ചെന്നീര്‍ക്കര സര്‍ക്കാര്‍ ഐടിഐ യില്‍ ഇന്‍സ്ട്രമെന്റ് മെക്കാനിക്കല്‍ ട്രേഡില്‍ ജനറല്‍ വിഭാഗത്തില്‍ നിന്ന് ഗസ്റ്റ് ഇന്‍സ്ട്രക്ടറെ നിയമിക്കുന്നു.

2026 അഖിലേന്ത്യ ട്രേഡ് ടെസ്റ്റിന് പ്രൈവറ്റ് ട്രെയിനികളെ പങ്കെടുപ്പിക്കുന്നതിന് ഒഴിവുള്ള സീറ്റിലേക്ക് അപേക്ഷ ക്ഷണിച്ചു. മാര്‍ച്ച് 10 വൈകിട്ട് നാല് വരെ സമര്‍പ്പിക്കാം.   വിവരങ്ങള്‍ക്ക് മനയില്‍കുളങ്ങര  സര്‍ക്കാര്‍ വനിത ഐ.ടി.ഐയുമായി ബന്ധപ്പെടാം. ഫോണ്‍: 0474-2793714.
 

ചിറ്റൂര്‍ ടെക്നിക്കല്‍ ഹൈസ്‌കൂളില്‍ എട്ടാം ക്ലാസ് പ്രവേശനത്തിന് താല്‍പര്യമുള്ളവരില്‍ നിന്ന് അപേക്ഷ ക്ഷണിച്ചു. മാര്‍ച്ച് പത്ത് മുതല്‍ ഏപ്രില്‍ ആറ് വരെ അപേക്ഷിക്കാം. അഭിരുചി പരീക്ഷയുടെ അടിസ്ഥാനത്തില്‍ സംവരണ മാനദണ്ഡങ്ങള്‍ പാലിച്ചാണ് വിദ്യാര്‍ഥികളെ തിരഞ്ഞെടുക്കുന്നത്. ഫോണ്‍: 04923 222174, 9497412537, 9020056005.

കാരംവേലി സര്‍ക്കാര്‍ എല്‍ പി സ്‌കൂളിന്റെ 115-ാമത് വാര്‍ഷികം ജില്ലാ പഞ്ചായത്ത് അംഗം സ്റ്റെല്ല തോമസ് ഉദ്ഘാടനം ചെയ്തു. മല്ലപ്പുഴശ്ശേരി ഗ്രാമപഞ്ചായത്ത് പ്രസിഡന്റ് ബെന്നി കുഴിക്കാല അധ്യക്ഷനായി.

അട്ടപ്പാടി ഗവ ഐ.ടി.ഐയില്‍ താല്‍ക്കാലികാടിസ്ഥാനത്തില്‍ ഇന്‍സ്ട്രകര്‍മാരെ നിയമിക്കുന്നു. ജൂനിയര്‍ ഇന്‍സ്ട്രക്ടര്‍ മെക്കാനിക്ക് ഡീസല്‍, വെല്‍ഡര്‍ എന്നീ തസ്തികകളിലാണ് ഒഴിവ്. ബന്ധപ്പെട്ട എഞ്ചിനീയറിങ് ശാഖയില്‍ ബിരുദം/ത്രിവല്‍സര ഡിപ്ലോമ അല്ലെങ്കില്‍ എന്‍.ടി.സി/എന്‍.എ.സിയും മൂന്ന് വര്‍ഷ പ്രവൃത്തി പരിചയവുമാണ് യോഗ്യത. ഈഴവ, തീയ്യ, ബില്ലവ, പൊതുവിഭാഗത്തില്‍പ്പെട്ടവര്‍ക്കാണ് അവസരം. താല്‍പര്യമുള്ള ഉദ്യോഗാര്‍ഥികള്‍ മാര്‍ച്ച് 13 ന് രാവിലെ 10.30ന് കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പല്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍: 04924 296516.

സര്‍ക്കാര്‍ വിക്ടോറിയ ആശുപത്രിയിലെ കാന്റീന്‍ 12 മാസത്തേക്ക് നടത്തുന്നതിന്  ഫുഡ് സേഫ്റ്റി ലൈസന്‍സുളള അംഗീകൃത സ്ഥാപനങ്ങള്‍ / വ്യക്തികളില്‍ നിന്നും  ടെന്‍ഡര്‍ ക്ഷണിച്ചു. അവസാനതീയതി: ഏപ്രില്‍ അഞ്ച്. ഫോണ്‍: 0474 2752700.  
 

ദേശീയ ആരോഗ്യ ദൗത്യത്തിന് കീഴില്‍ മെഡിക്കല്‍ ഓഫീസര്‍ (ഹോമിയോ) തസ്തികയിലേക്ക് എഴുത്ത് പരീക്ഷയുടെ അടിസ്ഥാനത്തില്‍ ഷോര്‍ട്ട് ലിസ്റ്റ് ചെയ്യപ്പെട്ട ഉദ്യോഗാര്‍ഥികള്‍ക്കുള്ള കൂടിക്കാഴ്ച മാര്‍ച്ച് 12ന് നടക്കും. അന്നേ ദിവസം രാവിലെ 10.30ന് നൂറണി ശാരദാ ശങ്കര കല്ല്യാണമണ്ഡപത്തിനടുത്ത് എന്‍.എച്ച്.എം ഓഫീസിലായിരിക്കും കൂടിക്കാഴ്ച നടക്കുകയെന്ന് ജില്ലാ പ്രോഗ്രാം മാനേജര്‍ അറിയിച്ചു. കൂടുതല്‍ വിവരങ്ങള്‍  www.arogyakeralam.gov.in  ല്‍ ലഭിക്കും. ഫോണ്‍: 0491 2504695

2025 - 2026 സാമ്പത്തിക വര്‍ഷത്തില്‍ മലമ്പുഴ ശിശു വികസന പദ്ധതി ഓഫീസിന് പരിധിയിലുള്ള 182 അങ്കണവാടികളില്‍ കണ്ടിജന്‍സി സാധനങ്ങള്‍ വാങ്ങി വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. പുതുപ്പരിയാരം, അകത്തേത്തറ, മലമ്പുഴ, മരുതറോഡ്, പുതുശ്ശേരി, കൊടുമ്പ് എന്നീ ഗ്രാമപഞ്ചായത്തുകളിലെ അങ്കണവാടികളിലേക്കാണ് സാധനങ്ങള്‍ വിതരണം ചെയ്യേണ്ടത്.  ക്വട്ടേഷന്‍ സ്വീകരിക്കുന്ന അവസാന തീയതി മാര്‍ച്ച് 11 ന് ഉച്ചയ്ക്ക് ഒരുമണി വരെ. ലഭിച്ച ടെന്‍ഡറുകള്‍ അന്നേ ദിവസം വൈകീട്ട് 3.30 ന് തുറക്കും. ഫോണ്‍: 9495934317, 9188959766.

ഏനാദിമംഗലം ഗ്രാമപഞ്ചായത്തിലെ ബജറ്റ് പഞ്ചായത്ത് പ്രസിഡന്റ് സജിത പി പിള്ളയുടെ അധ്യക്ഷതയില്‍ കൂടിയ യോഗത്തില്‍ പഞ്ചായത്ത് വൈസ് പ്രസിഡന്റ് ബിനോയി രാജു അവതരിപ്പിച്ചു. 33,93,64,153 രൂപ വരവും 28,93,53,700  രൂപ ചെലവും 50,01,053  രൂപ മിച്ചവും പ്രതീക്ഷിക്കുന്ന ബജറ്റാണ് അവതരിപ്പിച്ചത്.

1995 ജനുവരി ഒന്ന് മുതല്‍ 2024 ഡിസംബര്‍ 31 വരെ വിവിധ കാരണങ്ങളാല്‍ എംപ്ലോയ്‌മെന്റ് രജിസ്‌ട്രേഷന്‍ പുതുക്കാന്‍ കഴിയാതെ സീനിയോറിറ്റി നഷ്ടപ്പെട്ട വിമുക്തഭടന്‍മാരായ ഉദ്യോഗാര്‍ഥികള്‍ക്ക് 2026 ഏപ്രില്‍ 30 വരെ എംപ്ലോയ്‌മെന്റ് രജിസ്‌ട്രേഷന്‍ പുതുക്കാന്‍ അവസരം ഉണ്ടാകുമെന്ന് ജില്ലാ സൈനിക ക്ഷേമ ഓഫീസര്‍ അറിയിച്ചു. ഫോണ്‍: 0491 2971633.