മലപ്പുറം ജില്ലയില്‍ 14 പേര്‍ക്ക് കൂടി ഇന്നലെ (ജൂണ്‍ എട്ട്) കോവിഡ് 19 സ്ഥിരീകരിച്ചു. ഇതില്‍ 12 പേര്‍ വിവിധ വിദേശ രാജ്യങ്ങളില്‍ നിന്ന് എത്തിയവരും ഒരാള്‍ ചെന്നൈയില്‍ നിന്നും ഒരാള്‍ ബംഗളുരുവില്‍ നിന്നും എത്തിയവരാണ്. പുതുതായി രോഗബാധ സ്ഥിരീകരിച്ചവരെല്ലാം കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ ഐസൊലേഷനില്‍ ചികിത്സയിലാണെന്ന് ജില്ലാ കലക്ടര്‍ കെ. ഗോപാലകൃഷ്ണന്‍ അറിയിച്ചു. ഇവര്‍ക്കു പുറമെ മഞ്ചേരിയില്‍ ഐസൊലേഷനിലുള്ള ഒരു തിരുവനന്തപുരം സ്വദേശിക്കും ഒരു ആലപ്പുഴ സ്വദേശിക്കും ഇന്നലെ വൈറസ് ബാധ സ്ഥിരീകരിച്ചിട്ടുണ്‍്.

കിഴിശ്ശേരി ഇലക്ട്രിക്കല്‍ സെക്ഷന്‍ പരിധിയില്‍പ്പെട്ട കിഴിശ്ശേരി ടൗണ്‍, തൃപ്പനച്ചി ,മുതുപറമ്പ്, കുഴിഞ്ഞൊളം, മാങ്കാവ്, പൂച്ചേങ്ങല്‍, ആക്കപറമ്പ് തുടങ്ങിയ ഭാഗങ്ങളില്‍ ഇന്ന് (ജൂണ്‍ ഒന്‍പത്)  രാവിലെ ഒന്‍പത് മുതല്‍ വൈകീട്ട് മൂന്ന് വരെ വൈദ്യുതി വിതരണം ഭാഗികമായി തടസപ്പെടുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.
       
(എം.പി.എം 2137/2020)
 

കാലവര്‍ഷ ദുരന്തനിവാരണ പ്രവര്‍ത്തനങ്ങള്‍ക്കായി സര്‍ക്കാര്‍ പുറപ്പെടുവിച്ചിട്ടുള്ള മാര്‍ഗരേഖപ്രകാരമുള്ള മുന്നൊരുക്കങ്ങള്‍ ജില്ലയിലെ എല്ലാ തദ്ദേശഭരണ സ്ഥാപനങ്ങളും അതീവ പ്രാധാന്യത്തോടെ അടിയന്തരമായി പൂര്‍ത്തീകരിക്കണമെന്ന് ജില്ലാ പഞ്ചായത്ത് പ്രസിഡന്‍റ് അഡ്വ. സെബാസ്റ്റ്യന്‍ കുളത്തുങ്കല്‍ നിര്‍ദേശിച്ചു. മഴ ശക്തമാകുന്ന സാഹചര്യത്തില്‍ തദ്ദേശ സ്ഥാപന തലങ്ങളില്‍ സ്വീകരിക്കേണ്ട  രക്ഷാ മുന്നൊരുക്കങ്ങള്‍ സംബന്ധിച്ച് ചര്‍ച്ച ചെയ്യുന്നതിന് ചേര്‍ന്ന ബ്ലോക്ക് -ഗ്രാമ പഞ്ചായത്ത് പ്രസിഡന്‍റുമാരുടെ യോഗത്തില്‍ അധ്യക്ഷത വഹിച്ച് സംസാരിക്കുകയായിരുന്നു അദ്ദേഹം.

സംസ്ഥാന സര്‍ക്കാരിന്റെ മുഖമാസികകളായ കേരള കോളിങ്, ജനപഥം എന്നിവയുടെ വാര്‍ഷിക വരിസംഖ്യ സര്‍ക്കാരിന്റെ ഇ- പെയ്മെന്റ് സംവിധാനം വഴിയും അടയ്ക്കാം. ംംം.ലൃേലമൗെൃ്യ.സലൃമഹമ.ഴീ്.ശി എന്ന വെബ്‌സൈറ്റ് വഴിയാണ് പണമടയ്ക്കാന്‍ സംവിധാനമുള്ളത്.

കോവിഡ് 19ന്റെ  പശ്ചാത്തലത്തില്‍ നിര്‍ത്തിവച്ച ചൈല്‍ഡ് വെല്‍ഫെയര്‍കമ്മിറ്റി സിറ്റിങുകള്‍ പുനരാരംഭിക്കുന്നതായി  സി.ഡബ്ല്യൂ.സി ചെയര്‍മാന്‍ അറിയിച്ചു. തിങ്കള്‍, ചൊവ്വ ദിവസങ്ങളില്‍ ജില്ലാ സാമൂഹ്യനീതി ഓഫീസിലും, ബുധന്‍ മഞ്ചേരിയിലെ ജില്ലാ ചൈല്‍ഡ് പ്രൊട്ടക്ഷന്‍ യൂനിറ്റ് ഓഫീസിലും വെള്ളിയാഴ്ച തവനൂര്‍ ഗവ.ചില്‍ഡ്രന്‍സ് ഹോമിലും നടക്കും. സിറ്റിങില്‍ പരാതികള്‍ സ്വീകരിക്കുകയും സി.ഡബ്ല്യൂ.സി സ്ഥാപനങ്ങളുടെ ഫയലുകള്‍ പരിഗണിക്കുകയും ചെയ്യും.  കൂടുതല്‍ വിവരങ്ങള്‍ക്ക്   9846358911 എന്ന നമ്പറില്‍ വിളിക്കാം.  
(എം.പി.എം 2133/2020)
 

സംസ്ഥാനത്തെ ആദ്യത്തെ സമ്പൂര്‍ണ്ണ ഹരിതസമൃദ്ധി ബ്ലോക്ക് പഞ്ചായത്ത് എന്ന നേട്ടം കോട്ടയം ജില്ലയിലെ മാടപ്പള്ളിക്ക്. ഔദ്യോഗിക പ്രഖ്യാപനം ജില്ലാ പഞ്ചായത്ത് പ്രസിഡന്‍റ് അഡ്വ. സെബാസ്റ്റ്യന്‍ കുളത്തുങ്കല്‍ ഇന്ന് (ജൂണ്‍ 9) രാവിലെ 11ന് ബ്ലോക്ക് പഞ്ചായത്ത് ഹാളില്‍ നിര്‍വഹിക്കും.

കേരള കര്‍ഷക തൊഴിലാളി ക്ഷേമനിധി ബോര്‍ഡ് മലപ്പുറം ജില്ലാ എക്‌സിക്യൂട്ടീവ് ഓഫീസ് കെട്ടിടത്തിന്റെ പ്രവര്‍ത്തനം മലപ്പുറം കുന്നുമ്മലില്‍ പെരിന്തല്‍മണ്ണ റോഡിലുള്ള പാറമ്മല്‍ ബില്‍ഡിങിലേക്ക് മാറ്റിയതായി എക്‌സിക്യൂട്ടീവ് ഓഫീസര്‍ അറിയിച്ചു.
(എം.പി.എം 2132/2020)
 

കോവിഡ്-19ന്‍റെ സമൂഹ വ്യാപനം സംഭവിച്ചിട്ടുണ്ടോ എന്നതും സമൂഹരോഗ പ്രതിരോധശേഷിയും വിലയിരുത്തുന്നതിന് കോട്ടയം ജില്ലയില്‍ നടത്തുന്ന പഠനത്തിനായി (റാപ്പിഡ് ആന്‍റിബോഡി ടെസ്റ്റ്) വിവിധ മേഖലകളില്‍ പ്രവര്‍ത്തിക്കുന്ന 500 പേരുടെ രക്ത സാമ്പിളുകള്‍ ശേഖരിക്കും. 

 ഓരോ മേഖലകളിലും നിന്ന് ലഭിക്കുന്ന പട്ടികയില്‍നിന്ന് ആരോഗ്യ വകുപ്പ് നിര്‍ദേശിച്ചിട്ടുള്ള എണ്ണം ആളുകളെ മുന്‍നിശ്ചപ്രകാരമല്ലാതെ തിരഞ്ഞെടുത്താണ് പരിശോധന നടത്തുക.