കുഷ്ഠരോഗ നിർമ്മാർജ്ജനത്തിന്റെ ഭാഗമായി കുട്ടികളിലെ രോഗനിർണയം നടത്തുന്നതിനായി ജില്ലയിൽ ബാലമിത്ര 2.0 ക്യാമ്പയിൻ നടത്തുന്നു. സെപ്റ്റംബർ 20 മുതൽ നവംബർ 30 വരെയാണ് ബാലമിത്ര ക്യാമ്പെയിൻ ജില്ലയിൽ നടക്കുക.

           മെഡിക്കൽ വിദ്യാഭ്യാസ വകുപ്പിന്റെ കീഴിൽ പട്ടിക ജാതി പട്ടിക വർഗ്ഗ വിഭാഗത്തിൽപ്പെട്ട വിദ്യാർഥികൾക്കായി നടത്തുന്ന ഡിപ്ലോമ ഇൻ ജനറൽ നഴ്‌സിങ് ആൻഡ് മിഡ് വൈഫറി കോഴ്‌സ് 2023-2024-ലേയ്ക്കുള്ള ഇന്റർവ്യൂ വിജ്ഞാപനവും, അപേക്ഷിച്ചവരുടെ റാങ്ക് ലിസ്റ്റും മെഡിക്കൽ വിദ്യാഭ്യാസ ഓഫീസിലും, ഡി.എം.ഇ.യുടെ വെബ് സൈറ്റിലും പ്രസിദ്ധീകരിച്ചിട്ടുണ്ട്. തിരുവനന്തപുരം, കോട്ടയം, കോഴിക്കോട് സർക്കാർ നഴ്‌സിംഗ് കോളജുകളിലും റാങ്ക് ലിസ്റ്റ് പരിശോധനയ്ക്ക് ലഭിക്കും.

താനൂർ ഫിഷറീസ് സ്കൂൾ സ്പോർട്ട്സ് സ്കൂളാക്കി സർക്കാർ ഉത്തരവായി.തീരദേശത്തെ മത്സ്യത്തൊഴിലാളികളുടെ മക്കൾ പഠിക്കുന്ന ഫിഷറീസ് സ്കൂൾ സ്പോർട്സ് സ്കൂൾ ആക്കുന്നതോടെ ഈ മേഖലയിലുള്ള വിദ്യാർത്ഥികളുടെ കായികക്ഷമത വർദ്ധിപ്പിക്കുന്നതോടൊപ്പം വിവിധ കായിക ഇനങ്ങളിൽ പ്രാവിണ്യം നേടിയ ടീമുകളെ വാർത്തെടുക്കാനും കഴിയും. വിവിധ അത്‌ലറ്റിക് സ് ഇനങ്ങളിലും ആയോധന കലകളിലും പരിശീലനം നൽകും. ഇതിനായി പുരുഷ വനിതാ കോച്ചുമാരെ നിയമിക്കും. പെൺകുട്ടികൾക്ക് ജൂഡോ വുഷു എന്നീ ഇനങ്ങളിൽ പരിശീലനം നൽകും.

മലപ്പുറം ജില്ലാ സിവിൽ സർവീസസ് കായിക മേളക്ക് തുടക്കമായി. മലപ്പുറം ഇന്ദിര പ്രിയദർശിനി ഇൻഡോർ സ്റ്റേഡിയത്തിൽ ജില്ലാ കളക്ടർ വി.ആർ പ്രേംകുമാർ ഉദ്ഘാടനം ചെയ്തു. ജില്ലാ സ്പോർട്സ് കൗൺസിൽ പ്രസിഡന്റ് വി.പി. അനിൽകുമാർ അധ്യക്ഷത വഹിച്ചു. അഡീഷണൽ ജില്ലാ മജിസ്ട്രേറ്റ് എൻ. എം മെഹറലി, സ്പോർട്സ് കൗൺസിൽ എക്സിക്യൂട്ടീവ് മെമ്പർ ഹൃഷികേഷ് കുമാർ എന്നിവർ സംസാരിച്ചു. സ്പോർട്സ് കൗൺസിൽ എക്സിക്യൂട്ടീവ് മെമ്പർ സി. സുരേഷ് സ്വാഗതവും സെക്രട്ടറി വി.ആർ. അർജുൻ നന്ദിയും പറഞ്ഞു.

വിവിധ സര്‍വ്വകലാശാലകളില്‍ ഓഫീസ് അറ്റന്റന്റ്/ കൂലി വര്‍ക്കര്‍ (കേരളാ വാട്ടര്‍ അതോറിറ്റി) തുടങ്ങിയ  തസ്തികകളിലേക്കുള്ള നിയമനത്തിനായി കേരള പബ്ലിക് സര്‍വ്വീസ് കമ്മീഷന്‍ നടത്തുന്ന ഒ.എം.ആര്‍ പരീക്ഷ (പ്രിലിമിനറി-മൂന്നാം  ഘട്ടം) സെപ്റ്റംബര്‍ ഒമ്പതിന് (ശനി) ഉച്ചയ്ക്ക് 1.30 മുതല്‍ 3.15 വരെ മലപ്പുറം ജില്ലയിലെ വിവിധ പരീക്ഷാ കേന്ദ്രങ്ങളില്‍ വെച്ച് നടക്കും.

മഞ്ചേരി ഗവ. ഇൻസ്റ്റിറ്റ്യൂട്ട് ഓഫ് ഫാഷൻ ഡിസൈനിങിലേക്കുള്ള സ്‌പോട്ട് അഡ്മിഷൻ സെപ്റ്റംബർ 12ന് രാവിലെ ഒമ്പതിന് ഗവ. ടെക്‌നിക്കൽ ഹൈസ്‌കൂൾ ഓഫീസിൽ നടക്കും. പങ്കെടുക്കാൻ ആഗ്രഹിക്കുന്ന വൺ ടൈം രജിസ്‌ട്രേഷൻ പൂർത്തിയാക്കിയവർ അസ്സൽ സർട്ടിഫിക്കറ്റുകളുമായി ഹാജരാവണം. ഫോൺ: 0483 2766185, 9744537484, 9400006489.

മലപ്പുറം ഗവ. കോളേജിൽ ബി.എ ഹിസ്റ്ററി (എസ്.ടി -ഒന്ന്, ലക്ഷദ്വീപ് -ഒന്ന്), ബി.എസ്.സി കെമിസ്ട്രി (ഇ.എസ്.ഡബ്ല്യു -ഒന്ന്, എസ്.സി -രണ്ട്, പി.ഡബ്ല്യു.ഡി -രണ്ട്, ലക്ഷദ്വീപ് -ഒന്ന്), എം.എ ഹിസ്റ്ററി (സ്‌പോർട് ക്വാട്ട -ഒന്ന്, ലക്ഷദ്വീപ് -ഒന്ന്), എം.കോം (സ്‌പോർട്‌സ് ക്വാട്ട -ഒന്ന്, ലക്ഷദ്വീപ് -ഒന്ന്) എന്നീ കോഴ്സുകളില്‍ പ്രവേശനത്തിന് സീറ്റുകൾ ഒഴിവുണ്ട്. താത്പര്യമുള്ള വിദ്യാർഥികൾ സെപ്റ്റംബർ ഏഴിന് രാവിലെ പത്ത് മുതൽ 3.30 വരെ സ്‌പോട്ട് അഡിമിഷന് ഹാജരാവണം. ഫോൺ: 9061734918.