സാങ്കേതിക വിദ്യാഭ്യാസ വകുപ്പിന്റെ നേതൃത്വത്തിൽ സംഘടിപ്പിക്കുന്ന ഇൻഡസ്ട്രിയൽ കോൺക്ലേവായ, ഉദ്യമ 24ന്റെ നടത്തിപ്പുമായി ബന്ധപ്പെട്ട് വിവിധ പ്രവർത്തികൾ ചെയ്യുന്നതിന് പരിചയ സമ്പന്നരായ കരാറുകാരിൽ നിന്ന് പ്രൊപ്പോസൽ ക്ഷണിച്ചു.

തൊഴിലവസരങ്ങൾ കൂടുതലുള്ള തൊഴിൽമേഖലകളിൽ ആവശ്യമുള്ള നൈപുണ്യ പരിശീലനം നൽകി കൂടുതൽ പേർക്ക് തൊഴിൽ നൽകുക എന്നതാണ് സംസ്ഥാന സർക്കാർ നിലപാടെന്ന് പൊതുവിദ്യാഭ്യാസ തൊഴിൽ വകുപ്പ് മന്ത്രി വി ശിവൻ കുട്ടി പറഞ്ഞു.

        സംസ്ഥാനത്തെ പ്രൊഫഷണൽ ഡിഗ്രി കോഴ്സുകളിലെ 2024-25 അധ്യയന വർഷത്തെ പ്രവേശനത്തിനായി നിശ്ചിത സമയത്തിനകം പ്രവേശന പരീക്ഷാ കമ്മീഷണർക്ക് ഓൺലൈൻ അപേക്ഷയോടൊപ്പം എൻ.ആർ.ഐ മൈനോറിറ്റി കാറ്റഗറി ക്ലെയിമുകൾ സമർപ്പിക്കാൻ കഴിയാതിരുന്ന വിദ്യാർഥികൾക്ക് പുതുതായി പ്രസ്തുത ക്ലെയിമുകൾ കൂട്ടിച്ചേർക്കുന്നതിനുള്ള അവസരം ജൂൺ 24 വൈകുന്നേരം ആറ് മണി വരെ ലഭിക്കും.

പ്രവാസിസംരംഭകർക്കായി നോർക്ക ബിസിനസ്സ് ഫെസിലേറ്റഷൻ സെന്ററിന്റെ (എന്‍.ബി.എഫ്.സി)  ആഭിമുഖ്യത്തിൽ  സംഘടിപ്പിക്കുന്ന ഏകദിന സംരംഭകത്വ ശില്‍പശാല ജൂണ്‍ 24 ന് നിലമ്പൂര്‍ സർവീസ് കോ-ഓപ്പറേറ്റീവ് ബാങ്ക് ഓഡിറ്റോറിയത്തിൽ നടക്കും. രാവിലെ 9.30 ന് നഗരസഭാ ചെയർമാൻ മാട്ടുമ്മൽ സലീം  ശില്‍പശാല ഉദ്ഘാടനം ചെയ്യും. ചടങ്ങില്‍ നോര്‍ക്ക റൂട്ട്സ് റസിഡന്റ് വൈസ് ചെയര്‍മാന്‍ പി. ശ്രീരാമകൃഷ്ണന്‍ അധ്യക്ഷത വഹിക്കും. പങ്കെടുക്കാൻ താല്പര്യമുള്ളവർ  എന്‍.ബി.എഫ്.സിയിൽ  ഇമെയിൽ/ ഫോൺ മുഖാന്തിരം  പേര് രജിസ്റ്റർ ചെയ്യണം.

മലപ്പുറം ജില്ലാ വ്യവസായ കേന്ദ്രത്തിന്റെ കീഴിൽ മഞ്ചേരി, പയ്യനാട് ഉള്ള ഫങ്ണൽ ഇൻഡസ്ട്രിയൽ എസ്റ്റേറ്റിൽ സംരംഭങ്ങൾ ആരംഭിക്കുവാൻ താല്പര്യമുള്ളവരിൽ നിന്നും അപേക്ഷ ക്ഷണിച്ചു. റബ്ബർ അധിഷ്ഠിത പദ്ധതികൾക്കാണ് മുൻഗണന. വ്യവസായ സംരംഭം തുടങ്ങുന്നതിന് ആവശ്യമായ അടിസ്ഥാന സൗകര്യങ്ങൾ ലഭ്യമായിട്ടുള്ള പയ്യനാട് വ്യവസായ എസ്റ്റേറ്റിൽ നിലവിൽ ഒഴിവുള്ളതും ഭാവിയിൽ ഒഴിവ് വരുവാൻ സാധ്യത ഉള്ളതുമായ പ്ലോട്ടുകൾ ഹയർ പർച്ചേസ് വ്യവസ്ഥയിൽ അനുവദിക്കുന്നതിനാണ് അപേക്ഷകൾ ക്ഷണിച്ചിട്ടുള്ളത്.

കോഴിക്കോട് അന്താരാഷ്ട്ര വിമാനത്താവളത്തിലെ സി.ഐ.എസ്.എഫ് യൂണിറ്റ്, മലപ്പുറം നെഹ്‌റു യുവ കേന്ദ്ര, കൊണ്ടോട്ടി ഇ.എം.ഇ.എ കോളേജിലെ എൻ.എസ്.എസ്, എൻ.സി.സി യൂണിറ്റുകൾ എന്നിവയുടെ  സംയുക്താഭിമുഖ്യത്തിൽ കൊണ്ടോട്ടി ഇ.എം.ഇ.എ കോളേജിൽ വച്ച് അന്താരാഷ്‌ട്ര യോഗ ദിനാഘോഷം സംഘടിപ്പിച്ചു. സി.ഐ.എസ്.എഫ് കമാൻഡന്റ് പി.കെ വിശ്വകർമ്മ യോഗ സെഷന് നേതൃത്വം നൽകി. ചടങ്ങിൽ നെഹ്‌റു യുവ കേന്ദ്ര ജില്ലാ യൂത്ത് ഓഫീസർ ഉണ്ണിക്കൃഷ്ണൻ, ഇ.എം.ഇ.എ കോളേജ് പ്രിൻസിപ്പൽ ഡോ. എം റിയാദ്, എൻ.സി.സി ഓഫീസർ പ്രൊഫ. അബ്ദുൾ റഷീദ്, എൻ.എസ്.എസ് പ്രോഗ്രാം ഓഫീസർ മുനവർ ജാസിം എന്നിവർ സംസാരിച്ചു.

മലപ്പുറം താലൂക്ക് ആശുപത്രിയില്‍ താല്‍ക്കാലിക അടിസ്ഥാനത്തില്‍ സ്റ്റാഫ് നഴ്സിനെ നിയമിക്കുന്നു. ഗവ. അംഗീകൃത ജി.എന്‍.എം/ ബി.എസ്.സി നഴ്സിങ്, നഴ്സിങ് കൗണ്‍സില്‍ രജിസ്ട്രേഷന്‍ എന്നിവയാണ് യോഗ്യത. യോഗ്യരായ അപേക്ഷകര്‍ക്കായി ജൂണ്‍ 27 ന് രാവിലെ 11 മണിക്ക് ആശുപത്രി സൂപ്രണ്ട് ഓഫീസില്‍  വെച്ച്  കൂടിക്കാഴ്ച നടത്തും. യോഗ്യരായ ഉദ്യോഗാര്‍ഥികള്‍ അസ്സല്‍ സര്‍ട്ടിഫിക്കറ്റുകളും സ്വയം സാക്ഷ്യപ്പെടുത്തിയ പകര്‍പ്പുകളും സഹിതം ഹാജരാവണം. കൂടുതല്‍ വിവരങ്ങള്‍ക്ക് ഫോണ്‍: 0483 2734866.

മങ്കട ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ ഹോട്ടൽ മാനേജ്മന്റ്, ബുക്ക് കീപ്പിങ്, കമ്പ്യൂട്ടര്‍ വിഷയങ്ങള്‍ പഠിപ്പിക്കുവാനായി താത്കാലിക അധ്യാപകരെ നിയമിക്കുന്നു. മണിക്കൂർ അടിസ്ഥാനത്തിലാണ് വേതനം.  അംഗീകൃത ഹോട്ടൽ മാനേജ്‌മൻ്റ് ഡിഗ്രി / ഡിപ്ലോമയും പ്രവൃത്തി പരിചയവുമാണ് ഹോട്ടല്‍ മാനേജ്മെന്റ് അധ്യാപക തസ്തികയുടെ യോഗ്യത. ജൂണ്‍ 26 രാവിലെ 10 ന് ഓഫീസില്‍ വെച്ച് കൂടിക്കാഴ്ച നടത്തും.  കൂടുതല്‍ വിവരങ്ങള്‍ക്ക് ഫോൺ : 04933 295733

പെരിന്തൽമണ്ണ ഗവ.പോളിടെക്നിക് കോളേജിൽ ഇലക്ട്രോണിക്സ‌് എഞ്ചിനീയറിങ് വിഭാഗത്തില്‍ ലക്ചറര്‍ തസ്തികയിലേക്ക് താത്കാലിക നിയമനം നടത്തുന്നു.  ബന്ധപ്പെട്ട എഞ്ചിനീയറിങ് ശാഖയിൽ ഒന്നാം ക്ലാസ്സോടെ ബി. ടെക് ബിരുദം / എം. ടെക് ബിരുദമാണ് യോഗ്യത. ജൂണ്‍ 25 ന് രാവിലെ 10 ഓഫീസില്‍ വെച്ച് കൂടിക്കാഴ്ച നടക്കും.  യോഗ്യതയുള്ള ഉദ്യോഗാർഥികൾ അസൽ സർട്ടിഫിക്കറ്റുകളും, സാക്ഷ്യപ്പെടുത്തിയ പകർപ്പുകളും സഹിതം ഹാജരാവണം. കൂടുതല്‍ വിവരങ്ങള്‍ക്ക് ഫോണ്‍: 04933 227523.

പുതുപറമ്പില്‍ പ്രവര്‍ത്തിക്കുന്ന കോട്ടയ്ക്കല്‍ ഗവ. വനിതാ പോളിടെക്നിക് കോളേജിലെ കമ്പ്യൂട്ടർ അപ്ലിക്കേഷന്‍ ആന്റ് ബിസിനസ് മാനേജ്മെന്റ് ബ്രാഞ്ചില്‍ ട്രേഡ്സ്മാൻ ഇന്‍ കമ്പ്യൂട്ടർ തസ്തികയിലേക്ക് താത്കാലിക നിയമനം നടത്തുന്നു. ഐ.ടി.ഐ/ ടി.എച്ച്.എസ്.എല്‍.സി/ വി.എച്ച്.എസ്.ഇ/ കെ.ജി.സി.ഇ ആണ് യോഗ്യത. ജൂണ്‍ 25 ന് രാവിലെ 10 ന് അഭിമുഖം നടക്കും.  കൂടുതൽ വിവരങ്ങള്‍ക്ക് ഫോണ്‍: 0483 2750790.