാഷ്ട്രീയ കക്ഷി നേതാക്കളുടെ യോഗത്തിലും പങ്കെടുക്കും.

കോട്ടയം ജില്ലാ മൃഗ സംരക്ഷണ കേന്ദ്രത്തിന്റെ കോമ്പൗണ്ടില്‍ നില്‍ക്കുന്ന മഴമരം ഡിസംബര്‍ 29ന് ഉച്ചകഴിഞ്ഞ് രണ്ടിന് കോട്ടയം ജില്ലാ മൃഗസംരക്ഷണ കേന്ദ്രത്തില്‍ ലേലം ചെയ്യും.  കൂടുതല്‍ വിവരങ്ങള്‍ക്ക് ജില്ലാ മൃഗസംരക്ഷണ കേന്ദ്രവുമായി ബന്ധപ്പെടുക. 

കേരള ഖാദി ഗ്രാമ വ്യവസായ ബോര്‍ഡില്‍ നിന്നും വായ്പയെടുത്ത് വ്യവസായം ആരംഭിക്കുകയും വായ്പ തിരിച്ചടവില്‍ കുടിശ്ശിക വരുത്തുകയും  ചെയ്തവര്‍ക്കായി പിഴപലിശ ഒഴിവാക്കി ഒറ്റത്തവണയായി കുടിശ്ശിക തീര്‍ക്കുന്നതിന് ഇന്ന് (ഡിസംബര്‍ 16) ജില്ലാ ഖാദി ഗ്രാമ വ്യവസായ ഓഫീസില്‍ വച്ച് വായ്പ അദാലത്ത് സംഘടിപ്പിക്കുന്നു. ഫോണ്‍: 0481 -2560586