പനമരം ഇലക്ട്രിക്കല്‍ സെക്ഷനിലെ  ആലുങ്കല്‍താഴെ, കായക്കുന്ന് ട്രാന്‍സ്ഫോര്‍മറുകളില്‍ ഇന്ന് (മാര്‍ച്ച് 19) രാവിലെ ഒന്‍പത് മുതല്‍ വൈകിട്ട് ആറ് വരെ വൈദ്യുതി മുടങ്ങുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.

പുല്‍പ്പള്ളി ഇലക്ട്രിക്കല്‍ സെക്ഷനിലെ 11 കെ.വി  ലൈനില്‍ അറ്റകുറ്റപണി നടക്കുന്നതിനാല്‍ താന്നിത്തെരുവ്, ചെറ്റപ്പാലം, കാപ്പിസെറ്റ്, അമരക്കുനി, അമ്പത്തിയാറ്, ആടിക്കൊല്ലി, തൂപ്ര ഭാഗങ്ങളില്‍ ഇന്ന് (മാര്‍ച്ച് 19) രാവിലെ ഒന്‍പത് മുതല്‍ വൈകിട്ട് അഞ്ച് വരെ വൈദ്യുതി മുടങ്ങുമെന്ന് അസിസ്റ്റന്റ് എഞ്ചിനീയര്‍ അറിയിച്ചു.

ലോക്സഭാ തെരഞ്ഞെടുപ്പുമായി ബന്ധപ്പെട്ട്  നിയോജക മണ്ഡല പരിധിയിലെ പ്രിന്റിങ് സ്ഥാപനങ്ങളില്‍ പ്രചാരണ സാമഗ്രികള്‍ പ്രിന്റ് ചെയ്യാന്‍ ഏല്‍പ്പിക്കുന്നവരില്‍ നിന്നും പ്രിന്റിങ് സ്ഥാപന ഉടമകള്‍, മാനേജര്‍മാര്‍ സത്യവാങ്മൂലം വാങ്ങണമെന്ന് തെരഞ്ഞെടുപ്പ് എക്സ്പെന്‍ഡിച്ചര്‍ മോണിറ്ററിംഗ് സെല്‍ നോഡല്‍ ഓഫീസര്‍ അറിയിച്ചു. നിയോജക മണ്ഡലത്തിലെ സ്ഥാനാര്‍ഥികള്‍,  ഏജന്റുമാര്‍, സ്ഥാനാര്‍ഥികള്‍ക്കായി മറ്റാരെങ്കിലും, രാഷ്ട്രീയപാര്‍ട്ടികള്‍ എന്നിവര്‍ പോസ്റ്റര്‍, ബാനര്‍ മറ്റ് പ്രചാരണ സാമഗ്രികള്‍ പ്രിന്റ് ചെയ്യാന്‍ സമീപിക്കുന്ന പക്ഷം പ്രിന്റിങ് ജോലി ഏല്‍പ്പിക്കുന്നവരില്‍ നിന്നാണ് സത്യവാങ്മൂലം വാങ്ങി സൂക്ഷിക്കേണ്ടത്.

ലോക്സഭാ തെരഞ്ഞെടുപ്പുമായി ബന്ധപ്പെട്ട് നിയോജക മണ്ഡലത്തിലെ സ്ഥാനാര്‍ഥികള്‍, ഏജന്റുമാര്‍, രാഷ്ട്രീയ കക്ഷികള്‍ പരിപാടികള്‍ക്കായി ഓഡിറ്റോറിയം, കമ്മ്യൂണിറ്റി ഹാള്‍ എന്നിവ ബുക്ക് ചെയ്യുന്നത് സംബന്ധിച്ചും പരിപാടിയുടെ തിയതി, സമയ വിവരങ്ങളും കളക്ടറേറ്റിലെ ആസൂത്രണ ഭവനിലെ പഴശ്ശി ഹാളില്‍ പ്രവര്‍ത്തിക്കുന്ന ഹെഡ്ക്വാര്‍ട്ടേഴ്സ് അസിസ്റ്റന്റ്  എക്സ്പെന്‍ഡിച്ചര്‍ ഒബ്സര്‍വറെ അറിയിക്കണം. തെരെഞ്ഞെടുപ്പ് കാലയളവിലുള്ള മറ്റ് ബുക്കിങ് വിവരങ്ങളും അറിയിക്കണം. വീഴ്ച വരുത്തുന്നവര്‍ക്കെതിരെ നിയമ നടപടികള്‍ സ്വീകരിക്കും.

ലോക്‌സഭാ തെരഞ്ഞെടുപ്പുമായി ബന്ധപ്പെട്ട് ജില്ലയില്‍ ഫ്ളയിങ് സ്‌ക്വാഡ്, സ്റ്റാറ്റിക് സര്‍വൈലന്‍സ് ടീം പ്രവര്‍ത്തനമാരംഭിച്ചു. അനധികൃതമായി പണം, മദ്യം, ആയുധങ്ങള്‍, ആഭരണങ്ങള്‍, സമ്മാനം പോലുള്ള മറ്റ്  സാമഗ്രികള്‍ സംബന്ധിച്ച് കര്‍ശന പരിശോധന നടത്തുമെന്ന് തെരഞ്ഞെടുപ്പ് എക്സ്പെന്‍ഡിച്ചര്‍ മോണിറ്ററിംഗ് സെല്‍ നോഡല്‍ ഓഫീസര്‍ അറിയിച്ചു. പൊതുജനങ്ങള്‍ പരിശോധനയില്‍ സഹകരിക്കണമെന്നും 50,000 രൂപയില്‍ കൂടുതല്‍ പണം, മൊത്തമായി കൊണ്ടുപോകുന്ന വസ്ത്രങ്ങള്‍, ആഭരണങ്ങള്‍, മറ്റ് സമഗ്രികള്‍ സംബന്ധിച്ച രേഖകള്‍ യാത്ര സമയത്ത് കൈവശം കരുതണമെന്നും അധികൃതര്‍ അറിയിച്ചു.
 

കൊച്ചി: ലോക ഉപഭോക്തൃ അവകാശ ദിനാചരണവും, ഉപഭോക്തൃ അവകാശങ്ങളെ സംബന്ധിച്ച് സെമിനാറും പൊതുവിതരണ ഉപഭോക്തൃ കാര്യവകുപ്പ്, ജില്ലാ ഉപഭോക്തൃ തർക്ക പരിഹാര കമ്മീഷനുമായി സഹകരിച്ച് 2024 മാർച്ച്‌ 19 ന് എറണാകുളം ഉപഭോക്തൃ തർക്ക പരിഹാര കമ്മീഷനിൽ സംഘടിപ്പിക്കുന്നു.

ഉപഭോക്തൃ അവകാശ ദിനാചരണം, സംസ്ഥാന ഉപഭോക്തൃ തർക്ക പരിഹാര കമ്മീഷൻ അധ്യക്ഷൻ ജസ്റ്റിസ് കെ സുരേന്ദ്രമോഹൻ ഉദ്ഘാടനം ചെയ്യും.

ജില്ലാ കളക്ടര്‍ ഉദ്ഘാടനം നിര്‍വഹിച്ചു

 ലോക്‌സഭാ തിരഞ്ഞെടുപ്പിനോട് അനുബന്ധിച്ച് വോട്ട് രേഖപ്പെടുത്തുന്നതിന്റെ പ്രാധാന്യം പൊതുജങ്ങളിലേക്ക് എത്തിക്കുക എന്ന ലക്ഷ്യത്തോടെ കോളേജ് വിദ്യാര്‍ത്ഥികള്‍ക്കായി പ്രസംഗം മത്സരം സംഘടിപ്പിച്ചു. സ്വീപ്പിന്റെ ( സിസ്റ്റമാറ്റിക് വോട്ടേഴ്‌സ് എജ്യുക്കേഷന്‍ ആന്റ് ഇലക്ട്രല്‍ പാര്‍ട്ടിസിപ്പേഷന്‍ പ്രോഗ്രാം) ഭാഗമായി സംഘടിപ്പിച്ച പരിപാടി ജില്ലാ കളക്ടര്‍ എന്‍.എസ്.കെ ഉമേഷ് ഉദ്ഘാടനം ചെയ്തു.

സ്ഥാനാര്‍ഥികളുടെ വരവ് ചെലവ് കണക്കാക്കുന്നത് സംബന്ധിച്ച പരിശോധനകള്‍ക്കും നിരീക്ഷണത്തിനുമായി നിയോഗിച്ച സ്‌ക്വാഡുകള്‍ക്കുള്ള മോട്ടിവേഷന്‍ ക്ലാസ് കളക്ടറേറ്റ് കോണ്‍ഫറന്‍സ് ഹാളില്‍ ജില്ലാ കളക്ടര്‍ എന്‍.എസ്.കെ. ഉമേഷ് ഉദ്ഘാടനം ചെയ്തു. മൂന്ന് ഫ്‌ളൈയിംഗ് സ്‌ക്വാഡുകള്‍, മൂന്ന് സ്റ്റാറ്റിക് സര്‍വൈലന്‍സ് ടീമുകള്‍, മൂന്ന് വീഡിയോ സര്‍വൈലന്‍സ് ടീമുകള്‍, ഒരു വീഡിയോ വ്യൂവിംഗ് ടീം, ഒരു അക്കൗണ്ടിംഗ് ടീം എന്നിവയാണ് ജില്ലയില്‍ പ്രവര്‍ത്തിക്കുന്നത്. വിവിധ സ്‌ക്വാഡുകളിലായി 2545 ഉദ്യോഗസ്ഥരാണ് ജില്ലയില്‍ പ്രവര്‍ത്തിക്കുന്നത്. 

പൊതുതെരഞ്ഞെടുപ്പ് മാതൃക പെരുമാറ്റച്ചട്ടം നിലവിൽ വന്നതിനാൽ ചൊവ്വാഴ്ച (19) വടക്കൻ പറവൂർ ടൌൺ എംപ്ലോയ്മെൻ്റ് എക്സ്ചേഞ്ച് ഓഫീസിൽ മോഡൽ കരിയർ സെൻ്ററിൻ്റെ അഭിമുഖ്യത്തിൽ നടത്താൻ തീരുമാനിച്ചിരുന്ന "പ്രയുക്തി 2024" തൊഴിൽ മേള മാറ്റി വെച്ചതായി എംപ്ലോയ്മെൻ്റ് ഓഫീസർ അറിയിച്ചു.

2023 ഡിസംബറില്‍ നടത്തിയ കെ-ടെറ്റ് (കേരള ടീച്ചേഴ്സ് എലിജിബിലിറ്റി ടെസ്റ്റ് ഫെബ്രുവരി 2022) പരീക്ഷയില്‍ വിജയിച്ചവരുടെ യോഗ്യത സര്‍ട്ടിഫിക്കറ്റുകളുടെ പരിശോധന താഴെ കൊടുത്തിട്ടള്ള പ്രകാരം രാവിലെ 10.30 മുതല്‍ വൈകിട്ട് നാല് വരെ ജില്ലാവിദ്യാഭ്യാസ ഓഫീസില്‍ നടത്തും.  

കാറ്റഗറി ഒന്ന് മാര്‍ച്ച് 19നും കാറ്റഗറി രണ്ട് 21 നും 23നും കാറ്റഗറി മൂന്ന് 26നും27നും കാറ്റഗറി നാല് 30നും .  

ജില്ലാ വ്യവസായ കേന്ദ്രത്തില്‍ പ്രതിമാസം 2000 കിലോമീറ്റര്‍ ഓടുന്നതിന് ടാക്‌സി വാഹനം ഡ്രൈവര്‍ സഹിതം നല്‍കുന്നതിന് ക്വട്ടേഷന്‍ ക്ഷണിച്ചു. അവസാന തീയതി - മാര്‍ച്ച് 21. ഫോണ്‍ - 0474 2748395. 9188127002.