ഇതര സംസ്ഥാനങ്ങളില്‍ നിന്ന് രണ്ടു സ്‌പെഷ്യല്‍ ട്രെയിനുകളിലായി ഞായറാഴ്ച്ച (ജൂണ്‍ 7 ) 40 പത്തനംതിട്ട  ജില്ലക്കാര്‍കൂടി എത്തി. ഇവരില്‍ ഒരാളെ കോവിഡ് കെയര്‍ സെന്ററിലും 39 പേര്‍ വീടുകളിലും നിരീക്ഷണത്തില്‍ പ്രവേശിച്ചു.

ഞായറാഴ്ച്ച രാവിലെ 10.20ന് നിസാമുദ്ദീന്‍ - എറണാകുളം സ്‌പെഷ്യല്‍ ട്രെയിനിന്‍ എറണാകുളം റെയില്‍വേ സ്റ്റേഷനിലെത്തി. പത്തനംതിട്ട ജില്ലക്കാരായ എട്ടു സ്ത്രീകളും ഏഴു പുരുഷന്‍ന്മാരും ഉള്‍പ്പെടെ 15 പേരാണ് അവിടെ ഇറങ്ങിയത്. ഇവരെ രണ്ടു കെ.എസ്.ആര്‍.ടി.സി ബസുകളിലായി രാവിലെ  പത്തനംതിട്ട ഇടത്താവളത്തിലെത്തിച്ചു. ഇവര്‍ 15 പേരും വീടുകളില്‍ എത്തി നിരീക്ഷണത്തില്‍ കഴിയുകയാണ്.

പത്തനംതിട്ട ജില്ലയിലെ മൂന്നാമത് കോവിഡ് ഫസ്റ്റ് ലൈന്‍ ട്രീറ്റ്മെന്റ് സെന്ററിന്റെ പ്രവര്‍ത്തനോദ്ഘാടനം ചിറ്റയം ഗോപകുമാര്‍ എം.എല്‍.എ നിര്‍വഹിച്ചു. പന്തളം അര്‍ച്ചന ആശുപത്രിയിലാണു ഫസ്റ്റ് ലൈന്‍ ട്രീറ്റ്മെന്റ് സെന്റര്‍ പ്രവര്‍ത്തനം ആരംഭിച്ചത്. കോവിഡ് പോസിറ്റീവാകുകയും എന്നാല്‍ നേരിയ രോഗലക്ഷണങ്ങള്‍ മാത്രം പ്രകടമാക്കുകയും ചെയ്യുന്നവരെ കിടത്തി ചികിത്സിക്കുന്നതിനാണു കോവിഡ് ഫസ്റ്റ് ലൈന്‍ ട്രീറ്റ്മെന്റ് സെന്റര്‍ ഉപയോഗിക്കുകയെന്നു ചിറ്റയം ഗോപകുമാര്‍ എം.എല്‍.എ പറഞ്ഞു. 

ജില്ലയിലെ ഹോട്ടലുകള്‍, റസ്റ്റോറന്റുകള്‍, ഷോപ്പിംഗ് മാളുകള്‍, ഓഫീസുകള്‍, ആരാധനാലയങ്ങള്‍ തുടങ്ങിയവ ജൂണ്‍ എട്ടു മുതല്‍ തുറക്കുന്ന സാഹചര്യത്തില്‍ സര്‍ക്കാര്‍ പുറപ്പെടുവിച്ചിട്ടുള്ള നിര്‍ദേശങ്ങള്‍ പാലിക്കണമെന്ന് ജില്ലാ കളക്ടര്‍ പി.ബി. നൂഹ് അറിയിച്ചു. 

ഷോപ്പിംഗ് മാളുകളില്‍ പാലിക്കേണ്ട നിര്‍ദേശങ്ങള്‍

സംസ്ഥാനത്തെ പോളിടെക്‌നിക്ക് കോളേജുകളിൽ ഡിപ്ലോമ പരീക്ഷകൾ ആരംഭിച്ചു. സാങ്കേതിക വിദ്യാഭ്യാസ വകുപ്പിനുകീഴിൽ കേരളത്തിലെ 89 കേന്ദ്രങ്ങളിലും ലക്ഷദ്വീപിൽ ഒരു കേന്ദ്രത്തിലുമാണ് പരീക്ഷ ആരംഭിച്ചത്. അടുത്തയാഴ്ച സപ്ലിമെന്ററി പരീക്ഷകളും നടക്കും. 54453 വിദ്യാർഥികൾ പരീക്ഷയെഴുതി.

കോവിഡ് 19ന്റെ സാഹചര്യത്തിൽ കേരള സംസ്ഥാന വൈദ്യുതി റഗുലേറ്ററി കമ്മീഷന്റെ തെളിവെടുപ്പ് വീഡിയോ കോൺഫറൻസ് മുഖേന നടത്തും. ഇതിന്റെ വിശദാംശം www.erckerala.org യിൽ ലഭ്യമാണ്. പരാതികളിൽ പൊതുജനങ്ങളുടെയും ബന്ധപ്പെട്ടവരുടെയും അഭിപ്രായങ്ങളും നിർദ്ദേശങ്ങളും തപാൽ മാർഗ്ഗമോ  kserc@erckerala.org യിൽ ഇമെയിൽ ആയോ തെളിവെടുപ്പ് തീയതിക്ക് മുൻപ് സമർപ്പിക്കണം.

ജെ.ഡി.സി 2019-20 ബാച്ചിന്റെ വൈവ പരീക്ഷ ജൂൺ 11 മുതൽ 23 വരെ നടക്കും. കോവിഡ്-19 നെ തുടർന്ന് സെന്റർ മാറ്റം അനുവദിച്ച വിദ്യാർത്ഥികൾക്ക് പരീക്ഷ എഴുതിയ കേന്ദ്രങ്ങളിലാവും വൈവ നടത്തുകയെന്ന് അഡീഷണൽ രജിസ്ട്രാർ-സെക്രട്ടറി അറിയിച്ചു.
പി.എൻ.എക്സ്. 2076/2020

ഷോളയൂര്‍ പൊലീസ് സ്റ്റേഷന്‍ പരിധിയിലുള്ള കോട്ടത്തറ കാരയൂര്‍ സ്വദേശി നഞ്ചനെ (75) 2019 ഡിസംബര്‍ 24 മുതല്‍ കാണാതായതായി സബ് ഇന്‍സ്‌പെക്ടര്‍ അറിയിച്ചു. അന്നേദിസവം വീട്ടില്‍ നിന്നും ആരോടും പറയാതെ ഇറങ്ങിപോയി നാളിതുവരെ തിരിച്ചെത്തിയിട്ടില്ല. കാണാതായ സമയത്ത് വെള്ള നിറത്തിലുളള ഫുള്‍സ്ലീവ് ഷര്‍ട്ടും വെള്ള മുണ്ടുമാണ് ധരിച്ചിരുന്നത്. 165 സെന്റിമീറ്റര്‍ ഉയരം. ഇരുനിറമാണ്. ഇദ്ദേഹത്തെ കാണുന്നവര്‍ 9497980629 (സബ് ഇന്‍സ്‌പെക്ടര്‍), 04924-209007, 9497934190 (ഷോളയൂര്‍ പൊലീസ് സ്റ്റേഷന്‍) എന്നീ നമ്പറുകളില്‍ അറിയിക്കണമെന്ന് സബ് ഇന്‍സ്‌പെക്ടര്‍ അറിയിച്ചു.