ദുരന്ത നിവാരണം പോലുള്ള അടിയന്തര ഘട്ടങ്ങളില്‍ ഉപയോഗപ്പെടുത്തുന്നതിനായി ജില്ലയിലെ മുഴുവന്‍ സര്‍ക്കാര്‍ ജീവനക്കാരുടെയും അധ്യാപകരുടെയും എയ്ഡഡ് സ്‌കൂള്‍ കോളജുകളിലെ അധ്യാപക അനധ്യാപക ജീവനക്കാരുടെയും വിവരങ്ങള്‍ ജില്ലാ ദുരന്ത നിവാരണ അതോറിറ്റി ശേഖരിക്കുന്നു.  ഉദ്യോഗസ്ഥര്‍ നിലവില്‍ താമസിച്ചു വരുന്ന വില്ലേജിലെ വില്ലേജ് ഓഫീസറില്‍ നിന്നും വിവരശേഖരണത്തിനായുള്ള ലിങ്ക് ലഭിക്കുന്നതാണ്.  പൊതുമേഖലാ സ്ഥാപനങ്ങളിലെ ജീവനക്കാരും പൊലീസ് ആരോഗ്യ വകുപ്പ് ജീവനക്കാരും വിവരങ്ങള്‍ നല്‍കേണ്ടതില്ല.  ജൂണ്‍ 12നകം വിവരശേഖരണം പൂര്‍ത്തിയാക്കാനാണ് ലക്ഷ്യമിട്ടിട്ടുള്ളതെന്ന് ജില്ലാ കളക്ടര്‍ അറിയിച്ചു.
 

കോട്ടയം ജില്ലയില്‍ ഇന്ന് മൂന്നു പേര്‍ക്കു കൂടി കോവിഡ് സ്ഥിരീകരിച്ചു. മെയ് 27ന് കുവൈറ്റില്‍നിന്നെത്തി തുരുത്തിയിലെ ക്വാറന്‍റയിന്‍ കേന്ദ്രത്തില്‍ കഴിഞ്ഞിരുന്ന തലയോലപ്പറമ്പ് സ്വദേശിനിക്കും (46), അകലക്കുന്നം സ്വദേശിനിക്കും (45), മെയ് 29ന് സൗദി അറേബ്യയിലെ ജിദ്ദയില്‍നിന്നെത്തി ഹോം ക്വാറന്‍റയിനില്‍ കഴിഞ്ഞിരുന്ന  കൊടുങ്ങൂര്‍ സ്വദേശിനിക്കു(30) മാണ് രോഗം ബാധിച്ചത്. 

ഇതോടെ രോഗം ബാധിച്ച് ചികിത്സയിലുള്ളവരുടെ എണ്ണം 35 ആയി.  ഇതില്‍ ഒരാള്‍ എറണാകുളം മെഡിക്കല്‍ കോളേജ് ആശുപത്രിയിലാണ്

മഴക്കാല ശുചികരണ പ്രവര്‍ത്തനങ്ങളുമായി ബന്ധപ്പെട്ട് ജില്ലയില്‍ ഹരിത കര്‍മ്മ സേനയുടെ പ്രവര്‍ത്തനം കൂടുതല്‍ സജീവമാക്കും. ജില്ലാ പഞ്ചായത്ത് പ്രസിഡന്റ് കെ ബി നസീമയുടെ അധ്യക്ഷതയില്‍ കളക്ടറേറ്റില്‍ ചേര്‍ന്ന അവലോകന യോഗത്തിലാണ് തീരുമാനം. കല്‍പറ്റ   മുനിസിപ്പാലിറ്റിയിലെയും ബ്ലോക്ക് പഞ്ചായത്ത് പരിധിയിലെയും  ഹരിത കര്‍മ്മ സേനയുടെ പ്രവര്‍ത്തനങ്ങള്‍ വിലയിരുത്തി. ഹരിത കര്‍മ്മ സേന അംഗങ്ങളുടെ വരുമാന വര്‍ദ്ധനവിന് ഉതകുന്ന വിത്യസ്ത പ്രവര്‍ത്തനങ്ങള്‍ ഏറ്റെടുക്കുവാനും പഞ്ചായത്ത് തലത്തില്‍ അതിനുള്ള പദ്ധതി തയ്യാറാക്കുവാനും യോഗത്തില്‍ നിര്‍ദേശം ഉയര്‍ന്നു.

ചാലിയാര്‍ കുടുംബാരോഗ്യ കേന്ദ്രത്തില്‍  ജൂനിയര്‍ പബ്ലിക് ഹെല്‍ത്ത് നഴ്‌സ് ഗ്രേഡ് രണ്ട് തസ്തികയില്‍ താത്ക്കാലികമായി നിയമനം നടത്തുന്നു. എസ്.എസ്.എല്‍.സി, എന്‍.എം, കേരള നഴ്‌സസ് ആന്‍ഡ് മിഡ്‌വൈഫറി കൗണ്‍സില്‍ രജിസ്‌ട്രേഷന്‍ തുടങ്ങിയവയാണ് യോഗ്യത. താത്പര്യമുള്ളവര്‍ അപേക്ഷ ജൂണ്‍ 10 വൈകീട്ട് അഞ്ചിനകം ാീളവരരവമഹശ്യമൃ@ഴാമശഹ.രീാ  എന്ന വിലാസത്തില്‍ നല്‍കണമെന്ന് മെഡിക്കല്‍ ഓഫീസര്‍ അറിയിച്ചു. ഫോണ്‍: 8086276994.
(എം.പി.എം 2130/2020)
 

കൂട്ടിലങ്ങാടി ഗ്രാമപഞ്ചായത്ത് 'ഗൃഹ ചൈതന്യം' പദ്ധതിയിലുള്‍പ്പെടുത്തി ഔഷധസസ്യത്തൈകള്‍ വിതരണം ചെയ്തു. കുടുംബശ്രീ വഴി അപേക്ഷ നല്‍കിയ 2,000 പേര്‍ക്കാണ് തൈകള്‍ വിതരണം ചെയ്തത്. പഞ്ചായത്ത് ഫണ്ടില്‍ നിന്ന് 2,00,000 രൂപ ചെലവഴിച്ചാണ് പദ്ധതി നടപ്പാക്കുന്നത്. ഒരു തൈയ്ക്ക് 100 രൂപാ നിരക്കില്‍ 75 ശതമാനം സബ്സിഡിയിലാണ് വിതരണം.  കസ്തൂരിമഞ്ഞള്‍, രാമച്ചം, തിപ്പലി, മുള്ളന്‍ ചക്കയുടെ തൈ തുടങ്ങിയ തൈകളാണ് വിതരണം ചെയ്തത്.
(എം.പി.എം 2129/2020)
 

പാലാ നിയോജക മണ്ഡലത്തില്‍ ആരോഗ്യ കേന്ദ്രങ്ങളിലെ

വികസന പദ്ധതികള്‍ ഉദ്ഘാടനം ചെയ്തു

കോവിഡ് പ്രതിരോധ നടപടികളുടെ ഭാഗമായി പ്രാദേശികതലത്തിലുള്ള വാര്‍ഡ് തല സമിതികള്‍ കര്‍ശന ജാഗ്രത തുടരണമെന്ന് ആരോഗ്യ മന്ത്രി കെ.കെ. ശൈലജ ടീച്ചര്‍ നിര്‍ദേശിച്ചു. പാലാ നിയമസഭാ നിയോജക മണ്ഡലത്തിലെ വിവിധ സര്‍ക്കാര്‍ ആരോഗ്യ കേന്ദ്രങ്ങളിലെ വികസന പദ്ധതികളുടെ ഉദ്ഘാടനവും നിര്‍മാണോദ്ഘാടനവും വീഡിയോ കോണ്‍ഫറന്‍സിലൂടെ നിര്‍വഹിക്കുകയായിരുന്നു മന്ത്രി.

പുഴകളിലെ നീരൊഴുക്കിന്റെ തടസ്സം ഒഴിവാക്കുന്നതിനായി മണല്‍ നീക്കം ചെയ്യുന്ന നടപടികള്‍ ഊര്‍ജിതമാക്കുന്നതിന് തദ്ദേശസ്വയംഭരണ സ്ഥാപനങ്ങള്‍ക്ക് ജില്ലാ കളക്ടര്‍ നിര്‍ദ്ദേശം നല്‍കി.  കാലവര്‍ഷം ശക്തിപ്പെടുന്നതോടെ ജില്ലയില്‍ പലയിടങ്ങളില്‍ വെള്ളപ്പൊക്കം ഉണ്ടാകുന്നതിന് സാധ്യതയുള്ളതായി വിലയിരുത്തപ്പെട്ടിട്ടുണ്ട്.  വെള്ളപ്പൊക്ക ഭീഷണി ഒഴിവാക്കുന്നതിനായി പുഴകളിലെ നീരൊഴുക്ക് ശക്തിപ്പെടുത്തണം. ഇതിന് പുഴകളിലെ മണല്‍ നീക്കം ചെയ്യാന്‍ തദ്ദേശ സ്ഥാപനങ്ങള്‍ക്ക് അനുമതി നല്‍കിയിട്ടുണ്ട്. പ്രവൃത്തി സമയബന്ധിതമായി പൂര്‍ത്തിയാക്കണമെന്ന് കളക്ടര്‍ നിര്‍ദേശിച്ചു.

സുഭിക്ഷ കേരളം പദ്ധതിയുടെ ഭാഗമായി മേലാറ്റൂര്‍ ഗ്രാമപഞ്ചായത്തില്‍  ഫലവൃക്ഷത്തൈകള്‍ വിതരണം ചെയ്തു. ബഡ് ചെയ്ത കുടംപുളി, മാവ്, പ്ലാവ്, ടിഷ്യൂകള്‍ച്ചര്‍ വാഴ, മുരിങ്ങ, കറിവേപ്പ്, പുളി തുടങ്ങിയ തൈകളാണ് വിതരണം ചെയ്തത്. ഈ വര്‍ഷം അപേക്ഷ നല്‍കിയവര്‍ക്കും കഴിഞ്ഞ വര്‍ഷം തൈകള്‍ ലഭിക്കാതിരുന്നവര്‍ക്കുമാണ് തൈകള്‍ നല്‍കിയത്. പദ്ധതിയുടെ ഭാഗമായി ഇതുവരെ 300 തൈകള്‍ കൃഷിഭവന്‍ വഴി വിതരണം ചെയ്തു. പഞ്ചായത്തിന്റെ  2020-21 വാര്‍ഷിക പദ്ധതിയില്‍ ആറു ലക്ഷം രൂപയാണ് സുഭിക്ഷ കേരളം പദ്ധതിക്കായി നീക്കിവെച്ചിരിക്കുന്നത്.
(എം.പി.എം 2128/2020)
 

കോവിഡ് 19 രോഗ പശ്ചാത്തലത്തില്‍ വിദേശത്ത് നിന്നും ഇതര സംസ്ഥാനങ്ങളില്‍ നിന്നും  ജില്ലയിലേക്ക് തിരിച്ചെത്തിയത് 17671 പേര്‍. ഇതില്‍ 5 പ്രവാസികള്‍ മറ്റ് ജില്ലകളില്‍ നിരീക്ഷണത്തിലാണ്. നിലവില്‍ 379 പ്രവാസികളാണ് ജില്ലയില്‍ നിരീക്ഷണത്തിലുള്ളത്. കൂടുതല്‍ പേര്‍ എത്തിയത് യു.എ.ഇയില്‍ നിന്നാണ് - 147 പേര്‍. ജില്ലയിലെ ഹോട്ടലുകളിലും റിസോര്‍ട്ടുകളിലുമായി സജ്ജീകരിച്ചിട്ടുള്ള കോവിഡ് കെയര്‍ സെന്ററുകളിലും വീടുകളിലുമാണ് ഇവര്‍ നിരീക്ഷണത്തിലുള്ളത്.