സംസ്ഥാന ന്യൂനപക്ഷ കമ്മീഷന്‍  സിറ്റിംഗ് മാര്‍ച്ച് 10 ന്  രാവിലെ 11 മുതല്‍ കലക്ടറേറ്റ് കോണ്‍ഫറന്‍സ് ഹാളില്‍ നടത്തും. കമ്മീഷന്‍ ചെയര്‍മാന്‍ അഡ്വ. എ.എ റഷീദ് ഹര്‍ജികള്‍ പരിഗണിക്കും. പുതിയ പരാതികളും സ്വീകരിക്കും.  9746515133 വാട്ട്‌സ് ആപ്പ് നമ്പരിലേക്കും പരാതികള്‍ അയയ്ക്കാം.
 

നിരാലംബരാകുന്ന കുട്ടികള്‍ക്ക്  വേനലവധിക്ക്  കുടുംബത്തിന്റെ സ്‌നേഹത്തണലൊരുക്കുന്ന

പട്ടാമ്പി ശ്രീ നീലകണ്ഠ ഗവ. സംസ്‌കൃത കോളേജില്‍ പുതിയ കെട്ടിടങ്ങളുടെ ശിലാസ്ഥാപനം നടന്നു

  മദ്രസാധ്യാപക ക്ഷേമനിധിയില്‍ 2025-2026 സാമ്പത്തിക വര്‍ഷത്തെ ക്ഷേമനിധി വിഹിതം അടയ്ക്കാനുള്ളവര്‍  മാര്‍ച്ച് 25 നകം പോസ്റ്റ് ഓഫീസില്‍ അടയ്ക്കണമെന്ന് ചീഫ് എക്‌സിക്യൂട്ടീവ് ഓഫീസര്‍ അറിയിച്ചു. അതത് സാമ്പത്തിക വര്‍ഷത്തെ ക്ഷേമനിധി വിഹിതം അടയ്ക്കാതെ വരുന്നത് ക്ഷേമനിധി അംഗത്വം റദ്ദാവുന്നതിനും   ആനുകൂല്യങ്ങള്‍ ലഭിക്കുന്നതിനും തടസ്സമാകുന്നതിനാല്‍ അംഗത്വവിഹിതം യഥാസമയം  അടയ്‌ക്കേണ്ടതാണ്  . ഫോണ്‍: 0495 2966577.  

പത്തനംതിട്ട ജില്ലയില്‍ ആരോഗ്യ വകുപ്പില്‍   ജൂനിയര്‍ പബ്ലിക് ഹെല്‍ത്ത് ഇന്‍സ്‌പെക്ടര്‍ ഗ്രേഡ് ഫസ്റ്റ് എന്‍സിഎ എസ്‌ഐയുസി  നാടാര്‍ (കാറ്റഗറി നം. 598/2019),  ഹിന്ദു നാടാര്‍ (കാറ്റഗറി നം. 600/2019), ധീവര (കാറ്റഗറി നം. 601/2019), ,വിശ്വകര്‍മ (കാറ്റഗറി നം. 602/2019)  എന്നീ തസ്തികകളുടെ റാങ്ക് പട്ടിക  റദ്ദായതായി ജില്ലാ പിഎസ്‌സി ഓഫീസര്‍ അറിയിച്ചു. ഫോണ്‍ : 0468 2222665.

ദീര്‍ഘ വീക്ഷണത്തോടെയുള്ള വികസനമാണ് സര്‍ക്കാര്‍ നടപ്പാക്കിയതെന്ന് പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസ്. തൃത്താല മണ്ഡലത്തിലെ കമ്മ്യൂണിറ്റി ഹെല്‍ത്ത് സെന്റര്‍  കെട്ടിടം ഓണ്‍ലൈനായി ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി. നടക്കില്ലെന്ന് കരുതിയ ദേശീയ പാത 66 പദ്ധതിയെ പുനരുജ്ജീവിപ്പിക്കുന്നതിന്  5580 കോടി സര്‍ക്കാര്‍ ചെലവഴിച്ചു. കഴിഞ്ഞ പത്ത് വര്‍ഷം കൊണ്ട് പശ്ചാത്തല മേഖലയില്‍ വലിയ വികസനമാണുണ്ടായത്. ലെവല്‍  ക്രോസ് രഹിത കേരളം എന്ന ലക്ഷ്യം നിറവേറ്റുന്നതിലും വലിയ മുന്നേറ്റം സാധ്യമാക്കി. റോഡ് നവീകരണത്തിന് 35,000 കോടി രൂപ വിനിയോഗിക്കാനായി.

തിരുവല്ല താലൂക്ക് ആശുപത്രിയിലെ രോഗികള്‍ക്ക് കെഎഎസ്പി, ആര്‍ബിഎസ് കെ, എകെ, ജെഎസ്എസ്‌കെ, മെഡിസെപ് പദ്ധതി പ്രകാരം ആശുപത്രിയില്‍ ലഭ്യമല്ലാത്ത ലാബ് പരിശോധന നടത്തുന്നതിന് ദര്‍ഘാസ് ക്ഷണിച്ചു. അവസാന തീയതി മാര്‍ച്ച് 28 ഉച്ചയ്ക്ക് 12 വരെ. ഫോണ്‍ : 0469 2602494.

 
അയിരൂര്‍ ജില്ല ആയുര്‍വേദാശുപത്രിയില്‍ റേഡിയോഗ്രാഫര്‍ (എക്‌സറേ ടെക്‌നീഷ്യന്‍) തസ്തികയിലേക്ക് ഉദ്യോഗാര്‍ഥിയെ നിയമിക്കുന്നു.  സര്‍ക്കാര്‍ അംഗീകൃത യോഗ്യതയും പാരാമെഡിക്കല്‍ കൗണ്‍സില്‍ രജിസ്‌ട്രേഷനുമുളള ഉദ്യോഗാര്‍ഥികള്‍ക്ക്  അപേക്ഷിക്കാം. സര്‍ട്ടിഫിക്കറ്റ്, ബയോഡേറ്റ സഹിതം മാര്‍ച്ച് 12 ഉച്ചയ്ക്ക് 12ന് അയിരൂര്‍ ജില്ലാ ആയുര്‍വേദാശുപത്രിയില്‍ അഭിമുഖത്തിന്  ഹാജരാകണം. ഫോണ്‍ : 04735231900.
 

കാര്‍ഷിക -ആരോഗ്യ-ടൂറിസം മേഖലകള്‍ക്ക് പ്രാധാന്യം നല്‍കി തോട്ടപുഴശ്ശേരി ഗ്രാമപഞ്ചായത്ത് ബജറ്റ് വൈസ് പ്രസിഡന്റ് സി.എസ് അനിഷ് കുമാര്‍ അവതരിപ്പിച്ചു. ആകെ 16,16,24,230  രൂപ വരവും 15,66,39,230 രൂപ  ചെലവും 49,85,000 രൂപ മിച്ചവും പ്രതീക്ഷിക്കുന്നതാണ് ബജറ്റ്.  ശുചിത്വം, വനിതാ ക്ഷേമം , ഉല്‍പാദനം, ഭവന പദ്ധതി, കുട്ടികള്‍, പ്രായമായവര്‍, മാനസിക വെല്ലുവിളികള്‍ നേരിടുന്നവര്‍ എന്നിവരുടെ ക്ഷേമം  തുടങ്ങിയവയ്ക്ക് തുക വകയിരുത്തി.