ആര്‍ത്തവ ശുചിത്വത്തോടൊപ്പം പാരിസ്ഥിതിക സുസ്ഥിരതയും ലക്ഷ്യമിട്ട് ഹരിത കേരളം മിഷന്റെ നേതൃത്വത്തില്‍ പറക്കോട് ബ്ലോക്ക് പഞ്ചായത്തില്‍ പുതിയ ചുവടുവയ്പ്പ്. ബ്ലോക്കിന് കീഴിലെ എല്ലാ പഞ്ചായത്തുകളിലെയും ഹരിത കര്‍മ സേന അംഗങ്ങള്‍ക്ക് മെന്‍സ്ട്രല്‍ കപ്പ് വിതരണം ചെയ്തു. പദ്ധതിയുടെ ഉദ്ഘാടനം ബ്ലോക്ക് പഞ്ചായത്ത് പ്രസിഡന്റ് ബിനിലാല്‍ നിര്‍വഹിച്ചു.

സംസ്ഥാനത്തെ ഉന്നത വിദ്യാഭ്യാസ മേഖല മികച്ച രീതിയില്‍ മുന്നേറുന്നതായി ആരോഗ്യ, വനിത ശിശുവികസന വകുപ്പ് മന്ത്രി വീണാ ജോര്‍ജ്. പത്തനംതിട്ട സ്‌കൂള്‍ ഓഫ് ടെക്നോളജി ആന്‍ഡ് അപ്ലൈഡ് സയന്‍സ് പുതിയ കെട്ടിട ഉദ്ഘാടനം കോളജ് അങ്കണത്തില്‍ നിര്‍വഹിക്കുകയായിരുന്നു മന്ത്രി.

ആരോഗ്യ കേന്ദ്രങ്ങളില്‍ അടിസ്ഥാന സൗകര്യം ഉറപ്പാക്കുകയാണ് സര്‍ക്കാര്‍ ദൗത്യമെന്ന് മന്ത്രി വീണാ ജോര്‍ജ്. കൊടുമണ്‍ കുടുംബാരോഗ്യ കേന്ദ്രം പുതിയ കെട്ടിട ഉദ്ഘാടനം ചന്ദനപള്ളിയില്‍ നിര്‍വഹിക്കുകയായിരുന്നു ആരോഗ്യ വകുപ്പ് മന്ത്രി.

കേരളത്തിന്റെ ആരോഗ്യം മേഖല സമാനതകളില്ലാത്ത വികസനത്തിനാണ് സാക്ഷ്യം വഹിക്കുന്നതെന്ന് ആരോഗ്യ വകുപ്പ് മന്ത്രി വീണാ ജോര്‍ജ്. അടൂര്‍ ജനറല്‍ ആശുപത്രി ഡി ബ്ലോക്ക് ഉദ്ഘാടനം നിര്‍വഹിക്കുകയായിരുന്നു മന്ത്രി.
സംസ്ഥാനത്തെ ആരോഗ്യ കേന്ദ്രങ്ങളില്‍ ആര്‍ദ്രം മിഷനിലൂടെ അടിസ്ഥാന സൗകര്യമൊരുക്കി. സര്‍ക്കാര്‍ ആശുപത്രികളില്‍ സൗജന്യ ഡയാലിസിസ് നല്‍കുന്നു. മാതൃ മരണ നിരക്ക്, നവജാത ശിശുമരണ നിരക്ക് എന്നിവ  കുറവുള്ള സംസ്ഥാനമാണ് കേരളം. ഒരു വര്‍ഷം 42.5 ലക്ഷം കുടുംബങ്ങള്‍ക്ക്  അഞ്ച് ലക്ഷം രൂപയുടെ ചികിത്സ സഹായം സര്‍ക്കാര്‍ ഒരുക്കുന്നു.

നിര്‍മാണം പൂര്‍ത്തിയായ വെഞ്ഞാറമൂട് ഇന്നര്‍ റിംഗ് റോഡിന്റെ ഉദ്ഘാടനം  പൊതുമരാമത്ത് ടൂറിസം വകുപ്പ് മന്ത്രി പി.എ മുഹമ്മദ്ദ് റിയാസ് ഓൺലൈനായി നിര്‍വഹിച്ചു. കിഫ്ബി ഫണ്ടില്‍ നിന്നും 9.9 കോടി രൂപ ഉപയോഗിച്ചാണ് റോഡ് നവീകരണത്തിനായി സ്ഥലം ഏറ്റെടുത്തത്. 6.35 കോടി രൂപ ചിലവഴിച്ചാണ് റോഡ് നവീകരിച്ചത്.

കേരളത്തിൻ്റെ പശ്ചാത്തല വികസനത്തിന്  വളരെയേറെ മുന്നേറ്റം നൽകിയ സർക്കാരാണ് നമ്മുടേത്. ഈ മുന്നേറ്റത്തിന് കിഫ്ബി വഹിച്ച പങ്ക് വലുതാണെന്ന് മന്ത്രി പറഞ്ഞു. ഈ വികസന നയമാണ് കേരളത്തിന് വേണ്ടതെന്നും അതിന് കേരള ജനത ഒന്നിച്ചു നിൽക്കണമെന്നും മന്ത്രി അഭ്യർത്ഥിച്ചു.

അടിസ്ഥാന സൗകര്യ വികസനത്തിൽ വിട്ടുവീഴ്ചയില്ലാത്ത സമീപനമാണ് സർക്കാർ സ്വീകരിക്കുന്നതെന്നും മലയോര മേഖലയുടെ മുഖച്ഛായ മാറ്റുന്ന പ്രവർത്തനങ്ങളാണ് നടപ്പിലാക്കുന്നതെന്നും പൊതുമരാമത്ത്  ടൂറിസം വകുപ്പ് മന്ത്രി പി.എ.മുഹമ്മദ് റിയാസ്. ഭരതന്നൂർ ജംഗ്ഷനിൽ നടന്ന വാമനപുരം - ചിറ്റാർ റോഡ് നവീകരണത്തിന്റെ ഉദ്ഘാടനം  ഓൺലൈനായി   നിർവ്വഹിച്ച് സംസാരിക്കുകയായിരുന്നു അദ്ദേഹം. കിഫ്ബി ഫണ്ടിൽ നിന്നും 35.75 കോടി രൂപ ചെലവഴിച്ച് അത്യാധുനിക രീതിയിലാണ് റോഡ് നവീകരിചിരിക്കുന്നത്

#ചിറയിൻകീഴ് താലൂക്ക് ആസ്ഥാന ആശുപത്രിയ്ക്ക് പുതിയ ബഹുനില മന്ദിരം#

ആരോഗ്യ മേഖലയിൽ ഉണ്ടായിട്ടുള്ളത് വലിയ മാറ്റമാണെന്ന് ആരോഗ്യ വകുപ്പ് മന്ത്രി വീണാ ജോർജ്. ചിറയിൻകീഴ് താലൂക്ക് ആസ്ഥാന ആശുപത്രിയുടെ പുതിയ ബഹുനില മന്ദിരം ഓൺലൈനായി ഉദ്ഘാടനം നിർവഹിച്ച് സംസാരിക്കുകയായിരുന്നു മന്ത്രി.

 പാറശ്ശാല മുതൽ മഞ്ചേശ്വരം വരെയുള്ള എല്ലാ താലൂക്ക് ആശുപത്രികളും വികസിപ്പിച്ചു. സംസ്ഥാനത്ത്  750 കുടുംബാരോഗ്യ കേന്ദ്രങ്ങൾ സ്ഥാപിച്ചു. ജനകീയാരോഗ്യ കേന്ദ്രം എന്ന ആശയം കൊണ്ടു വന്നത് നമ്മുടെ സർക്കാരാണ്.

തിരുവനന്തപുരം കളക്ടറേറ്റില്‍ സ്റ്റാഫ് വെല്‍ഫെയര്‍ ആന്‍ഡ് റിക്രിയേഷന്‍ ക്ലബ്ബിന്റെ ആഭിമുഖ്യത്തില്‍ അന്താരാഷ്ട്ര വനിതാ ദിനം ആചരിച്ചു. ജില്ലാ കളക്ടര്‍ അനുകുമാരി വനിതാദിനം ഉദ്ഘാടനം ചെയ്തു. സിവില്‍ സര്‍വീസ് പരീക്ഷയില്‍ 57-ാം റാങ്ക് ലഭിച്ച ശ്രീജ ജെ എസിന് കളക്ടറേറ്റിന്റെ ഉപഹാരം നല്‍കി കളക്ടര്‍ ആദരിച്ചു. ശ്രീജയുടെ മാതാപിതാക്കള്‍ക്കും പ്രത്യേക ഉപഹാരം നല്‍കി .

തിരുവനന്തപുരത്തുള്ള സംസ്ഥാന ശുചിത്വമിഷൻ ഓഫീസിൽ ഐ.ഇ.സി ഇന്റേൺമാരെ തെരഞ്ഞെടുക്കുന്നു.

തിരുവനന്തപുരം ജനറൽ ആശുപത്രിയെ ലോകനിലവാരത്തിലുള്ള ചികിത്സാ കേന്ദ്രമാക്കി മാറ്റുന്നതിനുള്ള 137 കോടി രൂപയുടെ ബഹുനില മന്ദിരത്തിന് മുഖ്യമന്ത്രി പിണറായി വിജയൻ ശിലാസ്ഥാപനം നിർവഹിച്ചു.