വടശേരിക്കര ഗവണ്‍മെന്റ് മോഡല്‍ റസിഡന്‍ഷ്യല്‍ സ്‌കൂളിലെ ആണ്‍കുട്ടികളുടെ തലമുടി എല്ലാ മാസവും വെട്ടുന്നതിന് മുന്‍പരിചയമുള്ള വ്യക്തികള്‍ക്ക് ക്വട്ടേഷന്‍ നല്‍കാം. ഈ മാസം 20 വൈകിട്ട് 3.30 വരെ ക്വട്ടേഷന്‍ സ്വീകരിക്കും.             (പിഎന്‍പി 1421/19)

മഴക്കാല രോഗപ്രതിരോധവുമായി ബന്ധപ്പെട്ട് ഏനാദിമംഗലം ഗ്രാമപഞ്ചായത്തിലെ വിവിധ കേന്ദ്രങ്ങളില്‍ ആയൂര്‍വേദ മെഡിക്കല്‍ ക്യാമ്പുകള്‍ നടത്തും. 18ന് ചാങ്കൂര്‍ അങ്കണവാടി, 19ന് കുറുമ്പകര കെഎംഎസ് പി സി ആദിച്ചന്‍ മെമ്മോറിയല്‍ കരയോഗ മന്ദിരം, 26ന് ഉടയോന്‍മുറ്റം സാംസ്‌കാരിക നിലയം, 28ന് പൂതങ്കര എന്‍എസ്എസ് കരയോഗ മന്ദിരം, 29ന് പുതുവല്‍ സിഎസ്‌ഐ പാരിഷ് ഹാള്‍, ജൂലൈ രണ്ടിന് മങ്ങാട് അങ്കണവാടി നമ്പര്‍ 39 എന്നിവിടങ്ങളിലാണ് ക്യാമ്പുകള്‍ നടക്കുന്നത്.          (പിഎന്‍പി 1420/19)

കര്‍ഷക തൊഴിലാളി ക്ഷേമനിധി ബോര്‍ഡിന്റെ പത്തനംതിട്ട ഡിവിഷന്‍ ഓഫീസില്‍ അംഗങ്ങളായ തൊഴിലാളികളുടെ മക്കളില്‍ എസ്എസ്എല്‍സി പരീക്ഷയില്‍ 80 ശതമാനവും ഹയര്‍ സെക്കന്‍ഡറി, വൊക്കേഷണല്‍ ഹയര്‍ സെക്കന്‍ഡറി അവസാന വര്‍ഷ പരീക്ഷകളില്‍ 90 ശതമാനവും പ്രൊഫഷണല്‍ കോഴ്‌സുകള്‍ക്ക് അവസാന വര്‍ഷ പരീക്ഷയില്‍ 80 ശതമാനവും മാര്‍ക്ക് നേടിയവര്‍ക്ക് വിദ്യാഭ്യാസ ധനസഹായത്തിന് അപേക്ഷിക്കാം. അപേക്ഷ സ്വീകരിക്കുന്ന അവസാന തീയതി ജൂലൈ 15. ഫോണ്‍: 0468 2327415.

                 (പിഎന്‍പി 1415/19)

ജില്ലയില്‍ പ്രവര്‍ത്തിക്കുന്ന ഇസിഎച്ച്എസ് പോളിക്ലിനിക്കില്‍ മെഡിക്കല്‍ സ്‌പെഷ്യലിസ്റ്റിനെ (എംഡി, ജനറല്‍ മെഡിസിന്‍) ആവശ്യമുണ്ട്. ഫോണ്‍: 9497028518.                                                                         (പിഎന്‍പി 1414/19)

വകയാര്‍ സര്‍വീസ് സഹകരണ ബാങ്കിന്റെ നവീകരിച്ച ഓഫീസ് മന്ദിരത്തിന്റെ  ഉദ്ഘാടനം  എംഎല്‍എമാരായ രാജു ഏബ്രഹാമും ചിറ്റയം ഗോപകുമാറും ചേര്‍ന്ന് നിര്‍വഹിച്ചു. ഒപ്പം പൊതുയോഗ ഹാളിന്റെ ഉദ്ഘാടനവും നിര്‍വഹിച്ചു. ബാങ്കിലെ മികച്ച കര്‍ഷകരെയും, ആദ്യകാല സഹകാരികളെയും ചടങ്ങില്‍ ആദരിച്ചു. മികച്ച വനിത സ്വയം സഹായ സംഘങ്ങള്‍ക്കുള്ള അവാര്‍ഡ് വിതരണം ചെയ്തു. 

എറണാകുളത്ത് പ്രവർത്തിക്കുന്ന കാപ്പ ഉപദേശക ബോർഡ് ഓഫീസിൽ നിലവിൽ ഒഴിവുളള രണ്ട് ക്ലാർക്ക് തസ്തികകളിലേക്ക് ഡെപ്യൂട്ടേഷൻ വ്യവസ്ഥയിൽ നിയമിക്കുന്നതിന് സംസ്ഥാന സർക്കാർ സർവീസിൽ അസിസ്റ്റന്റ്/ക്ലാർക്ക് തസ്തികയിൽ ജോലി ചെയ്യുന്ന ഉദ്യോഗസ്ഥരിൽ നിന്നും അപേക്ഷ ക്ഷണിച്ചു. അപേക്ഷകർ നിലവിൽ ജോലി ചെയ്യുന്ന വകുപ്പിൽ നിന്നും നിരാക്ഷേപപത്രവും കെ.എസ്.ആർ പാർട്ട് 1 ചട്ടം 144 പ്രകാരമുളള സ്റ്റേറ്റ്‌മെന്റും സഹിതം സെക്രട്ടറി, ഉപദേശക സമിതി, കാപ്പ, പാടം റോഡ്, എളമക്കര, എറണാകുളം എന്ന വിലാസത്തിൽ അപേക്ഷ അയയ്ക്കണം. കൂടുതൽ വിവരങ്ങൾക്ക്: 0484-2537411
പി.എൻ.എക്സ്.1823/19