കോട്ടയം:തെരഞ്ഞെടുപ്പു പ്രക്രിയയിൽ സ്ഥാനാർഥികൾക്കു സഹായവുമായി തെരഞ്ഞെടുപ്പു കമ്മിഷന്റെ 'സുവിധ ആപ്പ്'. തെരഞ്ഞെടുപ്പിൽ നാമനിർദേശപത്രിക സമർപ്പിക്കുന്നതിനും വിവിധ അനുമതികൾ നേടുന്നതിനും സ്ഥാനാർഥികളെ സഹായിക്കുന്നതിനായി തെരഞ്ഞെടുപ്പു കമ്മിഷൻ പുറത്തിറക്കിയ മൊബൈൽ ആപ്പാണ് സുവിധ. ആപ്പ് ഉപയോഗിക്കുന്നതിന് സ്ഥാനാർഥികൾ അക്കൗണ്ട് സൃഷ്ടിച്ചു ലോഗിൻ ചെയ്യേണ്ടതുണ്ട്. ഒരിക്കൽ ലോഗിൻ ചെയ്തു കഴിഞ്ഞാൽ നാമനിർദേശപത്രികയുടെയും അനുമതിയുടെയും നിലവിലെ അവസ്ഥ അറിയാൻ സാധിക്കും.

കോട്ടയം: ലോക്‌സഭാ തെരഞ്ഞെടുപ്പിൽ ജില്ലായിൽ ജനങ്ങളുടെ പങ്കാളിത്തം വർധിപ്പിക്കുന്നതിന് വേറിട്ട നിരവധി പരിപാടികളുമായി ജില്ലാഭരണകൂടവും സിസ്റ്റമാറ്റിക് വോട്ടർ എഡ്യൂക്കേഷൻ ആൻഡ് ഇലക്ട്രറൽ പാർട്ടിസിപ്പേഷൻ പ്രോഗ്രാമും ( സ്വീപ്). തെരഞ്ഞെടുപ്പ് പ്രചാരണത്തിനായി പഞ്ചഭൂതങ്ങളെ ആസ്പദമാക്കി ഒരുക്കുന്ന ഈവന്റുകൾ ആണ് ഇതിൽ ഏറ്റവും പ്രധാനം. ഇതിന്റെ ഭാഗമായി പഞ്ചഭൂതങ്ങളിലെ അഗ്നിയെ ആസ്പദമാക്കിയുള്ള ബോധവൽക്കരണ പരിപരിപാടി മാർച്ച് 26ന് വൈകിട്ട് സംഘടിപ്പിക്കും. എല്ലാ സർക്കാർ ഓഫീസുകളിലും 25ന് വൈകിട്ട് ആറുമണിക്ക് ദീപം തെളിയിച്ച് ' വോട്ട് പോലെ മറ്റൊന്നില്ല, ഉറപ്പായും വോട്ട് ചെയ്യും' എന്ന പ്രതിജ്ഞ എടുക്കും.

വോട്ടർമാർക്ക് തൊട്ടടുത്തുള്ള പോളിംഗ് സ്റ്റേഷനിലെത്തി  വോട്ട് ചെയ്യാനുള്ള സംവിധാനവുമായി ഇലക്ഷൻ കമ്മീഷൻ. രാജ്യത്ത് ഏഴു ഘട്ടങ്ങളിലായി നടക്കുന്ന ലോക്‌സഭ തിരഞ്ഞെടുപ്പിൽ  വോട്ടര്‍മാര്‍ക്കായി പത്ത് ലക്ഷത്തിലധികം പോളിംഗ് സ്റ്റേഷനുകളാണ് സജ്ജീകരിക്കുന്നത്. എന്നാൽ ഇലക്ഷന്‍ കമ്മീഷന്റെ https://electoralsearch.eci.gov.in വെബ്‌സൈറ്റിലൂടെ ഓരോ വോട്ടർമാർക്കും തൊട്ടടുത്തുള്ള ബൂത്തുകള്‍ കണ്ടെത്തി വോട്ട് ചെയ്യാനാകും.

ലോക്‌സഭാ തിരഞ്ഞെടുപ്പിനോടനുബന്ധിച്ച് വോട്ടര്‍ പട്ടികയില്‍ പേര് ചേർക്കുന്നതിനുള്ള സമയം നാളെ മാർച്ച് 25 തിങ്കളാഴ്ച അവസാനിക്കും. നാമനിര്‍ദേശ പത്രിക സമര്‍പ്പിക്കാനുള്ള അവസാന തീയതിയുടെ പത്തുദിവസം മുൻപു വരെയാണ് വോട്ടര്‍ പട്ടികയില്‍ പേര് ചേര്‍ക്കാന്‍ അവസരം ലഭിക്കുന്നത്. 

18 വയസ് തികഞ്ഞ ഏതൊരു ഇന്ത്യന്‍ പൗരനും തിരഞ്ഞെടുപ്പ് കമ്മിഷന്റെ പോര്‍ട്ടല്‍ വഴിയോ, വോട്ടര്‍ ഹെല്‍പ് ലൈന്‍ ആപ് ഉപയോഗിച്ചോ, ബൂത്ത് ലെവല്‍ ഓഫീസര്‍മാര്‍ വഴിയോ വോട്ടര്‍ പട്ടികയില്‍ പേര് ചേര്‍ക്കാം. 

രണ്ടാംഘട്ട തിരഞ്ഞെടുപ്പ് നടക്കുന്ന കേരളത്തിൽ ഏപ്രിൽ 4ന് ആണ് നാമനിർദ്ദേശ പത്രിക നൽകുന്നതിനുള്ള അവസാന തീയതി.

നെടുമങ്ങാട്‌ സർക്കാർ ടെക്‌നിക്കൽ ഹൈസ്‌കൂളിൽ എട്ടാം ക്ലാസ് പ്രവേശനത്തിന് www.polyadmission.org/ths എന്ന ലിങ്കിൽവഴിഏപ്രിൽ 3 വരെ ഓൺലൈനായി അപേക്ഷിക്കാം. 120 പേർക്ക് പ്രവേശനം ലഭിക്കും.

ലോക്സഭ തെരഞ്ഞെടുപ്പിൽ മത്സരിക്കുന്ന സ്ഥാനാർത്ഥികളെക്കുറിച്ച്‌ കൂടുതൽ അറിയാന്‍ നോ യുവര്‍ കാൻഡിഡേറ്റ് (കെ.വൈ.സി )ആപ്ലിക്കേഷൻ.

അതത് മണ്ഡലങ്ങളിലെ സ്ഥാനാർത്ഥികൾ, നാമനിർദ്ദേശ പത്രിക സമർപ്പിക്കുന്ന സമയത്തെ അവരുടെ ക്രിമിനൽ പശ്ചാത്തലം,  സത്യവാങ്മൂലം എന്നിവ സംബന്ധിച്ച വിവരങ്ങൾ അറിയുന്നതിനായി വോട്ടർമാർക്ക് ഉപയോഗിക്കുന്ന ഉപഭോക്തൃ സൗഹൃദ മൊബൈൽ ആപ്പ് ആണ് കെവൈസി.    

സര്‍ക്കാര്‍ വിക്‌ടോറിയ ആശുപത്രിയിലെ ഉപയോഗശൂന്യമായ ഉപകരണങ്ങള്‍ ഏപ്രില്‍ മൂന്നിന് ഉച്ചയ്ക്ക് രണ്ടിന് ലേലം ചെയ്യും. ഫോണ്‍- 0474 2752700. .

ജില്ലാ വ്യവസായ കേന്ദ്രത്തിലേയ്ക്ക് ഒരു മാസം 2000 കിലോമീറ്റര്‍ ഓടാന്‍ ടാക്‌സി വാഹനങ്ങള്‍ ഡ്രൈവര്‍ സഹിതം വാടകയ്ക്ക് നല്കുന്നതിന് ക്വട്ടേഷന്‍ ക്ഷണിച്ചു. മാര്‍ച്ച് 30ന് വൈകിട്ട് മൂന്നിനകം ജില്ലാ വ്യവസായ കേന്ദ്രത്തില്‍ നല്‍കണം. ഫോണ്‍:0474-2748395, 9188127002

വാര്‍ഷിക സ്റ്റോക്കെടുപ്പ് ഏപ്രില്‍ ഒന്ന്, രണ്ട് തീയതികളില്‍ നടക്കുന്നതിനാല്‍ ജില്ലാ സ്റ്റേഷനറി ഓഫീസില്‍ നിന്നും സ്റ്റേഷനറി സാധനങ്ങളുടെ വിതരണം ഇരുദിനങ്ങളിലും ഉണ്ടാകില്ലെന്ന് ജില്ലാ സ്റ്റേഷനറി ഓഫീസര്‍ അറിയിച്ചു.

ഐ എച്ച് ആര്‍ ഡിയുടെ കുണ്ടറ എക്സ്റ്റെന്‍ഷന്‍ സെന്ററില്‍ ആറ് മാസം ദൈര്‍ഘ്യമുള്ള ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍സ് (ഡി സി എ) കോഴ്‌സിലേയ്ക്ക് അപേക്ഷ ക്ഷണിച്ചു. യോഗ്യത - പ്ലസ് ടു. വിവരങ്ങള്‍ക്ക് : 8547005090,8281276715, 9496013746.