എന്‍ സി സി വകുപ്പില്‍ കോണ്‍ഫിഡന്‍ഷ്യല്‍ അസിസ്റ്റന്റ് ഗ്രേഡ് രണ്ട് ( വിമുക്തഭട•ാര്‍ക്ക് മാത്രം) (കാറ്റഗറി നം. 396/2020) തസ്തികയുടെ സാധ്യതാലിസ്റ്റ് പ്രസിദ്ധപ്പെടുത്തി.

മുനിസിപ്പല്‍ കോമണ്‍ സര്‍വ്വീസില്‍ ലൈബ്രേറിയന്‍ ഗ്രേഡ് നാല് ( നേരിട്ടും തസ്തികമാറ്റം മുഖേനയും) ( കാറ്റഗറി നം. 494/2020, 497/2020) തസ്തികകളുടെ ചുരുക്കപട്ടികയില്‍ ഉള്‍പ്പെട്ട ഉദ്യോഗാര്‍ഥികള്‍ക്കുള്ള അഭിമുഖം മാര്‍ച്ച് 20, 22 തീയതികളില്‍ ജില്ലാ പി.എസ്.സി. ഓഫിസില്‍ നടത്തും. അറിയിപ്പ് ലഭിച്ചിട്ടില്ലാത്തവര്‍ ജില്ലാ പി.എസ്.സി. ആഫീസുമായി ബന്ധപ്പെടണം.

കര്‍ഷകതൊഴിലാളി ക്ഷേമനിധിബോര്‍ഡ് ജില്ലാ ഓഫീസിന്റെ ആഭിമുഖ്യത്തില്‍ അംഗങ്ങള്‍ക്കുള്ള ബോധവത്ക്കരണത്തിനും അംശദായം സ്വീകരിക്കുന്നതിനും പുതിയഅംഗങ്ങളെ ചേര്‍ക്കുന്നതിനുമായി ഇന്ന് (മാര്‍ച്ച് 16) രാവിലെ 10 മുതല്‍ കുളത്തൂപ്പുഴ പഞ്ചായത്ത് ഓഫീസില്‍ സിറ്റിങ് നടത്തും. അംശാദായം അടയ്ക്കാനെത്തുന്നവര്‍ ആധാറിന്റെ പകര്‍പ്പ് കൊണ്ട്‌വരണം. ഫോണ്‍- 9746822396, 7025491386, 0474 2766843, 2950183.

സര്‍ക്കാര്‍ വിക്‌ടോറിയ ആശുപത്രിയിലേക്ക് ഐ സി യു ആംബുലന്‍സ് ലഭ്യമാക്കുന്നതിന് ക്വട്ടേഷന്‍ ക്ഷണിച്ചു. അവസാനതീയതി മാര്‍ച്ച് 21.. ഫോണ്‍ 0474 2752700.

കര്‍ബല, കൊട്ടാരക്കര-പുലമണ്‍ എന്നീ ഖാദി ഗ്രാമ സൗഭാഗ്യകളില്‍ മാര്‍ച്ച് 22 വരെ 30 ശതമാനം വിലക്കിഴിവില്‍ ഖാദി തുണിത്തരങ്ങള്‍ ലഭിക്കും ഫോണ്‍:0474 2743587 .

കൊട്ടിയം കനറാ ഗ്രാമീണ സ്വയംതൊഴില്‍ പരിശീലന ഇന്‍സ്റ്റിറ്റ്യൂട്ടില്‍ ഫാസ്റ്റ് ഫുഡ് നിര്‍മാണം (10 ദിവസം), പരിശീലനത്തിന് അപേക്ഷിക്കാം..

പ്രായപരിധി: 18-45. ട്രെയിനിങ്, ഭക്ഷണം സൗജന്യം . ബി പി എല്‍ വിഭാഗം, കുടുംബശ്രീ, തൊഴിലുറപ്പ് എന്നിവയിലുള്ളവര്‍ക്ക് മുന്‍ഗണന . പേര്, മേല്‍വിലാസം, പ്രായം, ഫോണ്‍ നമ്പര്‍ സഹിതം ഡയറക്ടര്‍, കനറാ ബാങ്ക് ഗ്രാമീണ സ്വയം തൊഴില്‍ പരിശീലന ഇന്‍സ്റ്റിറ്റ്യൂട്ട് , കെ ഐ പി ക്യാംപസ്, കൊട്ടിയം പി ഒ., കൊല്ലം, പിന്‍- 691571. വിലാസത്തില്‍ അപേക്ഷിക്കണം. ഫോണ്‍- 0474-2537141.

സംരംഭകത്വ മേഖലയില്‍ മികച്ച മുന്നേറ്റം കാഴ്ചവച്ച് മുഖത്തല ബ്ലോക്ക് പഞ്ചായത്ത്. 2023-24 സാമ്പത്തിക വര്‍ഷം 698 സംരംഭങ്ങളാണ് മുഖത്തല ബ്ലോക്ക് പഞ്ചായത്തില്‍ പുതുതായി ആരംഭിച്ചത്.സംരംഭക വര്‍ഷം 2.0 യുടെ ഭാഗമായി 27.35 കോടി രൂപയുടെ മൂലധന നിക്ഷേപവും 1213 തൊഴിലവസരങ്ങളും സാധ്യമായി. 171 പുതുസംരംഭങ്ങളോടെ തൃക്കോവില്‍വട്ടം പഞ്ചായത്താണ് ഒന്നാമത്. മയ്യനാട് (153), നെടുമ്പന (140), കൊറ്റങ്കര (125) , ഇളമ്പള്ളൂര്‍ (109) എന്നിവിടങ്ങളില്‍ പുതുസംരംഭങ്ങള്‍ ആരംഭിച്ച് 104.18 ശതമാനം നേട്ടം കൈവരിക്കാനായി.

കുന്നത്തൂര്‍ മിനി സിവില്‍ സ്റ്റേഷന്‍ ബഹുനിലകെട്ടിടത്തിന്റെ നിര്‍മാണോദ്ഘാനം ഇന്ന് (മാര്‍ച്ച് 16) രാവിലെ 11 ന് ധനകാര്യ മന്ത്രി കെ. എന്‍. ബാലഗോപാല്‍ നിര്‍വഹിക്കും. 11.70 കോടി രൂപ ചിലവഴിച്ചാണ് നിര്‍മാണം. ചടങ്ങില്‍ കോവൂര്‍ കുഞ്ഞുമോന്‍ എം. എല്‍. എ അധ്യക്ഷനാകും. കൊടിക്കുന്നില്‍ സുരേഷ് എം. പി, ജില്ലാ പഞ്ചായത്ത് പ്രസിഡന്റ് ഡോ. പി. കെ. ഗോപന്‍, ജില്ലാ കലക്ടര്‍ എന്‍. ദേവിദാസ്, സബ് കലക്ടര്‍ മുകുന്ദ് ഠാക്കൂര്‍, ബ്ലോക് പഞ്ചായത്ത് പ്രസിഡന്റ് ആര്‍. സുന്ദരേശന്‍, എ. ഡി. എം സി. എസ്. അനില്‍, മറ്റു ജനപ്രതിനിധികള്‍, ഉദ്യോഗസ്ഥര്‍ തുടങ്ങിയവര്‍ പങ്കെടുക്കും.

ലോക്‌സഭ തെരഞ്ഞെടുപ്പിന്റെ ഭാഗമായി സ്ഥാനാര്‍ഥികളുടെ തിരെഞ്ഞെടുപ്പ് ചെലവുകള്‍ നിയന്ത്രിക്കുന്നതിനും നിരീക്ഷിക്കുന്നതിനും പ്രചരണ സാമഗ്രികളുടെ നിരക്കുകള്‍ സംബന്ധിച്ച് തീരുമാനം എടുക്കുന്നതിനുള്ള രാഷ്ട്രീയ പാര്‍ട്ടികളുടെ യോഗം ഇന്ന് ( മാര്‍ച്ച് 16) വൈകിട്ട് അഞ്ചിന് ജില്ലാ കളക്ടറുടെ ചേമ്പറില്‍ ചേരും.

അന്തരീക്ഷത്തിലെ കൊടുംചൂടിനൊപ്പം തിരഞ്ഞെടുപ്പ് ചൂടുംകൂടിയാകവെ കുടിവെള്ളം നല്‍കി തണുപ്പിച്ച് സ്വീപ്. (സിസ്റ്റമാറ്റിക് വോട്ടേഴ്‌സ് എഡ്യുക്കേഷന്‍ ആന്റ് ഇലക്ട്രല്‍ പാര്‍ട്ടിസിപ്പേഷന്‍). വോട്ടുരേഖപ്പെടുത്തണമെന്ന സന്ദേശം പകരാനും തിരഞ്ഞെടുപ്പിന്റെ പ്രാധാന്യം പൊതുജനങ്ങളിലേക്കെത്തിക്കാനുമായിരുന്നു ദാഹജലം നല്‍കിയത്. ചിന്നക്കട ഹെഡ്‌പോസ്റ്റോഫീസിന് സമീപമുള്ള ബസ്‌ബേയില്‍ ശ്രീനാരായണ വനിതാകോളജ് എന്‍. എസ്. എസ് യൂണിറ്റിന്റെ സഹകരണത്തോടെയുള്ള ബോധവത്കരണപരിപാടിയും കുടിവെള്ളവിതരണവും ജില്ലാ കലക്ടര്‍ എന്‍. ദേവിദാസ് ഉദ്ഘാടനം ചെയ്തു.