സര്‍ക്കാര്‍ ഹയര്‍സെക്കന്ററി സ്‌കൂളുകളില്‍ ഹയര്‍സെക്കന്ററി സ്‌കൂള്‍ അദ്ധ്യാപകര്‍ / ഹയര്‍ സെക്കന്ററി സ്‌കൂള്‍ അദ്ധ്യാപകര്‍ (ജൂനിയര്‍) എന്നീ തസ്തികകളിലേക്ക് തസ്തികമാറ്റ നിയമനം ലഭിക്കുന്നതിന് അപേക്ഷിച്ച എച്ച്.എസ്.എ/എല്‍.പി.എസ്.എ/യു.പി.എസ്.എ അദ്ധ്യാപകരുടെ അന്തിമ മുന്‍ഗണനാപട്ടിക (2011-15) പ്രസിദ്ധീകരിച്ചു. ലിസ്റ്റ്, സര്‍ക്കുലര്‍ എന്നിവ www.dhskerala.gov.in വെബ്‌സൈറ്റില്‍ ലഭ്യമാണ്. ഹിസ്റ്ററി വിഷയത്തിന്റെ പട്ടിക കോടതി ഉത്തരവിന് വിധേയമായി പിന്നീട് പ്രസിദ്ധീകരിക്കും.

പി.എന്‍.എക്‌സ്.4726/17

നവംബര്‍ ഏഴിന് തിരുവനന്തപുരം കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തില്‍ നടക്കുന്ന ഇന്ത്യാ - ന്യൂസിലന്‍ഡ് അന്താരാഷ്ട്ര T-20 മത്സരത്തോടനുബന്ധിച്ച് കാണികള്‍ക്കായി കെ.എസ്.ആര്‍.ടി.സി യാത്രാസൗകര്യം ഒരുക്കും. മത്സര ദിവസം ഉച്ച മുതല്‍ കളി ആരംഭിക്കുന്നത് വരെ തിരുവനന്തപുരം സെന്‍ട്രല്‍ ബസ് സ്റ്റേഷന്‍, റെയില്‍വേ സ്റ്റേഷന്‍, കിഴക്കേകോട്ട ബസ് സ്റ്റാന്‍ഡ് എന്നിവിടങ്ങളില്‍ നിന്ന് സ്റ്റേഡിയത്തിലേക്ക് ബസ് സര്‍വ്വീസ് നടത്തും. എറണാകുളം, പത്തനംതിട്ട, കോട്ടയം ഭാഗത്ത് നിന്നും മത്സരം കാണാനെത്തുന്നവര്‍ക്ക് റിസര്‍വേഷന്‍ സൗകര്യത്തോടെ സ്‌പെഷ്യല്‍ സര്‍വ്വീസുകള്‍ ഏര്‍പ്പെടുത്തിയിട്ടുണ്ട്.

പട്ടാമ്പി കൃഷി വിജ്ഞാന കേന്ദ്രത്തില്‍ ശീതകാല പച്ചക്കറി തൈകളായ കാബേജ്, കോളിഫ്‌ളവര്‍, സി.ഒ.3-സി.ഒ.4 തീറ്റപ്പുല്‍, കിള്ളിക്കുളം, തുമ്പൂര്‍മുഴി, സുഗുണ, സുപ്രിയ നടീല്‍ വസ്തുക്കള്‍ വില്പനയ്ക്ക് തയ്യാറായതായി പ്രോഗ്രാം കോഡിനേറ്റര്‍ അറിയിച്ചു.

ഫോണ്‍: 0466 2212279 
 

തത്തമംഗലം ഗവ.വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ കൊമേഴ്‌സ് നോണ്‍ വൊക്കേഷനല്‍ ടീച്ചര്‍, സീനിയര്‍ ലാബ് അസിസ്റ്റന്റ്-ബാങ്കിങ് ആന്‍ഡ് ഇന്‍ഷൂറന്‍സ് ഒഴിവുകളുണ്ട്. കൊമേഴ്‌സ് നോണ്‍ വൊക്കേഷനല്‍ ടീച്ചര്‍ക്ക് എം.കോമും ബി.എഡും സെറ്റുമാണ് യോഗ്യത.

 സീനിയര്‍ ലാബ് അസിസ്റ്റന്റ്-ബാങ്കിങ് ആന്‍ഡ് ഇന്‍ഷൂറന്‍സിന് വി.എച്ച്.എസ്.ഇ. ജനറല്‍ ഇന്‍ഷൂറന്‍സോ ബാങ്കിങ് ആന്‍ഡ് ഇന്‍ഷൂറന്‍സോ യോഗ്യതകളുണ്ടാവണം. 

യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം നവംബര്‍ 10ന് രാവിലെ 11ന് കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പല്‍ അറിയിച്ചു. 

തത്തമംഗലം ഗവ.വൊക്കേഷനല്‍ ഹയര്‍ സെക്കന്‍ഡറി സ്‌കൂളില്‍ കൊമേഴ്‌സ് നോണ്‍ വൊക്കേഷനല്‍ ടീച്ചര്‍, സീനിയര്‍ ലാബ് അസിസ്റ്റന്റ്-ബാങ്കിങ് ആന്‍ഡ് ഇന്‍ഷൂറന്‍സ് ഒഴിവുകളുണ്ട്. കൊമേഴ്‌സ് നോണ്‍ വൊക്കേഷനല്‍ ടീച്ചര്‍ക്ക് എം.കോമും ബി.എഡും സെറ്റുമാണ് യോഗ്യത.

സീനിയര്‍ ലാബ് അസിസ്റ്റന്റ്-ബാങ്കിങ് ആന്‍ഡ് ഇന്‍ഷൂറന്‍സിന് വി.എച്ച്.എസ്.ഇ. ജനറല്‍ ഇന്‍ഷൂറന്‍സോ ബാങ്കിങ് ആന്‍ഡ് ഇന്‍ഷൂറന്‍സോ യോഗ്യതകളുണ്ടാവണം. 

യോഗ്യതയുള്ളവര്‍ അസ്സല്‍ സര്‍ട്ടിഫിക്കറ്റുകള്‍ സഹിതം നവംബര്‍ 10ന് രാവിലെ 11ന് കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പല്‍ അറിയിച്ചു. 
 

റവന്യു വകുപ്പ് മന്ത്രി ഇ.ചന്ദ്രശേഖരന്റെ അധ്യക്ഷതയില്‍ നംവബര്‍ ആറിന് രാവിലെ 10ന് കലക്ടറേറ്റ് സമ്മേളനഹാളില്‍ യോഗം ചേരും. റവന്യൂ വകുപ്പുമായി ബന്ധപ്പെട്ട് ജില്ലയില്‍ നടക്കുന്ന വിവിധ പ്രവര്‍ത്തനങ്ങള്‍ യോഗത്തില്‍ അവലോകനം ചെയ്യും.

പൊതുജനങ്ങള്‍ക്ക് വേഗത്തില്‍ സേവനങ്ങള്‍ ലഭ്യമാക്കുന്നതിന് സേവനദാതാക്കളെന്ന നിലയ്ക്ക് സര്‍ക്കാര്‍ ജീവനക്കാര്‍ സ്വതന്ത്ര മലയാളം കംപ്യൂട്ടിങിന്റെ സാധ്യതകള്‍ പ്രയോജനപ്പെടുത്തണമെന്ന് ജില്ലാ കലക്ടര്‍ ഡോ: പി.സുരേഷ് ബാബു അറിയിച്ചു. ഭരണ ഭാഷാ വാരത്തോടനുബന്ധിച്ച്  കലക്ടറേറ്റ് സമ്മേളനഹാളില്‍ സര്‍ക്കാര്‍ ജീവനക്കാര്‍ക്കായി 'മലയാള ഭാഷ-കംപ്യൂട്ടറിലും കടലാസിലും' വിഷയത്തില്‍ നടത്തിയ പരിശീലനം ഉദ്ഘാടനം ചെയ്ത് സംസാരിക്കുകയായിരുന്നു ജില്ലാ കലക്ടര്‍. പൊതുജനങ്ങളുമായുള്ള ആശയവിനിമയം സുഗമമാക്കാനാണ് മാതൃഭാഷയായ മലയാളം ഔദ്യോഗിക ഭാഷയാക്കിയത്.

സര്‍വ ശിക്ഷാ അഭിയാന് കീഴിലുള്ള ജില്ലയിലെ വിവിധ ബി.ആര്‍.സി കളിലെ ഓട്ടിസം സെന്ററുകളില്‍ സ്‌പെഷ്യല്‍ എഡ്യൂക്കേഷനില്‍ (ഓട്ടിസം സ്‌പെക്ട്രം ഡിസോര്‍ഡര്‍) ഡിപ്ലോ/ഡിഗ്രി നേടിയ അധ്യാപകരെ നിയമിക്കും.

യോഗ്യരായ ഉദേ്യാഗാര്‍ത്ഥി ബയോഡാറ്റയും സര്‍ട്ടിഫിക്കറ്റുകളുടെ ശരിപകര്‍പ്പും സഹിതം അപേക്ഷ നവംബര്‍ 10 നകം ജില്ലാ പ്രോജക്ട് ഓഫീസര്‍, എസ്.എസ്.എ, ആനന്ദ്, വീട് നമ്പര്‍.72, തേവള്ളി.പി.ഒ, കൊല്ലം-691009 എന്ന വിലാസത്തില്‍ നല്‍കണം. ഫോണ്‍: 0474-2794098.

 (പി.ആര്‍.കെ.നമ്പര്‍  2530/17)

സംസ്ഥാന ബാലാവകാശ കമ്മീഷന്റെ ആഭിമുഖ്യത്തില്‍ നവംബര്‍ 14 മുതല്‍ 21 വരെ ബാലാവകാശ വാരം ആചരിക്കും. കമ്മീഷനംഗം സി.ജെ. ആന്റണിയുടെ അധ്യക്ഷതയില്‍ ചേര്‍ന്ന ആലോചനാ യോഗത്തില്‍ ജില്ലാ ശിശുസംരക്ഷണ ഓഫീസര്‍ സിജു ബെന്‍ പദ്ധതി അവതരിപ്പിച്ചു.

ചൈല്‍ഡ് വെല്‍ഫെയര്‍ കമ്മിറ്റി ചെയര്‍പേഴ്‌സണ്‍ കോമളകുമാരി, സന്നദ്ധ സംഘടനാ പ്രവര്‍ത്തകര്‍, കൊട്ടിയം എന്‍.എസ്.എസ് ലോ കോളേജ് വിദ്യാര്‍ഥി പ്രതിനിധികള്‍, വിവിധ വകുപ്പുകളിലെ ഉദേ്യാഗസ്ഥര്‍ തുടങ്ങിയവര്‍ യോഗത്തില്‍ പങ്കെടുത്തു.

(പി.ആര്‍.കെ.നമ്പര്‍  2529/17)

കൊല്ലം സര്‍ക്കാര്‍ മെഡിക്കല്‍ കോളേജിലെ ഇന്‍സ്റ്റിറ്റ്യൂഷണല്‍ റിസര്‍ച്ച് കമ്മിറ്റി ഫ്രണ്ട് ഓഫീസില്‍ ഓഫീസ് അസിസ്റ്റന്റ് തസ്തികയില്‍ കരാര്‍ നിയമനത്തിനുള്ള ഇന്റര്‍വ്യൂ നവംബര്‍ 10ന് രാവിലെ 10.30ന് നടക്കും. ബിരുദവും കമ്പ്യൂട്ടര്‍ പരിജ്ഞാനവും മെഡിക്കല്‍ കോളേജില്‍ ഒരു വര്‍ഷത്തെ പ്രവൃത്തി പരിചയമുള്ളവര്‍ക്ക് പങ്കെടുക്കാം. പ്രതിമാസ വേതനം 16500.

പ്രായ പരിധി 40 വയസ്. താത്പര്യമുള്ളവര്‍ വിദ്യാഭ്യാസ യോഗ്യത തെളിയിക്കുന്ന അസല്‍ സര്‍ട്ടിഫിക്കറ്റുകളും പകര്‍പ്പുകളും സര്‍ക്കാര്‍ അംഗീകൃത തിരിച്ചറിയല്‍ കാര്‍ഡും പാസ്‌പോര്‍ട്ട് സൈസ് ഫോട്ടോയുമായി കോളേജ് ഓഫീസില്‍ എത്തണം. ഫോണ്‍: 0474-2572574.