ചാവക്കാട് താലൂക്ക് ആശുപത്രിയിലെ ഐസൊലേഷൻ വാർഡിൽ പ്രവേശിപ്പിച്ചിരുന്ന ഒൻപതു പേരിൽ ആർക്കും കോവിഡ് 19 വൈറസ് ബാധയില്ലെന്ന് സ്ഥിരീകരിച്ചു. നാലുപേരുടെ റിസൾട്ട് മുൻപ് വന്നിരുന്നു. ബാക്കി അഞ്ചു പേരുടെ റിസൾട്ടാണ് ഇന്നലെ ഉച്ചയോടെ (മാർച്ച് 13) വന്നത്.
കോവിഡ് 19 ടെസ്റ്റിനായി ആലപ്പുഴ വൈറോളജി ഇൻസ്റ്റിറ്റ്യൂട്ടിലേക്ക് അയച്ച സാമ്പിളുകളുടെ എല്ലാ ഫലങ്ങളും നെഗറ്റീവാണ്. ഐസൊലേഷൻ വാർഡിൽ പുതുതായി പ്രവേശിപ്പിച്ചവരുടെ പരിശോധനാ ഫലം ലഭിച്ചിട്ടില്ല.

തൃശൂർ ഗവ. മെഡിക്കൽ കോളേജിൽ എംപ്ലോയ്‌മെന്റ് എക്‌സ്‌ചേഞ്ച് വഴി മാർച്ച് 17, 18, 19, 20 തീയതികളിൽ നടത്താനിരുന്ന പാർട്ട് ടൈം സ്വീപ്പറുടെ അഭിമുഖവും മാർച്ച് 23 ന് നടത്താനിരുന്ന അനസ്ത്‌ഷ്യേ ടെക്‌നീഷ്യന്റെ അഭിമുഖവും മാറ്റി വച്ചു.

ജില്ലയിൽ കോവിഡ് 19 പോസിറ്റീവ് റിപ്പോർട്ട് ചെയ്ത സാഹചര്യത്തിൽ ജില്ലയിലെ അക്ഷയ കേന്ദ്രങ്ങളിൽ ബയോമെട്രിക് സംവിധാനം ഉപയോഗിച്ച് നടത്തി വരുന്ന ആധാർ, ബാങ്കിങ് കിയോസ്‌ക്, ജീവൺ പ്രമാൺ തുടങ്ങിയ സേവനങ്ങൾ ഇനിയൊരു അറിയിപ്പ് ഉണ്ടാകുന്നതുവരെ നിർത്തിവയ്ക്കണമെന്ന് ജില്ലാ കളക്ടർ അറിയിച്ചു.

തളിക്കുളത്ത് റിസോർട്ടുകളിൽ നിരീക്ഷണത്തിൽ കഴിയുന്നവരെ നിരീക്ഷണ കാലാവധി കഴിയാതെ പുറത്തുവിടേണ്ടതില്ലെന്ന് ഗ്രാമ പഞ്ചായത്തിന്റെയും കുടുംബാരോഗ്യ കേന്ദ്രത്തിന്റെയും ആഭിമുഖ്യത്തിൽ ചേർന്ന യോഗം തീരുമാനിച്ചു. പുതിയതായി ആരേയും റിസോർട്ടിൽ പ്രവേശിപ്പിക്കേണ്ടതില്ലെന്നും തീരുമാനിച്ചു. നിർദ്ദേശം ലംഘിച്ചാൽ റിസോർട്ടുകൾക്കെതിരേ നടപടിയെടുക്കാൻ ഹെൽത്ത് ഇൻസ്പെക്ടറെ ചുമതലപ്പെടുത്തി. കൊറന്റൈൻ കാലാവധി കഴിയുന്നതുവരെ ഇവരെ പുറത്ത് പോകാൻ അനുവദിക്കാതെ റിസോർട്ടിൽ തന്നെ നിലനിർത്തും.

കോവിഡ് 19 പ്രതിരോധ പ്രവർത്തനങ്ങളുടെ ഭാഗമായി ചേർപ്പ് ബ്ലോക്ക് പഞ്ചായത്തിൽ ദ്രുത കർമ്മ സേന രൂപീകരിച്ചു. അവിണിശ്ശേരി, ചേർപ്പ്, പാറളം, വല്ലച്ചിറ തുടങ്ങിയ പഞ്ചായത്തുകളിൽ നിലവിൽ നടത്തി വരുന്ന പ്രതിരോധ പ്രവർത്തനങ്ങളെക്കുറിച്ച് വിശകലനം ചെയ്തു.

*സമൂഹമാധ്യമങ്ങളിലൂടെ പ്രചരിപ്പിക്കും
*മുഖ്യമന്ത്രിയുടെയും കേരള ഗവൺമെന്റിന്റെയും ഫേസ്ബുക്ക് പേജിലും
കോവിഡ് 19 രോഗ വ്യാപനത്തിന്റെ പശ്ചാത്തലത്തിൽ കേൾവി പരിമിതിയുള്ളവർക്കായിആംഗ്യ ഭാഷയിലുള്ള വീഡിയോ സംസ്ഥാന സർക്കാർ പുറത്തിറക്കി. കേൾവി പരിമിതിയുള്ളവർക്ക് കോവിഡ് 19 സംബന്ധിച്ച വിവരങ്ങളും അറിയിപ്പുകളും കൃത്യമായി ലഭ്യമാക്കുക എന്ന ഉദ്ദേശ്യത്തോടെയാണ് ഇൻഫർമേഷൻ പബ്‌ളിക് റിലേഷൻസ് വകുപ്പ് വീഡിയോ തയ്യാറാക്കിയത്. നാലു വീഡിയോകളാണ് നിർമിച്ചത്.

തിരുവനന്തപുരം ട്രഷറി ഡയറക്ടറേറ്റിൽ ഡേറ്റാ ബേസ് അഡ്മിനിസ്ട്രേറ്റർ തസ്തികയിൽ ഒരു ഒഴിവിലേക്ക് കരാർ അടിസ്ഥാനത്തിൽ നിയമനം നടത്തുന്നു.  ബി.ടെക്/ ബി ഇ (കമ്പ്യൂട്ടർ സയൻസ്)/ എംസിഎ/ എം എസ് സി(ഐ.ടി)/എം.ടെക് വിഷയത്തിനൊപ്പം  ഐബിഎം ഡിബി2 യോഗ്യതയുള്ളവർക്ക് അപേക്ഷിക്കാം. ഐബിഎം ഡിബി2 ഡേറ്റാ ബേസ് അഡ്മിനിസ്ട്രേഷനിൽ മൂന്നു വർഷത്തെ പ്രവൃത്തിപരിചയം വേണം. വിശദമായ ബയോഡേറ്റ, യോഗ്യതാ സർട്ടിഫിക്കറ്റ്, പ്രവൃത്തി പരിചയ സർട്ടിഫിക്കറ്റ് എന്നിവയുടെ പകർപ്പും വയസ് തെളിയിക്കുന്ന രേഖയും സഹിതം മാർച്ച്് 21 നകം ലഭ്യമാക്കണം.