റവന്യൂ-ഭവന നിര്‍മ്മാണ വകുപ്പു മന്ത്രി  ഈ മാസം ഏഴ്, എട്ട്, ഒമ്പത് തീയതികളില്‍ ജില്ലയില്‍ വിവിധ പരിപാടികളില്‍ പങ്കെടുക്കും. ഇന്ന് (7) ഉച്ചയ്ക്ക്  2.30 ന് കുമ്പളയില്‍ ബേള പബ്ലിക് വെല്‍ഫെയര്‍ കോപ്പറേറ്റീവ് സൊസൈറ്റി ഉദ്ഘാടനം. വൈകീട്ട് നാലിന് ചട്ടഞ്ചാലില്‍ പൊതുപരിപാടി. നാളെ (8) രാവിലെ 10.30 ന് കോടോം-ബേളൂര്‍ ഗ്രാമപഞ്ചായത്തില്‍  മേക്കോടോമില്‍ ഹാംലെറ്റ് പദ്ധതി യോഗം. 11.30 ന് കൊട്ടോടി ജിഎച്ച്എസ്എസില്‍ കെട്ടിടനിര്‍മ്മാണശിലാസ്ഥാപനം. ഉച്ചയ്ക്ക് 2.30 ന്  കുമ്പളപ്പളളി ചീറ്റമൂല കോളനിയില്‍ ഹാംലെറ്റ് പദ്ധതി യോഗം. ഒമ്പതിന്  രാവിലെ 10 ന് ബിരിക്കുളത്ത് പൊതുപരിപാടി.  ഉച്ചയ്ക്ക് 12.30 ന് കാഞ്ഞങ്ങാട് പൊതുപരിപാടി.

    ഹോസ്ദുര്‍ഗ് താലൂക്ക് സപ്ലൈ ഓഫീസില്‍ പുതിയ റേഷന്‍ കാര്‍ഡ് ലഭിച്ചതിനുശേഷം  മുന്‍ഗണനാവിഭാഗത്തില്‍ ഉള്‍പ്പെടുത്തുന്നതിന് അപേക്ഷ നല്‍കിയ  അപേക്ഷകരില്‍ ഇതേവരെയായി അദാലത്തില്‍   ഹാജരാകാത്ത പടന്ന, തൃക്കരിപ്പൂര്‍ , വലിയപറമ്പ പഞ്ചായത്തിലെ അപേക്ഷകര്‍  ഈമാസം 11നും  പിലിക്കോട്, കയ്യൂര്‍ ചീമേനി, മടിക്കൈ പഞ്ചായത്തിലെ അപേക്ഷകര്‍ 12നും കാഞ്ഞങ്ങാട് മുന്‍സിപ്പാലിറ്റി, അജാനൂര്‍ പഞ്ചായത്തിലെ അപേക്ഷകര്‍ 13നും ഉദുമ, പുല്ലൂര്‍പെരിയ , പളളിക്കരപഞ്ചായത്തിലെ  അപേക്ഷകര്‍ 14നും ഹോസ്ദുര്‍ഗ്് താലൂക്ക് സപ്ലൈ ഓഫീസില്‍ നടക്കുന്ന   അദാലത്തില്‍് രാവിലെ 10നും ഉച്ചയ്ക്ക്‌രണ്ടിനും ഇടയില്‍ ഹാജരാകണം.

* ഡോ. അംബേദ്കര്‍ മാധ്യമ പുരസ്‌കാരങ്ങള്‍ സമ്മാനിച്ചു

ഡോ. ബി.ആര്‍. അംബേദ്കര്‍ ഇല്ലായിരുന്നെങ്കില്‍ സാമൂഹിക, സാമ്പത്തിക രംഗത്ത് അധസ്ഥിതര്‍ക്കും പിന്നാക്കവിഭാഗങ്ങള്‍ക്കും ഇന്ന് കാണുന്ന തലയെടുപ്പ് പോലും ലഭിക്കില്ലായിരുന്നെന്ന് പട്ടികജാതി-പട്ടികവര്‍ഗ, പിന്നാക്കക്ഷേമ സാംസ്‌കാരിക വകുപ്പ് മന്ത്രി എ.കെ. ബാലന്‍ അഭിപ്രായപ്പെട്ടു. പട്ടികജാതി വികസനവകുപ്പിന്റെ ആഭിമുഖ്യത്തില്‍ 

ദേശീയ നിയമ സേവന അതോറിറ്റിയുടെ നേതൃത്വത്തില്‍ രാജ്യമെമ്പാടും സംഘടിപ്പിക്കുന്ന മെഗാ നാഷണല്‍ അദാലത്തിന്റെ ഭാഗമായി തിരുവനന്തപുരം ജില്ലയിലെ വിവിധ കോടതികളില്‍ ഡിസംബര്‍ ഒന്‍പതിന് മെഗാ അദാലത്ത് സംഘടിപ്പിക്കും. ക്രിമിനല്‍ കോമ്പൗണ്ടബിള്‍, സിവില്‍, ബാങ്ക് റിക്കവറി, റവന്യൂ, ഇലക്ട്രിസിറ്റി, കുടുംബ തര്‍ക്ക വ്യവഹാരങ്ങള്‍, വാഹന ഇന്‍ഷുറന്‍സ് തുടങ്ങിയവ സംബന്ധിച്ച ഒന്‍പതിനായിരത്തി അഞ്ഞൂറിലധികം കേസുകള്‍ അദാലത്തിനായി പ്രത്യേകമായി സജ്ജമാക്കിയിട്ടുള്ള നാല്‍പതിലധികം ബൂത്തുകളിലായി പരിഗണിക്കും.

    കേരള ഖാദി ഗ്രാമ വ്യവസായ ബോര്‍ഡിന്റെ കീഴില്‍ തിരുവനന്തപുരം ജില്ലാ ഖാദി ഗ്രാമ വ്യവസായ ഓഫീസില്‍ കണ്‍സോര്‍ഷ്യം ബാങ്ക് ക്രെഡിറ്റ് /പാറ്റേണ്‍ പദ്ധതി പ്രകാരം 1996 മുതല്‍ വായ്പ കുടിശിക വരുത്തിയിട്ടുള്ളവര്‍ക്കായി  ഒറ്റത്തവണ തിര്‍പ്പാക്കല്‍ പദ്ധതി നടപ്പാക്കുന്നു.  ഡിസംബര്‍ 21 രാവിലെ 10.30 ന് തിരുവനന്തപുരം ജില്ലാ ഖാദി ഗ്രാമ വ്യവസായ ഓഫീസിലാണ് അദാലത്ത്.   ഡിസംബര്‍ 31 ന്  മുന്‍പ് കുടിശിക അടച്ചുതീര്‍ക്കുന്ന ഗുണഭോക്താക്കള്‍ക്ക്  നിലവിലുള്ള വ്യവസ്ഥകള്‍ക്ക് വിധേയമായി പിഴപ്പലിശയില്‍ ഇളവനുവദിക്കുമെന്ന് പ്രോജക്ട് ഓഫീസര്‍ അറിയിച്ചു.  ഫോണ്‍ നമ്പര്‍ 04712472896. 
 

അമൃത് പദ്ധതി സംസ്ഥാനതല സാങ്കേതിക സമിതിയുടെ പദ്ധതി വിശകലന യോഗത്തില്‍ 268 കോടി രൂപയുടെ പദ്ധതികള്‍ക്ക് അംഗീകാരമായി.  കൊല്ലം, ആലപ്പുഴ, കൊച്ചി, തൃശൂര്‍, ഗുരുവായൂര്‍, പാലക്കാട്, കണ്ണൂര്‍ തുടങ്ങി എഴ് അമൃത് നഗരങ്ങളില്‍ നിന്നുള്ള  33 പദ്ധതികളാണ്  വിശകലനം ചെയ്തത്. പദ്ധതികള്‍ ചീഫ് സെക്രട്ടറി അധ്യക്ഷനായ ഉന്നതാധികാര സമിതിയിലേയ്ക്ക് ഭരണാനുമതിക്കായി ശുപാര്‍ശ ചെയ്തു. അമൃത് പദ്ധതിയുടെ ദ്രുതഗതിയിലുള്ള നിര്‍വ്വഹണ പുരോഗതിക്ക് ആവശ്യമായ ശുപാര്‍ശകളും യോഗം അംഗീകരിച്ച് ഉന്നതാധികാര സമിതിക്ക് നല്‍കി.

*സ്‌കോള്‍ കേരള മുഖേന വിവിധ കോഴ്‌സുകളില്‍ ഉന്നതവിജയം നേടിയവരെ അനുമോദിച്ചു

    വിദ്യാര്‍ത്ഥികള്‍ക്ക് പരീക്ഷകളില്‍ മാത്രമല്ല, ജീവിതത്തിലും എപ്ലസ് നേടാന്‍ സാധിക്കണമെന്നാണ് സര്‍ക്കാരും പൊതു വിദ്യാഭ്യാസ വകുപ്പും ലക്ഷ്യമിടുന്നതെന്ന് വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് പറഞ്ഞു. സ്‌കോള്‍ കേരള മുഖേന വിവിധ കോഴ്‌സുകളില്‍ ഉന്നതവിജയം നേടിയ വിദ്യാര്‍ത്ഥികളെ അനുമോദിക്കാന്‍ ചേര്‍ന്ന യോഗം ഉദ്ഘാടനം ചെയ്യുകയായിരുന്നു അദ്ദേഹം.

    കേരള നിയമസഭയുടെ സി.പി.എസ്.റ്റി നടത്തുന്ന സര്‍ട്ടിഫിക്കറ്റ് കോഴ്‌സ് ഇന്‍ പാര്‍ലമെന്ററി പ്രാക്ടീസ് ആന്റ് പ്രൊസീജിയറുമായി ബന്ധപ്പെട്ട രണ്ടാംഘട്ട സമ്പര്‍ക്ക ക്ലാസുകള്‍ ഡിസംബര്‍ 9, 10 തീയതികളില്‍ നിയമസഭാ സമുച്ചയത്തിലും 16, 17 തീയതികളില്‍ കോഴിക്കോട് നടക്കാവ് ജി.വി.എച്ച്.എസ്.എസ്. ഫോര്‍ ഗേള്‍സിലും നടത്തും.  വിശദ വിവരങ്ങള്‍ www.niyamasabha.org ല്‍ ലഭിക്കുമെന്ന് സെക്രട്ടറി വി.കെ. ബാബു പ്രകാശ് അറിയിച്ചു.