മങ്കട സാമൂഹികാരോഗ്യകേന്ദ്രത്തിലെ ലാബിലേക്ക് ദിവസ വേതനാടിസ്ഥാനത്തിൽ ലാബ് ടെക്‌നിഷ്യനെ നിയമിക്കുന്നു. ഗവ. അംഗീകൃത ഡി.എം.എല്‍.ടി/ ബി.എസ്.സി എം.എല്‍.ടിയും കേരള പാരാമെഡിക്കല്‍ കൗണ്‍സില്‍ രജിസ്ട്രേഷനുമാണ് യോഗ്യത.  താൽപര്യമുള്ള ഉദ്യോഗാർഥികൾ അസ്സൽ സർട്ടിഫിക്കറ്റുകളും അവയുടെ പകർപ്പുകളും പ്രവൃത്തി പരിചയ സർട്ടിഫിക്കറ്റും സഹിതം ജൂണ്‍ 28 രാവിലെ 10.30 ന്  സാമൂഹികാരോഗ്യകേന്ദ്രത്തിൽ നടക്കുന്ന കൂടിക്കാഴ്ചയ്ക്ക് ഹാജരാവണം. കൂടുതല്‍ വിവരങ്ങള്‍ക്ക് ഫോണ്‍:  04933 239217.

കുടുംബശ്രീ മലപ്പുറം ജില്ലാ മിഷന് കീഴിലെ സംരംഭക മേഖലയിലെ പ്രവര്‍ത്തനങ്ങള്‍ കൂടുതല്‍ ഊര്‍ജ്ജസ്വലമാക്കുന്നതിനായി മൈക്രോ എന്റര്‍പ്രൈസസ് കണ്‍സള്‍ട്ടന്റുമാരെ (എം.ഇ.സി)  തിരഞ്ഞെടുക്കുന്നു. തവനൂര്‍, മാറാക്കര ,ആതവനാട്,  എടയൂര്‍, വെട്ടം, തൃപ്പങ്ങോട്, മംഗലം, ചെറിയമുണ്ടം, നിറമരുതൂര്‍, ഒഴുര്‍,പൊന്മുണ്ടം,പെരുമണ്ണക്ലാരി, വളവന്നൂര്‍, എടരിക്കോട്, തെന്നല, പൊന്മള, ഒതുക്കുങ്ങല്‍, തിരൂര്‍ എന്നീ സി.ഡി.എസുകളിലാണ് ഒഴിവുകള്‍ ഉള്ളത്. അപേക്ഷകര്‍ കുടുംബശ്രീ അംഗമോ, ഓക്‌സിലറി ഗ്രൂപ്പ് അംഗമോ ആയിരിക്കണം. ബിരുദധാരികളും  കമ്പ്യൂട്ടര്‍ പരിജ്ഞാനവുമുള്ളവരായിരിക്കണം. പ്രായം 22 നും 40 നും മധ്യേ.

കേരള മദ്രസ്സാധ്യാപക ക്ഷേമനിധി ബോർഡിൽ നിന്നും 2023 ഡിസംബർ 31 വരെ പെൻഷൻ അനുവദിച്ച ഗുണഭോക്താക്കൾ ജൂണ്‍ 25 മുതല്‍ ആഗസ്റ്റ് 25 വരെയുള്ള കാലയളവിനുള്ളിൽ അക്ഷയ കേന്ദ്രങ്ങൾ മുഖേന ബയോമെട്രിക് മസ്റ്ററിങ് നടത്തണം. ലൈഫ് സർട്ടിഫിക്കറ്റ് ഹാജരാക്കിയവരും മസ്റ്ററിങ് ചെയ്യേണ്ടതാണെന്ന് ചീഫ് എക്സിക്യുട്ടീവ് ഓഫീസര്‍ അറിയിച്ചു. കൂടുതല്‍ വിവരങ്ങള്‍ക്ക് ഫോണ്‍: 0495 2966577, 9188230577.

അരീക്കോട് ഗവ. ഐ.ടി.ഐ ഇൻസ്റ്റിറ്റ്യൂട്ട് മാനേജ്‌മെന്റ് കമ്മിറ്റിയുടെ ആഭിമുഖ്യത്തിൽ എസ്.എസ്.എല്‍.സി/ പ്ലസ്ടു യോഗ്യതയുള്ളവർക്കായി തൊഴിലധിഷ്ഠിത പ്ലേസ്‌മെന്റ് സപ്പോർട്ടോടു കൂടിയ എയർ കാർഗോ ഷിപ്പിങ് ആൻഡ് ലോജിസ്റ്റിക് മാനേജ്‌മെൻറ് കോഴ്സിന്  പ്രവേശനം ആരംഭിച്ചു. കൂടുതല്‍ വിവരങ്ങള്‍ക്ക് ഫോൺ: 85900 82853

എസ്.എസ്.എൽ.സി/സി.ബി.എസ്.ഇ/ഐ.സി.എസ്.ഇ പരീക്ഷകളിലും, പ്ലസ് ടു പരീക്ഷയിലും എല്ലാ വിഷയങ്ങൾക്കും എ പ്ലസ്/ എ വൺ നേടി ഉന്നത വിജയം കരസ്ഥമാക്കിയ  വിമുക്തഭടന്മാരുടെ  മക്കൾക്ക് ക്യാഷ് അവാർഡ് നൽകുന്നു. https://serviceonline.gov.in എന്ന പോര്‍ട്ടല്‍ വഴി ഓൺലൈനായി  ആഗസ്റ്റ് 31 ന് മുമ്പ് അപേക്ഷ സമർപ്പിക്കണം.  കൂടുതല്‍ വിവരങ്ങള്‍ മലപ്പുറം ജില്ലാ സൈനികക്ഷേമ ഓഫീസില്‍ ലഭിക്കും.  ഫോൺ : 0483-2734932.

എം.എല്‍.എയുടെ പ്രാദേശിക വികസന നിധിയിലുള്‍പ്പെടുത്തി താനൂര്‍ നിയോജക മണ്ഡല പരിധിയിലെ വിദ്യാലയങ്ങൾക്കും പബ്ലിക് ലൈബ്രറികൾക്കും പുസ്തകങ്ങള്‍ വിതരണം ചെയ്യുന്നതിന്റെ ഉദ്ഘാടനം ഇന്ന് (ജൂണ്‍ 22) നടക്കും. രാവിലെ 10 മണിക്ക് താനൂരിലെ ക്യാമ്പ് ഓഫീസ് പരിസരത്ത് ന്യൂനപക്ഷ കായിക വഖഫ് വകുപ്പ് മന്ത്രി വി. അബ്ദുറഹിമാന്‍ പുസ്തക വിതരണം ഉദ്ഘാടനം ചെയ്യും. ചടങ്ങില്‍ താനാളൂര്‍ ഗ്രാമപഞ്ചായത്ത് പ്രസിഡന്റ് കെ.എം മല്ലിക ടീച്ചര്‍ അധ്യക്ഷത വഹിക്കും

കേന്ദ്ര വാര്‍ത്താ വിതരണ പ്രക്ഷേപണ മന്ത്രാലയത്തിനു കീഴിലുള്ള പാലക്കാട്‌ സെന്‍ട്രല്‍ ബ്യൂറോ ഓഫ്‌ കമ്യൂണിക്കേഷന്‍ തിരൂരങ്ങാടിയില്‍ സംഘടിപ്പിച്ച അന്താരാഷ്ട്ര യോഗാദിന പരിപാടികള്‍ തിരൂരങ്ങാടി ബ്ലോക്ക്‌ പഞ്ചായത്ത്‌ പ്രസിഡന്റ്‌ കെ ടി സാജിത ഉദ്‌ഘാടനം ചെയ്‌തു. വൈസ്‌ പ്രസിഡന്റ്‌ ഒടിയില്‍ പീച്ചു അധ്യക്ഷത വഹിച്ചു. സ്റ്റാന്റിങ്‌ കമ്മിറ്റി ചെയര്‍പേഴ്‌സന്‍മാരായ ഫൗസിയ, ബിന്ദു, ബ്ലോക്ക്‌ പഞ്ചായത്ത്‌ അംഗം റംല, സിഡിപിഒ എം ജയശ്രീ തുടങ്ങിയവര്‍ സംസാരിച്ചു.

പ്രവാസിസംരംഭകർക്കായി നോർക്ക ബിസിനസ്സ് ഫെസിലേറ്റഷൻ സെന്ററിന്റെ (എന്‍.ബി.എഫ്.സി)  ആഭിമുഖ്യത്തിൽ  സംഘടിപ്പിക്കുന്ന ഏകദിന സംരംഭകത്വ ശില്‍പശാല നാളെ (ജൂണ്‍ 22) പൊന്നാനി റൗബ റസിഡന്‍സിയില്‍ നടക്കും. ശില്‍പശാലയുടെ ഉദ്ഘാടനം രാവിലെ 09.30 ന് പി.നന്ദകുമാര്‍ എം.എല്‍.എ നിര്‍വഹിക്കും. ചടങ്ങില്‍ നോര്‍ക്ക റൂട്ട്സ് റസിഡന്റ് വൈസ് ചെയര്‍മാന്‍ പി. ശ്രീരാമകൃഷ്ണന്‍ അധ്യക്ഷത വഹിക്കും. പൊന്നാനി മുന്‍സിപ്പല്‍ ചെയര്‍മാന്‍ ശിവദാസന്‍ ആറ്റുപുറത്ത് മുഖ്യപ്രഭാഷണം നിര്‍വ്വഹിക്കും. ചടങ്ങില്‍ നോര്‍ക്ക റൂട്ട്സ് സി.ഇ.ഒ അജിത് കോളശ്ശേരി സ്വാഗതവും കോഴിക്കോട് സെന്റര്‍ർ മാനേജര്‍ സി. രവീന്ദ്രന്‍ നന്ദിയും അറിയിക്കും.

പുഴക്കാട്ടിരി ഗവ. ഐ.ടി.ഐയിലെ ഇലക്ട്രീഷ്യന്‍, സിവില്‍ ട്രേഡുകളിലേക്ക് പരിശീലന ആവശ്യത്തിനുള്ള സാധനങ്ങള്‍ വിതരണം ചെയ്യുന്നതിന് സ്ഥാപനങ്ങള്‍/ താല്‍പര്യമുള്ള വ്യക്തികളില്‍ നിന്നും ദര്‍ഘാസ് ക്ഷണിച്ചു. ജൂലൈ രണ്ടിന് വൈകീട്ട് അഞ്ചു മണി വരെ ദര്‍ഘാസ് സ്വീകരിക്കും. പ്രിന്‍സിപ്പല്‍, ഗവ. ഐ.ടി.ഐ പുഴക്കാട്ടിരി, കടുങ്ങപുരം പി.ഒ 679321 എന്ന വിലാസത്തിലാണ് ദര്‍ഘാസ് അയക്കേണ്ടത്. കൂടുതല്‍ വിവരങ്ങള്‍ക്ക് ഫോണ്‍: 0493 3254088.

മങ്കട സിഎച്ച്.സിയുടെ  പഴയ കെട്ടിടങ്ങൾ പൊളിച്ച് നീക്കുന്നതിനായി വ്യക്തികള്‍/ കരാറുകാര്‍ എന്നിവരില്‍ നിന്ന് ക്വട്ടേഷനുകൾ ക്ഷണിച്ചു. ജൂണ്‍ 27 രാവിലെ 10.30 വരെ സി.എച്ച്.എസി ഓഫീസില്‍ ക്വട്ടേഷന്‍ സ്വീകരിക്കും. അന്നേദിവസം ഉച്ചയ്ക്ക് 12.30 ന് ക്വട്ടേഷന്‍ തുറക്കും. ക്വട്ടേഷൻ തുറക്കുന്നതിന് മുമ്പായി പൊതു ലേലം ഉണ്ടായിരിക്കും. ലേലത്തിന് ശേഷം നേരത്തെ ലഭ്യമായ ക്വട്ടേഷൻ തുറന്നു പരിശോധിക്കുകയും ഇതിൽ ലേലം/ക്വട്ടേഷനിൽ ഏറ്റവും കൂടുതൽ വന്ന തുകക്ക് പ്രവൃത്തി താത്കാലികമായി ഉറപ്പിക്കുകയും ചെയ്യും. കൂടുതല്‍ വിവരങ്ങള്‍ ഓഫീസില്‍ നിന്നും ലഭിക്കും.