വടകര താലൂക്കിലെ ശ്രീ മണിയൂര്‍ വാപ്രത്ത്(കഴകം) ക്ഷേത്രത്തിലെ പാരമ്പര്യേതര ട്രസ്റ്റിമാരുടെ ഒഴിവിലേക്ക് ഹിന്ദുമത വിശ്വാസികളായ ക്ഷേത്ര പരിസരവാസികളില്‍ നിന്നും അപേക്ഷ ക്ഷണിച്ചു. പൂരിപ്പിച്ച അപേക്ഷകള്‍ ഡിസംബര്‍ 18ന് വൈകുന്നേരം 5 മണിയ്ക്ക് മുമ്പ് തലശ്ശേരി അസിസ്റ്റന്റ് കമ്മീഷണറുടെ ഓഫീസില്‍ ലഭിക്കണം. അപേക്ഷാഫോറം തലശ്ശേരി അസിസ്റ്റന്റ് കമ്മീഷണറുടെ ഓഫീസില്‍ നിന്ന് സൗജന്യമായി ലഭിക്കും.
 

    അടൂര്‍ െ എഎച്ച്ആര്‍ഡി എന്‍ജിനീയറിംഗ് കോളേജില്‍ ഓഫീസ് അസിസ്റ്റന്‍റ് തസ്തികയിലേക്ക് താത്ക്കാലിക അടിസ്ഥാനത്തില്‍ നിയമിക്കുന്നു. അംഗീകൃത സര്‍വകലാശാല ബിരുദവും ടാലിയുമാണ് യോഗ്യത. പ്രവൃത്തിപരിചയമുള്ളവര്‍ക്ക് മുന്‍ഗണന ലഭിക്കും. താത്പര്യമുള്ളവര്‍ ഡിസംബര്‍ ഏഴിന് രാവിലെ 10ന്  ടെസ്റ്റ്/കൂടിക്കാഴ്ചയ്ക്ക് എത്തണം. കൂടുതല്‍ വിവരം ംംം.രലമ.മര.ശി എന്ന വെബ്സൈറ്റില്‍ ലഭിക്കും. ഫോണ്‍: 04734 231995.                                            (പിഎന്‍പി 3236/17)

കൊച്ചി: ആരോഗ്യരംഗത്ത് സമഗ്രമാറ്റം ലക്ഷ്യമിട്ട് സംസ്ഥാനസര്‍ക്കാര്‍ നടപ്പിലാക്കുന്ന ആര്‍ദ്രം ദൗത്യത്തിന്റെ ഭാഗമായി ജില്ലാതലസെമിനാര്‍ നാളെ (ഡിസംബര്‍ 3ന്) രാവിലെ 10-ന് എറണാകുളം ടൗണ്‍ ഹാളില്‍ നടക്കും. ആരോഗ്യ കുടുംബക്ഷേമ വകുപ്പ് മന്ത്രി കെ കെ ശൈലജ ഉദ്ഘാടനം ചെയ്യും.  പ്രൊഫ കെ വി തോമസ് എം പി, ഹൈബി ഈഡന്‍ എംഎല്‍എ, ജില്ലാ പഞ്ചായത്ത് പ്രസിഡന്റ് ആശ സനില്‍, ജില്ലാകളക്ടര്‍ മുഹമ്മദ് വൈ സഫീറുള്ള തുടങ്ങിയവര്‍ പങ്കെടുക്കും.