ഇന്ത്യന്‍ ജനാധിപത്യത്തിന്റെ പരീക്ഷണശാലയാണ് കേരള നിയമസഭയെന്ന് മന്ത്രി എ. കെ. ബാലന്‍ പറഞ്ഞു. നിരവധി സുപ്രധാന നിയമനിര്‍മാണങ്ങളിലൂടെ ഇന്ത്യയ്ക്കും ലോകത്തിനും മാതൃകയായി കേരള നിയമസഭ മാറിയിട്ടുണ്ട്. ആദ്യ നിയമസഭയില്‍ ഭൂപരിഷ്‌കരണം, വിദ്യാഭ്യാസം, കാര്‍ഷിക കടാശ്വാസം എന്നിവയുമായി ബന്ധപ്പെട്ട സുപ്രധാന നിയമങ്ങള്‍ പാസാക്കിയാണ് മാതൃകയായെന്നും മന്ത്രി പറഞ്ഞു. സെക്രട്ടേറിയറ്റിലെ പഴയ നിയമസഭാ ഹാളില്‍ പാര്‍ലമെന്ററികാര്യ ഇന്‍സ്റ്റിറ്റ്യൂട്ട് സംഘടിപ്പിച്ച യൂത്ത് പാര്‍ലമെന്റ് മത്‌സര വിജയികളുടെ റിപ്പീറ്റ് പെര്‍ഫോമന്‍സിന്റെ ഉദ്ഘാടനം നിര്‍വഹിക്കുകയായിരുന്നു അദ്ദേഹം. 

ആലപ്പുഴ: ഗവൺമെന്റ് ദന്തൽ കോളജിലേക്ക് വിവിധ ഉപകരണങ്ങൾ വാങ്ങുന്നതിന് ക്വട്ടേഷൻ ക്ഷണിച്ചു. ഒ.എം.ആർ ഡിപ്പാർട്ടുമെന്റിലേയ്ക്ക് ക്യാനുകൾ, ഓർത്തോഡോന്റിക്‌സ് വിഭാഗത്തിലേക്ക് ബേസ് ഫോർമാർ, ത്രി പോയിന്റ് ആർട്ടിക്കുലേറ്റർ  എന്നിവ  വാങ്ങുന്നതിനും മുദ്ര വെച്ച ക്വട്ടേഷൻ ക്ഷണിച്ചു. ഡിസംബർ ഏഴിന് വൈകിട്ട്  നാലിനകം പ്രിൻസിപ്പലിന്  നൽകണം. വിശദവിവരത്തിന് ഫോൺ: 0477-2280502.

 (പി.എൻ.എ.2960/17)

ആലപ്പുഴ: സംസ്ഥാന പിന്നാക്കവിഭാഗ വികസന കോർപ്പറേഷൻ ഡിസംബർ 26 മുതൽ ജനുവരി രണ്ടു വരെ ഇ.എം.എസ്. സ്റ്റേഡിയത്തിൽ  നടത്തുന്ന  ബി.സി.ഡി.സി. എക്‌സ്‌പോ  മേളയിൽ  ഫുഡ് കോർട്ട,് പ്രൈവറ്റ് സ്റ്റാൾ എന്നിവ നടത്താൻ താൽപര്യമുള്ളവർ വെള്ളക്കിണർ ജങ്ഷനിലുള്ള കെ.എസ്.ബി.സി.ഡി.സിയുടെ ജില്ലാ ഓഫീസുമായി ബന്ധപ്പെടണം. വിശദവിവരത്തിന് ഫോൺ: 0477-2254121,2254122, 9447710044

  (പി.എൻ. എ.2958/17)

ആലപ്പുഴ: ഹരിതകേരളം മിഷന്റെ ഒന്നാംവാർഷികത്തിന്റെ ഭാഗമായി ജില്ലാഭരണകൂടവും ശുചിത്വമിഷനും ചേർന്ന് സംഘടിപ്പിക്കുന്ന ശുചിത്വമാലിന്യ സംസ്‌ക്കരണ സംവിധാനങ്ങളുടെ മാതൃകകളുടെ പ്രദർശനം നാളെ(ഡിസംബർ 8) രാവിലെ 9.30 മുതൽ 5.30 വരെ സിവിൽ സ്‌റ്റേഷൻ അങ്കണത്തിൽ നടക്കും.

(പി.എൻ.എ.2968/17)

// അവസാനിച്ചു //

ആലപ്പുഴ: കേരളത്തിലെ ദേശീയപാതയിലെ പ്രധാന ബൈപ്പാസുകളിലൊന്നായ ബൈപ്പാസ് നിർമ്മാണത്തിന്റെ ഭാഗമായ തുമ്പോളി, പുന്നപ്ര റെയിൽവേ മേൽപ്പാലങ്ങൾ നിർമ്മിക്കുന്നതിന് സൂപ്പർവിഷൻ, മെയിന്റനൻസ് ചാർജ്ജുകൾ അടയ്ക്കുന്നത് ഇളവ് നൽകി ഉത്തരവ് ലഭിച്ചതായി മന്ത്രി ജി.സുധാകരൻ അറിയിച്ചു. 

ആലപ്പുഴ: സംസ്ഥാന ന്യൂനപക്ഷകമ്മിഷൻ ഇടപെട്ടതിനെത്തുടർന്ന് രാമങ്കരി സ്വദേശിയായ ബി.എസ്‌സി. നഴ്‌സിംഗ് വിദ്യാർത്ഥിനിക്ക് സാങ്കേതിക വിദ്യാഭ്യാസ വകുപ്പിൽ നിന്നുള്ള എം.സി.എം. സ്‌കോളർഷിപ്പ് നൽകാനും പുതിയ വർഷത്തേയ്ക്കുള്ള അപേക്ഷ സ്വീകരിക്കുന്നതിനും   നടപടി. അപേക്ഷ നൽകിയിട്ട് സ്‌കോളർഷിപ്പ് നൽകിയിലെന്നുകാട്ടിയാണ് വിദ്യാർഥിനി കളക്ടറേറ്റിൽ നടന്ന ന്യൂനപക്ഷ കമ്മിഷൻ സിറ്റിങിലെത്തിയത്. 

എടരിക്കോട് സെക്ഷന്‍ പരിധിയില്‍ ചുടലപ്പാറ, ഒറ്റത്തെങ്ങ്, പുതുപറമ്പ്, കാരാട്ടങ്ങാടി ഭാഗങ്ങളില്‍ ഇന്ന് (ഡിസംബര്‍ ഏഴ്)  രാവിലെ ഒമ്പത് മുതല്‍ വൈകിട്ട് അഞ്ച് വരെ വൈദ്യുതി മുടങ്ങും.