ജില്ലയിലെ ഹരിത പെരുമാറ്റചട്ടത്തിന്റെ ലോഗോ "മേരു ഗില്ലു" ജില്ലാ കളക്ടർ ഷീബ ജോർജ്ജ് ഇടുക്കി സബ് കളക്ടർ ഡോ. അരുൺ എസ് നായർക്ക് നൽകി പ്രകാശനം ചെയ്തു. ഉപയോഗം കുറച്ച് , വീണ്ടും ഉപയോഗിച്ച് , പുനഃചംക്രമണം നടത്തി ഭൂമിയെ ഹരിതാഭമായി സൂക്ഷിക്കാം എന്ന സന്ദേശമാണ് ലോഗോയുടെ നൽകുന്നത്. പച്ചപ്പാർന്ന ഭൂമിയെ പ്രതീക്ഷയോടെ നോക്കിക്കാണുന്ന മലയണ്ണാനാണ് ചിത്രത്തിൽ.

വാർഷിക സ്റ്റോക്കെടുപ്പ് നടക്കുന്നതിനാൽ ഏപ്രിൽ ഒന്ന് ,രണ്ട് തീയതികളിൽ സ്റ്റേഷനറി വിതരണം ഉണ്ടായിരിക്കില്ലെന്ന് ഇടുക്കി ജില്ലാ സ്റ്റേഷനറി ഓഫീസർ അറിയിച്ചു.

ലോക്‌ സഭ തിരഞ്ഞെടുപ്പുമായി ബന്ധപ്പെട്ട്‌ വിജ്ഞപനം പ്രസിദ്ധപ്പെടുത്തേണ്ട ഓഫീസുകളും തിരഞ്ഞെടുപ്പുമായി നേരിട്ട്‌ ബന്ധപ്പെട്ട ജോലികള്‍ നിര്‍വഹിക്കേണ്ട ജില്ലയിലെ എല്ലാ സര്‍ക്കാര്‍ ഓഫീസുകളും ഇന്ന് (28.03.2024 വ്യാഴാഴ്ച) തുറന്ന്‌ പ്രവർത്തിക്കേണ്ടതാണെന്ന് ജില്ലാ ഇലക്ഷന്‍ ഓഫീസര്‍ കൂടിയായ ജില്ലാ കളക്ടര്‍ അറിയിച്ചു .

ലോക്‌സഭ തിരഞ്ഞെടുപ്പ് വിജ്ഞാപനം നിലവില്‍ വരുന്ന ഇന്ന് (മാര്‍ച്ച് 28) മുതല്‍ തന്നെ ഇടുക്കി മണ്ഡലത്തിലേക്കുള്ള നാമനിര്‍ദ്ദേശപത്രികകള്‍ സ്വീകരിച്ചു തുടങ്ങും. ഇതിനായുള്ള മുന്നൊരുക്കങ്ങൾ പൂർത്തിയായതായി ജില്ലാ കളക്ടർ ഷീബ ജോർജ്ജ് അറിയിച്ചു. മാര്‍ച്ച് 28, 30, ഏപ്രില്‍ 2, 3, 4 തീയതികളില്‍ നാമനിര്‍ദ്ദേശപത്രികകള്‍ സമര്‍പ്പിക്കാം. നെഗോഷ്യബിള്‍ ഇന്‍സട്രമെന്റ്‌സ് ആക്ട് പ്രകാരം അവധി ദിനങ്ങളായ മാര്‍ച്ച് 29, 31, എപ്രില്‍ ഒന്ന് തീയതികളില്‍ പത്രിക സമര്‍പ്പിക്കാനാവില്ല. രാവിലെ 11 മുതല്‍ വൈകിട്ട് മൂന്ന് വരെയാണ് നാമനിര്‍ദ്ദേശപത്രികള്‍ സ്വീകരിക്കുക.

ജില്ലയിലെ സ്വീപ്പ് ഐക്കണുകളെ ആദരിച്ചു 

വോട്ടവകാശം വിനിയോഗിക്കുകയെന്നത് ഓരോ പൗരന്മാരുടെയും ഉത്തരവാദിത്തമാണെന്ന്  ജില്ലാ കളക്ടർ എൻ. എസ്. എസ്.കെ. ഉമേഷ് പറഞ്ഞു. ഇലക്ഷൻ ബോധവത്കരണത്തിന്റെ ഭാഗമായി ജില്ലാ സ്വീപ്പ് ടീം തെരഞ്ഞെടുത്ത സ്വീപ്പ് ഐക്കണുകളെ ആദരിക്കുന്നതിനായി സംഘടിപ്പിച്ച ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സ്വീപ്പ് ഐക്കണുകളിലൂടെ സമൂഹത്തിന്റെ എല്ലാ മേഖലകളിലും ബോധവത്ക്കരണം നടത്താനും അതു വഴി പരമാവധി ആളുകളെ വോട്ട് ചെയ്യിപ്പിക്കാനാകുമെന്നും അദ്ദേഹം പറഞ്ഞു.

ജില്ലയിലെ സ്വീപ്പ് ഐക്കണുകളെ ആദരിച്ചു 

വോട്ടവകാശം വിനിയോഗിക്കുകയെന്നത് ഓരോ പൗരന്മാരുടെയും ഉത്തരവാദിത്തമാണെന്ന്  ജില്ലാ കളക്ടർ എൻ. എസ്. എസ്.കെ. ഉമേഷ് പറഞ്ഞു. ഇലക്ഷൻ ബോധവത്കരണത്തിന്റെ ഭാഗമായി ജില്ലാ സ്വീപ്പ് ടീം തെരഞ്ഞെടുത്ത സ്വീപ്പ് ഐക്കണുകളെ ആദരിക്കുന്നതിനായി സംഘടിപ്പിച്ച ചടങ്ങ് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. സ്വീപ്പ് ഐക്കണുകളിലൂടെ സമൂഹത്തിന്റെ എല്ലാ മേഖലകളിലും ബോധവത്ക്കരണം നടത്താനും അതു വഴി പരമാവധി ആളുകളെ വോട്ട് ചെയ്യിപ്പിക്കാനാകുമെന്നും അദ്ദേഹം പറഞ്ഞു.

ലോക്‌സഭാ തിരഞ്ഞെടുപ്പിനുള്ള നാമനിര്‍ദേശ പത്രിക  മാര്‍ച്ച് 28 മുതല്‍ ഏപ്രില്‍ നാലു വരെ സമര്‍പ്പിക്കാം. എറണാകുളം മണ്ഡലത്തിലെ പത്രിക ജില്ലാ കളക്ടർ എൻ.എസ്.കെ ഉമേഷ് മുമ്പാകെയാണ് സമർപ്പിക്കേണ്ടത്. അഡീഷണൽ ജില്ലാ മജിസ്ട്രേറ്റ് ആശ സി എബ്രഹാം മുമ്പാകെയാണ് ചാലക്കുടി മണ്ഡലത്തിലെ പത്രിക സമർപ്പിക്കേണ്ടത്.

തിരഞ്ഞെടുപ്പ് കമ്മീഷന്‍ നിശ്ചയിച്ച മാനദണ്ഡപ്രകാരം പൊതു അവധിദിനങ്ങളായ മാര്‍ച്ച് 29, 31, ഏപ്രില്‍ ഒന്ന് എന്നീ ദിവസങ്ങള്‍ ഒഴികെ പത്രിക നല്‍കാം. രാവിലെ 11 മുതല്‍ ഉച്ചകഴിഞ്ഞ് മൂന്നു വരെയാണ് പത്രികാ സമര്‍പ്പണത്തിനുള്ള സമയം. 

ജില്ലയില്‍ ഇലക്ഷന്‍ നിരീക്ഷണ ചുമതലകള്‍ നിര്‍വഹിക്കാന്‍ മൂന്ന് ഒബ്‌സര്‍മാര്‍. അരവിന്ദ് പാല്‍ സിംഗ് സാന്തുവാണ് ജില്ലയിലെ ജനറല്‍ ഒബ്‌സര്‍വര്‍.എച്ച് .റാംതെല്ഗിലിയാന പൊലിസ് ഒബ്‌സര്‍വരുടേയും വെങ്കടേഷ് ബാബു എക്‌സ്‌പെന്‍ഡീച്ചര്‍ ഒബ്‌സര്‍വരുടേയും ചുമതല വഹിക്കും

തിരഞ്ഞെടുപ്പ് നടപടിക്രമങ്ങളുടെ ഏകോപനത്തിനായി തിരഞ്ഞെടുപ്പ് കമ്മീഷന്റെ ആഭിമുഖ്യത്തില്‍ തയ്യാറാക്കിയിട്ടുള്ള സോഫ്റ്റ്വെയറാണ് 'എന്‍കോര്‍'. സ്ഥാനാര്‍ത്ഥികള്‍ നാമനിര്‍ദ്ദേശ പത്രിക നല്‍ക്കുന്നതുമുതല്‍ തിരഞ്ഞെടുപ്പ് ഫലപ്രഖ്യാപനം വരെയുള്ള എല്ലാ പ്രക്രിയകളും റിട്ടേണിംഗ് ഓഫീസറുടെ മേല്‍നോട്ടത്തില്‍ എന്‍കോറിലൂടെ ഏകോപിപ്പിക്കുന്നു. രാഷ്ട്രീയ റാലികള്‍, റോഡ് ഷോകള്‍, യോഗങ്ങള്‍ എന്നിവയ്ക്ക് അനുമതി ലഭിക്കുന്നതിന് ആവശ്യമായ വിവിധ വകുപ്പുകളുടെ 'നോ ഒബ്ജക്ഷന്‍' സര്‍ട്ടിഫിക്കറ്റ് എന്‍കോര്‍ നോഡല്‍ ആപ്ലിക്കേഷന്‍ വഴി ലഭ്യമാകും .