തൃശ്ശൂർ: ജില്ലയിൽ അക്ഷയ സംരംഭകരാകുന്നതിന് ഓൺലൈൻ അപേക്ഷ മാര്‍ച്ച് 19 വരെ സമർപ്പിക്കാം. അപേക്ഷ ഫീസ് 21 വരെ സ്വീകരിക്കും.

സംസ്ഥാന സർക്കാരിന്റെ ഔദ്യോഗിക ഓൺലൈൻ സേവനദാതാക്കളായ അക്ഷയപദ്ധതി തൃശ്ശൂർ ജില്ലയിലെ 70 ലൊക്കേഷനുകളിലേക്കാണ് സംരംഭകരെ തിരഞ്ഞെടുക്കുന്നത്. പൊതുവിഭാഗത്തില്‍ 64 ലൊക്കേഷനിലേക്കും പട്ടികജാതി വിഭാഗത്തിൽ രണ്ട്, പട്ടികവര്‍ഗ വിഭാഗത്തിൽ നാല് ലൊക്കേഷനിലേക്കുമാണ് അപേക്ഷ ക്ഷണിക്കുന്നത്.

  https://lbsedp.lbscentre.in/akshaya26/ എന്ന വെബ്സൈറ്റിലാണ് അപേക്ഷ സമർപ്പിക്കേണ്ടത്.

 അന്താരാഷ്ട്ര വനിതാ ദിനാചരണത്തിൻ്റെ ഭാഗമായി വനിതാ ശിശു വികസന വകുപ്പ് തൃശ്ശൂർ ജില്ലാ ഓഫീസിൻ്റെ നേതൃത്വത്തിൽ ജില്ലാതല സാംസ്കാരിക സംഗമവും ഗാനമേളയും സംഘടിപ്പിച്ചു. ജില്ലാ വനിത ശിശു വികസന ഓഫീസർ മീര പി ഗാനമേള ഉദ്‌ഘാടനം ചെയ്തു. സിവിൽ സ്റ്റേഷൻ അനെക്സ് ഹാളിൽ നടന്ന പരിപാടിയിൽ ജില്ലയിലെ വകുപ്പിലെ ജീവനക്കാരും അങ്കണവാടി പ്രവർത്തകരും ചേർന്നാണ് ഗാനമേള അവതരിപ്പിച്ചത്.

 സാമൂഹ്യനീതി വകുപ്പിന് കീഴിൽ തൃശ്ശൂർ ജില്ലയിൽ പ്രവർത്തിക്കുന്ന ജില്ല പ്രൊബേഷൻ ഓഫീസിലേക്ക് 12 വർഷത്തിൽ കുറവ് പഴക്കമുള്ള, ടാക്സി പെർമിറ്റുള്ള വാഹനം ആവശ്യമുണ്ട്. മാർച്ച് 23 വരെ മുതൽ ടെണ്ടർ സ്വീകരിക്കും. കൂടുതൽ വിവരങ്ങൾക്ക് 0487 2363999 എന്ന നമ്പറിൽ ബന്ധപ്പെടുക.

 വിമുക്തഭടന്മാരുടെ 1995 മുതൽ 2025 വരെയുള്ള തൊഴിൽ രജിസ്ട്രേഷൻ റദ്ദായി സീനിയോറിറ്റി നഷ്ടമായ വിമുക്തഭടന്മാർക്ക് സീനിയോറിറ്റി നിലനിർത്തുന്നതിന് ജില്ലാ സൈനിക ക്ഷേമ ഓഫീസിൽ അവസരം ഒരുക്കുന്നു. ഏപ്രിൽ 30 വരെ തൊഴിൽ കാർഡ് സഹിതം ജില്ലാ സൈനിക ക്ഷേമ ഓഫീസിൽ ഹാജരാകണം.

പട്ടികവർഗ്ഗ വികസന വകുപ്പിന് കീഴിൽ പ്രവർത്തിക്കുന്ന ചാലക്കുടി മോഡൽ റസിഡൻഷ്യൽ സ്കൂളിൽ പഠിക്കുന്ന വിദ്യാർത്ഥികൾക്ക് 2026 - 27 അധ്യയന വർഷം ഒരു കുട്ടിക്ക് രണ്ടു ജോഡി വീതം യൂണിഫോം (ഗുണമേന്മയുള്ള തുണി വാങ്ങി തയ്ച്ചു നൽകുന്നതിന്) വിതരണം ചെയ്യുന്നതിന് താല്പര്യമുള്ള വ്യക്തികൾ/സ്ഥാപനങ്ങളിൽ നിന്നും മുദ്രവച്ച ടെണ്ടർ ക്ഷണിച്ചു. മാർച്ച് 13ന് ഉച്ചയ്ക്ക് രണ്ട് മണി വരെ ടെണ്ടർ സമർപ്പിക്കാം. വിതരണം നടത്താൻ ഉദ്ദേശിക്കുന്ന തുണിയുടെ സാമ്പിളുകൾ ടെണ്ടറിനൊപ്പം നൽകണം. കൂടുതൽ വിവരങ്ങൾക്ക് ഓഫീസിൽ നേരിട്ടോ 0480 2960400, 9495133146 എന്നീ നമ്പറുകളിലോ ബന്ധപ്പെടുക.

പട്ടികവർഗ്ഗ വികസന വകുപ്പിന് കീഴിൽ പ്രവർത്തിക്കുന്ന ചാലക്കുടി മോഡൽ റസിഡൻഷ്യൽ സ്കൂളിൽ പഠിക്കുന്ന വിദ്യാർത്ഥികൾക്ക് 2026 - 27 അധ്യയന വർഷം ഒരു കുട്ടിക്ക് രണ്ടു ജോഡി വീതം നൈറ്റ് ഡ്രസ്സ് വിതരണം ചെയ്യുന്നതിന് താല്പര്യമുള്ള വ്യക്തികൾ/സ്ഥാപനങ്ങളിൽ നിന്നും മുദ്രവച്ച ടെണ്ടർ ക്ഷണിച്ചു. മാർച്ച് 13ന് ഉച്ചയ്ക്ക് രണ്ട് മണി വരെ ടെണ്ടർ സമർപ്പിക്കാം. വിതരണം നടത്താൻ ഉദ്ദേശിക്കുന്ന നൈറ്റ് ഡ്രസ്സിൻ്റെ സാമ്പിൾ ടെണ്ടറിനൊപ്പം ഹാജരാക്കണം. കൂടുതൽ വിവരങ്ങൾക്ക് ഓഫീസിൽ നേരിട്ടോ 0480 2960400, 9495133146 എന്നീ നമ്പറുകളിലോ ബന്ധപ്പെടുക.
 

മാള ശിശുവികസന പദ്ധതി കാര്യാലയത്തിന് കീഴിൽ പ്രവർത്തിക്കുന്ന 145 അങ്കണവാടികൾക്ക് കണ്ടിജൻസി സാധനങ്ങൾ വാങ്ങി വിതരണം നടത്തുന്നതിന് വ്യക്തികൾ/ സ്ഥാപനങ്ങൾ, സർക്കാർ അംഗീകൃത സ്ഥാപനങ്ങളിൽ നിന്നും ടെണ്ടർ ക്ഷണിച്ചു. മാർച്ച് 11ന് ഉച്ചയ്ക്ക് രണ്ട് മണിവരെ ടെണ്ടർ സ്വീകരിക്കും. അന്നേ ദിവസം ഉച്ചയ്ക്ക് രണ്ടരയ്ക്ക് ടെണ്ടർ തുറന്ന് പരിശോധിക്കും. കൂടുതൽ വിവരങ്ങൾക്ക് മാള ശിശുവികസന പദ്ധതി കാര്യാലയവുമായി പ്രവർത്തി സമയങ്ങളിൽ ബന്ധപ്പെടുക. ഫോൺ: 9633652825.

കൊടുങ്ങല്ലൂർ പോസ്റ്റ് ഓഫീസിനു കീഴില്‍ പ്രവര്‍ത്തിച്ചിരുന്ന എസ് എ എസ് ഏജന്റായ പി വി ഉണ്ണികൃഷ്ണന്റെ ഏജന്‍സി(സിഎ നം27/എസ് എ എസ്/ഡിസി/ടി സി ആർ/2014) പ്രവര്‍ത്തനം അവസാനിപ്പിച്ചു. ഏജന്‍സി റദ്ദ് ചെയ്യുന്നതിനുള്ള അപേക്ഷ 2024 ജൂലൈ 22ന് സമര്‍പ്പിച്ചിരുന്നു. ഏജന്‍സിയുടെ പ്രവര്‍ത്തനവുമായി ബന്ധപ്പെട്ട് നിക്ഷേപകര്‍ക്ക് പരാതികളുണ്ടെങ്കില്‍ 30 ദിവസത്തിനകം അയ്യന്തോളില്‍ പ്രവര്‍ത്തിക്കുന്ന ദേശീയ സമ്പാദ്യ പദ്ധതി ഡെപ്യൂട്ടി ഡയറക്ടറുടെ ഓഫീസില്‍ രേഖാമൂലം പരാതി നല്‍കാം. കൂടുതല്‍ വിവരങ്ങള്‍ക്ക് ഫോണ്‍: 0487 2361566. 

കേരള സംസ്ഥാന സാക്ഷരതാമിഷൻ അതോറിറ്റി നടപ്പാക്കുന്ന പച്ചമലയാളം സർട്ടിഫിക്കറ്റ് കോഴ്സിന്റെ മൂന്നാം ബാച്ചിലേക്ക് 2026-27 രജിസ്ട്രേഷൻ ആരംഭിച്ചു. മാർച്ച് 25 വരെ കോഴ്സിലേക്ക് രജിസ്റ്റർ ചെയ്യാവുന്നതാണ്.  

ഔപചാരിക വിദ്യാഭ്യാസത്തിന്റെ ഭാഗമായി മലയാളം പഠിക്കാൻ അവസരം ലഭിക്കാത്തവർക്കും മലയാളത്തിൽ സാമാന്യ പരിജ്ഞാനം ആഗ്രഹിക്കുന്നവരുമായ 17 വയസ്സു കഴിഞ്ഞ ആർക്കും മലയാളം പഠിക്കാൻ കഴിയുന്ന ഒരു വർഷം ദൈർഘ്യമുള്ള സർട്ടിഫിക്കറ്റ് കോഴ്സാണ് പച്ചമലയാളം. ആറുമാസം വീതമുള്ള ഒന്നാം ഭാഗം അടിസ്ഥാന കോഴ്സ്, രണ്ടാം ഭാഗം അഡ്വാൻസ് കോഴ്സ് എന്നിങ്ങനെയാണ് പച്ചമലയാളം കോഴ്സ് വിഭാവനം ചെയ്തിരിക്കുന്നത്.

 പീച്ചി ജലസേചന പദ്ധതിയിൽ ഉൾപ്പെടുന്ന പ്രദേശങ്ങളിലെ ജല ദൗർലഭ്യം പരിഹരിക്കുന്നതിന് മാർച്ച് 10 ന് രാവിലെ ഒൻപത് മണി മുതൽ പീച്ചി വലത്കര കനാലിലൂടെ ജലവിതരണം നടത്തുന്നു. ആദ്യഘട്ടത്തിൽ ഒല്ലൂക്കര ബ്രാഞ്ച് കനാലിലും തുടർന്ന് താണിക്കുടം ഡിസ്ട്രിബ്യൂട്ടറിയിലൂടെയുമാണ് ജലവിതരണം നടത്തുന്നത്. ജല ഉപയോഗത്തിൽ പൊതുജനങ്ങൾ പരമാവധി മിതത്വം പാലിക്കണമെന്ന്  അസിസ്റ്റന്റ് എക്സിക്യൂട്ടീവ് എൻജിനീയർ അറിയിച്ചു.