ഇന്‍സാറ്റ് കോരങ്ങാടിന്റെ ആഭിമുഖ്യത്തില്‍ നെഹ്‌റു യുവകേന്ദ്ര ഇന്റര്‍ ക്ലബ് ക്ലസ്റ്റര്‍ തല ഫുട്‌ബോള്‍ മത്സരം താമരശ്ശേരി ഗവ. ഹയര്‍ സെക്കണ്ടറി ഗ്രൗണ്ടില്‍ നടന്നു. ബ്ലോക്ക് പ്രസിഡണ്ട് ഏലിയമ്മ ജോര്‍ജ്ജ് ഉദ്ഘാടനം ചെയ്തു. അഷറഫ് കോരങ്ങാട്, അമീര്‍ ഇന്‍സാറ്റ്, സഹില്‍ പാവണ്ടൂര്‍, ഐശ്വര്യ, സാബിത്ത് മായനാട് തുടങ്ങിയവര്‍ സംസാരിച്ചു. ജില്ലാ പഞ്ചായത്ത് മെമ്പര്‍ നജീബ് കാന്തപുരം ട്രോഫികള്‍ വിതരണം ചെയ്തു.  ബ്രദേഴ്‌സ് പുളിക്കടവ് വിന്നേഴ്‌സും ദിശ തേക്കും തോട്ടം റണ്ണേഴ്‌സപ്പുമായി.
 

ബാലുശ്ശേരി ബസ്സ്റ്റാന്റിന് സമീപം ബാങ്ക് ബസാറില്‍ പ്രവര്‍ത്തിച്ചുവരുന്ന ഖാദി ബോര്‍ഡിന്റെ കീഴിലുളള ഖാദി വില്പന കേന്ദ്രം താമരശ്ശേരി റോഡില്‍ അറപ്പീടികയ്ക്ക് സമീപമുളള തേന്‍ സംസ്‌കരണ കേന്ദ്രത്തോട് ചേര്‍ന്നുളള സ്വന്തം കെട്ടിടത്തിലേക്ക് മാറ്റിയതായി പ്രോജക്ട് ഓഫീസര്‍ അറിയിച്ചു. ഖാദി തുണിത്തരങ്ങള്‍ക്ക് 20 ശതമാനം റിബേറ്റ് അനുവദിക്കും.
 

    കോഴിക്കോട് ജില്ലയില്‍ വിദ്യാഭ്യാസ വകുപ്പില്‍ ഹൈസ്‌കൂള്‍ അസിസ്റ്റന്റ് (കണക്ക്) (കാറ്റഗറി നമ്പര്‍ 661/2012) തസ്തികയുടെ ചുരുക്കപ്പട്ടികയിലുള്‍പ്പെട്ട ഉദ്യോഗാര്‍ത്ഥികള്‍ക്കുളള  ഒറ്റത്തവണ പ്രമാണ പരിശോധന ഡിസംബര്‍ ആറ് മുതല്‍ 15 വരെ (ശനി, ഞായര്‍ ഒഴികെ) കോഴിക്കോട് ജില്ലാ പി.എസ്.സി ഓഫീസില്‍ നടത്തും. ഉദ്യാഗാര്‍ത്ഥികള്‍ക്ക്  എസ്.എം.എസ്, പ്രൊഫൈല്‍ മെസ്സേജ് എന്നിവ മുഖേന അറിയിപ്പ് നല്‍കിയിട്ടുണ്ട്.  അറിയിപ്പ് ലഭിക്കാത്തവര്‍ കോഴിക്കോട് ജില്ലാ പി.എസ്.സി ഓഫീസുമായി ബന്ധപ്പടണം.
 

     
കേന്ദ്ര ആഭ്യന്തര മന്ത്രാലയത്തിനു കീഴില്‍ വിമാനത്താവളങ്ങളിലെ ഇമിഗ്രേഷന്‍ വിഭാഗത്തില്‍ ഇമിഗ്രേഷന്‍ അസിസ്റ്റന്റ് (ജെ.സി.ഒ  പ്രായപരിധി  50 വയസ്സ്, പ്ലസ് ടു/പ്രിഡിഗ്രി) ഇമിഗ്രേഷന്‍ സ്റ്റാഫ് സപ്പോര്‍ട്ട്  ( എന്‍.സി.ഒ പ്രായപരിധി  45 വയസ്സ്, എസ്.എസ്.എല്‍.സി) എന്നീ തസ്തികകളിലേക്ക് കരാര്‍ അടിസ്ഥാനത്തില്‍ ഒഴിവുകളുണ്ട്. താല്‍പര്്യമുള്ള വിമുക്തഭടന്മാര്‍  ഡിസംബര്‍ 15 ന് വൈകുന്നേരം  5 മണിക്ക് മുമ്പായി കോഴിക്കോട് ജില്ല സൈനിക ക്ഷേമ ആഫീസില്‍ അപേക്ഷ സമര്‍പ്പിക്കേണ്ടതാണെന്ന് ജില്ലാ സൈനികക്ഷേമ ഓഫീസര്‍ അറിയിച്ചു. ഫോണ്‍ : 0495 2771881.
 

പട്ടികജാതി വികസന വകുപ്പിന്റെ എസ്.സി.എ ടു എസ്.സി.പി 2017-18     പദ്ധതി പ്രകാരം പരിശീലനം നല്‍കുന്ന ടെക്‌സ്റ്റൈല്‍ ഡിസൈനിംഗ് ആന്റ്  ഓര്‍ണമെന്റേഷന്‍ കോഴ്‌സിലേക്ക് അപേക്ഷകള്‍ സ്വീകരിക്കുന്ന അവസാന തീയതി ഡിസംബര്‍ 10   വരെ ദീര്‍ഘിപ്പിച്ചിതായി ജില്ലാ പട്ടികജാതി വികസന ഓഫീസര്‍ അറിയിച്ചു. ഫോണ്‍  : 04952370379.
 

    മേലടി ബ്ലോക്ക്  പഞ്ചായത്തിന്റെ 2017-18 വര്‍ഷത്തിലെ പദ്ധതി പ്രകാരം മേലടി സാമൂഹിക ആരോഗ്യകേന്ദ്രത്തിലേക്ക് ഉപകരണങ്ങള്‍/ സാമഗ്രികള്‍ വിതരണം ചെയ്യാന്‍ തയ്യാറുള്ള സ്ഥാപനങ്ങള്‍/വ്യക്തികള്‍ എന്നിവരില്‍ നിന്നും മത്സരാധിഷ്ഠിത ടെണ്ടര്‍ ക്ഷണിച്ചു.    പ്രൊജക്ട് നമ്പര്‍ 47/18 മേലടി സാമൂഹിക ആരോഗ്യകേന്ദ്രത്തിന്റെ ഗുണമേന്‍മ വര്‍ദ്ധിപ്പിക്കുന്നതിന്റെ ഭാഗമായി 4 കമ്പ്യൂട്ടറുകളും 2 പ്രിന്ററുകളും 4 യു.പി.എസ്സും വാങ്ങല്‍. ടെണ്ടര്‍ ഫോറം സ്വീകരിക്കുന്ന അവസാന തിയ്യതി ഡിസംബര്‍ ഏഴ്    ഉച്ചക്ക് 12.30 മണി . ഫോണ്‍: 0496 2602170.
 

എന്‍.എച്ച്.എം. ഫണ്ട് ഉപയോഗിച്ച് മേലടി സാമൂഹിക ആരോഗ്യകേന്ദ്രത്തിന്റെ നവീകരണവുമായി ബന്ധപ്പെട്ട ആശുപത്രി മുറ്റം ടൈല്‍ പാകുന്ന പ്രവൃത്തി ഏറ്റെടുത്ത് നടത്താന്‍ തയ്യാറുളള സ്ഥാപനങ്ങള്‍/വ്യക്തികള്‍ എന്നിവരില്‍ നിന്നും മത്സരാധിഷ്ഠിത ടെണ്ടര്‍ ക്ഷണിച്ചു. ഡിസംബര്‍ എട്ട് ഉച്ച രണ്ട് മണി വരെ ടെണ്ടര്‍ സ്വീകരിക്കും. കൂടുതല്‍ വിവരങ്ങള്‍ക്ക് 0496 2602170.