ദർഘാസ്  ക്ഷണിച്ചു.

കോഴിക്കോട് തുറമുഖ കാര്യാലയത്തിന്റെ ഉപയോഗത്തിലേക്കായി രണ്ട് മാസത്തേക്ക് പ്രതിമാസം 1500 കിലോമീറ്റർ യാത്ര ചെയ്യുന്നതിന് പ്രതിമാസ വാടകക്ക് ഡ്രൈവറടക്കം കാർ നൽകുന്നതിന് തയ്യാറുളള വ്യക്തികളിൽ നിന്നോ/സ്ഥാപനങ്ങളിൽ നിന്നോ ദർഘാസുകൾ ക്ഷണിച്ചു. ദർഘാസുകൾ മാർച്ച് 30 ന് ഉച്ചയ്ക്ക് ഒരു മണിക്കകം ലഭിക്കണം. ഫോൺ : 0495 2414863. 

ദർഘാസ്  ക്ഷണിച്ചു.

ഏപ്രിൽ രണ്ടിന് രാവിലെ 10.30 മുതൽ കോഴിക്കോട് മേഖലാ കാര്യാലയത്തിൽ, കോഴിക്കോട് മേഖലാ - ജില്ലാ കാര്യാലയങ്ങളിലെ കൊമേഴ്‌സ്യൽ അപ്രന്റീസ് പരിശീലന തസ്തികയിലേക്ക് നടത്താൻ നിശ്ചയിച്ച അഭിമുഖം ഒരു അറിയിപ്പ് ഉണ്ടാകുന്നതുവരെ മാറ്റിയതായി മുഖ്യ പരിസ്ഥിതി എഞ്ചിനീയർ അറിയിച്ചു. പുതുക്കിയ തിയ്യതി പിന്നീട് അറിയിക്കും.

പാചകവാതക സിലിണ്ടറുകള്‍ പിടിച്ചെടുത്തു

ഒളവണ്ണ ഗ്രാമപഞ്ചായത്തില്‍ പന്തീരാങ്കാവ്-പെരുമണ്ണ റോഡില്‍ കൈലമഠം ദേശത്ത് ബാലന്‍ അമ്മമ്പലത്ത് എന്നയാളുടെ ഉടമസ്ഥതയിലുള്ളതും  റമീഷ് സഹസാദ എന്നയാള്‍ക്ക്  വാടകയ്ക്ക് നല്‍കിയതുമായ കെട്ടിടത്തിൽ പരിശോധന നടത്തി അനധികൃതമായി സൂക്ഷിച്ച എട്ട് പാചകവാതക സിലിണ്ടറുകള്‍ പിടിച്ചെടുത്തതായി കോഴിക്കോട് താലൂക്ക് സപ്ലൈ ഓഫീസര്‍ അറിയിച്ചു. 

തൊഴിലധിഷ്ഠിത കോഴ്സുകളിലേക്ക് അഡ്മിഷൻ

കുടിവെളള വിതരണം തടസ്സപ്പെടും

കൊടുവളളി സെക്ഷനു കീഴിലെ ആര്‍ഡബ്ല്യൂഎസ്എസ് കൊടിയത്തൂര്‍ പമ്പ് ഹൗസിലെ പമ്പ് സെറ്റ് തകരാറിലായതിനാല്‍ പമ്പ് ഹൗസില്‍ നിന്നുമുളള കുടിവെളള വിതരണത്തിൽ ഇന്ന് (മാര്‍ച്ച് 26) മുതല്‍ ഏഴ് ദിവസത്തേക്ക് ഭാഗികമായി തടസ്സം നേരിടുമെന്ന് ജല അതോറിറ്റി കൊടുവളളി അസി. എഞ്ചിനീയര്‍ അറിയിച്ചു.

ജലവിതരണം  മുടങ്ങും

 
ലോക്‌സഭ തിരഞ്ഞെടുപ്പില്‍ സ്ഥാനാര്‍ഥികളുടെ ചെലവ് സംബന്ധിച്ച് ആക്ഷേപമുള്ളവര്‍ക്ക് തിരഞ്ഞെടുപ്പ് ചെലവ് നിരീക്ഷകരെ സമീപിക്കാം.

എറണാകുളം മണ്ഡലം ചെലവ് നിരീക്ഷകന്‍ - പ്രമോദ് കുമാർ ഐ ആർ എസ്  - ഫോൺ:  8301975804 

ചാലക്കുടി മണ്ഡലം ചെലവ് നിരീക്ഷകന്‍ - അരവിന്ദ് കുമാർ സിംഗ് ഐ ആർ എസ്

ഫോൺ: 8547806602

ലോക്സഭാ തിരഞ്ഞെടുപ്പ് നടപടിക്രമങ്ങളുടെ ഏകോപനത്തിനായി 'എന്‍കോര്‍' സോഫ്റ്റ്‌വെയറുമായി തിരഞ്ഞെടുപ്പ് കമ്മീഷൻ. വരണാധികാരിയുടെ മേൽനോട്ടത്തിൽ  നാമനിര്‍ദ്ദേശ പത്രിക നൽകുന്നതു മുതൽ തിരഞ്ഞെടുപ്പ് ഫലപ്രഖ്യാപനം വരെയുള്ള എല്ലാ പ്രക്രിയകളും എന്‍കോർ സോഫ്റ്റ്‌വെയറിലൂടെ ഏകോപിപ്പിക്കാം. 

ആരോഗ്യവകുപ്പ്, ജില്ലാ ടിബി കേന്ദ്രം എന്നിവയുടെ നേതൃത്വത്തില്‍ ലോകക്ഷയരോഗദിനം ജില്ലാതല ദിനാചരണപരിപാടി  ഗവ നഴ്സിംഗ് സ്കൂള്‍ ഓഡിറ്റോറിയത്തില്‍ സംഘടിപ്പിച്ചു. 
സബ് കലക്ടര്‍ ഹര്‍ഷില്‍ ആര്‍ മീണ ഉദ്ഘാടനം ചെയ്തു. 

ക്ഷയരോഗ ലക്ഷണങ്ങള്‍ നേരത്തെ തിരിച്ചറിഞ്ഞ് മതിയായ ചികിത്സയെടുക്കുകയാണെങ്കില്‍ രോഗം നിയന്ത്രണവിധേയമാക്കാം. സമൂഹത്തിലെ ഓരോ വ്യക്തിക്കും ഇതില്‍ കാര്യമായ ഉത്തരവാദിത്തമാണുള്ളതെന്ന് സബ് കലക്ടര്‍ പറഞ്ഞു.

ആലപ്പുഴ: സ്ഥാനാര്‍ഥികളുടെ തിരഞ്ഞെടുപ്പ് ചെലവുകള്‍ എക്‌സ്‌പെന്‍ഡിച്ചര്‍ പരിശോധന വിഭാഗം കൃത്യമായി രേഖപ്പെടുത്തുന്നുണ്ടെന്ന് ഉറപ്പുവരുത്താന്‍ നിര്‍ദേശം നല്‍കി തിരഞ്ഞെടുപ്പ് ചെലവ് നിരീക്ഷകര്‍. വ്യാഴാഴ്ച ജില്ലയിലെത്തിയ ആലപ്പുഴ മണ്ഡലം നിരീക്ഷകന്‍ എം. ഡി. വിജയകുമാര്‍, മാവേലിക്കര മണ്ഡലം നിരീക്ഷകന്‍ യോഗേന്ദ്ര ടി. വാക്കറെ എന്നിവരാണ് റിട്ടേണിങ് ഓഫീസര്‍മാര്‍, അസിസ്റ്റന്റ് എക്‌സ്‌പെന്‍ഡിച്ചര്‍ ഓഫീസര്‍മാര്‍, അസിസ്റ്റന്റ് റിട്ടേണിങ് ഓഫീസര്‍മാര്‍ എന്നിവര്‍ക്ക് നിര്‍ദേശം നല്‍കിയത്. 

തിരഞ്ഞെടുപ്പ്  തയ്യാറെടുപ്പുകൾ വിലയിരുത്തുന്നതിന്റെ ഭാഗമായി ചെലവ് വിഭാഗം നിരീക്ഷകനായ പ്രമോദ് കുമാർ ഐആർ എസിന്റെ നേതൃത്വത്തിൽ എറണാകുളം ഗസ്റ്റ്‌ഹൗസിൽ മണ്ഡലത്തിലെ ഉദ്യോഗസ്ഥതല അവലോകനയോഗം ചേർന്നു. മണ്ഡലത്തിൽ ഇതുവരെ നടത്തിവരുന്ന ഒരുക്കങ്ങളും പ്രവർത്തനങ്ങളും ഏറെ തൃപ്തികരമാണെന്ന്  അദ്ദേഹം പറഞ്ഞു.

വളരെ സമാധാനപരമായ തിരഞ്ഞെടുപ്പ്  നടക്കുന്ന ഇടമാണിത് . തിരഞ്ഞെടുപ്പുമായി ബന്ധപ്പെട്ട് വളരെ നേരത്തെ തന്നെ ഉദ്യോഗസ്ഥർ പ്രവർത്തനങ്ങൾ ആരംഭിച്ചതിൽ അദ്ദേഹം സംതൃപ്തി അറിയിച്ചു.

ലോക്സഭാ തിരഞ്ഞെടുപ്പ് ദിവസം ജോലിചെയ്യുന്ന പിആർഡി അക്രഡിറ്റേഷനുള്ള   മാധ്യമപ്രവർത്തകർക്ക് പോസ്റ്റൽ വോട്ട് മുഖാന്തരം വോട്ടവകാശം വിനിയോഗിക്കാൻ ആകുമെന്ന് മുഖ്യ തിരഞ്ഞെടുപ്പ് ഓഫീസർ സഞ്ജയ് കൗൾ  അറിയിച്ചു. അവശ്യ സർവീസ് വിഭാഗത്തിൽപ്പെടുന്നവർ പോസ്റ്റൽ വോട്ട് ചെയ്യുന്ന രീതിയിൽ തന്നെയാണ് മാധ്യമപ്രവർത്തകർക്കും പോസ്റ്റൽ വോട്ട് ചെയ്യാനാവുക. ഇത് സംബന്ധിച്ച്  പിആർഡി ഡയറക്ടർക്ക് നിർദ്ദേശം നൽകിയിട്ടുണ്ട്.