കേരള മദ്രസ അധ്യാപക ക്ഷേമനിധിയില്‍ 2025-26 സാമ്പത്തിക വര്‍ഷത്തെ ക്ഷേമനിധി വിഹിതം അടക്കാന്‍ ബാക്കിയുള്ളവര്‍ മാര്‍ച്ച് 25 നകം പോസ്റ്റ് ഓഫീസില്‍ അടക്കണം. ക്ഷേമനിധി അടക്കാതെ വരുന്നത് അംഗത്വം റദ്ദാവുന്നതിനും ആനുകൂല്യങ്ങള്‍ ലഭ്യമാവുന്നതിന് തടസ്സം നേരിടേണ്ടി വരുമെന്നും ചീഫ് എക്സിക്യൂട്ടീവ് ഓഫീസര്‍ അറിയിച്ചു.

നിയമസഭാ തിരഞ്ഞെടുപ്പുമായി ബന്ധപ്പെട്ട് പാലക്കാട് ജില്ലയിലെ വിവിധ പ്രവർത്തനങ്ങൾക്കായി നോഡൽ ഓഫീസർമാരെ നിയമിച്ച് ജില്ലാ തിരഞ്ഞെടുപ്പ് ഉദ്യോഗസ്ഥ കൂടിയായ ജില്ലാ കളക്ടർ മാധവിക്കുട്ടി എം.എസ് ഉത്തരവിറക്കി. തിരഞ്ഞെടുപ്പ് ജോലികൾ കൃത്യമായി ഏകോപിപ്പിക്കുന്നതിനും നിരീക്ഷിക്കുന്നതിനുമായി കേന്ദ്ര തിരഞ്ഞെടുപ്പ് കമ്മീഷന്റെ നിർദ്ദേശപ്രകാരമാണ് വിവിധ വകുപ്പുകളിലെ ഉദ്യോഗസ്ഥർക്ക് പ്രത്യേക ചുമതലകൾ നൽകിയിരിക്കുന്നത്. നോഡല്‍ ഓഫീസര്‍മാരുടെ വിവരങ്ങള്‍ താഴെ നല്‍കുന്നു.

കോന്നി സര്‍ക്കാര്‍ മെഡിക്കല്‍ കോളജില്‍ എക്‌സറേ ഫിലിം (10X8 )     17 പാക്കറ്റ്, എക്‌സറേ ഫിലിം (10x12) 11 പാക്കറ്റ് എന്നിവ വാങ്ങുന്നതിന് ക്വട്ടേഷന്‍ ക്ഷണിച്ചു. അവസാന തീയതി മാര്‍ച്ച് 12 ഉച്ചയ്ക്ക് രണ്ട്.  ഫോണ്‍ : 0468 2344801
 

പത്തനംതിട്ട ജില്ലയില്‍ എക്‌സൈസ്  വകുപ്പില്‍   സിവില്‍ എക്‌സൈസ് ഓഫീസര്‍ (ട്രെയിനി) (പുരുഷന്‍)( കാറ്റഗറി നമ്പര്‍ 307/2023)  തസ്തികയുടെ റാങ്ക് പട്ടിക  റദ്ദായതായി ജില്ല പിഎസ് സി ഓഫീസര്‍ അറിയിച്ചു. ഫോണ്‍ : 0468 2222665.

സംസ്ഥാന ഭക്ഷ്യ കമ്മീഷൻ തളികക്കല്ല് ഉന്നതിയിൽ എബിസിഡി ക്യാമ്പ് സംഘടിപ്പിച്ചു.

തിരുവല്ല താലൂക്ക് ആശുപത്രിയിലേക്ക്  ഓക്‌സിജന്‍, മറ്റ് വിവിധ വാതകങ്ങള്‍ എന്നിവയുടെ സിലിണ്ടര്‍ വിതരണത്തിന്  ദര്‍ഘാസ് ക്ഷണിച്ചു. അവസാന തീയതി മാര്‍ച്ച് 28 രാവിലെ 11. ഫോണ്‍ : 0469 2602494.

കൃഷി, വയോജന, വനിത ക്ഷേമം, വരള്‍ച്ച, ദുരിതാശ്വാസം, ടൂറിസം , ശുചിത്വം, കായികം
മേഖലകള്‍ക്ക് മുന്‍ഗണന നല്‍കി ഓമല്ലൂര്‍ ഗ്രാമപഞ്ചായത്ത് ബജറ്റ് അവതരിപ്പിച്ചു.  208352826 രൂപ വരവും 204821440 രൂപ ചെലവും 3531386 രൂപ മിച്ചവും വരുന്ന ബജറ്റ് ഓമല്ലൂര്‍ ഗ്രാമപഞ്ചായത്ത് വൈസ് പ്രസിഡന്റ് ആര്‍ അഭിലാഷ്  അവതരിപ്പിച്ചു.  പ്രസിഡന്റ് വി ആതിര അധ്യക്ഷയായി.

കൃഷി, മൃഗസംരക്ഷണം, ക്ഷീരവികസനം, വനിത- ശിശു-വയോജന ക്ഷേമം, ആരോഗ്യം, വിദ്യാഭ്യാസം, ശുചിത്വം, പട്ടികജാതി ക്ഷേമം, ഭിന്നശേഷി ക്ഷേമം, ഭവന നിര്‍മാണം, മാലിന്യ സംസ്‌കരണം  മേഖലകള്‍ക്ക് മുന്‍ഗണന നല്‍കി കുറ്റൂര്‍ ഗ്രാമപഞ്ചായത്ത് ബജറ്റ് അവതരിപ്പിച്ചു. 207847384 രൂപ വരവും 179258575 രൂപ  ചെലവും 28588809 രൂപ നീക്കിയിരുപ്പും പ്രതീക്ഷിക്കുന്ന  ബജറ്റ് വൈസ് പ്രസിഡന്റ് എം ആര്‍ ഗോപകുമാര്‍ അവതരിപ്പിച്ചു.

അട്ടപ്പാടി ഐ സി ഡി എസ് പ്രോജക്ട് പരിധിയിലുള്ള അങ്കണവാടികളില്‍ 2025-26 വര്‍ഷത്തെ പ്രീസ്‌കൂള്‍ എജ്യുക്കേഷന്‍ കിറ്റ് വിതരണം ചെയ്യുന്നതിന് ടെന്‍ഡര്‍ ക്ഷണിച്ചു. ടെന്‍ഡര്‍ ഫോം വില്‍പ്പന മാര്‍ച്ച് പത്തിന് അവസാനിക്കും. പൂരിപ്പിച്ച ടെന്‍ഡര്‍ ഫോമുകള്‍ ഇന്ന് (മാര്‍ച്ച് പത്തിന് വൈകീട്ട് മൂന്ന് വരെ ഓഫീസില്‍ സ്വീകരിക്കും. ലഭിച്ച ടെന്‍ഡര്‍ ഫോമുകള്‍ അന്നേ ദിവസം വൈകീട്ട് 3.30 ന് തുറക്കും. ഫോണ്‍: 04924 254234.