പങ്കാളിത്ത പെന്‍ഷന്‍ പുനപരിശോധന സമിതി സര്‍വീസ് സംഘടനകളുമായി മാര്‍ച്ച് 16 മുതല്‍ നടത്താനിരുന്ന മീറ്റിംഗുകള്‍ കോവിഡ് 19ന്റെ പശ്ചാത്തലത്തില്‍ മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് സമിതി ചെയര്‍മാന്‍ അറിയിച്ചു. 

പേരൂര്‍ക്കട ഇലക്ട്രിക്കല്‍ സെക്ഷന്‍ പരിധിയില്‍ ട്രാന്‍സ്ഫോര്‍മറില്‍ അറ്റകുറ്റപ്പണികള്‍ നടക്കുന്നതിനാല്‍ പേരൂര്‍ക്കട ജംഗ്ഷനിലും പരിസരപ്രദേശങ്ങളിലും മാര്‍ച്ച് 14-ന് രാവിലെ 9.30 മുതല്‍ ഉച്ചയ്ക്ക് രണ്ടുവരെ വൈദ്യുതി മുടങ്ങുമെന്ന് കെ.എസ്.ഇ.ബി അറിയിച്ചു.
(പി.ആര്‍.പി. 245/2020)

പങ്കാളിത്ത പെന്‍ഷന്‍ പുനഃപരിശോധനാ സമിതി സര്‍വീസ് സംഘടനകളുമായി മാര്‍ച്ച് 16 മുതല്‍ നടത്താന്‍ നിശ്ചയിച്ചിരുന്ന യോഗങ്ങള്‍ കോവിഡ്-19 ന്റെ പശ്ചാത്തലത്തില്‍ മാറ്റിവച്ചതായി സമിതി ചെയര്‍മാന്‍ അറിയിച്ചു. പുതുക്കിയ തീയതി പിന്നീട് അറിയിക്കും.
(പി.ആര്‍.പി. 244/2020)

ഏഴംകുളം ഗ്രാമപഞ്ചായത്തിലെ 20 വാര്‍ഡുകളിലും കുടിവെള്ള ക്ഷാമം രൂക്ഷമായ പ്ര േദശങ്ങളില്‍ കുടിവെള്ള വിതരണം നടത്തുന്നതിന് ജിപിഎസ് ഘടിപ്പിച്ച വാഹന ഉടമകള്‍ക്ക് ക്വട്ടേഷന്‍ നല്‍കാം. ദര്‍ഘാസ് ഈ മാസം 20 വരെ സ്വീകരിക്കും. ഫോണ്‍: 04734 240637.        

ജില്ലയില്‍ കോവിഡ് 19 സ്ഥിരീകരിച്ച പശ്ചാത്തലത്തില്‍ പൊതുവിതരണവകുപ്പ് പ്രത്യേക ക്രമീകരണങ്ങള്‍ ഏര്‍പ്പെടുത്തിയിട്ടുള്ളതായി ജില്ലാ സപ്ലൈ ഓഫീസര്‍ അറിയിച്ചു.  വൈറസിന്റെ വ്യാപനത്തിന് കാരണമായേക്കാവുന്ന റേഷന്‍കടകളിലെ ഇ-പോസ് പഞ്ചിംഗ് (ബയോമെട്രിക് തിരിച്ചറിയല്‍ സംവിധാനം) ഈ മാസം 31 വരെ ഒഴിവാക്കിയിട്ടുണ്ട്. റേഷന്‍കാര്‍ഡുമായി ബന്ധിപ്പിച്ചിട്ടുള്ള മൊബൈലില്‍ വരുന്ന ഒ.റ്റി.പി (പാസ് വേഡ്) വഴിയായോ അതും ഏതെങ്കിലും കാരണവശാല്‍ നടക്കാത്ത സാഹചര്യത്തില്‍ മാനുവലായോ പഞ്ചിംഗ് ഇല്ലാതെതന്നെ റേഷന്‍ വിതരണം നടത്തും. ഇതിനായി സോഫ്ട് വെയര്‍ പുതുക്കിയത് ജില്ലയിലെ റേഷന്‍കടകളില്‍ നടപ്പില്‍വരുത്തിയിട്ടുണ്ട്.

മല്ലപ്പള്ളി താലൂക്ക് ആശുപത്രിയില്‍ വിവിധ ഫോമുകള്‍, രജിസ്റ്ററുകള്‍, ബില്‍ ബുക്കുകള്‍, ലാബിലേക്ക് ആവശ്യമായ റീഏജന്റ്, യു.എസ്.ജി, എംആര്‍ഐ, സി.റ്റി, ഡിജിറ്റല്‍ എക്‌സ്‌റേ, ഡോപ്ലര്‍ എന്നിവ ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. ക്വട്ടേഷന്‍ ഈ മാസം 20ന് ഉച്ചയ്ക്ക് 12 വരെ സ്വീകരിക്കും. ഫോണ്‍: 0469 2602494. 

കോവിഡ് വൈറസ് നിയന്ത്രണത്തിന്റെ ഭാഗമായി തീര്‍ഥാടകര്‍ ശബരിമല സന്ദര്‍ശനം നീട്ടിവയ്ക്കണമെന്ന് ജില്ലാ കളക്ടര്‍ പി.ബി നൂഹ് അഭ്യര്‍ഥിച്ചു. മാസപൂജയ്ക്കായി ശബരിമല നടതുറക്കുന്ന സാഹചര്യത്തിലാണ് കളക്ടറുടെ അഭ്യര്‍ഥന. അടുത്ത മാസപൂജയിലേക്ക് തീര്‍ഥാടനം മാറ്റിവയ്ക്കണമെന്ന് സര്‍ക്കാരും ദേവസ്വം ബോര്‍ഡും തീര്‍ഥാടകരോട് അഭ്യര്‍ഥിച്ചിട്ടുണ്ടെന്നും ജില്ലാ കളക്ടര്‍ പറഞ്ഞു.