ജില്ലയില്‍ ഫിഷറീസ് വകുപ്പ് മുഖേന നടപ്പാക്കുന്ന ബയോഫ്ളോക്ക് മത്സ്യകൃഷിയില്‍ താത്പര്യമുളള മത്സ്യ കര്‍ഷകര്‍ക്കും ഗ്രൂപ്പുകള്‍ക്കും അപേക്ഷിക്കാം. സ്വന്തമായോ കുറഞ്ഞത് മൂന്ന് വര്‍ഷം പാട്ടത്തിനെടുത്തതുമായോ ബയോഫ്ളോക്ക് യൂണിറ്റ് നിര്‍മിക്കാന്‍ ആവശ്യമുള്ള സ്ഥലം ഉളളവരും ഗുണഭോക്തൃ വിഹിതം അടയ്ക്കാന്‍ തയാറുളളവരുമാകണം അപേക്ഷകര്‍. താല്‍പര്യമുള്ളവര്‍ തദ്ദേശ സ്വയംഭരണസ്ഥാപനങ്ങളിലെ അക്വാകള്‍ച്ചര്‍ പ്രമോട്ടര്‍മാര്‍ക്കോ മലമ്പുഴ ഫിഷറീസ് ഡെപ്യൂട്ടി ഡയറക്ടര്‍ ഓഫീസിലോ ജൂലൈ നാലിനകം അപേക്ഷ നല്‍കണം. ഫോണ്‍ : 0491-2815245.

ആരോഗ്യം, ഭാരതീയ ചികിത്സ, ഹോമിയോ, എംപ്ലോയീസ് സ്റ്റേറ്റ് ഇന്‍ഷുറന്‍സ്, മൃഗസംരക്ഷണം, നീതിന്യായം, പി.എസ്.സി എന്നിവ ഒഴികെയുളള വകുപ്പുകളില്‍ 2019 ഡിസംബര്‍ വരെ സര്‍വീസില്‍ പ്രവേശിച്ച പാര്‍ട്ട് ടൈം കണ്ടിജന്റ് ജീവനക്കാരുടെ ജില്ലാതല താത്ക്കാലിക/അന്തിമ സീനിയോറിറ്റി ലിസ്റ്റ് പ്രസിദ്ധീകരിച്ചു. ലിസ്റ്റ് ബന്ധപ്പെട്ട വകുപ്പ് മേധാവികള്‍ക്ക് ഇ-മെയിലായി അയക്കുകയും കലക്ടറേറ്റ് നോട്ടീസ് ബോര്‍ഡില്‍ പ്രസിദ്ധീകരിച്ചിട്ടുമുണ്ട്.

കേരള മോട്ടോര്‍ തൊഴിലാളി ക്ഷേമനിധി ബോര്‍ഡിലെ അംഗങ്ങള്‍ക്കുള്ള കോവിഡ് - 19 ധനസഹായത്തിനായി ഓഗസ്റ്റ് 31 വരെ അപേക്ഷിക്കാമെന്ന് ജില്ലാ എക്സിക്യൂട്ടീവ് ഓഫീസര്‍ അറിയിച്ചു. അപേക്ഷ www.kmtwwfb.org ലോ motorworker.kmtwwfb.kerala.gov.in ലോ നല്‍കാവുന്നതാണ്. ഫോണ്‍: 0491-2547437.

പാലക്കാട് ജില്ലാ ആശുപത്രിയിലെ ജില്ലാ മാനസികാരോഗ്യ പദ്ധതിയിലേക്ക് താത്ക്കാലികമായി ഡോക്ടറെ നിയമിക്കുന്നു. എം.ബി.ബി.എസാണ് യോഗ്യത. ടി.സി.എം.സി. രജിസ്ട്രേഷന്‍ നിര്‍ബന്ധം. താത്പര്യമുളളവര്‍ ബയോഡാറ്റയും യോഗ്യതാ സര്‍ട്ടിഫിക്കറ്റിന്റെ പകര്‍പ്പുമായി ജൂലൈ മൂന്നിന് വൈകിട്ട് അഞ്ചിനകം districthospitalpkd@gmail.com ല്‍ അപേക്ഷിക്കണമെന്ന് സൂപ്രണ്ട് അറിയിച്ചു. ഫോണ്‍ : 0491-2533327, 2534524.

കൈത്തറി വിപണി സജീവമാക്കുന്നതിന്റെ ഭാഗമായി കൈത്തറി തുണിത്തരങ്ങള്‍ക്ക് 20 ശതമാനം സ്പെഷ്യല്‍ റിബേറ്റ് അനുവദിച്ച് സര്‍ക്കാര്‍ ഉത്തരവായി. ഉപഭോക്താകള്‍ക്ക് കൈത്തറി സംഘങ്ങളില്‍ നിന്നും ഹാന്‍ഡ്ടെക്സ് ഹാന്‍ഡ് വേവ് ഷോറൂമുകളില്‍ നിന്നും സംസ്ഥാന സര്‍ക്കാരിന്റെ 20 ശതമാനം റിബേറ്റോടെ ജൂലൈ ഒന്ന് മുതല്‍ 20 വരെ ഉത്പ്പന്നങ്ങള്‍ വാങ്ങാമെന്ന് ജില്ലാ വ്യവസായ കേന്ദ്രം ജനറല്‍ മാനേജര്‍ അറിയിച്ചു.

പാറ-പൊള്ളാച്ചി റോഡിലെ ഇടതുവശത്ത് എലപ്പുള്ളി എ.പി.എച്ച്.എച്ച് സ്‌കൂളിന് എതിര്‍വശത്ത് നില്‍ക്കുന്ന പന ജൂലൈ മൂന്നിന് രാവിലെ 11.30 ന് ലേലം ചെയ്യും. താത്പര്യമുള്ളവര്‍ 500 രൂപ നിരതദ്രവ്യം അടച്ച് ലേലത്തില്‍ പങ്കെടുക്കണമെന്ന് പൊതുമരാമത്ത് വകുപ്പ് അസിസ്റ്റന്റ് എഞ്ചിനീയര്‍ (റോഡ്) അറിയിച്ചു.  

ആലത്തൂര്‍ വെറ്ററിനറി പോളിക്ലിനിക്കില്‍ 2020-21 സാമ്പത്തിക വര്‍ഷത്തില്‍ ആലത്തൂര്‍ ബ്ലോക്ക് പഞ്ചായത്തിന്റെ ജനകീയാസൂത്രണ പദ്ധതിയില്‍ ഉള്‍പ്പെടുത്തി നടപ്പിലാക്കുന്ന 'മൃഗാശുപത്രിക്ക് മരുന്നുവാങ്ങല്‍' പദ്ധതിയിലേക്ക് ടെന്‍ഡര്‍ ക്ഷണിച്ചു. വിശദ വിവരങ്ങള്‍ www.lsg.kerala.gov.in ലും (വിന്‍ഡോ നമ്പര്‍: ബി 128612/2020)  പ്രവൃത്തി ദിവസങ്ങളില്‍ ആലത്തൂര്‍ വെറ്ററിനറി പോളിക്ലിനിക്കില്‍ നിന്നും ലഭിക്കുമെന്ന് സീനിയര്‍ വെറ്ററിനറി സര്‍ജന്‍ അറിയിച്ചു. ഫോണ്‍: 04922 225655.