പത്തനംതിട്ട എക്സൈസ് ഡിവിഷനില്‍ വിവിധ അബ്കാരി കേസുകളില്‍ ഉള്‍പ്പെട്ട്    സര്‍ക്കാരിലേക്ക് കണ്ടുകെട്ടിയ വിവിധ വാഹനങ്ങള്‍ ഡിസംബര്‍ 13ന് രാവിലെ 11ന് ഡിവിഷന്‍ ഓഫീസില്‍ ലേലം  ചെയ്യും. കൂടുതല്‍ വിവരം എക്സൈസ് ഓഫീസുകളില്‍ ലഭിക്കും.                                                                         (പിഎന്‍പി 3235/17)

    ഒറ്റത്തവണ തീര്‍പ്പാക്കല്‍ പദ്ധതി പ്രകാരം ഡിസംബര്‍ 31 വരെ വാഹന നികുതി കുടിശിക അടയ്ക്കാം.  2012 ഏപ്രില്‍ ഒന്നിന് മുമ്പ് നികുതി കുടിശികയുള്ള വാഹനങ്ങള്‍, റവന്യു റിക്കവറിയില്‍പ്പെട്ടതും മോഷണം പോയതും പൊളിച്ചുകളഞ്ഞതും ഉടമസ്ഥാവകാശം മാറ്റാതെ വില്‍പ്പന നടത്തിയതുമായ വാഹനങ്ങളിേډലുള്ള നികുതി ബാധ്യത ഒഴിവാക്കാനുള്ള അവസരം പരമാവധി പ്രയോജനപ്പെടുത്തണമെന്ന്  റീജിയണല്‍ ട്രാന്‍സ്പോര്‍ട്ട് ഓഫീസര്‍ അറിയിച്ചു.                                      (പിഎന്‍പി 3234/17)
 

    ജില്ലയിലെ ക്വാറികളില്‍ ഖനന പ്രവര്‍ത്തനങ്ങള്‍ നിയന്ത്രിതമായി മാത്രം നടത്തണമെന്നും തുടര്‍ച്ചയായി മഴ പെയ്യുന്ന അവസരങ്ങളില്‍ ഖനന പ്രവൃത്തി നിര്‍ത്തിവയ്ക്കണമെന്നും മൈനിംഗ് ആന്‍ഡ് ജിയോളജി ഡയറക്ടര്‍ അറിയിച്ചു.           (പിഎന്‍പി 3233/17)

    വള്ളിക്കോട് ഗ്രാമപഞ്ചായത്തില്‍ നിന്നും വിധവാ പെന്‍ഷന്‍ വാങ്ങുന്ന ഗുണഭോക്താക്കള്‍ പുനര്‍വിവാഹം ചെയ്തിട്ടില്ല എന്ന് സ്വയം സാക്ഷ്യപ്പെടുത്തുന്ന സാക്ഷ്യപത്രം ഡിസംബര്‍ 10ന് മുമ്പ് പഞ്ചായത്ത് ഓഫീസില്‍ ഹാജരാക്കണം.         (പിഎന്‍പി 3232/17)
 

സംസ്ഥാന ചരക്ക് സേവന നികുതി വകുപ്പ് ജില്ലയിലെ വ്യാപാരികള്‍, പ്രാക്ടീഷണര്‍മാര്‍, അക്കൗണ്ടന്‍റുമാര്‍ എന്നിവര്‍ക്കായി ഇ-വേ ബില്‍ സംബന്ധിച്ച പരിശീലന ക്ലാസ് ഡിസംബര്‍ നാലിന് രാവിലെ 11 മുതല്‍ പത്തനംതിട്ട അബാന്‍ ഓഡിറ്റോറിയത്തില്‍ നടത്തും. ഫോണ്‍: 0468 2325088.