സാമൂഹത്തിന്റെ ആവശ്യങ്ങളാണ് സാമൂഹ്യശാസ്ത്രസിദ്ധാന്തങ്ങള്‍ക്ക് വഴി തെളിയിക്കുന്നതെന്നും അവ സമൂഹത്തെ മുന്നോട്ടുനയിക്കുന്ന ദീപസ്തംഭങ്ങളാണെന്നും പ്രസിദ്ധ സാമൂഹ്യശാസ്ത്രജ്ഞയും കോഴിക്കോട് ഗുരുവായൂരപ്പന്‍ കോളേജ് സോഷ്യോളജി വകുപ്പ് മേധാവിയുമായ എന്‍. രാഖി അഭിപ്രായപ്പെട്ടു. മലയാളസര്‍വകലാശാലയില്‍ 'സോഷ്യോളജിയുടെ സൈദ്ധാന്തിക വീക്ഷണങ്ങള്‍' എന്ന വിഷയത്തില്‍ പ്രഭാഷണം നടത്തുകയായിരുന്നു അവര്‍.

ജീവതശൈലീ രോഗങ്ങള്‍ക്കെതിരെ സംസ്ഥാന ആരോഗ്യ വകുപ്പും ശ്രീ ചിത്ര തിരുനാള്‍ ഇന്‍സ്റ്റിറ്റ്യൂട്ട് ഫോര്‍ മെഡിക്കല്‍ സയന്‍സ് ആന്‍ഡ് ടെക്‌നോളജിയും സംയുക്തമായിനടത്തുന്ന ബോധവത്കരണ പരിപാടിയുടെ ഭാഗമായി ഇന്ന് (നവംബര്‍ 29) മലപ്പുറം ഗവ. കോളേജില്‍ ജില്ലാ സമ്മിറ്റ് നടത്തും. ബോധവത്കരണത്തിന്റെ ഭാഗമായി അധ്യാപകര്‍ക്കും തിരഞ്ഞെടുക്കപ്പെട്ട വിദ്യാര്‍ഥികള്‍ക്കും പരിശീലനം നല്‍കിയിരുന്നു. ഇതിന്റെ തുടര്‍പരിപാടിയായാണ് ഇന്ന് സമ്മിറ്റ് നടത്തുന്നത്. ജീവത ശൈലീ രോഗം സംബന്ധിച്ച സര്‍വെ റിപ്പോര്‍ട്ടും പരിപാടിയില്‍ അവതരിപ്പിക്കും.

കുടുംബശ്രീ ജില്ലാ മിഷന് കീഴില്‍ ജേണലിസ്റ്റ് ഇന്റേണിനെ നിയമിക്കുന്നതിനായുള്ള കൂടിക്കാഴ്ച ഡിസംബര്‍ ഒന്നിന് രാവിലെ 10ന് കുടുംബശ്രീ ജില്ലാ മിഷന്‍ ഓഫീസില്‍ നടക്കും. 18നും 30നും ഇടയില്‍ പ്രായമുള്ള ജേണലിസ്റ്റ് ബിരുദവും കംപ്യൂട്ടര്‍ പരിജ്ഞാനവുമുള്ളവര്‍ക്ക് കൂടിക്കാഴ്ചയില്‍ പങ്കെടുക്കാം. ഡിസംബര്‍ ഒന്ന് മുതല്‍ 2018 മെയ് 31 വരെയുള്ള കാലയളവിലേക്കാണ് നിയമനം. ഫോണ്‍ 9072625628.

പാങ്ങ് ഹയര്‍സെക്കന്‍ഡറി സ്‌കൂളില്‍ നിന്നും 2015, 2016, 2017 വര്‍ഷങ്ങളില്‍ പ്ലസ് ടു കഴിഞ്ഞ ഒബിസി വിദ്യാര്‍ഥികള്‍ക്കുള്ള ഇ ഗ്രാന്റ്‌സ് സ്‌കോളര്‍ഷിപ്പ് തുക ഡിസംബര്‍ നാല് മുതല്‍ 15 വരെ വിതരണം ചെയ്യും.

ജില്ലാ പ്ലാനിങ് ഓഫീസില്‍  പ്രോജക്ട് അസോസിയേറ്റ്, ഡാറ്റാ എന്‍ട്രി ഓപ്പറേറ്റര്‍ തസ്തികകളിലേക്ക് നാല് മാസത്തേക്ക് കരാറടിസ്ഥാനത്തില്‍ നിയമിക്കുന്നതിന് അപേക്ഷ ക്ഷണിച്ചു.  പ്രോജക്ട് അസോസിയേറ്റര്‍ക്ക് ബിരുദവും മലയാള ഭാഷയില്‍ പ്രാവീണ്യവും വേണം. മലയാളം - ഇംഗ്ലീഷ് തര്‍ജ്ജമ ചെയ്യാനും എഡിറ്റ് ചെയ്യാനുമുള്ള കഴിവും കംപ്യൂട്ടര്‍ പരിജ്ഞാനവും ഇംഗ്ലീഷ്, മലയാളം ടൈപ്പിങ് പ്രാവീണ്യവും ഉണ്ടായിരിക്കണം. മലയാളം/ഇംഗ്ലീഷ് പി.ജി അഭികാമ്യം. വേതനം പ്രതിമാസം 25000 രൂപ.  

സംസ്ഥാന വനിതാ കമ്മീഷന്‍ അദാലത്ത് ഇന്ന് (നവംബര്‍ 29) രാവിലെ 10ന് കലക്ടറേറ്റ് കോണ്‍ഫറന്‍സ് ഹാളില്‍ നടക്കും.

മണര്‍കാട് പ്രാദേശിക കോഴി വളര്‍ത്തല്‍ കേന്ദ്രത്തില്‍ ആഞ്ഞിലി -3, മാവ് -2, തേരകം-1, കാട്ട് മരം-1, വട്ടമരം -2 എന്നീ മരങ്ങള്‍ ഡിസംബര്‍ 11 രാവിലെ 11ന് ഓഫീസില്‍ വച്ച് ലേലം ചെയ്യും. കൂടുതല്‍ വിവരങ്ങള്‍ക്ക് ഫോണ്‍ : 0481 2373710  

ചങ്ങനാശ്ശേരി  സെന്റ് മേരീസ് പള്ളി  (പാറേല്‍ പള്ളി)  തിരുനാളിനോട് അനുബന്ധിച്ച് നവംബര്‍ 29 മുതല്‍ ഡിസംബര്‍ 17 വരെയുളള ദിവസങ്ങളില്‍ പള്ളിയുടെ മൂന്ന് കിലോമീറ്റര്‍ ചുറ്റളവിലുളള പ്രദേശം ഉത്സവമേഖലയായി പ്രഖ്യാപിച്ചു.