കേരള ആരോഗ്യ ശാസ്ത്ര സര്‍വ്വകലാശാല ആര്‍ദ്രം മിഷനുമായി സഹകരിച്ച് സംസ്ഥാന ആരോഗ്യ വകുപ്പിലെ ബിരുദാനന്തര ബിരുദധാരികളായ എഴുപത് നഴ്‌സുമാര്‍ക്ക് കുടുംബ ആരോഗ്യ സംബന്ധിയായ വിഷയങ്ങളില്‍ പരിശീലനം നല്‍കുന്നു. മാര്‍ച്ച് അഞ്ച് മുതല്‍ പതിനാറു വരെ രണ്ടാഴ്ചക്കാലം നീണ്ടു നില്‍ക്കുന്ന കുടുംബാരോഗ്യ പഠന പരിശീലനം റെസിഡന്‍ഷ്യല്‍ പ്രോഗ്രാമായാണ് നടത്തുന്നത്.

കൈറ്റ് വിക്‌ടേഴ്‌സ് ചാനലില്‍ ഇന്ന് (മാര്‍ച്ച് 3) രാത്രി 9.15 ന് കേതന്‍ മേത്ത സംവിധാനം ചെയ്ത് 1987 ല്‍ പുറത്തിറങ്ങി രാംഗോപാല്‍ ബജാജ്, നൈന കുല്‍ക്കര്‍ണി, സുരേഷ് ഒബ്‌റോയ് എന്നിവര്‍ അഭിനയിച്ച എന്‍.എഫ്.ഡി.സി. യുടെ ഹിന്ദി ചലച്ചിത്രം 'മിര്‍ച്ച് മസാല' സംപ്രേഷണം ചെയ്യുന്നു.  ഞായറാഴ്ച (മാര്‍ച്ച് 4) രാവിലെ 9.15 ന് എം.എസ് സത്യു സംവിധാനം ചെയ്ത തെലുങ്ക് ചലച്ചിത്രം 'ഗലിഗേ'യും സംപ്രേഷണം ചെയ്യും.

പി.എന്‍.എക്‌സ്.799/18

കയര്‍ തൊഴിലാളി ക്ഷേമനിധി  ബോര്‍ഡ്  2017-18 വര്‍ഷത്തെ ഡിഗ്രി,  പ്രൊഫഷണല്‍ കോഴ്‌സുകളിലേയ്ക്കുളള വിദ്യാഭ്യാസ ധനസഹായത്തിനുള്ള അപേക്ഷ സ്വീകരിക്കുന്ന സമയപരിധി മാര്‍ച്ച് 15 വരെ നീട്ടി.  കയര്‍ തൊഴിലാളി ക്ഷേമനിധിയില്‍ അംഗത്വമെടുത്ത് 2017 മെയ് 31 നു രണ്ടു വര്‍ഷം പൂര്‍ത്തീകരിച്ച് കുടിശ്ശിക കൂടാതെ വിഹിതം അടച്ചു വരുന്ന തൊഴിലാളികളുടെ മക്കള്‍ക്കാണ് ധനസഹായത്തിന് അര്‍ഹത.  പൂരിപ്പിച്ച അപേക്ഷാ ഫോറങ്ങള്‍ കയര്‍ തൊഴിലാളി ക്ഷേമനിധി ബോര്‍ഡിന്റെ കോഴിക്കോട് റീജിയണല്‍ ഓഫീസില്‍ മാര്‍ച്ച് 15 വരെ സ്വീകരിക്കുമെന്ന് ചീഫ് എക്‌സിക്യൂട്ടീവ് ഓഫീസര്‍  അറിയിച്ചു. 
പി.എന്‍.സി/389/2018

പള്‍സ് പോളിയോ ഇമ്മ്യൂണൈസേഷന്‍ പരിപാടി മാര്‍ച്ച് 11 ന് നടക്കും.  സംസ്ഥാനത്ത് അഞ്ച് വയസ്സില്‍ താഴെയുള്ള 2550376 കുട്ടികള്‍ക്കാണ് പോളിയോ തുള്ളിമരുന്ന് നല്‍കാന്‍ ലക്ഷ്യമിടുന്നത്.  ഇതിനായി 24439 വാക്‌സിനേഷന്‍ ബൂത്തുകള്‍ സജ്ജീകരിച്ചിട്ടുണ്ട്.  കൂടാതെ ട്രാന്‍സിറ്റ് ബൂത്തുകളും മൊബൈല്‍ ബൂത്തുകളുമുണ്ട്.

കയര്‍ തൊഴിലാളി ക്ഷേമനിധി  ബോര്‍ഡിന്റെ കോഴിക്കോട് റീജിയണല്‍  ഓഫീസില്‍ നിന്നും പെന്‍ഷന്‍ കൈപ്പറ്റി വരുന്ന മുഴുവന്‍ ഗുണഭോക്താക്കളും  മാര്‍ച്ച് 15 നകം  ലൈഫ് സര്‍ട്ടിഫിക്കറ്റ് , ബാങ്ക് പാസ് ബുക്ക് , ക്ഷേമനിധി പാസ് ബുക്ക് എന്നിവയുടെ പകര്‍പ്പും, ഫോണ്‍നമ്പര്‍ സഹിതം ക്ഷേമനിധി ബോര്‍ഡിന്റെ കോഴിക്കോട് റീജിയണല്‍ ഓഫീസില്‍ ഹാജരാക്കണമെന്ന് ചീഫ് എക്‌സി.ഓഫീസര്‍ അറിയിച്ചു.  തപാലില്‍ പെന്‍ഷന്‍ ലഭിക്കുന്നവര്‍ നിര്‍ബന്ധമായും ബാങ്ക് പാസ്് ബുക്കിന്റേയോ പോസ്റ്റോഫീസ് അക്കൗണ്ടിന്റേയോ പകര്‍പ്പ് ഹാജരാക്കണം.

ജില്ലയിലെ റേഷന്‍കടകള്‍ വഴി ഈ മാസം താഴെ പറയുന്ന അളവിലും നിരക്കിലും റേഷന്‍ സാധനങ്ങള്‍ വിതരണം ചെയ്യും. എ എ വൈ കാര്‍ഡുടമകള്‍ക്ക് 30 കിലോഗ്രാം അരിയും 5 കിലോഗ്രാം ഗോതമ്പും സൗജന്യമായി ലഭിക്കും. മുന്‍ഗണനാ വിഭാഗത്തില്‍പ്പെട്ട കാര്‍ഡുകളിലെ ഓരോ അംഗത്തിനും 4 കിലോഗ്രാം അരിയും 1 കിലോഗ്രാം ഗോതമ്പും സൗജന്യമായി ലഭിക്കും. മുന്‍ഗണന ഇതര വിഭാഗത്തില്‍പ്പെട്ട 2 രൂപാ നിരക്കിലുള്ള ഭക്ഷ്യധാന്യ വിതരണ പദ്ധതിയിലുള്‍പ്പെട്ടവര്‍ക്ക് ഓരോ അംഗത്തിനും 2 കിലോഗ്രാം അരി വീതം കിലോഗ്രാമിന് 2 രൂപാ നിരക്കില്‍ ലഭിക്കും.  സ്റ്റോക്കിന്റെ ലഭ്യതക്കനുസരിച്ച് പരമാവധി 3 കി ഗ്രാം ആട്ടയും കി ഗ്രാമിന് 15 രൂപ നിരക്കില്‍ ലഭിക്കും.

കയര്‍ തൊഴിലാളി ക്ഷേമനിധിയില്‍ അംഗങ്ങളായവരും ആബി ഇന്‍ഷുറന്‍സ് പദ്ധതിയില്‍ ചേര്‍ന്നതുമായ തൊഴിലാളികളില്‍ നിന്നും 2017-18 വര്‍ഷത്തെ വിദ്യാഭ്യാസ സ്‌കോളര്‍ഷിപ്പിന് അപേക്ഷ സ്വീകരിക്കുന്ന സമയപരിധി മാര്‍ച്ച് 10 വരെ നീട്ടി.

ഉത്തരമലബാറിലെ ആചാര സ്ഥാനികര്‍/ കോലധാരികള്‍ എന്നിവര്‍ക്കുള്ള പ്രതിമാസ വേതന വിതരണ പദ്ധതി-2010 അനുസരിച്ച് നിലവില്‍ വേതനം കൈപ്പറ്റിവരുന്നവര്‍ക്ക് 2017 ആഗസ്ത് മുതല്‍ 2018 ഫെബ്രുവരി  വരെയുള്ള വേതന കുടിശ്ശിക  മലബാര്‍ ദേവസ്വം ബോര്‍ഡ് അസി.കമ്മീഷണറുടെ തലശ്ശേരി തിരുവങ്ങാട്ടുള്ള ഓഫീസില്‍ നിന്ന് 8, 9 തീയതികളില്‍ വിതരണം ചെയ്യും.  ആചാര സ്ഥാനികര്‍/കോലധാരികള്‍ ദേവസ്വം ബോര്‍ഡ് അനുവദിച്ച തിരിച്ചറിയല്‍ കാര്‍ഡ് സഹിതം വന്ന് ധനസഹായം കൈപ്പറ്റണം.  ആചാര സ്ഥാനികര്‍ ബന്ധപ്പെട്ട ക്ഷേത്രഭരണാധികാരികളില്‍ നിന്നുള്ള സാക്ഷ്യപത്രം ഹാജരാക്കണം.
പി എന്‍ സി/500/2018

തൊഴില്‍ വകുപ്പിന്റെ ആഭിമുഖ്യത്തില്‍ ജില്ലാ മെഡിക്കല്‍ ഓഫീസുമായി സഹകരിച്ച്  ജില്ലയിലെ ഇതര സംസ്ഥാന കുടിയേറ്റ തൊഴിലാളികള്‍ക്കായി മാര്‍ച്ച് 4ന് വളപട്ടണം ടൗണ്‍ സ്‌പോര്‍ട്‌സ് ക്ലബ്ബ് ഹാളില്‍ സൗജന്യ മെഡിക്കല്‍ ക്യാമ്പ്  സംഘടിപ്പിക്കുന്നു.  ക്യാമ്പിന്റെ ഉദ്ഘാടനം ജില്ലാ പഞ്ചായത്ത് പ്രസിഡന്റ് കെ.വി.സുമേഷ് നിര്‍വഹിക്കും.  കുടിയേറ്റ തൊഴിലാളികള്‍ക്കായി ആവിഷ്‌ക്കരിച്ച വിവിധ ക്ഷേമപദ്ധതികള്‍, ആരോഗ്യ ശുചിത്വസംബന്ധമായ കാര്യങ്ങള്‍ എന്നിവയെപ്പറ്റി അവരുടെ മാതൃഭാഷയില്‍ ബോധവത്കരണ ക്ലാസും തുടര്‍ന്ന് സൗജന്യ വൈദ്യപരിശോധനയും മരുന്ന് വിതരണവും  നടക്കും.

 ഗ്രാമീണ ജനതയുടെ ആരോഗ്യ, സാമ്പത്തിക അഭിവൃദ്ധി ലക്ഷ്യമിട്ട് ദേശീയ ഔഷധ ബോര്‍ഡിന്റെ സാമ്പത്തിക സഹായത്തോടെ സംസ്ഥാന ഔഷധ ബോര്‍ഡ് നടപ്പിലാക്കുന്ന 'ഗ്രാമീണം' പദ്ധതി മാര്‍ച്ച് 4ന് രാവിലെ 9.30ന് മൊകേരി ഗ്രാമപഞ്ചായത്ത് ഹാളില്‍ ആരോഗ്യമന്ത്രി കെ.കെ ശൈലജ ടീച്ചര്‍ ഉദ്ഘാടനം ചെയ്യും. ഔഷധ സസ്യങ്ങളെക്കുറിച്ച് അവബോധം ഉണ്ടാക്കുക, ഔഷധവിള, കൃഷി, വിപണനം എന്നിവ വ്യാപിപ്പിക്കുന്നതിന് ഗ്രാമീണ ജനതയെ പ്രാപ്തരാക്കുക എന്നിവയാണ് പദ്ധതി ലക്ഷ്യമിടുന്നത്. സംസ്ഥാനത്ത് മൂന്ന് ഗ്രാമപഞ്ചായത്തുകളിലാണ് പദ്ധതി നടപ്പിലാക്കുന്നത്.