പട്ടികവർഗ്ഗ വികസന വകുപ്പിന് കീഴിൽ നെടുമങ്ങാട് ഐ.റ്റി.ഡി.പി ഓഫീസിൻ്റെ അധികാര പരിധിയിൽ ഞാറനീലിയിൽ പ്രവർത്തിക്കുന്ന ഡോ.അംബേദ്ക്കർ വിദ്യാനികേതൻ സി.ബി.എസ്.ഇ സ്കൂ‌ൾ, മലയിൻകീഴ് പ്രവർത്തിക്കുന്ന ജി.കെ.എം.എം.ആർ.എസ്(കുറ്റിച്ചൽ) എന്നിവിടങ്ങളിൽ 2024-25 അദ്ധ്യയന വർഷത്തേയ്ക്ക് തൽക്കാലികാടിസ്ഥാനത്തിൽ / ദിവസവേതന വ്യവസ്ഥയിൽ ലൈബ്രേറിയൻ, ഐ.റ്റി. ഇൻസ്ട്രക്ട‌ർ എന്നീ തസ്‌തികകളിൽ അദ്ധ്യാപകരെ നിയമിക്കുന്നതിന് വാക്ക്-ഇൻ ഇൻ്റർവ്യൂ നെടുമങ്ങാട് ഐ.റ്റി.ഡി.പി ഓഫീസിൽ വച്ച് 11/07/2024 ന് രാവിലെ 10.30 ന് നടത്തുന്നു.

കഴക്കൂട്ടം ആറാട്ടുവഴി റോഡിൽ അറ്റകുറ്റപണികൾ നടത്തുന്നതിന്റെ ഭാഗമായി ജൂലൈ നാലിന് ഈ റോഡിലൂടെയുള്ള ഗതാഗതത്തിന് നിയന്ത്രണമുണ്ടായിരിക്കുമെന്ന് പൊതുമരാമത്ത് റോഡ് മെയിന്റനൻസ് സബ്ഡിവിഷൻ അസിസ്റ്റന്റ് എഞ്ചിനീയർ അറിയിച്ചു.

മാലിന്യമുക്തം നവകേരളം 2.0 ക്യാമ്പയിന്റെ ഭാഗമായി തിരുവനന്തപുരം ജില്ലയിലെ തദ്ദേശസ്വയംഭരണ സ്ഥാപനങ്ങളിലെ അധ്യക്ഷന്മാരുടെ യോഗം ഇന്ന് (ജൂലൈ മൂന്ന്) ഉച്ചയ്ക്ക് രണ്ടിന് കുടപ്പനകുന്ന് സിവിൽ സ്റ്റേഷനിലെ കളക്ടറേറ്റ് കോൺഫറൻസ് ഹാളിൽ ചേരും. ജില്ലാ പഞ്ചായത്ത് പ്രസിഡന്റ്, തിരുവനന്തപുരം നഗരസഭ മേയർ, മുനിസിപ്പൽ ചെയർപേഴ്സൺമാർ, ഗ്രാമപഞ്ചായത്ത് പ്രസിഡന്റുമാർ ഉൾപ്പെടെയുള്ളവർ  യോഗത്തിൽ പങ്കെടുക്കും.

അണ്ടൂർക്കോണം വാഴവിളയിൽ പ്രവർത്തിക്കുന്ന കാട്ടായിക്കോണം യു.ഐ.ടി പ്രാദേശിക കേന്ദ്രത്തിൽ ബി.കോം ടാക്‌സ് പ്രൊസീജിയർ ആൻഡ് പ്രാക്ടീസ് സ്ട്രീം, ബി.കോം കോ-ഓപറേഷൻ സ്ട്രീം, ബിബിഎ ലോജിസ്റ്റിക്‌സ് സ്ട്രീം, ബിബിഎ മാനേജ്‌മെന്റ് സ്ട്രീം എന്നീ കോഴ്‌സുകളിലെ ഒഴിവുള്ള സീറ്റുകളിലേക്ക് പ്രവേശനം നടത്തുന്നു. താത്പര്യമുള്ള വിദ്യാർത്ഥികൾ ജൂലൈ 10-നകം 9447145994, 6238767980,9567879121 എന്നീ നമ്പറുകളിൽ യു.ഐ.ടിയുമായി ബന്ധപ്പെടണമെന്ന്പ്രിൻസിപ്പാൾ അറിയിച്ചു.

തിരുവനന്തപുരം ജില്ലാ പഞ്ചായത്തിലെ വെള്ളനാട്  വാര്‍ഡ് ഉള്‍പ്പെടെ സംസ്ഥാനത്തെ 49 തദ്ദേശ സ്വയംഭരണ വാര്‍ഡുകളില്‍ ജൂലൈ 30 ന് ഉപതിരഞ്ഞെടുപ്പ് നടത്തുമെന്ന് സംസ്ഥാന തിരഞ്ഞെടുപ്പ് കമ്മീഷണര്‍ എ.ഷാജഹാന്‍  അറിയിച്ചു. വിജ്ഞാപനം ജൂലൈ നാലിന്  പുറപ്പെടുവിക്കും. ജില്ലയിലെ വെള്ളനാട് ജില്ലാ പഞ്ചായത്ത് വാര്‍ഡ്, ആറ്റിങ്ങല്‍ മുനിസിപ്പാലിറ്റിയിലെ ചെറുവള്ളിമുക്ക്, തോട്ടവാരം വാര്‍ഡുകള്‍, പെരിങ്ങമല ഗ്രാമപഞ്ചായത്തിലെ കരിമന്‍കോട്, മടത്തറ, കൊല്ലായില്‍, കരവാരം ഗ്രാമപഞ്ചായത്തിലെ പട്ടള, ചാത്തമ്പാറ വാരഡുകൾ എന്നിവിടങ്ങളിലാണ് ഉപതെരഞ്ഞെടുപ്പ് നടക്കുക.

ലക്കിടിയിലെ 'എന്‍ ഊര് ' ഗോത്ര പൈതൃക ഗ്രാമം എന്‍ട്രന്‍സ് കവാടം മുതല്‍ ആരംഭിക്കുന്ന ഇന്റര്‍ലോക്ക് റോഡിന്റെ അറ്റകുറ്റപണികള്‍ ചെയ്യുന്നതിന്  സര്‍ക്കാരിന് കീഴില്‍ പ്രവര്‍ത്തിക്കുന്ന കണ്‍സ്ട്രക്ഷന്‍ ഏജന്‍സികളില്‍ നിന്നും ടെണ്ടറുകള്‍ ക്ഷണിച്ചു. ടെണ്ടറുകള്‍ സബ്ബ് കലക്ടര്‍ ആന്‍ഡ് പ്രസിഡന്റ് എന്‍ ഊര് ചാരിറ്റബിള്‍ സൊസൈറ്റി, പൂക്കോട് വിലാസത്തില്‍ ജൂലൈ 16 ന് വൈകുന്നേരം അഞ്ചിനകം നേരിട്ടോ തപാല്‍ മുഖേനയോ ലഭ്യമാക്കണം. ഫോണ്‍- 04936 292902, 9778780522

കല്‍പ്പറ്റ കോടതി സമുച്ചയത്തിലുള്ള കാന്റീന്‍ അടുത്ത ഒരു വര്‍ഷത്തേക്ക് ഏറ്റെടുത്ത് നടത്താന്‍ താല്‍പ്പര്യമുള്ളവരില്‍ നിന്നും ക്വട്ടേഷന്‍ ക്ഷണിച്ചു. ജൂലായ് 12 വൈകീട്ട് 4 വരെ ക്വട്ടേഷന്‍ സ്വീകരിക്കും. കൂടുതല്‍ വിവരങ്ങള്‍ ജില്ലാ കോടതി ഓഫീസില്‍ നിന്നും ലഭിക്കും. ഫോണ്‍ 04936 202277

വെള്ളമുണ്ട ഇലക്ട്രിക്കല്‍ സെക്ഷനില്‍ അറ്റകുറ്റപണി നടക്കുന്നതിനാല്‍ അയിലമൂല, മൂളിത്തോട് റോഡ്, അയിലമൂല-ഒരപ്പ് റോഡ്, തിരുമുഖത്ത് കോളനി റോഡ്  ഭാഗങ്ങളിലും പീച്ചംകോട് ക്വാറി റോഡ് ഭാഗത്തും  ഇന്ന് (ജൂലൈ 3) രാവിലെ 8.30  മുതല്‍ വൈകിട്ട് 5.30 വരെ വൈദ്യുതി വിതരണം പൂര്‍ണ്ണമായോ  ഭാഗികമായോ തടസ്സപ്പെടുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

പനമരം കെഎസ്ഇബി പരിധിയില്‍ പുഞ്ചക്കുന്ന്, ചീങ്ങോട്, ചീങ്ങോട് കെ.ഡബ്ല്യൂ.എ ട്രാന്‍സ്‌ഫോര്‍മറുകളില്‍ ഇന്ന് (ജൂലൈ 3) രാവിലെ 8:30  മുതല്‍ വൈകുന്നേരം ആറ് വരെ പൂര്‍ണമായോ ഭാഗികമായോ വൈദ്യുതി മുടങ്ങുമെന്ന് അസിസ്റ്റന്റ് എന്‍ജിനീയര്‍ അറിയിച്ചു.

എസ്.ആര്‍.സി കമ്മ്യൂണിറ്റി കോളേജ് ജൂലൈയില്‍ ആരംഭിക്കുന്ന ഡിപ്ലോമ ഇന്‍ എയര്‍ലൈന്‍ ആന്‍ഡ് എയര്‍പോര്‍ട്ട് മാനേജ്മെന്റ് പ്രോഗ്രാമിലേയ്ക്ക് പ്ലസ്ടു/തത്തുല്യ യോഗ്യതയുള്ളവര്‍ക്ക് അപേക്ഷിക്കാം. അപേക്ഷാ ഫോറവും പ്രോസ്പെക്ടസും എസ്.ആര്‍.സി ഓഫീസില്‍ ലഭിക്കും. അപേക്ഷ ജൂലൈ 20 നകം ലഭിക്കണം. ഫോണ്‍- 9846033001