കേരള ഇന്‍സ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റില്‍ (കിക്മ) എം.ബി.എ (ഫുള്‍ടൈം) 2026-28 ബാച്ചിലേയ്ക്കുള്ള അഡ്മിഷന്‍ മാര്‍ച്ച് 13ന് രാവിലെ 10 മണി മുതല്‍ കിക്മ ക്യാമ്പസില്‍ നടത്തുന്നു.

സര്‍ക്കാര്‍ സ്ഥാപനമായ കെല്‍ട്രോണില്‍ വിവിധ ഡിപ്ലോമ കോഴ്‌സുകളില്‍ അഡ്മിഷന്‍ ആരംഭിച്ചു. പ്രൊഫഷണല്‍ ഡിപ്ലോമ ഇന്‍ ലോജിസ്റ്റിക്‌സ് ആന്‍ഡ് സപ്ലൈ ചെയിന്‍ മാനേജ്മെന്റ്, ഡാറ്റാ സയന്‍സ് ആന്‍ഡ് എ ഐ, ഡിപ്ലോമ ഇന്‍ ഹോസ്പിറ്റല്‍ അഡ്മിനിസ്‌ട്രേഷന്‍, ഹാര്‍ഡ്വെയര്‍ ആന്‍ഡ് നെറ്റ്വര്‍ക്ക് മെയിന്റനന്‍സ് എന്നി കോഴിസുകളിലേക്കാണ് അഡ്മിഷന്‍ ആരംഭിച്ചത്.

കൂടുതല്‍ വിവരങ്ങള്‍ക്കും, അപേക്ഷാ ഫോമിനും തിരുവനന്തപുരം സ്‌പെന്‍സര്‍ ജംഗ്ഷനിലെ കെല്‍ട്രോണ്‍ നോളജ് സെന്ററില്‍ നേരിട്ടെത്തുകയോ, 0471-2337450, 8590605271 എന്നീ നമ്പറുകളില്‍ ബന്ധപ്പെടുകയോ ചെയ്യുക.

കോട്ടയം: കുറവിലങ്ങാട് താലൂക്ക് ആശുപത്രിയിൽ  ഡോക്ടർ തസ്തികയില്‍ നിലവിലുള്ള ഒഴിവിലേക്ക് താൽക്കാലിക നിയമനം നടത്തുന്നതിന് മാർച്ച് ഏഴിന് രാവിലെ 11 ന്  വാക്-ഇന്‍-ഇന്‍റര്‍വ്യൂ നടത്തും.

എം.ബി.ബി.എസും ടി.സി.എം.സി രജിസ്ട്രേഷനുമുള്ളവരെയാണ് പരിഗണിക്കുന്നത്.പങ്കെടുക്കുന്നവര്‍ യോഗ്യത തെളിയിക്കുന്ന അസൽ സർട്ടിഫിക്കറ്റുകൾ, ആധാര്‍ കാര്‍ഡ്, പാന്‍ കാര്‍ഡ്, ഏറ്റവും പുതിയ പാസ്പോര്‍ട്ട് സൈസ് ഫോട്ടോ എന്നിവ സഹിതം ആശുപത്രിയില്‍ എത്തണം. ഫോൺ: 7012043489,9447675594

കേരള സംസ്ഥാന ന്യൂനപക്ഷ കമ്മീഷന്‍ തിരുവനന്തപുരം സിറ്റിംഗ് മാര്‍ച്ച് 12ന് രാവിലെ 11 മണി മുതല്‍ കമ്മീഷന്‍ ഓഫീസിലെ കോര്‍ട്ട് ഹാളില്‍ നടക്കും. ചെയര്‍മാന്‍ എ. എ റഷീദ് ഹര്‍ജികള്‍ പരിഗണിക്കും. സിറ്റിംഗില്‍ നിലവിലുള്ള പരാതികള്‍ പരിഗണിക്കുന്നതോടൊപ്പം പുതിയ പരാതികള്‍ സ്വീകരിക്കുന്നതുമാണ്.

എട്ടാം ക്ലാസ് മുതല്‍ വിദ്യാര്‍ഥികള്‍ക്ക് എന്‍ജിനീയറിംഗ് വിദ്യാഭ്യാസം നല്‍കുന്ന നെടുമങ്ങാട് സര്‍ക്കാര്‍ ടെക്‌നിക്കല്‍ ഹൈസ്‌കൂളില്‍ പ്രവേശനത്തിന് അപേക്ഷ ക്ഷണിച്ചു. അപേക്ഷകള്‍ മാര്‍ച്ച് 10 മുതല്‍ ഓണ്‍ലൈനായി സമര്‍പ്പിക്കാം. 90 സീറ്റുണ്ട്.

താത്പര്യമുള്ള വിദ്യാര്‍ഥികള്‍ ഏപ്രില്‍ ആറിന് മുന്നേ https://ths.polyadmission.org  എന്ന ലിങ്ക് വഴി അപേക്ഷകള്‍ സമര്‍പ്പിക്കണം. കൂടുതല്‍ വിവരങ്ങള്‍ക്ക് 9846170024, 7907788350, 9446686362, 9645814820, 7907938093, 9645888216, 6235762545

പൊന്മുടി ഗവ. യു.പി സ്‌കൂളില്‍ പുതുതായി നിര്‍മിച്ച ബഹുനില മന്ദിരം ഡി.കെ. മുരളി എംഎല്‍എ ഉദ്ഘാടനം ചെയ്തു. വിദ്യാഭ്യാസ വകുപ്പിന്റെ പ്ലാന്‍ ഫണ്ടില്‍ നിന്നും ഒരു കോടി രൂപ വിനിയോഗിച്ചാണ് മന്ദിരം നിര്‍മ്മിച്ചത്. തോട്ടം തൊഴിലാളികളുടെ മക്കള്‍ ഉള്‍പ്പെടെ നിരവധി വിദ്യാര്‍ഥികള്‍ പഠിക്കുന്ന സ്‌കൂളില്‍ ആധുനിക സൗകര്യങ്ങളോടുകൂടിയാണ് കെട്ടിടം നിര്‍മിച്ചിരിക്കുന്നത്.  

യോഗത്തില്‍ പെരിങ്ങമ്മല ഗ്രാമപഞ്ചായത്ത് പ്രസിഡന്റ് അരുണ്‍കുമാര്‍, എക്‌സിക്യൂട്ടീവ് എന്‍ജിനീയര്‍ ബിജു ജി.ആര്‍, ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ കെ.ആര്‍. ഷൈജു തുടങ്ങിയവര്‍ പങ്കെടുത്തു.

കോട്ടയം: നിയമസഭാ തെരഞ്ഞെടുപ്പ് നിരീക്ഷകരുടെയും വീഡിയോഗ്രാഫി സംഘത്തിന്റെയും ആവശ്യത്തിന് വാഹനം ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. മാര്‍ച്ച് അഞ്ചിന് വൈകുന്നേരം അഞ്ചിനു മുന്‍പ് കോട്ടയം ജില്ലാ കളക്ടറുടെ കാര്യാലയത്തിലോ ജില്ലാ ഇലക്ഷന്‍ ഓഫീസിലോ നല്‍കണം.ഫോണ്‍: 0481-2560085.

കോട്ടയം: കെല്‍ട്രോണിന്റെ കോട്ടയം നോളജ് സെന്ററില്‍ ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ് (ഡി.സി.എ.), പോസ്റ്റ് ഗ്രാജുവേറ്റ് ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ് (പി.ജി.ഡി.സി.എ.), വേര്‍ഡ് പ്രോസസ്സിംഗ് & ഡാറ്റ എന്‍ട്രി, ബേസിക് ഓഫീസ് ഓട്ടോമേഷന്‍, കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ് ( ടാലി & എം.എസ്. ഓഫീസ്) കോഴ്‌സുകളിലെ ഒഴിവുള്ള ഏതാനും സീറ്റുകളിലേക്ക് അപേക്ഷ ക്ഷണിച്ചു.  താത്പര്യമുള്ളവര്‍ ആവശ്യമായ രേഖകളുമായി അപേക്ഷിക്കണം. ഫോണ്‍: 9605404811, 0481 2304031.

കോട്ടയം: ളാലം ഐ.സി.ഡി.എസ്. പ്രോജക്ട് ഓഫീസിന്റെ കീഴിലുള്ള അങ്കണവാടികളില്‍ കണ്ടിജന്‍സി സാധനങ്ങള്‍ വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. മാര്‍ച്ച് ഏഴിന് ഉച്ചയ്ക്ക് ഒന്നിന് മുന്‍പായി ടെന്‍ഡറുകള്‍ നല്‍കണം. വിവരങ്ങള്‍ ളാലം ഐ.സി.ഡി.എസ് ഓഫീസില്‍ ലഭിക്കും. ഫോണ്‍. 0482-2246980.

കോട്ടയം: ബിസില്‍ ട്രെയിനിംഗ് ഡിവിഷന്‍ മാര്‍ച്ചില്‍ ആരംഭിക്കുന്ന മോണ്ടിസ്സോറി(രണ്ടുവര്‍ഷം), പ്രീ-പ്രൈമറി(ഒരുവര്‍ഷം), നഴ്‌സറി ടീച്ചര്‍(ആറുമാസം) ട്രെയിനിംഗ് കോഴ്സുകളിലേക്ക് അപേക്ഷ ക്ഷണിച്ചു. യഥാക്രമം ബിരുദം, പ്ലസ് ടു, എസ്.എസ്.എല്‍.സി. യോഗ്യതകളുള്ളവര്‍ക്ക് അപേക്ഷിക്കാം. ഫോണ്‍: 7994449314.