കേരള മദ്രസാധ്യാപക ക്ഷേമനിധിയില്‍ ക്ഷേമനിധി വിഹിതം അടയ്ക്കാനുളളവര്‍ മാര്‍ച്ച് 25 നകം പോസ്റ്റ് ഓഫീസില്‍ അടക്കണം. വിഹിതം അടയ്ക്കാത്തത്  ക്ഷേമനിധി അംഗത്വം റദ്ദാവുന്നതിനും ആനുകൂല്യം ലഭിക്കുന്നതിന് തടസമാകുമെന്നും ചീഫ് എക്‌സിക്യൂട്ടീവ് ഓഫീസര്‍ അറിയിച്ചു.  ഫോണ്‍ : 0495 2966577
 

ജില്ലാപഞ്ചായത്ത് ജനറല്‍ ബോഡിയോഗം മാര്‍ച്ച് 10ന് ഉച്ചയ്ക്ക് രണ്ടിന്  പഞ്ചായത്ത് കോണ്‍ഫറന്‍സ് ഹാളില്‍ ചേരും.  
 
 

കേരള ചുമട്ട് തൊഴിലാളി ക്ഷേമബോര്‍ഡ് ജില്ല ഓഫീസില്‍ നിന്ന് പെന്‍ഷന്‍ വാങ്ങുന്ന അണ്‍ അറ്റാച്ച്ഡ് വിഭാഗം പെന്‍ഷനേഴ്‌സ് ഏപ്രില്‍ ഒന്നിന് ശേഷം 20 ദിവസത്തിനുളളില്‍ ഓഫീസിലെത്തി മസ്റ്ററിംഗ് രജിസ്റ്ററില്‍  ഒപ്പ് രേഖപ്പെടുത്തണമെന്ന് ചെയര്‍മാന്‍ അറിയിച്ചു. ഫോണ്‍ : 0468 2325346.
 

ഉത്സവങ്ങള്‍ക്കും നേര്‍ച്ചകള്‍ക്കും ആനകളെ ഉപയോഗിക്കുമ്പോള്‍ പൊതുജന സുരക്ഷക്ക് മുന്‍ഗണന നല്‍കി എണ്ണം ക്രമീകരിക്കാന്‍ ശ്രമിക്കണമെന്ന് ജില്ലാ കളക്ടര്‍ എം.എസ് മാധവിക്കുട്ടി നിര്‍ദ്ദേശിച്ചു.  ഉത്സവങ്ങള്‍ക്കും നേര്‍ച്ചകള്‍ക്കും ആന എഴുന്നള്ളിപ്പിന്റെ സുരക്ഷിതവും സുഗമവുമായ നടത്തിപ്പിന് ഉത്സവ കമ്മിറ്റി ഭാരവാഹികളുമായുള്ള യോഗത്തില്‍ അധ്യക്ഷത വഹിക്കുകയായിരുന്നു ജില്ലാ കളക്ടര്‍.

പത്തനംതിട്ട ജില്ല പോലീസ് ഹെഡ് ക്വാര്‍ട്ടേഴ്സ് ക്യാമ്പില്‍ മുറിച്ച് സൂക്ഷിച്ചിരിക്കുന്ന തേക്ക്, ആഞ്ഞിലി , ബദാം, അരണമരം, മഹാഗണി, പ്ലാവ്, വട്ട എന്നിവ മാര്‍ച്ച് 21  രാവിലെ 11 ന് ക്യാമ്പ് പരിസരത്ത് ലേലം ചെയ്യും.  നിരതദ്രവ്യം അടച്ച് പങ്കെടുക്കാം. ഫോണ്‍ : 0468 2222630.
 

അക്ഷരോന്നതി പുസ്തക വിതരണം ജില്ലാതല ഉദ്ഘാടനം മാര്‍ച്ച് 11 (ബുധന്‍) വൈകിട്ട് മൂന്നിന്  ജില്ല കലക്ടര്‍ എസ് പ്രേം കൃഷ്ണന്‍  വടശേരിക്കര മോഡല്‍ റെസിഡന്‍ഷ്യല്‍ സ്‌കൂളില്‍  നിര്‍വഹിക്കും. റാന്നി ബ്ലോക്ക് പഞ്ചായത്ത് പ്രസിഡന്റ് സോണിയ മനോജ് അധ്യക്ഷയാകും. വടശേരിക്കര ഗ്രാമപഞ്ചായത്ത്് പ്രസിഡന്റ് ഉഷ കേശവന്‍, നാറാണംമൂഴി ഗ്രാമപഞ്ചായത്ത്് പ്രസിഡന്റ് സുനില്‍ കുമാര്‍, ടിഡിഒ എസ് എ നജിം, ത്രിതല പഞ്ചായത്തംഗങ്ങള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും. ജില്ല എംപവര്‍മെന്റ് ഓഫീസര്‍ ഒ ശ്രീകല റിപ്പോര്‍ട്ട്  അവതരിപ്പിക്കും.

പാലക്കാട് ഗവ ടെക്നിക്കല്‍ ഹൈസ്‌കൂളില്‍ എട്ടാം ക്ലാസ് പ്രവേശനത്തിന് ഏപ്രില്‍ ആറ് വരെ അപേക്ഷിക്കാം. https://ths.polyadmission.org  ലാണ് അപേക്ഷിക്കേണ്ടത്. അഭിരുചി പരീക്ഷയുടെയും സംവരണ മാനദണ്ഡങ്ങളും പാലിച്ചായിരിക്കും വിദ്യാര്‍ഥികളെ തിരഞ്ഞെടുക്കുക. കൂടുതല്‍ വിവരങ്ങള്‍ക്ക് ഫോണ്‍: 9400672799, 9744694708.

മൈലപ്ര കുടുംബാരോഗ്യ കേന്ദ്രത്തിന്റെ പുതിയ ഒ പി കെട്ടിടം ഉദ്ഘാടനം മാര്‍ച്ച് 11 (ബുധന്‍) രാവിലെ 10 ന് ആരോഗ്യ വനിതാ-ശിശു വികസന വകുപ്പ് മന്ത്രി വീണാ ജോര്‍ജ് നിര്‍വഹിക്കും. കെ യു ജനീഷ് കുമാര്‍ എംഎല്‍എ അധ്യക്ഷനാകും. ആന്റോ ആന്റണി എം പി മുഖ്യപ്രഭാഷണം നടത്തും. ജില്ല മെഡിക്കല്‍ ഓഫീസര്‍ ഡോ. എല്‍ അനിതാകുമാരി റിപ്പോര്‍ട്ട് അവതരിപ്പിക്കും. ആരോഗ്യ കേരളം പദ്ധതിയില്‍ ഉള്‍പെടുത്തി 1.43 കോടി രൂപ വിനിയോഗിച്ചാണ് ആശുപത്രി കെട്ടിടത്തിന്റെ നിര്‍മാണം.

പ്രധാനമന്ത്രി ജന്‍ ജാതി ആദിവാസി ന്യായ മഹാ അഭിയാന്‍ (പി.എം - ജന്മന്‍) പദ്ധതിയുടെ ഭാഗമായി പട്ടികവര്‍ഗ്ഗ ഗുണഭോക്താക്കള്‍ക്കുള്ള ഭവനനിര്‍മ്മാണ ധനസഹായ വിതരണവും കുടിവെള്ള ടാങ്ക് സ്ഥാപിക്കലും നടന്നു. പദ്ധതിയുടെ ഉദ്ഘാടനം ജില്ലാ പഞ്ചായത്ത് പ്രസിഡന്റ് ടി.എം. ശശി നിര്‍വഹിച്ചു. നെന്മാറ ബ്ലോക്ക് പഞ്ചായത്തിന്റെ ആഭിമുഖ്യത്തില്‍ 2024-25 വര്‍ഷത്തെ പദ്ധതി പ്രകാരമാണ് ആനുകൂല്യങ്ങള്‍ വിതരണം ചെയ്യുന്നത്.

കേരള സര്‍ക്കാര്‍ പട്ടികജാതി വികസന വകുപ്പിന് കീഴിലുള്ള വടക്കഞ്ചേരി കമ്മ്യൂണിറ്റി കോളേജില്‍ സര്‍ട്ടിഫിക്കറ്റ് പ്രോഗ്രാം ഇന്‍ പ്രിസിഷന്‍ മിഷിനിസ്റ്റ് കോഴ്സിലേക്ക് പ്രവേശനത്തിനായി അപേക്ഷ ക്ഷണിച്ചു. ആകെ 40 സീറ്റുകളിലേക്കാണ് പ്രവേശനം. എസ്.എസ്.എല്‍.സി അല്ലെങ്കില്‍ പ്ലസ് ടുവാണ് അടിസ്ഥാന യോഗ്യത.