പത്തനംതിട്ട സ്‌കൂള്‍ ഓഫ് അപ്ലൈഡ് സയന്‍സസില്‍ എംഎസ് സി എംഫില്‍, ഫിഷറീസ് ബയോളജി ആന്‍ഡ് അക്വാകള്‍ച്ചര്‍ കോഴ്‌സുകളില്‍ ഏതാനും സീറ്റുകള്‍ ഒഴിവുണ്ട്. കൂടുതല്‍ വിവരങ്ങള്‍ 04682323957, 9446705344 എന്നീ നമ്പരുകളില്‍ ലഭിക്കും. 
                                          

(പിഎന്‍പി 3010/17)

ബാങ്ക് വായ്പാ കുടിശ്ശിക ഈടാക്കുന്നതിന് കോഴഞ്ചേരി താലൂക്കില്‍ പത്തനംതിട്ട വില്ലേജിലെ വിവിധ തണ്ടപ്പേരുകളില്‍പ്പെട്ട നാല് ഹെക്ടര്‍ 85 ആര്‍ സ്ഥലം ഡിസംബര്‍ എട്ടിന് പകല്‍ 11.30ന് പത്തനംതിട്ട വില്ലേജ് ഓഫീസില്‍ ലേലം ചെയ്യുമെന്ന് റവന്യു റിക്കവറി സ്‌പെഷ്യല്‍ തഹസീല്‍ദാര്‍ അറിയിച്ചു.                             

(പിഎന്‍പി 3009/17)

ജില്ലയിലെ അഞ്ച് ബ്ലോക്കുകളില്‍ രാത്രികാല മൃഗചികിത്സ സേവനം നല്‍കുന്നതിന് കരാര്‍ വ്യവസ്ഥയില്‍ വെറ്ററിനറി സര്‍ജന്‍മാരെ നിയമിക്കുന്നു. പത്തനംതിട്ട മിനി സിവില്‍ സ്റ്റേഷനിലുള്ള ജില്ലാ മൃഗസംരക്ഷണ ഓഫീസില്‍ ഈ മാസം 16ന് രാവിലെ 11നാണ് കൂടിക്കാഴ്ച. താത്പര്യമുള്ള യോഗ്യരായ ഉദ്യോഗാര്‍ഥികള്‍ ബന്ധപ്പെട്ട സര്‍ട്ടിഫിക്കറ്റുകള്‍ സഹിതം കൂടിക്കാഴ്ചയ്ക്ക് ഹാജരാകണം.

കൂടുതല്‍ വിവരങ്ങള്‍ക്ക് ഫോണ്‍: 04682322762. 
                                                

(പിഎന്‍പി 3008/17)

ജനസേവന കേന്ദ്രങ്ങള്‍ക്ക് അനുമതി നല്‍കുമ്പോള്‍ തദ്ദേശ സ്വയംഭരണ സ്ഥാപനങ്ങള്‍ ജാഗ്രത പാലിക്കണമെന്ന് സംസ്ഥാന ഐടി മിഷന്‍ ഡയറക്ടര്‍ ശീറാം സാംബശിവ റാവു അറിയിച്ചു. അംഗീകൃത അക്ഷയ കേന്ദ്രങ്ങളല്ലാതെ ജനസേവന കേന്ദ്രങ്ങളെന്ന പേരില്‍ നിരവധി സ്ഥാപനങ്ങള്‍ പ്രവര്‍ത്തിക്കുന്നതായി ശ്രദ്ധയില്‍പ്പെട്ടിട്ടുണ്ട്.

അക്ഷയകേന്ദ്രങ്ങളിലൂടെ ബന്ധിപ്പിക്കാം
    

കേന്ദ്ര സംസ്ഥാന പദ്ധതിയായ ആം ആദ്മി ബീമാ യോജനയില്‍ നിലവില്‍ രജിസ്റ്റര്‍ ചെയ്തിട്ടുള്ള കുടുംബങ്ങള്‍ക്ക് ആനുകൂല്യങ്ങള്‍ തുടര്‍ന്നും ലഭിക്കുന്നതിന് ആധാര്‍ ബാങ്ക് വിവരങ്ങള്‍ പോളിസികളുമായി ബന്ധിപ്പിക്കണം.

ഇതിനായി ഗുണഭോക്താക്കള്‍ പോളിസി സര്‍ട്ടിഫിക്കറ്റും ബാങ്ക്, ആധാര്‍ വിവരങ്ങളുമായി അടുത്തുള്ള അക്ഷയ കേന്ദ്രങ്ങളെ സമീപിക്കണം. അഞ്ച് രൂപയാണ് ഫീസ്.                             

(പിഎന്‍പി 3006/17)    

കൃഷി വകുപ്പിന്റെ ആഭിമുഖ്യത്തില്‍ മത്സ്യതൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുള്ള തൊഴിലാളികള്‍ക്ക് പരിശീലനം നല്‍കുന്നു. പത്താം ക്ലാസ് പാസായ 20നും 45നും മധ്യേ പ്രായമുള്ളവര്‍ക്കാണ് പരിശീലനം. വിവിധ മത്സ്യബന്ധന രീതികള്‍, മത്സ്യബന്ധന ഉപകരണങ്ങള്‍, സുരക്ഷാ ഉപകരണങ്ങള്‍, നാവിഗേഷന്‍ ആന്‍ഡ് സീമെന്‍ ഷിപ്പ് എന്നീ വിഷയങ്ങളിലാണ് പരിശീലനം.

മല്ലപ്പള്ളി ബ്ലോക്ക് പഞ്ചായത്തിലെ വയോജന ക്ലബ്ബുകളിലേക്ക് സ്‌റ്റെബിലൈസറോടു കൂടിയ 32 ഇഞ്ചിന്റെ 26 എല്‍ഇഡി കളര്‍ ടെലിവിഷനുകള്‍ നല്‍കുന്നതിനുള്ള ടെന്‍ഡര്‍ ക്ഷണിച്ചു. വിശദവിവരം 04692681233 എന്ന നമ്പരില്‍ ലഭിക്കും. 

(പിഎന്‍പി 3004/17)

ജില്ലാ ശിശുക്ഷേമ സമിതിയുടെ ആഭിമുഖ്യത്തില്‍ ഈ മാസം 19ന് രാവിലെ 10 മുതല്‍ പത്തനംതിട്ട ഗവണ്‍മെന്റ് വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ ബാലചിത്രരചനാ മത്സരം നടത്തും. രാവിലെ 9.30ന് രജിസ്‌ട്രേഷന്‍ ആരംഭിക്കും.

പങ്കെടുക്കാന്‍ താത്പര്യമുള്ളവര്‍ കുട്ടികളുടെ ബയോഡേറ്റ സഹിതം ജില്ലാ ശിശുക്ഷേമ സമിതി, എഡിസി ജനറല്‍ ഓഫീസ്, മൂന്നാം നില, കളക്ടറേറ്റ്, പത്തനംതിട്ട എന്ന വിലാസത്തില്‍ ഈ മാസം 15ന് മുമ്പ് അപേക്ഷ സമര്‍പ്പിക്കണം. മത്സരദിവസവും രജിസ്റ്റര്‍ ചെയ്യുന്നതിന് സൗകര്യമുണ്ട്. ഈ ദിവസം രജിസ്റ്റര്‍ ചെയ്യാന്‍ സ്‌കൂളിലെ പ്രഥമാധ്യാപകന്റെ കത്തുമായി എത്തണം.

ജില്ലാ ശിശുക്ഷേമ സമിതി ഈ മാസം നാലിന് പത്തനംതിട്ടയില്‍ വിദ്യാര്‍ഥികള്‍ക്ക് വേണ്ടി നടത്തിയ വിവിധ മത്സരങ്ങളിലെ വിജയികളെ പ്രഖ്യാപിച്ചു. മലയാളം പ്രസംഗ മത്സരത്തില്‍ യുപി വിഭാഗത്തില്‍ ഒന്നാം സ്ഥാനം നേടിയ മര്‍ത്തോമ ഹയര്‍ സെക്കന്‍ഡറി സ്‌കൂളിലെ ഹെവന്‍ലി കോശി ടോമിനെ ശിശുദിനാഘോഷങ്ങളുമായി ബന്ധപ്പെട്ട പരിപാടികളില്‍ കുട്ടികളുടെ സ്പീക്കറായി തെരഞ്ഞെടുത്തു. എല്‍പി വിഭാഗം മലയാളം പ്രസംഗ മത്സരത്തില്‍ ഒന്നാം സ്ഥാനം നേടിയ പുല്ലാട് ഗവണ്‍മെന്റ് ന്യൂ എല്‍പി സ്‌കൂളിലെ ആര്‍.കൃഷ്ണപ്രിയയെ കുട്ടികളുടെ പ്രധാനമന്ത്രിയായി തെരഞ്ഞെടുത്തു. 

ജില്ലാ മെഡിക്കല്‍ ആഫീസിന്റെ (ഹോമിയോ) ആവശ്യത്തിലേക്ക് 6+1 സീറ്റിംഗ് സൗകര്യമുള്ള ടാക്‌സി വാഹനങ്ങള്‍ ഡ്രൈവര്‍ സഹിതം മാസ വാടകയ്ക്ക് ആവശ്യമുണ്ട്. ആറ് വര്‍ഷത്തില്‍ കൂടുതല്‍ പഴക്കമുള്ള വാഹനങ്ങള്‍ പരിഗണിക്കില്ല.

പ്രതിമാസം 1000 കിലോമീറ്റര്‍ ഓടുന്നതിനുള്ള നിരക്ക് ക്വട്ടേഷനില്‍ കാണിച്ചിരിക്കണം. ക്വട്ടേഷനുകള്‍ ഈ മാസം 17ന് വൈകിട്ട് മൂന്നിന് മുമ്പ് അടൂര്‍ റവന്യു ടവറില്‍ പ്രവര്‍ത്തിക്കുന്ന ജില്ലാ മെഡിക്കല്‍ ഓഫീസില്‍ ലഭിക്കണം.                                         

(പിഎന്‍പി 3001/17)