മാനുവല്‍ സ്‌കാവന്‍ജേഴ്‌സിന്റെ സാമൂഹിക-സാമ്പത്തിക-പുരോഗതി ഉറപ്പുവരുത്തുന്നതിനായി ജില്ലാതല വിജിലന്‍സ് കമ്മിറ്റിയുടെ രണ്ടാമത് യോഗം ജില്ലാ കലക്ടര്‍ എന്‍ ദേവിദാസിന്റെ അധ്യക്ഷതയില്‍ ചേമ്പറില്‍ ചേര്‍ന്നു. മാനുവല്‍ സ്‌കാവന്‍ജേഴ്‌സിന്റെ കുടുംബങ്ങളില്‍പ്പെട്ട വിദ്യാര്‍ത്ഥികള്‍ക്ക് വിദ്യാഭ്യാസ സ്ഥാപനങ്ങളില്‍ അഡ്മിഷന്‍ സംബന്ധിച്ച് മതിയായ പ്രാധിനിത്യം ഉറപ്പുവരുത്തുന്നതിന് ജില്ലാ വിദ്യാഭ്യാസ ഏജന്‍സികള്‍ക്കും ജില്ലാതല അതോറിറ്റികള്‍ക്കും നിര്‍ദ്ദേശം നല്‍കി.

ലോക ക്ഷയരോഗ ദിനാചരണത്തിന്റെ ഭാഗമായി ജില്ലാ ടി.ബി സെന്റര്‍, ജില്ലാ മെഡിക്കല്‍ ഓഫീസ്, ആരോഗ്യകേരളം എന്നിവയുടെ സംയുക്താഭിമുഖ്യത്തില്‍ ബോധവല്‍ക്കരണ റാലി ആശ്രാമം ഐഎംഎ ഹാളില്‍ ജില്ലാ കലക്ടര്‍ എന്‍ ദേവിദാസ് ഉദ്ഘാടനം ചെയ്തു. മെഡിക്കല്‍ ഓഫീസര്‍ ഡോ. ഡി. വസന്തദാസ് കെ എസ് ആര്‍ ടി സി ബസ്സ്റ്റാന്‍ഡില്‍ നിന്നും ആരംഭിച്ച റാലിയുടെ ഫ്‌ളാഗ് ഓഫ് നിര്‍വഹിച്ചു. ആരോഗ്യപ്രവര്‍ത്തകരും നേഴ്‌സിംഗ് കോളേജ്/സ്‌കൂള്‍ വിദ്യാര്‍ത്ഥികള്‍ വിവധ ബോധവല്‍ക്കരണ പരിപാടികള്‍ സംഘടിപിച്ചു. ജില്ലാ ടി.ബി ഓഫീസര്‍ ഡോ പ്ലാസ, ഡി.പി.എം.

പകര്‍ച്ചവ്യാധിപ്രതിരോധം, മഴക്കാലപൂര്‍വ ശുചീകരണ പ്രവര്‍ത്തനങ്ങള്‍ എന്നിവയുമായി ബന്ധപ്പെട്ട് ജില്ലാ കലക്ടര്‍ എന്‍ ദേവദാസിന്റെ അധ്യക്ഷതയില്‍ ചേര്‍ന്ന വിവിധ വകുപ്പുകളുടെ ഏകോപനയോഗത്തില്‍ പകര്‍ച്ചവ്യാധി പ്രതിരോധത്തിനായി എല്ലാ വകുപ്പുകളുടെയും സഹകരണം ഉണ്ടാകണമെന്ന് നിര്‍ദേശിച്ചു. ഡെങ്കിപ്പനി പ്രതിരോധത്തിന് ഡ്രൈ കണ്ടൈനര്‍ എലിമിനേഷന്‍ ക്യാമ്പയിന്‍ ജില്ലയില്‍ തുടരുകയാണ്. മഴക്കാലപൂര്‍വ്വ ശുചീകരണപ്രവര്‍ത്തനങ്ങള്‍ കൂടുതല്‍ ഊര്‍ജിതമാക്കി കൊതുകിന്റെ ഉറവിടങ്ങള്‍ നശിപ്പിക്കേണ്ടത് അത്യാവശ്യമാണ് എന്നും വ്യക്തമാക്കി.

ലോക്‌സഭാ തിരഞ്ഞെടുപ്പിന് മുന്നോടിയായി ട്രാന്‍സ്‌ജെന്‍ഡറുകള്‍ക്ക് വോട്ടര്‍ പട്ടികയില്‍ പേര് ചേര്‍ക്കുന്നതിനും തിരുത്തല്‍ വരുത്തുന്നതിനുമായി സ്വീപിന്റെ ആഭിമുഖ്യത്തില്‍ ജില്ലാ ആസൂത്രണ സമിതി ഓഫീസില്‍ പ്രത്യേക ക്യാമ്പ് സംഘടിപ്പിച്ചു. തിരഞ്ഞെടുപ്പ് പ്രക്രിയയില്‍ സമൂഹത്തിലെ എല്ലാ വിഭാഗം ജനങ്ങളുടെയും പങ്കാളിത്തം ഉറപ്പുവരുത്തുക എന്ന ലക്ഷ്യത്തോടെയാണ് സംഘടിപ്പിച്ചത്. സമ്മതിദാന അവകാശത്തിന്റെ പ്രാധാന്യം ജനങ്ങളിലേക്ക് എത്തിക്കുന്നതിന്റെ ഭാഗമായി സ്വീപിന്റെ ആഭിമുഖ്യത്തില്‍ നടത്തുന്ന വിവിധ പരിപാടികളുടെ ഭാഗമാണ് ക്യാമ്പും.

കൊല്ലം ലോക്‌സഭ മണ്ഡലത്തിലെ (18 എച്ച് പി സി) നോമിനേഷന്‍ പ്രക്രിയകള്‍ക്കായി ജില്ലാ കലക്ടറുടെ ചേമ്പറില്‍ ആര്‍.ഒ ഡസ്‌ക് തുടങ്ങി. നോമിനേഷന്‍ പ്രക്രിയകളുടെ ഭാഗമായി ട്രയല്‍ റണ്ണും സംഘടിപ്പിച്ചു. ഔദ്യോഗിക പാര്‍ട്ടികളെയും സ്വതന്ത്ര സ്ഥാനാര്‍ത്ഥിയെയും പ്രതിനിധീകരിച്ച് മൂന്ന് ഡമ്മി സ്ഥാനാര്‍ത്ഥികളാണ് പത്രികകള്‍ സമര്‍പ്പിച്ചത്. പ്രാഥമികപരിശോധനയില്‍ കണ്ടെത്തിയ ന്യൂനതകള്‍ പരിഹരിക്കുന്നതിനായി ഡമ്മി സ്ഥാനാര്‍ത്ഥികള്‍ക്ക് അറിയിപ്പും നല്‍കി.

ലോക്‌സഭാ തിരഞ്ഞെടുപ്പിനോടനുബന്ധിച്ച് ജീവനക്കാരെ നിയോഗിക്കുന്നതുള്‍പ്പെടെയുള്ള നടപടിക്രമങ്ങള്‍ ഇത്തവണ ‘ഓഡര്‍’ സോഫ്റ്റ്‌വെയറിലൂടെ. കുറ്റമറ്റ പ്രവര്‍ത്തനം ഉറപ്പാക്കുന്നതിനാണ് സംവിധാനമെന്ന് ജില്ലാ തിരഞ്ഞെടുപ്പ് ഓഫീസറായ ജില്ലാ കലക്ടര്‍ എന്‍. ദേവിദാസ് വ്യക്തമാക്കി.

സമ്മതിദാന അവകാശത്തിന്റെ പ്രാധാന്യം ജനങ്ങളിലേക്ക് എത്തിക്കുന്നതിനായി സ്വീപ്പ് (സിസ്റ്റമറ്റിക് വോട്ടേഴ്സ് എഡ്യുക്കേഷന്‍ ആന്റ് ഇലക്ട്രല്‍ പാര്‍ട്ടിസിപ്പേഷന്‍) നടത്തുന്ന പ്രവര്‍ത്തനങ്ങള്‍ കൂടുതല്‍ പേരിലേക്ക്. വിവിധ സര്‍ക്കാര്‍ ആശുപത്രികളിലെ ഒ.പി. ടിക്കറ്റുകളില്‍ ഡോക്ടര്‍മാര്‍ ' ഞാന്‍ വോട്ട് ചെയ്യും താങ്കളും വോട്ട് ചെയ്യണം' എന്ന ആശയംകൂടി എഴുതിനല്‍കിയാണ് ജനാധിപത്യത്തിനായി കൈകോര്‍ക്കുന്നത്.  

ലോക്‌സഭാ തിരഞ്ഞെടുപ്പിനോടനുബന്ധിച്ച് സമ്പൂര്‍ണ്ണ ഹരിതചട്ടം ഉറപ്പാക്കണമെന്ന് ജില്ല തിരഞ്ഞെടുപ്പ് ഓഫീസര്‍ കൂടിയായ ജില്ല കലക്ടര്‍ എന്‍ ദേവിദാസ്. പൊതുതിരഞ്ഞെടുപ്പിന്റെ ഭാഗമായി എം.സി.സി/ആന്റി-ഡിഫേസ്‌മെന്റ് തുടങ്ങിയ സ്‌ക്വാഡുകള്‍ പിടിച്ചെടുക്കുന്ന രാഷ്ട്രീയ പാര്‍ട്ടികളുടെ/സ്ഥാനാര്‍ത്ഥികളുടെ പോസ്റ്റര്‍, ബാനര്‍, ബോര്‍ഡ്, കൊടിതോരണങ്ങള്‍ എന്നിവ ശാസ്ത്രീയമായ രീതിയില്‍ സംസ്‌കരിക്കണം. തദ്ദേശസ്വയംഭരണ സ്ഥാപനത്തില്‍ ചുമതലപ്പെടുത്തിയിട്ടുളള ഉദ്യോഗസ്ഥന്‍ നിര്‍ദ്ദേശിക്കുന്ന ഏജന്‍സിക്കോ ഹരിതകര്‍മ്മസേനക്കോ ജീവനക്കാര്‍ക്കോ ഇവ നിര്‍ബന്ധമായി കൈമാറണം.

തൃശ്ശൂര്‍ ജില്ലയിലെ ലോക്‌സഭാ തിരഞ്ഞെടുപ്പ് പ്രചാരണ പ്രവര്‍ത്തനങ്ങള്‍ക്ക് റോബോട്ടുകളും. തിരഞ്ഞെടുപ്പിന് മുഴുവന്‍ വോട്ടര്‍മാരുടെയും പങ്കാളിത്തം ഉറപ്പാക്കാനും വോട്ടര്‍മാര്‍ക്ക് ബോധവല്‍ക്കരണം നടത്തുന്നതിനുമുള്ള സ്വീപ് പ്രചാരണ പ്രവര്‍ത്തനങ്ങള്‍ക്കാണ് റോബോട്ടുകളെ ഉപയോഗിക്കുന്നത്. പരിപാടിയുടെ ഉദ്ഘാടനം കലൂര്‍ ഐഎംഎ ഹാളില്‍ മുഖ്യ തിരഞ്ഞെടുത്ത് ഓഫീസര്‍ സഞ്ജയ് കൗള്‍ നിര്‍വഹിച്ചു.

അഴുത ബ്ലോക്ക് പഞ്ചായത്തിൽ  അസ്പിറേഷണല്‍ ബ്ലോക്ക് പരിപാടിയുടെ  ഭാഗമായി  ആദിവാസി ഊരുകളില്‍ ദ്വിദിന ദന്തല്‍ ക്യാമ്പ് സംഘടിപ്പിച്ചു. പളിയക്കുടി, മന്നാക്കുടി, വഞ്ചിവയല്‍, സത്രം എന്നീ ആദിവാസി ഊരുകളിലെ ജനങ്ങളാണ്് ക്യാമ്പ് പ്രയോജനപ്പെടുത്തിയത്.  കോട്ടയം മെഡിക്കല്‍ കോളേജിലെ അസി. പ്രൊഫസര്‍ ഡോ. ഷിബു തോമസ് സെബാസ്റ്റ്യന്റെ നേതൃത്വത്തില്‍ പത്തംഗ സംഘം 150 ഓളം പേര്‍ക്ക് രോഗനിര്‍ണ്ണയം നടത്തി ചികിത്സ ലഭ്യമാക്കി.