ആലപ്പുഴ: മാവേലിക്കര ഐ.സി.ഡി.എസ്. പ്രൊജക്ട് ഓഫീസിലെ ആവശ്യത്തിലേക്ക് കാര്‍/ജീപ്പ് (എ.സി) പ്രതിമാസ വാടകയ്ക്ക് നല്‍കുന്നതിന് ടെണ്ടര്‍ ക്ഷണിച്ചു.  ടെണ്ടറുകള്‍ ജൂലൈ 10 ന് ഉച്ചയ്ക്ക് 12 വരെ സ്വീകരിക്കും.  അന്നേ ദിവസം 12.30 ന് ടെണ്ടര്‍ തുറക്കും.

ആലപ്പുഴ: കളര്‍കോട് പ്രവര്‍ത്തിക്കുന്ന ആത്മ പ്രൊജക് ഡയറക്ടറുടെ ഔദേ്യാഗിക ആവശ്യങ്ങള്‍ക്കായി 1500 സി.സി.യില്‍ കുറയാത്ത അഞ്ച് പേര്‍ക്ക് സഞ്ചരിക്കാവുന്ന അഞ്ച് വര്‍ഷത്തില്‍ കുറഞ്ഞ പഴക്കമുള്ള എസി. ജീപ്പ്/കാര്‍ വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു.  ക്വട്ടേഷന്‍ ജൂലൈ 8 ന് രാവിലെ 11 വരെ പ്രൊജക്ട് ഡയറക്ടര്‍, ആത്മ, സനാതനപുരം.പി.ഒ, ആലപ്പുഴ 688003 എന്ന വിലാസത്തില്‍ നല്‍കണം.  ഫോണ്‍ 0477 2962961, 9383471983.

ആലപ്പുഴ: കായംകുളം ഗവ.ഐ.ടി.ഐ.യില്‍ എന്‍.സി.വി.ടി. അംഗീകാരമുള്ള മെട്രിക് ട്രേഡുകളിലേക്ക് പ്രവേശനത്തിനായി https://itiadmissions.kerala.gov.in എന്ന പോര്‍ട്ടല്‍ മുഖേന അപേക്ഷിക്കാം.  പ്രായപരിധി ബാധകമല്ല.  ഓണ്‍ലൈനായി അപേക്ഷ സമര്‍പ്പിച്ചതിനു ശേഷം ലഭിക്കുന്ന പ്രിന്റ് ഔട്ട് അസല്‍ രേഖകളുമായി തൊട്ടടുത്തുള്ള ഗവ.ഐ.ടി.ഐ.യില്‍ എത്തി വെരിഫിക്കേഷന്‍ പൂര്‍ത്തിയാക്കണം.  ഡ്രാഫ്റ്റ്‌സ്മാന്‍ സിവില്‍ (രണ്ട് വര്‍ഷം) കമ്പ്യൂട്ടര്‍ ഓപ്പറേറ്റര്‍ ആന്റ് പ്രോഗ്രാമിംഗ് അസിസ്റ്റന്റ് (ഒരു വര്‍ഷം) എന്നിവയാണ് ട്രേഡുകള്‍.  അപേക്ഷ ഫീസ് 100 രൂപ അവസാന തീയതി ജൂണ്‍ 29.  ഫോണ്‍ 0479 2442900.

പട്ടികജാതി പട്ടികവര്‍ഗക്കാര്‍ അടക്കമുള്ള പാര്‍ശ്വവത്കരിക്കപ്പെട്ട വിഭാഗങ്ങളോട് സഹാനുഭൂതിയോടെയുള്ള സമീപനം ആവശ്യമാണെന്ന് സംസ്ഥാന പട്ടികജാതി പട്ടികഗോത്രവർഗ കമ്മീഷന്‍ ചെയര്‍മാന്‍ ശേഖരന്‍ മിനിയോടന്‍. ഫയലുകളും പരാതികളും തീര്‍പ്പാക്കുന്നതില്‍ ഉദ്യോഗസ്ഥര്‍ താഴെ തട്ടില്‍ കാണിക്കുന്ന  അശ്രദ്ധയും അലംഭാവവുമാണ് കമ്മീഷനില്‍ കേസുകള്‍ കൂടാന്‍ കാരണമാവുന്നതെന്നും അദ്ദേഹം പറഞ്ഞു. മലപ്പുറം ജില്ലാ ആസൂത്രണ സമിതി കോണ്‍ഫ്രന്‍സ് ഹാളില്‍ ആരംഭിച്ച പട്ടികജാതി പട്ടികഗോത്ര വര്‍ഗ കമ്മീഷന്‍ അദാലത്തില്‍ സംസാരിക്കുകയായിരുന്നു അദ്ദേഹം.

ആലപ്പുഴ: ജില്ലാ ടി.ബി.കേന്ദ്രം സംസ്ഥാന എയ്ഡ്സ് നിയന്ത്രണ സൊസൈറ്റിയുടെ സഹകരണത്തോടെ ജില്ലയിൽ നടപ്പാക്കുന്ന ഐ.ഡി.യു. പ്രൊജക്ടിലേക്ക് പാർട്ട് ടൈം മെഡിക്കൽ ഓഫീസറെ നിയമിക്കുന്നു.  ശമ്പളം 20000 രൂപ.  അപേക്ഷ alappuzhaidu@gmail.com എന്ന വിലാസത്തിൽ സമർപ്പിക്കണം.  അവസാന തീയതി ജൂൺ 30.  പ്രായപരിധി 60 വയസ്.  ഫോൺ 7293988923.

ഐ.എച്ച്.ആര്‍.ഡിയുടെ വളാഞ്ചേരി,തിരൂര്‍ സെന്ററുകളില്‍ ജൂലൈയില്‍  ആരംഭിക്കുന്ന പി.ജി.ഡി.സി.എ (യോഗ്യതഃ ബിരുദം), ഡി.സി.എ (യോഗ്യതഃ പ്ലസ്ടു), ഡാറ്റാ എന്‍ട്രി ആന്റ് ഓഫീസ് ഓട്ടോമേഷന്‍ (യോഗ്യതഃ എസ്.എസ്.എല്‍.സി) കോഴ്സുകളില്‍ പ്രവേശനത്തിന് അപേക്ഷ ക്ഷണിച്ചു. പട്ടികജാതി/പട്ടികവര്‍ഗ്ഗ/ഒ.ബി.സി വിഭാഗം വിദ്യാര്‍ത്ഥികള്‍ക്ക് ഫീസില്ലാതെ പഠിക്കാവുന്നതും സ്റ്റെപ്പന്റ് ലഭിക്കുന്നതുമാണ്. വിശദ വിവരങ്ങള്‍ക്ക് ഫോണ്‍- വളാഞ്ചേരി: 0494 2646303, തിരൂര്‍: 0494 2423599.

ആലപ്പുഴ: ജില്ലാ വ്യവസായ കേന്ദ്രത്തിന്റെ ആഭിമുഖ്യത്തിൽ ഇൻസ്റ്റിറ്റ്യൂട്ട് ഓഫ് ചാർട്ടേർഡ് അക്കൗണ്ടൻസ് ഓഫ് ഇന്ത്യയുമായി ചേർന്ന് സംരംഭകർക്കായി മാസത്തിൽ നടത്തുന്ന ഹെൽപ് ഡെസ്‌ക് ജൂൺ 29 ന് ആലപ്പുഴ കൈതവനയിലുള്ള ഇൻസ്റ്റിറ്റ്യൂട്ട് ഓഫ് ചാർട്ടേർഡ് അക്കൗണ്ടൻസ് ഓഫ് ഇന്ത്യയുടെ ഓഫീസിൽ രാവിലെ 10 മുതൽ ഉച്ചയ്ക്ക് ഒന്ന് വരെ നടക്കും.  സംരംഭകർക്ക് അക്കൗണ്ട്സ്, ഫിനാൻസ്, ഓഡിറ്റ് സംബന്ധമായ സേവനങ്ങൾ സൗജന്യമായി ലഭിക്കും.  ഫോൺ 0477 2241272.