കൊച്ചിയിൽ 2026 മാർച്ച് 11-ന് പ്രധാനമന്ത്രിയുടെ സന്ദർശനത്തോടനുബന്ധിച്ച്  സിറ്റി പോലീസ് ഏർപ്പെടുത്തിയിട്ടുള്ള ഗതാഗത നിയന്ത്രണങ്ങളും വഴിതിരിച്ചുവിടലുകളും താഴെ നൽകുന്നു.

എറണാകുളം സർക്കാർ മെഡിക്കൽ കോളജ് ആശുപത്രിയിലെ ഗൈനക്കോളജി വിഭാഗത്തിലേക്ക് ആശുപത്രി വികസന സമിതി മുഖേന സീനിയർ റസിഡന്റ് തസ്തികയിൽ താൽകാലിക നിയമനം നടത്തുന്നു. എംബിബിഎസ് , എംഡി /എം എസ്‌ /ഡി എൻ ബി, ടിസിഎംസി രജിസ്ട്രേഷൻ യോഗ്യതയുള്ളവർക്ക് അപേക്ഷിക്കാം.

കേരള മീഡിയ അക്കാദമി കൊച്ചി സെന്ററില്‍  വീഡിയോ എഡിറ്റിംഗ് സര്‍ട്ടിഫിക്കറ്റ് കോഴ്സില്‍ ഒഴിവുള്ള എതാനും സീറ്റുകളിലേക്ക് സ്പോട്ട് അഡ്മിഷന്‍ നടത്തുന്നു. വിദ്യാഭ്യാസയോഗ്യത-പ്ലസ് ടു. തിയറിയും പ്രാക്ടിക്കലും ഉള്‍പ്പെടെ ആറ് മാസമാണ് കോഴ്സിന്റെ കാലാവധി. തിങ്കള്‍ മുതല്‍ വെളളി വരെ റെഗുലര്‍ ക്ലാസ് ആണ്.

കേരള മീഡിയ അക്കാദമി ഇന്‍സ്റ്റിറ്റ്യൂട്ട് ഓഫ് കമ്യൂണിക്കേഷന്‍ ഡിപ്ലോമ ഇന്‍ മൂവി ക്യാമറ പ്രൊഡക്ഷന്‍  മൂന്നാം ബാച്ച് കോഴ്സിലേക്ക്  ഒഴിവുള്ള എതാനും സീറ്റുകളിലേക്ക് സ്‌പോട്ട് അഡ്മിഷന്‍ നടത്തുന്നു.  താത്പര്യമുള്ളവര്‍ 2026 മാര്‍ച്ച്  15 നു മുന്‍പ് യോഗ്യത സര്‍ട്ടിഫിക്കറ്റുകള്‍ (എസ്എസ്എല്‍സി, പ്ലസ് ടു)  ആധാര്‍ കാര്‍ഡ്, എന്നിവയുടെ ഒറിജിനലും കോപ്പിയും പാസ്പോര്‍ട്ട്  സൈസ് ഫോട്ടോയും സഹിതം ഓഫീസ് പ്രവൃത്തി ദിവസങ്ങളില്‍ എറണാകുളം  കാക്കനാടുള്ള  കേരള മീഡിയ അക്കാദമി  ആസ്ഥാന മന്ദിരത്തില്‍ നേരിട്ട് ഹാജരാകാം.  ഫോണ്‍ - 0484 2422275, 9447607073.

എറണാകുളം സർക്കാർ മെഡിക്കൽ കോളേജ് ആശുപത്രിയിലേയ്ക്ക് സൈക്കാട്രി വിഭാഗത്തിൽ ജൂനിയർ കൺസൾട്ടന്റ് തസ്‌തികയിൽ ദിവസ വേതനാടിസ്ഥാനത്തിൽ താൽക്കാലിക നിയമനം നടത്തുന്നു. എംബിബിഎസ് ,എം ഐ ഡി /ഡി എൻ ബി in  & ടിസിഎംസി രജിസ്ട്രേഷൻ യോഗ്യതയുള്ളവർക്ക് അപേക്ഷിക്കാം.

2025-2026 സാമ്പത്തിക വർഷത്തെ  കേരള മദ്രസ്സാദ്ധ്യപക ക്ഷേമനിധി വിഹിതം അടക്കാത്തവർ മാർച്ച് 25 ന് മുൻപായി അടക്കേണ്ടതാണ് .അതാത് സാമ്പത്തിക വർഷത്തെ ക്ഷേമനിധി വിഹിതം അടവാക്കാതെ വരുന്നത് അംഗത്വം റദ്ദാവുന്നതിനും ആനുകൂല്യങ്ങൾ ലഭിക്കുന്നതിന് തടസ്സമാകുകയും ചെയ്യും .

പാറക്കടവ് ഐ സി ഡി എസ് പ്രോജക്ടിലെ 167 അങ്കണവാടികളിലേക്ക് കണ്ടിജൻസി സാധനങ്ങൾ വിതരണം ചെയ്യുന്നതിന് ടെൻഡർ ക്ഷണിച്ചു .മാർച്ച് 18 ഉച്ചയ്‌ക്ക്  രണ്ടു വരെ ടെൻഡർ സമർപ്പിക്കാം . കൂടുതൽ വിവരങ്ങൾക്ക് പ്രവർത്തി ദിവസങ്ങളിൽ പാറക്കടവ് ഐ സി ഡി എസ് ഓഫിസുമായി ബന്ധപ്പെടുക . ഫോൺ :2470630, 7034058283 

പ്രധാനമന്ത്രിയുടെ കൊച്ചി സന്ദർശനത്തിനോട് അനുബന്ധിച്ച്  ഇന്നും(മാർച്ച് 10) നാളെയും (മാർച്ച് 11) കൊച്ചി നഗരത്തിൽ ഗതാഗത നിയന്ത്രണം ഏർപ്പെടുത്തും .രാവിലെ 10  മുതൽ ഉച്ചയ്ക്ക് 3.30  വരെ കൊച്ചി നഗരത്തിൽ ബാനർജി റോഡ്, ഷണ്മുഖം   റോഡ്, പാർക് അവന്യു, എംജി  റോഡ് ഭാഗങ്ങളിലാണ്   ഗതാഗത നിയന്ത്രണം.

ഈ വർഷത്തെ മഴക്കാല പൂർവ്വ ശുചീകരണ പ്രവർത്തനങ്ങൾക്ക് മുന്നോടിയായി തദ്ദേശ സ്വയംഭരണ  വകുപ്പിന്റെ ആഭിമുഖ്യത്തിൽ ജില്ലാ കളക്ടർ ജി പ്രിയങ്കയുടെ അധ്യക്ഷതയിൽ ഏകദിന ശില്പശാല സംഘടിപ്പിച്ചു. 

തദ്ദേശ സ്വയംഭരണ വകുപ്പ് ജോയിന്റ് ഡയറക്ടർ ബിനു ജോൺ ആമുഖ പ്രഭാഷണം നടത്തിയ ചടങ്ങിൽ ജില്ലാ പഞ്ചായത്ത് പ്രസിഡൻ്റ് കെ.ജി രാധാകൃഷ്ണൻ മുഖ്യപ്രഭാഷണം നടത്തി. എല്ലാ തദ്ദേശ സ്വയംഭരണ സ്ഥാപനങ്ങളും ഏപ്രിൽ ഒന്നിന് മുമ്പായി കൃത്യമായ രൂപരേഖ തയ്യാറാക്കി മഴക്കാല പൂർവ്വ ശുചീകരണ പ്രവർത്തനങ്ങൾ ആരംഭിക്കണമെന്ന് ജില്ലാ പഞ്ചായത്ത് പ്രസിഡണ്ട് പറഞ്ഞു. 

 ട്രാവൻകൂർ സിമന്റ്സിന്റെ പുതിയ ഉൽപ്പന്നങ്ങൾ വിപണിയിലേക്ക്  

ട്രാവൻകൂർ സിമന്റ്സ് ലിമിറ്റഡ് പുതിയൊരു തുടക്കത്തിലേക്ക് കടക്കുകയാണെന്നും  സ്ഥാപനത്തിന്റെ വളർച്ചയ്ക്ക്  സാധ്യമാകുന്ന എല്ലാ പിന്തുണയും സർക്കാർ നൽകുമെന്നും വ്യവസായ വകുപ്പ് മന്ത്രി പി. രാജീവ്. സംസ്ഥാന പൊതുമേഖലാ സ്ഥാപനമായ ട്രാവൻകൂർ സിമന്റ്‌സ് ലിമിറ്റഡ്  വൈവിധ്യവത്കരണ പദ്ധതിയുടെ ഭാഗമായി വികസിപ്പിച്ച 'വേമ്പനാട്' ടൈൽ അഡ്ഹസീവ്, 'വേമ്പനാട്' LC3 വൈറ്റ് സിമന്റ് എന്നീ ഉത്പന്നങ്ങൾ പുറത്തിറക്കിക്കൊണ്ട് സംസാരിക്കുകയായിരുന്നു അദ്ദേഹം.