സംസ്ഥാന ന്യൂനപക്ഷ കമ്മീഷന്‍ അംഗം അഡ്വ. ബിന്ദു എം തോമസ് കലക്‌ട്രേറ്റ് മിനി കോഫറന്‍സ് ഹാളില്‍ നടത്തിയ സിറ്റിംഗില്‍ 17 പരാതികള്‍ പരിഗണിച്ചു. രണ്ടു പരാതികള്‍ പരിഹരിച്ചു. നാലു പരാതികള്‍ ഉത്തരവിനായി മാറ്റിവച്ചു.

    കേരള പരിസ്ഥിതി കാലാവസ്ഥ-വ്യതിയാന വകുപ്പ് ആരംഭിച്ച പരിസ്ഥിതി        അവബോധ ക്യാമ്പയിന്‍  പദ്ധതിയുടെ ഭാഗമായി നിലമ്പൂര്‍ അമല്‍ കോളെജ് ഓഫ് അഡ്വാന്‍സ്ഡ് സ്റ്റഡീസ് മനുഷ്യന്‍, നാഗരികത, പ്രകൃതി എന്ന വിഷയത്തില്‍ സംസ്ഥാന സര്‍ക്കാരിന്റെ ധന സഹായത്തോടെ ദേശീയ സെമിനാര്‍ സംഘടിപ്പിക്കുന്നു.

    സംസ്ഥാന മത്സ്യത്തൊഴിലാളി കടാശ്വാസ കമ്മീഷന്‍ തിരൂര്‍ ഇ.എം.എസ് സാംസ്‌കാരിക സമുച്ചയം കോണ്‍ഫറന്‍സ് ഹാളില്‍ ചെയര്‍മാന്‍ ജസ്റ്റിസ് പി. എസ്. ഗോപിനാഥന്റെ അദ്ധ്യക്ഷതയില്‍ അദാലത്ത് നടത്തി. സിറ്റിംഗില്‍ 40 കേസുകള്‍ പരിഗണിച്ചു. 

    ഇന്‍ഫര്‍മേഷന്‍ പബ്ലിക് റിലേഷന്‍സ് വകുപ്പിലെ പ്രിസം പദ്ധതിയില്‍ സബ് എഡിറ്റര്‍, ഇന്‍ഫര്‍മേഷന്‍ അസിസ്റ്റന്റ് തസ്തികയില്‍ നടത്തിയ പരീക്ഷയുടെ ഫലം പ്രസിദ്ധീകരിച്ചു. ഫലം ംംം.ുൃറ.സലൃഹമ.ഴീ്.ശി ല്‍ ലഭിക്കും.

    ദക്ഷിണമേഖലയില്‍ പുനലൂര്‍ ഡിവിഷന് കീഴിലുള്ള അഞ്ചല്‍ വനം റെയിഞ്ച് ഓഫീസിന് ഭരണമികവിനുള്ള ഇന്റര്‍നാഷണല്‍ സ്റ്റാന്‍ഡേര്‍ഡ് ഓര്‍ഗനൈസേഷന്റെ പുരസ്‌കാരം ലഭിച്ചു. സംസ്ഥാന വനം വകുപ്പിന് കീഴില്‍ ആദ്യമായാണ് ഒരു വനം ഓഫീസിന് ഇത്തരത്തില്‍ അന്താരാഷ്ട്ര അംഗീകാരം ലഭിക്കുന്നത്. 2021 ജനുവരി 17 വരെയാണ് ഇപ്പോള്‍ സര്‍ട്ടിഫിക്കേഷന്‍ ലഭിച്ചിട്ടുള്ളത്.

    ജില്ലയിലെ കേന്ദ്രാവിഷ്‌കൃത പദ്ധതികള്‍ അവലോകനം ചെയ്യുന്നതിന് ജില്ലാതല കോഓര്‍ഡിനേഷന്‍ ആന്‍ഡ് മോണിറ്ററിങ് കമ്മിറ്റി യോഗം മാര്‍ച്ച് ഒന്നിന് രാവിലെ 10.30ന് കലക്‌ട്രേറ്റ് സമ്മേളന ഹാളില്‍ ചേരും.

    കേരള കള്ളു വ്യവസായ തൊഴിലാളി ക്ഷേമനിധി ബോര്‍ഡില്‍ നിന്നും 2017 ജൂലൈ മുതല്‍ ഡിസംബര്‍ വരെയുള്ള പെന്‍ഷന്‍ കുടിശ്ശിക 2018 മാര്‍ച്ച് 31 വരെ ജില്ലാ ഫെല്‍ഫെയര്‍ ഫണ്ട് ഓഫീസില്‍ നിന്നും വിതരണം ചെയ്യും.  തുക കൈപ്പറ്റാത്തവര്‍ ആധാര്‍ കാര്‍ഡ്/ഐ.ഡി കാര്‍ഡ് / ബാങ്ക് പാസ്സ് ബുക്ക് എന്നിവര സഹിതം ഹാജരാകണമെന്ന് വെല്‍ഫെയര്‍ ഫണ്ട് ഇന്‍സ്‌പെക്ടര്‍ അറിയിച്ചു.  ഫോണ്‍  0483 2734827.

    കൊണ്ടോട്ടി ഐ.സി.ഡി.എസ് പ്രോജക്ടിന്റെ കീഴിലുള്ള 148 അങ്കണവാടികളിലേക്ക് ആവശ്യമായ പ്രീ-സ്‌കൂള്‍ കിറ്റുകള്‍ വിതരണം ചെയ്യുന്നതിന് സന്നദ്ധരായ സ്ഥാപനങ്ങളില്‍ നിന്നും വ്യക്തികളില്‍ നിന്നും ദര്‍ഘാസ് ക്ഷണിച്ചു.  ദര്‍ഘാസുകള്‍ മാര്‍ച്ച് ഏഴിന് വൈകീട്ട് മൂന്നിനകം ഐ.സി.ഡി.എസ് പ്രോജക്ട് ഓഫീസ്, കൊണ്ടോട്ടി എന്ന വിലാസത്തില്‍ ലഭിക്കണം.  ഫോണ്‍ 0483 2713315.