നീലഗിരി വരയാടുകളുടെ പ്രജനനകാലമായതിനാല്‍ ജനുവരി 21 മുതല്‍ മാര്‍ച്ച് 21 വരെ ഇരവികുളം ദേശീയോദ്യാനത്തില്‍ സന്ദര്‍ശകര്‍ക്ക് പ്രവേശനം നിരോധിച്ചതായി ചീഫ് വൈല്‍ഡ്‌ലൈഫ് വാര്‍ഡന്‍ സുരേന്ദ്രകുമാര്‍ അറിയിച്ചു.

       വിവിധ  സേവനങ്ങള്‍ക്കും ആവശ്യങ്ങള്‍ക്കും കൈ കുഞ്ഞുങ്ങളുമായി കളക്ട്രേറ്റിലെത്തുന്ന അമ്മമാര്‍ക്കായി തുറന്ന  മുലയൂട്ടല്‍  കേന്ദ്രത്തില്‍ തൊട്ടില്‍ കുടി വേണമെന്ന് ആരോഗ്യ മന്ത്രി കെ. കെ. ഷൈലജ. മുറിയുടെ വലുപ്പം കൂട്ടണമെന്നും വാഷ്‌ബേസിന്‍ കൂടി  ഒരുക്കണമെന്നും   മുലയൂട്ടല്‍ കേന്ദ്രത്തിന്റെ ഉദ്ഘാടനം നിര്‍വ്വഹിച്ച മന്ത്രി നിര്‍ദേശിച്ചു.

    ആരോഗ്യമേഖലയില്‍ വിപ്ലവകരമായ പുരോഗതി സാധ്യമാക്കുതിന് സംസ്ഥാന സര്‍ക്കാരിന് കഴിഞ്ഞിട്ടുള്ളതായി ആരോഗ്യ-സാമൂഹ്യനീതി വകുപ്പു മന്ത്രി കെ.കെ.ഷൈലജ പറഞ്ഞു. 46 ലക്ഷം രൂപ ചെലവഴിച്ച് കുമരകം പഞ്ചായത്തില്‍ നിര്‍മ്മാണം പൂര്‍ത്തീകരിച്ച ഹോമിയോ-ആയുര്‍വ്വേദാശുപത്രി കെട്ടിട സമുച്ചയത്തിന്റെ ഉദ്ഘാടനം നിര്‍വ്വഹിച്ച് സംസാരിക്കുകയായിരുന്നു മന്ത്രി. സര്‍ക്കാര്‍ അധികാരത്തിലേറുന്ന സമയത്ത് ആയിരത്തിന് 12 ആയിരുന്ന ശിശുമരണ നിരക്ക് ഇപ്പോള്‍ പത്തായി കുറയ്ക്കാനായി.

മലമ്പുഴ ജവഹര്‍ നവോദയ വിദ്യാലയ 31-ാം വാര്‍ഷികാഘോഷം ജനുവരി ഏഴ് വൈകീട്ട് നാലിന് നടക്കും. ജലവിഭവ വകുപ്പ് മന്ത്രി കെ.കൃഷ്ണന്‍കുട്ടി മുഖ്യാതിഥിയാവുന്ന പരിപാടിയില്‍ ജില്ലാ കലക്ടര്‍ ഡി.ബാലമുരളി അധ്യക്ഷനാവും. വിവിധ മേഖലകളില്‍ നേട്ടങ്ങള്‍ കൈവരിച്ച വിദ്യാര്‍ഥികള്‍ക്കുള്ള ട്രോഫികളും സര്‍ട്ടിഫിക്കറ്റുകളും വിതരണം ചെയ്യും.

ജില്ലയില്‍ 2018 ഒക്ടോബറില്‍ നടത്തിയ കെ-ടെറ്റ് പരീക്ഷയില്‍ വിജയിച്ചവരുടെ സര്‍ട്ടിഫിക്കറ്റ് പരിശോധന ജനുവരി ഏഴ് മുതല്‍ ഒരാഴ്ച്ച രാവിലെ 10.30ന് ജില്ലാ വിദ്യാഭ്യാസ ഓഫീസില്‍ നടക്കും. പരീക്ഷാര്‍ഥികള്‍ ഹാള്‍ടിക്കറ്റും മാര്‍ക്ക് ലിസ്റ്റുകളും പരീക്ഷാ ഫലവും ഇവയുടെ സ്വയം സാക്ഷ്യപ്പെടുത്തിയ പകര്‍പ്പുകളും സംവരണാനുകൂല്യമുള്ളവര്‍ ജാതി സര്‍ട്ടിഫിക്കറ്റുമായി എത്തണമെന്ന് ജില്ലാ വിദ്യാഭ്യാസ ഓഫീസര്‍ അറിയിച്ചു.